品越越式料理 (雅蘭中心) (已結業)

星期五同朋友經過朗豪坊，看見附近有間越南菜，心動試下，叫左個金邊湯粉...落錯單變左個河粉，賣相真的一般般，食了就如$28碗腩河一樣，價錢貴不在話，味道過重！有很多味精！經理服務好像不願意做我們生意一樣！看著我舉起雙手亦無動於衷，難怪那麼多檯冇人座..伏..香港食物須然多，但找一間有服務，有質素的！難之有求

由於經Openrice 訂位，唔洗等位又有Asia miles，仲有要個特價晚餐，所以便來試試。這個二人餐，兩個女仔係食唔哂既，味道方面ok啦，但係不得不讚係佢地個服務態度，我真係忍唔住問左個經理一句：點解你反工反得咁開心既？🤣佢好細心解釋套餐食物，大家知啦，人對套餐二撰一項目特別有撰擇困難症，佢亦笑住等我地慢慢揀！全餐飯也帶笑容來服務！陳經理你係得既，我比個讚你，你的工作態度令整餐飯也食得開心輕鬆

食物主打推介，春雞反，不過成日冇貨，所以來前要order訂先，小食推介(牛油雞翼)牛油味香濃，雞翼Size夠大隻，其他食物都好食，每次生日，經理會過來唱生日歌俾我地聽，咁嘅服務，邊度塭喔

熱死辣辣冇胃口，所以想食下越南野refeash下。去開雅蘭shopping就近同BB去左呢間試。晚飯時間都係7成滿，唔洗BOOK嘅。價錢大眾化，2人套餐都係288~389。有沙律，湯，前菜，炒飯，飲品，甜品。沙律有少少辣，幾醒胃。豬排正常。牛油雞奕就有D失望，太油又唔脆，不過勝在夠大隻。好後悔叫左炒菜，太咸，又多油，早知叫水煮。蕃茄蟹肉湯係有蟹肉嘅~都係偏咸，凍左仲有D苦。不過佢係有落蝦頭煮嘅。😅炒飯係最好味架啦～不過海鮮係冰鮮貨，基本上冇乜鮮味，但個飯底炒得不錯。甜品正常，凍飲加3蚊 。整體黎講食物都係重口味嘅。服務唔錯，有主動換碟子。

今日同朋友約咗去依間越南餐廳食，之前有朋友嚟食過，我哋貪佢可以無限時咁坐就揀佢。叫咗一個特選二人餐($298)同精選二人餐($398)。 小食方面，我哋叫咗個香芒軟殻蟹米紙卷，雖然佢都幾足料，但軟殻蟹好似林咗。春卷就普普通通，脆皮有啲太硬。豬頸肉同湯河分開上，串燒豬頸肉整得幾惹味。蝦醬炒飯算係幾好食，炒飯入邊嘅料都幾多，不過蝦得兩三隻。 全枱最好食好似係個咖喱牛腩鍋配蒜蓉包。咖喱汁好惹味, 牛腩幾林。炒通菜就好似煮得耐咗。不過有樣嘢要講嘅就係服務態度問題。叫嘢食嘅時候，我地已經體會過一次侍應嘅態度唔好。佢解釋緊一啲嘢嘅時候，我哋有問題問佢，但佢就語氣有啲重咁話俾佢講埋先，全枱o咗。同埋本身我哋有張coupon, 但個日期矇左唔知係2018定19年到期，我哋就問佢可唔可以用，但佢就好粗魯咁話我地唔會issue張2019年嘅coupon嫁。最後我哋找錢嘅時候因爲多人食aa制問佢可唔可以找散d，佢就問咁我全部找哂一蚊俾你好唔好。雖然啲食物過得去，但服務態度咁我哋都唔想再去食了。

平時lunch time都會過黎食晚餐應該都有返咁上下水準見Openrice有個專享二人餐多野食又唔算貴Book定枱試下9點去到只有十幾枱客可能因為係星期一晚同埋都過左晚餐時間比較少客靜靜地可以傾下偈又唔限時睇左一陣menu經理推介最新嘅火龍果新菜式我幾有興趣試下不過朋友興趣不大最後都係揀返Openrice專享二人餐朋友唔太食得海鮮我又唔食得辣所以都選擇唔要個餐湯但個餐依然好豐富蝦餅羊架好入味！燒得啱啱好！無乜羊羶味！必食！同朋友每人叫左一杯特飲跟餐有半價芒果好甜其間我飲野時整污糟左少少條裙一位waitress即刻遞上濕紙巾菜式味道又好價錢又合理服務又貼心一定會再黎

Very difficult to find the restaurant entrance, some of friend are going wrong way.Viet fish and pork noodles, portion of noodles too little, but the sauce is ok. Steamed one is so so, presentation is 「球其」Overcooked vegetables and not hot enough! This lunch is not cheap but not taste good! Even have coupons, won’t come again!

