品越越式料理 (康怡廣場北座)

營業中

休息中

叫左香茅雞扒豬扒飯，飯轉左做河粉。比起之前，今次啲河粉幼左同滑左，比之前好味，但係個湯底就冇咩味。雞扒同豬扒就做得比河粉好，雞皮炸得幾脆 ，食落都有啲肉汁。整體來說，都算不過不失。

午餐時段點了雞絲扎肉湯河及豬扒雞扒飯。 湯河格局上看似越式，實質是港式湯河，個湯同早餐火腿通粉無異，雞絲又乾又韌，扎肉就比得塊半（切開一半就有三塊啦）。豬扒雞扒有香茅味都夠香口，比湯河好食。埋單大概$170，午餐黎講都算貴，味道絕對不合格。 太古城都有好多餐廳，有人會話呢個價位已經算平，現場都見到有好多人幫襯，但今次食完好失望最主要係因為用左越式做包裝，你話香港要食到似樣的越南野，都真係唔難搵，如果想sell平不如做茶餐廳。

下班後回康怡吃飯，康怡廣場不大，但餐廳選擇都不少，當然，下班後覓食必需得夠早，否則很多餐廳很快就滿座。之前比較少光顧品越，但今天經過時見二人餐也挺不錯，選擇也頗多，於是決定今晚就在這裡開飯。二人餐可選一款主菜，一款小食，一款飯麵，包飲料及甜品。小食：牙車快牙車快，即是越南風味的沙律，有椰菜絲、雞絲、生菜、海蜇等等，還加入了香葉，十分清新開胃。我特別喜歡吃爽脆的海蜇。主菜：香茅燒豬仔骨（伴香橙汁）配鮮菠蘿沙律豬仔骨燒得不錯，非常入味，肉質鬆化，配上香橙汁，酸酸甜甜，減少了豬仔骨的油膩，而且份量也不少。菠蘿沙律則普普通通。飯麵：香芒軟殼蟹炒飯大大隻原隻軟殼蟹炸的香脆，還有些蟹膏，非常可口。炒飯也加入了蟹肉，調味不多，口味較淡，不過跟伴碟的醃蘿蔔絲一起吃都不錯。甜品有椰汁千層糕，不會太甜，適合我！

2019年2月1日。晴。太古。獨自食有個好處，就係通常都唔洗等位，呵呵～～當午飯時間呢間餐廳外面排咗成十人之際，撳完飛都未睇完個menu就有位喇～坐低認真睇咗menu就決定好食咩喇～河內生牛肉湯河粉，$68湯頭鮮甜，配料好多！有勁多生洋蔥，所以食落有少少辣口牛肉有四五塊，肉色粉紅鮮嫩，浸咗一陣再食唔會變韌變嚡口河粉都幾多下，不過食到尾就碎晒，要用羹食跟餐咖啡，無需加錢又幾香濃喎～埋單計埋加一$75

於openrice網上訂枱, 不用等候之餘仲有openrice專享二人餐menu可選擇. 講起set menu, 佢有3人餐, 都幾窩心. 下次3人朋友聚會再來. 為左個蟹肉湯, 我地(2人)揀左openrice menu. $298有沙律, 湯, 小食拼盤, 兩個粉飯, 飲品及甜品, 非常之抵食. $298 有咁多野食, 諗住個沙律同湯會細份, 點知食完沙律, 小食拼盤同個湯已經差唔多飽. 如果3個女仔黎, 可以3個人食呢個2人餐都夠飽. 粉飯沙律小食正常水準冇特別. 蟹肉湯就比較出色. 蟹肉湯有兩大粒蟹丸, 軟硬適中, 沒有油膩感覺, 好食!  當我以為食完蟹丸係淨飲湯的時候, 發現個湯有好多蟹肉!!! 蟹肉也是有咬口, 爽的, 不會煲到林曬.  我覺得我地成餐飯最叻就係叫左蟹肉湯! 食物以外, 想讚下服務態度: 有耐性, 斯文, 有禮. 

