品越越式料理 (康怡廣場北座)

營業中

休息中

開左個account好多年都未寫過，實在忍吾住。叫左個牛油雞翼係冇牛油味，咖哩軟殼蟹冇咖哩味，薄餅好粉，牛肉河一出係暖嘅，滴漏㗎啡好‘希‘。。。其餘全部好一般!已經吾想再寫落去!

manager do not know how to handle the customer and the order have being waiting for 30 + minutes of food. The other customer arrive the same time already finish the dish and mine still on hold.

一心諗住book枱就唔使等位，去到問門口個服務員幾時有位，門口個服務員態度係勁差，佢話等陣先啦等陣先啦，但我眼見聽見，佢係先給排隊人先同自己朋友先，跟住睇唔過眼再問多佢多一次我等咗半個鐘啊咁我係咪應該book八點半唔係book八點呀，好啦佢話下張枱到我，咁好啦，等多一陣無所謂，到我地啦，門口服務員居然比張4人枱我地，我地5個人比4人枱，點坐呀，依間餐廳幾好食都沒有用，因為服務員態度勁差不會再去食。

Weekday去,不用排隊就可以試到,實在太好了。😝😝😝環境乾淨,侍應服務爽快,我們二人同行, 叫了雜菜咖喱煲,越式炒飯,軟殼蟹米紙卷三道菜。可能本人不喜歡太硬的菜,偏偏咖喱煲內極多芥蘭和椰菜,硬了點兒0咖喱吃到最后亦變了氺,非常稀。法包亦不乾身、冇味及硬,應該要換個供應商 ………😬😬😬至於越式炒飯有驚喜,味道香,咸香味,略帶辣,夠鍋氣 。米紙卷也不錯,軟殻蟹與蔬菜份量均稱,米紙夠薄,味道清新,不油膩。 😋😋😋

今日去太古城行街, 經過呢間食越南野的, 就試左個下午茶下午茶選擇多但偏貴, 叫左個比較大路的生牛肉河等的時間唔耐都OK到菜式黎到, 湯底偏淡, 河粉鬆散牛肉都食到肉味, 不過都係偏淋唔un奶茶就OK茶味濃, 同區內比既略有特色...不過整體都係偏淡, 如果同其他越南菜比, 呢個價錢就未必滿足到我不過不失埋單原來要加一...總結都要50幾60蚊...(餐廳環境ok乾淨, 唯一美中不足係店員個個西餐面, 搞到冇咩mood食野, 可能太古區要求高吧)

最近午餐時間去左呢間鋪頭，食左半個鐘已經有人自動印定張單擺喺你面前方便你埋單，但其實出面冇人等緊位同埋仲有空枱。當日叫左個炸蝦餅湯檬，店員話大概需要等15-20分鐘。30分鐘就印定張單比我未免有啲高估我嘅用膳速度。建議各位可以去一趟，同店員鬥吓快！

豬加雞扒，實在是太多肉太惡了。豬同雞，個雞皮幾脆唔油膩，又幾好吃，因為但越式甜汁令到肉好似無咁滯。但飯量剛剛好，但有菜先平衡呀，但幾條條4季豆真係唔健康。中午要收加一，包飲品，要了咖啡但好苦，加幾多包糖都去唔到陣苦味，勉強飲了兩口算了。比較貴，性價比不足，加一後要成7十幾蚊一個lunch

午餐時間 性價比高既選擇唔多 今次試過呢道鮮茄蟹肉丸湯檬，一來試得得返係越南食過既味道，二來用料十足 一梳梳蟹肉 絕不欺場！不單有蟹肉 更加有扎肉 肉丸，湯底的蟹味極濃郁，蕃茄再有提鮮作用！午市套餐更包括一杯熱飲

這間品越我諗喺香港都有好多分店。 只從樓上嗰間越南嘢都執埋粒嘅時候,太古城越南菜都冇乜選擇 下午茶又想食啲越南嘢我入去試下啦。門面擺滿曬餐牌款式非常之多 ,而且下午茶都有大優惠。下午茶好似樣樣都好食不過我諗住下試下個個包先。光管下午茶仲可以用優惠價換取傳銷或者其他嘅小食。粵式羊腩煲 之後想試下我聽日下午茶有機會下次呀夜晚一定嚟試下。由於佢話個法包係即叫即焗需要等五至十分鐘都冇所謂啦下午茶你慢慢享受啦慢慢等我都冇都可以。這個法包不得了,餡料異常之多除咗豬頸肉,扎肉仲有唔同嘅配菜例如酸菜,紅蘿蔔絲等等, 食落係非常之開胃而且後有嘅牛油香味滲滿著兩層嘅包裏面。而且食落去嘅時候都好鬆軟 應該係焗之前一定噴咗唔少嘢水令到個包非常之鬆軟。豬頸肉都好大塊, 真的連塊包都包唔晒。熱奶茶都中規中矩冇乜太特別。食越南菜都唔少得有撈淋啦！總結一下午茶嚟講呢個質素同埋份量都非常之多絕對係抵食之選 唔怪得知當我準備出門口嘅時候已經有大概五六個人有等緊位而唔係大家嘅下午茶 抵食飽肚之選

