品潮軒 (已結業)

這家潮州菜就在家樓下～超級方便！畢竟是潮州特產，想要做得真正好吃還是很難得！而這家潮州菜就好正宗啦！畢竟老闆都是潮州人來的！服務很棒，服務員很熱情。環境夠寬闊，看起來很乾淨很衛生。水瓜落 $98好吃😋比起蠔仔落個人更加喜歡水瓜落，比較爽口更健康！椒鹽九肚魚 $98炸得來感覺又不會太熱氣，剛剛好！北菇燉花膠湯 $118潮州人吃飯怎麼可以沒有湯呢！ 松子炒白蝦仁 $118最喜歡的一道菜😆我可以吃一盤！ 推薦據說很多明星都會來食架！可能有機會撞到tim！

門口有代客泊車，$50蚊唔洗煩👍🏻雖則話潮州嘢唔係剩係得滷味，但係我哋一嚟就叫咗個滷味鵝肝先原來鵝肝用滷味嘅煮法教咁好食，又滑又香口，重唔油膩。跟住就試隻隻凍蟹，係好鮮甜厚肉既，但真係太貴啦，$50一両..呢隻蟹食左800蚊呀椒鹽九肚魚我覺得幾酥脆，不過有人就覺得唔夠厚肉食唔到滑滑既魚肉，咁所以就睇個人口味啦。圖係已經俾人食咗幾件，所以少左d。跟住有個芋泥鴨同芋泥帶子。芋泥超好食，外面炸得香脆入面又綿滑，不過就搶左鴨同帶子既味道。帶子尚算食到既。石榴雞都好好食，都係第一次食呢個菜式，一試愛上。最後個潮州粥就唔算好出色，只係唔想叫白飯咁普通而點既。一行7人，有啲菜式可以按件數咁點，人性化😂如果唔係叫咗凍蟹嘅話，大概＄200一位，食都好飽👍🏻

一家人母親節食飯， 叫了10個菜，比想像中差， 胡椒豬肚湯有"壓"味，胡椒味不夠，飲了一口便喝不下了， 蠔餅有沙，蠔仔粥賣相ok, 但都有沙， 炸豆腐一點味都没有， 只有鵝片最好食， 可能由於母親節比較迫和噪，没有下次了，

今天晚上和朋友去這潮州菜館，地方比較少而且來的多是熟客最好先訂好位。因為有點咳，點了燉檸檬鴨湯非常好喝。煎馬頭魚不錯推介，還有水瓜落雖然材料不值錢但手工製作非常繁複值得一試;但那個潮州翅有點咸了！今天最糟糕的事情是洗手間沒有水衝廁，非常骯髒請盡快解決問題！

～～我哋兩老好鍾意食大大隻涷花蟹，兩斤至少就最好，想翻起都會即刻流口水！但係要揾到閒時都有幾隻巨型花蟹、掛喺度等人叫嘅潮州酒家，我諗都唔會有好多間。不過，咁大隻嘅蟹，始終都係一個 pricey dish，酒家都唔會大量入貨，有機會食倒都係緣份嚟㗎。最近喺『品潮軒』就好好彩可以嘆到一隻近乎完美嘅涷花蟹，二斤多，興奮兼滿足！太座仲得米，𡁻哂兩隻大蟹拑！佢開心，我開心啦！跟住老闆「Dee 哥」仲介紹咗我哋試咗佢哋嘅「酥炸荔芋帶子盒」，我哋食蟹食到咁上下，厨房先開始炸，出到嚟熱辣鬆脆，帶子又鮮嫩多汁，滿分！當晚『品潮軒』雖然滿座，但係招乎一啲都唔馬虎，非常體貼。真係不枉我哋長途跋涉走過嚟九龍城！如果大家都喜歡食大涷蟹，仲可以去『尚興』同『新光』，但係價錢都會比『品潮軒』價啲。至於同區嘅『創發』就⋯⋯個 dining experience 完全唔得，學我個死黨話齋：「洗多多錢，都唔開心！」

食咗呢間餐廳都有幾年時間之前嘅位置冇咁偏僻而家搬咗去新地址佢嘅時候都比較唔方便但美食當前冇辦法提議會揸車比較容易去 現場會有代客泊車去之前最好訂定位我去呢度食每次都會叫炸墨魚卷同蠔卷做法好特別炸蠔卷一件一隻蠔不過佢以前嘅做法比較好食以前係一隻隻細嘅蠔仔炸墨魚丸非常彈牙而且點潮州傳統嘅醬油吉油更能帶出當中嘅鮮味叫咗個檸檬鴨湯味道超特別好似飲緊鹹柑桔呢個絕對係古老做法飲完非常開胃但係味道真係偏酸唔係個個都接受得到

星期日，同家人一共九個人嚟食團年飯，嚟過六、七次，次次都好滿意，係D枱迫D，好在D客人…都斯文，好多…一家大細，帶埋老人家嚟。有訂枱，冇叫套餐，冇失望，大家都食得開心，食物質素可以比美佳寧娜，價錢公道，次次都坐無虛席，所以，訂枱穩陣。今次，想食得清D，都好味！