約開朋友係旺角，所以諗住早啲上網卜定間餐廳，入到去唔洗等。野食比想像中大份，炒飯果啲都好大碟，二人餐都多野食既，但味道就普普通通不過不失咁。不過值得一讚既係，職員既態度係十分之好，係咁幫我地添水，最尾二人餐既甜品得兩份，但佢見我地四個人所以都比多兩份我地，落單果啲都好快手。同埋坐既環境都闊落同靜啲，適合幾個人傾下計，坐耐少少都可以

有朋友由外國黎幾日，帶佢試下亞洲菜。呢間越南菜地點方面，座位舒適，枱與枱有足夠距離。之前預訂左咖哩蟹，餸飯同薄餅一流！menu有好多選擇，適合一大班朋友。另外鱸魚同春雞飯都好好食，侍應等我地影完相之後幫手切朋友們都食得好開心。可惜當日去到已經8點半，乳豬賣哂，下次要早點來試試乳豬！

Book左位，準時到達，點知搵極都搵唔到間餐廳，唯有打電話去問，先知原來個入口係山東街嗰邊，並唔係喺雅蘭商場入面。春卷，未免有點妹仔大過主人婆。軟殼蟹柚子沙律，軟殼蟹算脆，內𥚃夠多汁，不過沙律份量算少，而且啲柚子太大舊，應該盡量整碎d，等我可以每一啖都食到，而且容易d撈，不過整體味道唔差，柚子肉唔算好甜但亦唔酸。玫瑰柚子茶，只有柚子味，完全飲唔到有玫瑰味，面頭d玫瑰只可以話係裝飾。另外仲叫咗越式海鮮炒金邊粉同埋品越皇牌湯河，不過唔記得影相😜

3個女生吃兩人套餐，不多不少剛剛好，環境舒適，很適合聊天聚會。侍應的服務態度很敬業，很有禮貌本來想吃牙車快，很可惜侍應落錯單，變左豬扒沙津，雖然有點油膩，但豬扒挺嫩的，咬下去是有彈性，不會太韌。最重是我和我的朋友很喜歡酸酸的沙津汁，好開胃😊第二道菜是清沅蒸粉卷拼扎肉，普普通通沒有什麼驚喜蒜炒通菜，挺好吃的，不會炒的好老，好喜歡那重蒜味，如果菜的份量多點就好了。釀春雞，就是雞裹面有咖喱飯，這種吃法是有點新鮮的。但味道還可以，就是咖喱的味道不夠重，而雞有點柴不夠嫩，幸好這隻雞不是很鹽，灑上青檸汁也很ok芒果糯米，芒果有點兒酸，不會太甜，很適合不能吃甜食的我不喜歡吃甜的，就不食搞拌底下，不然會很甜。

今次朋友搵咗喺雅蘭嘅越式餐廳食晚餐，搵餐廳嘅時候都發生咗段小插曲，就係入咗雅蘭中心兜咗幾個圈都搵唔到間餐廳，後尾問人就知原來要經雅蘭嘅外圍入去哈哈去到餐廳，侍應都好nice，安排左窗邊嘅位置比我地。我同朋友分別叫咗個撈檬，我就簡咗個豬頸肉串撈檬食物份量唔少，雖然有大量既蒜，但加左醬汁味道都係偏淡。價錢方面同朋友人均$75，以淨粉無飲品嚟講唔算平，但勝在環境舒適。其實菜單仲有好多選擇，多人可以試多啲種類。

去到旺角女朋友話想食越南pho,Openrice 即search 搵到間有得thru Openrice book枱 仲有得送25Asiamiles 嘅餐廳即刻去馬佢地址寫雅蘭中心，但千祈唔好中咗入雅蘭中心，佢個入口喺山東街渣打對面。上到去環境都算闊落，揀咗個窗口位坐，大玻璃無敵彌敦道景，店員話OpenRice book枱有個半價二人餐（原價620 半價310），其實都預佢mark up完再半價，不過兩條友3舊水都ok啦，即扑鎚。第一味胡麻雞絲沙律，利申：小弟胡麻癡，堅好食。第二味有得揀 揀咗鮮蝦蕃茄蟹肉肉丸湯，蟹味好濃，好好飲，有驚喜第三味小食拼盤 好大碟 基本上係三人份量嚟第四味 揀咗蒜蓉牛油比目魚配酸辣無骨鳳爪，個魚好鮮，配埋蒜蓉牛油，一流！第五味 女友劈頭話要食pho,就揀個pho,上菜時真係大到嚇親，極度足料！餐飲加錢揀咗杯店檸七，女友飲西柚野莓梳打，一樣出色！最後以芒果糯米飯作結。總結：味道一流，服務態度極好，地步方便（泊車要泊朗豪坊），二人餐份量夠3-4人分享。睇完咁多字，都係睇相最實際

朋友訂位同我預祝生日，嚟到呢間品越，擺設寬倘，旺角鬧市中都未算好多人，可以舒舒服服傾偈。頭盤嚟個魚柳紙米卷，清新好味。羊架餐牌上面寫住必食，即管一試，好有火喉，而且真係幾好味，唔膻，又入味鹽燒魚雖然係似係泰式多啲，但我最愛燒魚。黃咖喱雞煲配薄餅，絕配。炒通菜不俗。呢個芒果沙冰正本時我好怕飲沙冰因為怕凍得滯，但呢個沙冰又唔會凍到冰咁，非常啱飲！食物水準唔錯之外，侍應哥哥既服務態度都好好，不時問我地有咩需要同介紹下菜式，唔錯呀！

一行4人慶祝生日嘅下午茶聚會，朋友食過幾次，於是再去，果然有保證！食物味道唔錯，最值得讚嘅無服務！真係好到一個點：總在你左近的感覺！我地席間提到有咩想要，呢頭講完，果頭就有侍應送上！我地叫左個下午茶套餐，有一壺玫瑰花柚子茶，我地怕唔夠飲，本身唸住叫多一兩杯，個侍應就話：唔洗叫住啦，我俾4個杯你地，之後唔夠飲先再叫啦！總會自動幫我地免費加熱水，結果一壺花茶就飲左佢個下午！非常值得讚揚！唯一需要改善嘅係餐具，我地都有寫左意見書，希望下次幫襯果陣佢地已經改善得更好！