今日去咗太古探朋友， 因為夜晚有嘢做，食飯時間比較尷尬，所以我哋選擇咗食一個豐富嘅下午茶代替晚餐 朋友話品越嘅下午茶去到五點半，而且都唔錯，於是我哋就嚟咗一試下午茶選擇都幾豐富， 而且好多選擇都相當吸引， 朋友推介嘅係豬頸肉，湯檬同埋一啲湯粉麵類， 炒粉麵飯都唔錯。 如果想多人share仲可以揀小食拼盤。我要咗個河內生牛肉湯河湯河配有一碟辣椒同青檸，香葉聞得岀好新鮮，非常濃味。生牛肉我半生熟咁食，好嫩好淋，好易食，而且有牛嘅肉味， 即使浸到全熟先食，都一啲都唔靱，係好食的配熱飲一杯，55蚊埋單，份量足夠當晚餐食，非常ok

每次工作完後 想找個安靜的地方吃飯通常都會到康怡廣場但如果要找一家有位置的餐廳 品越通常都是go to place 東西是不想非常好吃但品質還是穩定的有事外出吃飯只想找一個不太差的餐廳 可以安安靜靜位置舒適今次已經是第n次光顧品越 侍應每次都很貼心會問需要熱水還是冷水 小小的舉動已經令顧客覺得很貼心今天很想吃軟殼蟹 沒想到百多元的軟殼蟹配蒜蓉包竟然有這麼多材料在裏面通常都是配菜多但軟殼蟹的份量竟然更多 基本上這道菜是吃不完的燒菠蘿必點的生牛肉湯河還有這個滴漏咖啡覺得舒服簡單一餐就可以了

約了朋友到這裏下午茶。 下午茶套餐包配一杯熱飲 (可加錢轉凍飲或特色飲品)。 我們便點了兩份套餐, 均配熱咖啡。 河内生牛肉湯河粉 : 碗内有生牛肉片丶河粉丶九層塔丶洋蔥和葱粒。 隨附另一小碟, 內有半個青檸和幾粒辣椒段, 由客人自行决定是否加入湯内。 湯底頗香, 嘗到微香辣味。 河粉滑, 亦較薄身。 牛肉片雖不夠滑, 但有牛肉味。 品越小食拼盤 : 迷你春卷丶雞全翼丶素菜米紙卷。 這拼盤內的小食味道是可以的, 春卷和雞翼送上時還是熱的。 我尤其喜歡的是素菜米紙卷, 清新口感。 餐飲 : 熱咖啡雖然質感算厚, 但咖啡味道較淡。註 : 服務質素不錯。 職員明白我們會分享食物, 在送上食物時, 會主動呈上碟子和碗

今日一行三人係平日嘅晚餐時間嚟食，不過時間已經係八點半，基本上八點半打後食晚餐嘅人已經大幅減少，但好奇怪安排入座嘅時候竟然都仲要搭枱一齊坐，明明仲有其他位點解唔可以安排得好d呢？搭完枱其實已經好迫啲食物會唔夠位放。雖然最後分開左坐，但係呢個安排係好唔恰當，呢樣嘢係要改善呢個係佢嘅生牛肉湯河，食越南野都會有嘅一個粉面，就係將一塊塊生牛肉簿片擺上去河粉度再淋滾嘅湯底上去令到啲牛肉啱啱熟，咁食落牛肉就會好嫩滑。佢個賣相都幾好嘅，呢度嘅牛肉都有牛味但係就唔滑而且有d韌，食落普普通通既牛肉片，個湯少少偏咸， 整體還可以啦