老闆話請食飯，記得佢介紹過呢間，所以提議去呢度。位置幾偏僻，喺富豪東方後面，無車都幾唔方便，午飯時間唔多人，唔使訂座都有位。侍應除咗問你飲乜嘢茶，亦會送上功夫茶，呢度嘅功夫茶無出面咁苦。老闆拍板，除咗指定嘅鵝片，仲叫咗水瓜烙，鯇魚粥，聖瓜魚鰾，豆腐肉片。鵝片同其他潮州餐館差不多，水瓜烙煎得香而不膩，一個人可以食三件，最欣賞鯇魚粥，加咗方魚好香口，鯇魚亦完全去骨，食得放心。聖瓜魚鰾個魚鰾唔太煙un，但聖瓜好爽。豆腐肉片比較咸香，個豆腐仲好食過鹵水豆腐。本來想食反沙芋，但太飽食唔落。整體水準唔錯。

之前聽開新城電台--金漆招牌 介紹品潮軒潮州菜，一路想去試一試。奈何近排都無咩機會去，前晚終於集齊兵馬七大一細🙈到埠之後覺得地方都幾舒適乾淨，以九龍城計都算豪華裝修聽到電台介紹有個豪華版：珍珠蠔烙，都想試下，點知無預無得食不過當晚點的菜式確沒令我失望有相為證，為食者勿錯過阿

經好友推介到訪九龍城出名潮州菜館品潮軒，是晚適逢星期六全場爆棚，好在我們一行9人bk咗一個貴賓房。老友話唔熟好難訂房。頭盤手撕凍龍蝦，鮮甜無比。鹵水盆也非常好味，特別系個鵝肝。食完鹵水就上：金鯉蝦，生蠔卷，髪菜卷，灌章，這四款炸物系第度未見過此店最出名系魚翅，我們當然也不會錯過，揀咗個家鄉菜汁翅，味道濃中帶淸，D翅粗過芽菜😋其他Dee老闆幫我們安排咗幾款招牌小菜，食埋甜品--蔗糖返沙芋條，忍唔住想講句：太幸福了😂

品潮軒是我喜歡的食肆之一，因每次都選一些清淡的菜式，加上一碗潮州粥，晚飯食完都覺得很舒服，沒有吃得過飽或口乾的感覺。海皇瑤柱羹很足料，蝦肉爽脆，海參軟滑，湯羮的湯底鮮美，不錯的選擇！拼盤有蝦棗和蟹棗，川椒帶子和海蜇，帶子份量略嫌少了點，而海蜇就油膩點了！這個魚蛋煲保持水準，魚蛋鮮味彈牙，個湯清鮮！蝦球爽口彈牙，少辣，好味總體而言，這𥚃的食物是食潮州菜的一個不錯的選擇！

我地一行12人book了大枱 又老人家又大肚婆 book了19:00 我地大約18:55已到 一路等到19:15 追問下個staff 先爆賣錯枱俾其他客！再等到19:30 又掉轉講野屈我地遲到！所以俾左張枱人真係火都黎 佢地訂枱又唔對電話 俾人搏懵坐左已經唔啱 最衰仲可以屈返我地轉頭！大佬 有代客泊車記錄 睇下有冇遲！一係好似澳牛咁冇得book都沒咁嬲 咁既安排仲衰過有得book!!

這間正宗潮州菜坐落於九龍城沙蒲道，裝潢ok,新舖比以前寛闊，也較亁淨。它有幾款潮州菜式做的滿好，必食它的潮州鹹鳮醃得到家，夠大隻又有鳮味。蠔仔粥蠔仔適中且多，所以粥夠甜。炸墨魚卷，墨魚夠彈牙，㚈皮夠脆。炸蠔卷外形像春卷一樣，但裏面包著的是蠔肉，別有風味，記得此道菜要上枱即食，不然皮便很快變軟不夠脆了。甜點有綠豆爽，綠豆很多，淸爽而不太甜。核桃茶是即叫即磨，鮮核桃味夠濃。最後是雙面黃麪，煎得金黃脆脆的，加糖或醋都同樣好食

早前慶祝爸爸生日全家人去咗九龍城品潮軒食潮州菜，因為我地係潮州人。所有菜式味道都不過不失，未至於話好好味，但因為酒家格局，所以坐得較爲舒服寬敞。如果要食潮州菜，個人認為上環尚興還是比較出色。是晚咁多道菜中，蠔餅都算幾好，粉唔算好厚，蠔仔都足料，最後仲encore左，總共叫左兩碟㖭! 另外，胡椒豬肚湯都ok，胡椒味適中，唔算好辣，都易入口，豬肚唔腥。環境氣氛： ★★★☆☆食物質素： ★★★★☆服務態度： ★★★☆☆

上星期五和朋友一行11人去食飯慶祝生日，食物質素尚算OK，但有一件事情令我們非常不愉快。話說我們自己帶酒去飲，到尾聲時其中一人手拿既紅酒杯杯腳突然斷左，強調係無任何撞擊過，這時店員過來看見，竟然叫我們賠$50，我地當場打左個突。個杯唔係我地打爛既，可能之前有裂痕我地唔知，就算真係我地唔小心打爛，我真係未曾試過有店係會叫賠既。最後因為朋友生日，我地無據理力爭，賠錢了事。$50換來係呢間店食最後既晚餐。