品嚐雞煲火鍋 (已結業)

服務好好,野食都好出色,不過個油炸鬼就差小小, 如果可以再脆少少就好食啦🥰雞煲個汁都好好味, 唔會太鹹啱啱好 ,十分 juicy, 值得推介，地點唔難搵， 喺嘉頓附近行一條街就到食物：❤❤❤❤服務：❤❤❤❤衛生：❤❤❤

份量少F餐，唔知E餐(雞煲)會唔會好啲呢！基本上唔會即時同你講冇海鮮餐事先要預訂(我唔係叫海鮮刺身果d，要預訂係正常）佢一開波幫你洗哂碗碟之後先講，咁你走既話好似好老尷咁！所以你唔好係OpenRice 訂枱，直接打電話訂啦，同埋講食ABCD餐(內有海鮮)，如果你訂左，去到都會無既話走人啦！

老佛爺鬼打咁鐘意食火鍋，就試呢間喇，貪佢任君選擇，豐廉由人，地方寬敞，招呼不錯。佢set的套餐不錯，適合不同人事，有些愛海鮮又得，愛肉肉肉又得，簡單火鍋配料又得。鍋底可湯底或粥底，加88元有麻辣雞煲。另見佢有牛什鍋，蕃茄坑腩鍋等，有機會試吓，今次叫了麻辣雞煲，配海鮮B餐。個餐本身包一海鮮盤和肥牛及黑毛豬，另選八款火鍋料，不包飲品，另叫了一榨竹䉀芧根和大大杯凍檸茶。雞煲好野味，小辣辣度剛好，但略為咸了點，海鮮盤蝦，蟹，蟶子，鮑魚好新鮮甜美，蠔就急凍的，一般般。食完雞煲可加湯做火鍋湯底，或換作粥底也可，我們選了前者。（後悔冇改粥底，一定好鮮甜，經海鮮滾過）。八款配料都好新鮮，尤為墨丸好正，夠Q彈，但雞子就麻麻，雪藏野，好大雪藏味，肥牛豚肉夠肉味，但略肥。飲品茅根清熱解渴，大大杯檸茶夠份量。埋單2人544元，人均約270元，又雞煲，又海鮮，又粥底鍋（不過我地冇轉），都還可以，如簡單火鍋相信會化算些。

一品荃灣眾安街老店未發圍我已經開始食，佢其他分店就真係無眾安街咁好，我好鐘意佢既奇妙麻辣味，如果你都係咁上下口味既話咁呢間就啱哂你喇。呢間味道同一品系列的好類近，都係有麻辣和奇妙雞煲既風味。我個人認為真係好好味~~先講隻雞既大細，係雞仔嚟既，因為雞仔所以都會比較嫩，所以如果你嫌人地細隻都要講下道理。大隻雞就真係無咁滑。兩個人食一隻我認為好OK。啤酒汽水價錢合理，其他火鍋食品都新鮮唔差。唯一缺點就係地理位置，行路比較難搵，揸車附近又唔知泊邊度好。不過見佢生意都真係麻麻地，所以特意寫下食評希望佢唔好咁快執笠啦。唉，搵到又要比人加租，搵唔到又經營唔到落去，香港食肆，加油呀！

高CP...行完黃金去食選擇套餐就有八款海鮮八種配料飲品單叫 定價不貴$200內有找加$68有雞煲職員態度有禮貌食得很開心附近選擇不多的有這間選擇真的很不錯Good recommendedGood taste