星期日lunnch，今日想轉吓口味，嚟呢間。等1分鐘，就可以入坐。坐底見有海南雞飯，即叫。小弟對海南雞飯，情有獨鍾，食過很多(只是很多，不是全部)港九新界出名嘅海南雞飯。君悅酒店嘅都食過，到美心mx都會食。唔理平貴。見到餐牌有，多數叫。一上碟，好似ok。飯有味，但太油。雞ok，但只有極少雞油溶後再結精嘅jelly喺雞皮下面。雞肉一般。一句講哂，唔值，遲吓金記喺佢留下開門，同樣價錢有湯有嘢飲，重好食過佢，包佢玩完。

一家三人行都食越南野😍呢個拼盤已經食過無數次，真係超正。個肉好有口感，加左d一粒粒大粒d既肉係上面。鳳爪好入味，酸酸地辣辣地，加埋蔬菜一流。個春卷夠熱又夠脆，魚餅好有魚味，而個米卷又夠fresh!總之超級好評！呢個菠蘿抄飯又係好食！唔太油，飯粒粒分明，份量夠夠。入面加左少少蔬菜、蝦、同尤魚，所以食落去個味好豐富。其實仲有食豬扒撈檬不過太肚餓，唔記得左影XD個豬扒夠大，加埋檬粉唔太heavy好食！個日唔知點解送糖水😆總括黎講佢份量夠，三個人share一個飯、粉、拼盤已經好夠。

奶油包一家基本上星期日都係去太古行街每次要諗食咩都有D煩因為好多野都食過而且好多時都係食過OK既就會繼續幫襯今次奶油包決定走出comfort zone去試一試新野其實『品越越式料理』已經開左好耐但因為次次都見到好多人等位所以就未試過唔好講咁多廢話睇下奶油包一家食左咩先門口個lunch menu已經見到好多野食選擇店面都幾fashion店內環境真心覺得唔錯好光猛之餘有D位置仲係sofa位野食方面奶油包叫左個生牛肉湯河份量....真係覺得唔少好似食極仲有而味道方面牛肉都幾新鮮湯唔會太咸係俾既青檸乾左少少冇汁...奶油包媽媽叫左個雞絲扎肉湯河媽媽話份量冇我個生牛肉咁多而個味好似一般不過以一個lunch set先$68嚟講其實算好抵食奶油包爸爸叫左個咖哩牛腩飯呢個就真心係唔夠一個男人食份量唔算足而且唔夠多肉仲有好似辣左少少奶油包爸爸食完覺得未夠飽可能『品越越式料理』平日既顧客係OL多所以份量係比較少

上星期慶祝呀媽生日 揀左食越菜OpenRice book會有個二人set半價咁我地一行四人就叫左依個餐再加少少野食上菜既速度係超級快！個set 有沙津 拼盤 比目魚 蕃茄湯 菠蘿炒飯 另外叫多左個炒河同米卷 個餐包兩杯野飲既 咁我地叫左兩杯椰汁 仲叫多左三色冰同芒果冰都幾好飲野食黎講 大致都幾好味 最出色係個米卷同比目魚 反而個湯就一般四個人咁食 其實係超級飽 有d後悔叫多左個河粉埋單先600幾 幾抵食整體感覺唔錯 只係上菜速度過快 好快就成檯都係野 唔夠位放 服務態度好好 都好有禮貌 係經理惡左d 呼喝d細既

I ordered three original phos with friends, the soup base was surprsingly good. however, the beef were too pinkish and the soup was not hot enough to make the beef become fully done which worried us a bit. the service was pretty nice too.

今日下晝剛剛上openrice睇到品越嘅二人網上訂坐可享套餐半價，即刻book咗當晚7:30pm同媽媽吃一餐。套餐價錢只需要$310另加一，就吃到多款食品，沙律頭盤，小吃拼盤，熱湯，主菜，飯或麵，兩杯飲品，另外最後甜品。簡直抵食同埋兩個女仕食唔哂最後要打包。自己都係附近住嘅居民，見到呢啲優惠已經好surprise。呢個優惠好似至到10月底，可以考慮再來一次。要先網上訂枱才可以享受呢個半價，大家不妨試試。