週六去到都唔洗等好耐，座位都幾舒適。迷你春卷湯檬 $64春卷另上非常香脆，而且味道好好！就算唔點醬汁味道都好好！湯檬份量都好夠，不過湯底有啲重味精，有少少似茶餐廳既湯底。但整體都係好食既

今日八號風球唔使返工, 晚上已轉回三號. 坐唔定既我又要出動行下街搵食. 想去太古城行下街，食下野. 行經康怡廣場，有些食肆今日冇營業. 忽然想食下越南野, 就試下呢間品越.本來想點個二人套餐再加一個河粉, 但套餐都要三百幾蚊, 我地又唔係好肚餓，於是決定散叫.這個蝦卷撈檬沙律，一些凍檬粉上加一片切件的炸腐皮蝦膠, 份量頗細，但蝦卷炸得頗脆身.生牛河，完全食唔出有越南香料和牛湯味，只有咸味.咖哩牛腩, 個煲仔巳經好細, 啲牛腩得六至七小件, 加埋薯仔兩至三件都係佔據咗煲既1/3, 一點都唔辣.法包四片$30, 普通法包相對於咁既分量,幾唔抵食, 似乎只有半飽（本來都巳經唔係咁餓）, 加上啲食物冇乜越南風味, 有啲失望.

約了友人晚上飯局，時間尚早，下午最好就是吃少少東西。品越的下午茶有小食，有飯，有粉。而且聽家人說過味道也算新派得來幾好食。花多眼亂，而且唔夠飽仲可以追加小食，又可以加錢換特飲。難得依家做下午茶還這麼用心諗餐牌。最後點了一個經典得來最能看看這家餐廳功架的食品：香茅豬扒飯。賣相不俗，那個甜酸醬/汁介乎醬與汁之間，不稠也不稀，用來沾豬扒著實一流。白飯本身不算硬身，但他們倒模出來倒得幾實淨，飯量是午餐份量，絕無偷工減料。葱油本身不算咸，葱夠綠夠脆。豬扒則屬適當厚薄，香茅味重，咬下去豬扒質感較實，纖維斷開的彈牙口感油然而生。因為是碎上的關係，所以賣相就差咗少少，而且豬扒碎上後的大小不一，浪子曾想重組這塊豬扒，卻也看不到廚師是以哪種打橫/打直方式砌的。Anyway，都是合格以上的。本身豬扒來料不錯，加上炸得啱啱好，所以食下去的豬扒口感比得上很多中高價越南菜館。埋單連加一56元，很抵食。裝修非常不錯，服務也很好，有禮貌也勤快。總括而言是值得一試的。

平時諗到想食什麼就什麼今晚星期五同我家老細諗極都唔知食mud我話不如康怡廣場啦都幾幸運去到唔使等位好鬼肚餓就頂唔順快快叫野食平時食開蝦多士個樣都唔係咁越式既關係可能味道都唔錯芥蘭就差d冇味唔知想點生牛肉湯河就好普通食公仔麵應該會開心d最後菠蘿炒飯有驚喜好正好好食值得一食

因為快到爸爸生日，一家人早已約好星期六夜晚食晚飯預早慶祝~早前亦曾試過這間位於康怡2樓的越式餐廳，今次決定帶爸爸一同嘗試。下午途經時訂位，亦沒有問題。本來訂了7:30，一家人到達時7:15，即時可以安排入座。環境雅致，幾乎滿座，我地被安排坐最入的位置，十分舒適。賣單價錢共$768，以食物質素及價錢，都成正比。食物種類豐富，還有2、3、4人套餐可供選擇，仔細研究後，我地都係決定單點，因為可以選擇所喜歡的甜品與飲品。大頭蝦膏炒高麗菜  $72少少蝦膏味，唔會太濃，高麗菜爽口甘甜蝦多士(4件)    $52多士炸到乾身又脆口又香，真係食完想再食其實!三文魚子黑蟹籽墨魚餅(4件)   $68 炸墨魚餅上放有一片炸紫蘇葉、三文魚籽或黑蟹籽，估唔到味道非常夾。香芒軟殼蟹米紙卷   $72共有6件，米紙卷內包有青瓜、米粉、軟殼蟹、生菜及芒果，夠哂豐富。米紙煙韌，芒果肉酸酸甜甜，軟殼蟹脆卜卜，口感清新獨特。串燒拼盤(豬肉、雞肉、牛肉各2串, 香燒菠蘿1件)   $118雞肉、豬肉都好surprise，一咬下好juicy，燒得好香，又多肉汁，簡直係味覺嘅享受。菠蘿香甜，真係無得頂~金菠蘿海鮮炒飯   $

只有45分鐘用餐時間 點餐十五分鐘後先上第一碟野食 食哂正餐啱啱上餐飲飲左幾啖就即刻俾人趕走 但係出面冇人等緊位!!! 完全冇服務可言 仲差過茶餐廳 (起碼茶餐廳係你食完野飲完野之前都唔會趕你走) 食物方面叫左個三人餐 但係味道真係唔好 完全冇香料味 以呢個價錢嚟講根本唔應該有呢種服務同味道總之一定唔會再食呢間!