其實係2月去食，但依家先打份食評當晚係平日既9點半左右，因為仲算冬天 想食d雞煲火鍋既野係openrice搵到係附近又新開 於是去試可能都夜 入面只有一枱3人客人於是我2人坐卡位，點左半隻品嚐雞煲雞煲一上枱已聞到好香滾一滾後食 雞好香滑新鮮 味道夠濃 但略嫌不夠辣於是叫左2杯野飲凍檸茶同龍鳳檸樂雖然冬天 不過食住雞煲始終會焗但杯入面既冰亦實在又大又多檸茶影響不大，但可樂好快就冇乜氣同淡左另外嗌左豬潤，脆鯇魚骨腩，牛柏葉同油麥菜豬潤不薄不厚 大大塊的 份量都算多 食落爽口彈牙魚腩新鮮 ，牛柏葉都係大大塊同多整體都好好食材料都新鮮寫食評時見到有新推出套餐都好似幾抵 可以再去試～

每人大約220蚊，有海鮮（新鮮及洗得乾淨），雞煲，仲有好多野食，大大份，包羅萬有，真係抵食，唔太熱，因為有開冷氣。佢地個火鍋套餐好好，份量剛剛好，唔會做大徙鬼，值得一讚！

話說有日去深水埗搵食，食飽之後路經呢間舖，$188包你成7種海鮮，雙眼立即發光，另配8種配料，另有豬牛，雜菜菇盆，平到咁，好就約朋友吹下水試一下。先講冷氣，真心越食越熱，點解做打邊爐生意呢啲錢都慳，舖外仲涼啲，佢地話剛開舖，心諗依家80年代咩，依家啲冷氣開10分鐘乜都涼，初時真係想走人，但附近想食都冇位，就比個機會佢。。。部冷氣，結果2個人食我叫咗4支大啤酒，1杯大檸梳打。我地叫咗個雞煲+98，冇雞味，雞係滑嘅，但個醬汁係幾咸下，越食越咸，其實我地係叫麻辣，中辣多麻，食得唔爽。海鮮蟹，鮮甜蝦，爽口彈牙，但其中有兩隻普通帶子，差，鞋口，完全冇甜味，怪怪的，我lur咗出口蚌，一般，都係冇甜味蟶子，非常一般般蠔，可以，有4隻，但有2隻係中間位好似界開咗咁，咁就係失敗位，淥蠔會因為咁而流失蠔味，而且會有鞋口感覺*貝類海鮮全部唔得，應該處理不太好*牛，沒食豬，還可以配料中規中矩，沒有出色位，最差係嚮鈴，應改名叫淋鈴。全晚最精采 ——— 菜拼盆，好新鮮我本來冇打算寫食評，但我腸胃咁好，我第二日痾咗3次。。。我懷疑貝類唔新鮮所致我唔比負評，係真心比面裡面服待我地個姐姐，好有禮貌，好有心，又成日幫我地

見到佢新開張，無人排隊，又係屋企附近，諗住去試下，點知一試，都幾驚喜！佢有湯底同雞煲揀，雞煲都有幾個款式，叫左個普通雞煲，又幾好味，encore時發現而家仲有海鮮餐，粥底火鍋，每位188起，非常抵食！

前兩晚試咗佢既牛雜雞煲，好正，好野味，食完啲雞再加湯打邊爐，叫咗啲海鮮，手切肥牛果啲，好新鮮，超鐘意果個白鱔片，用黎打邊爐原來超正😋😋而且員工個服務態度又好好哦，上菜又快個環境又好乾淨👍👍一定會再去品嚐😋

同friend去深水埗見呢間新開既 就抱著試一試既心態進去其實一開始係俾中國風既裝修風格有所吸引...覺得環境好似唔錯睇餐牌時 我覺得佢地既價錢好似比其他雞煲既平D 心唸唔通又中伏？估唔到！出乎意料既係味道完全符合我既口味 我叫既係普通既品嚐雞煲 唔會太咸（老實講食雞煲最怕太咸）重點係！佢地D嘢好新鮮 聽佢地講D丸係自己手打既 確實好有彈性D肉都好新鮮 份量都足夠 環境亦乾淨最後老闆仲送左野飲比我地 好好人講咪個價錢 我地五個人食左六百幾（食到飽果隻）真係算好抵 總體來講 係值得去［品嚐］既！