哈比斯燒肉串和咖哩 (鴻圖中心)

營業中

休息中

觀塘附近都幾多野食揀不過都係茶記為主今日竟然就俾我見到衣間印度餐廳二話不說就立即試一試佢！鴻圖中心地下都有唔少野食感覺係以外賣為主而衣間印度餐廳可以叫外賣之餘門口都有唔少位可以堂食睇黎都幾好坐同幾舒服不過今次都係叫外賣先餐牌方面如果你想食kebab呢大概就60－80蚊一個再加18蚊的話就可以加埋野飲同咖喱角另外可以自選醬料同埋再額外加配料既如果想食平d你都可以叫番meal of the day每日都有兩款kabab俾你揀加埋野飲都只係50蚊不過就要睇下果兩款岩唔岩你口味啦不過呢果日唔知點解好想有d米飯落肚所以我就叫左個70蚊既咖喱雞飯雖然我食慣左茶記咖喱但偶然食下印度咖喱都唔錯！印度咖喱俾我既印象就係有少少酸香料特別，惹味又香口而衣個咖喱雞飯就完全做到晒酸既比例拿捏得相當好唔會太酸，但又足夠突顯到咖喱既香而佢既雞同薯仔亦可以完全吸收到咖喱味送飯一流最後米飯佢都係用印度米比我平時食開既米飯長身d總括而言成個咖喱雞飯都係好食既絕對滿足到我想食印度咖喱既心！

係觀塘做完運動，係鴻圖中心醫飽個肚，呢間餐廳老板同員工都係中東人，好搞笑友善😂見到佢好多餐牌好多唔同款式的套餐👍👍👍每日都有唔同的套裝咖之前都係其他地方食過呢種卷，咁我簡左烤雞卷，咁佢整既時候都會問我要唔要辣，咁我簡左少辣，一個人坐係到食一條呢個卷，😂我無諗過佢咁大份量，食左半個都好夠😆佢呢烤雞卷入面有好多蔬菜🥬有番茄、生菜、洋蔥、烤雞😋個烤雞加左少少辣超惹味！熱辣辣食係最好的😋真心推介大家可以去試下 😉

觀塘食肆林立，每逢午飯都會發掘下附近有咩好食，今日黎到呢間主打中東烤肉嘅小店。雖然店舖小小的，但有很多不同嘅選擇，有沙律、烤肉卷、薄餅，又可以配搭不同的肉類，例如羊肉、牛肉及烤雞，亦有不少素食可以選擇。今次點了meal of the day烤雞肉卷配薯條, 價錢相宜。由於所有食物是即點即製，所以拿到手都仍然是熱辣辣！ 烤雞肉卷分量很大，餅皮非常軟熟，烤雞肉的份量也俾得很足，雞肉烹調時間剛剛好，不會過熟，味道少少辣，配合爽脆嘅蔬菜同埋適量嘅醬汁，整體味道非常豐富，絕對會再返黎食。薯條似係入貨的，但由於係即叫即炸，而且炸嘅時間剛剛好，又不會太油膩，好味！

觀塘愛琴坊有很多美食，最近見到新開了一間充滿印度風味的快餐店，想起以前在大學都有食過，味道不錯，所以決定試試這間新店。一到店，印度店員便非常親切介紹招牌菜式雖然店員的英文充滿濃濃的印度口音，但用英文對答絕對無問題店面非常光猛, 印度燒肉非常吸引！店內真的有新鮮轉轉燒肉，非常正宗今天想食light一點，所以選了烤牛肉沙拉($70)，牛肉粒佈滿沙律菜上，份量十足！醬汁非常豐富，牛肉粒食落牛味很濃，十分新鮮加上印度香料，十分惹味，也很有口感，好吃飲品選了荔枝特飲，有super food 蘭香子，甜甜的，十分解渴，又健康！順帶一提，外賣盒非常企理整潔，疫情也可外賣回公司慢慢歎

去左鴻圖中心 愛琴坊 以food Court 形式去餐廳買完野食 自己搵位坐入面有好多唔同種類餐廳 多種選擇食到悶悶地 試下新菜式 土耳其烤肉有lunch set 每日唔同款 仲可以加錢要薯條 咖哩角 油炸豆餅疫情關係都係買外賣雞肉烤雞卷🐔🌯 可辣可唔辣即叫即整 到手仲係熱辣辣份量十足 口感豐富 有生菜 洋蔥 蕃茄 雞肉雞肉切成粒狀 而且肉質唔會好乾啖啖都有菜有肉 配酸酸甜甜帶少少辣 好開胃諗住係輕食 淨係食個卷都已經好飽總結：想要新口味 可以一試

呢間印度小店有賣印度咖喱、薄餅、烤肉卷、印色炒飯、沙律及Pizza。印度菜來講都算多元化。😎😎😎印度野我最鍾意食薄餅。肉類一般我都會揀雞肉，相對地會滑啲。點左烤雞馬沙拉配印度薄餅$72。馬沙拉咖喱味道唔會太辣，椰汁味重，充滿印度香料味。印度薄餅呢度嘅相對地厚，要立即趁熱食。如果唔係就會硬咗。薄餅最好就係用嚟點咖喱🍛另外叫咗烤牛肉卷，入邊有菜、沙律醬、牛肉。菜相對地多，食落都幾健康。😶😶😶

觀塘呢個位置有好多餐廳，有不同風味嘅食物。呢間餐廳充滿印度風味，入邊嘅店員都係印度人，揀咗烤牛肉哈比斯$70，加配飲品要$12。點完餐之後其實都好快整好，烤牛肉哈比斯切開兩件，份量其實都幾大件。入邊好多沙律醬同菜，有少量牛肉。呢個一定要趁熱食，因為凍咗就會硬。味道都幾有印度風味，如果唔係太肚餓食都唔錯，因為佢多菜而且唔會太「濟」。餐廳除咗哈比斯，仲有咖喱可以選擇。呢一區真係冇乜印度食物，所以如果突然間想食，都可以睇一睇。

觀塘巧明街94-96號鴻圖中心地下好多野食~好似個food court 咁, 環境又正, 又坐得舒服，又有好多唔同的選擇~不過今日選擇外賣~入面呢間哈比斯燒肉串和咖哩專賣印度同土耳其食品~堂食及外賣均可 每日有優惠套餐提供今日我選擇正價menu外賣返studio  慢慢食~餐具自己拎~無骨牛油雞翼飯$72雞翼有牛油味好香口，而且又無骨, 啖啖肉超級好食呢。D 汁撈埋飯簡直不得了, 唔覺意食多左飯~好好食，入口又唔油膩及唔辣 ~天氣咁熱，食完個飯飲埋杯soda就 最perfect呢~

呢排多左去鴻圖中心食午飯，開源道行過嚟都係5分鐘左右，呢到選擇好多，最近仲新開左間土耳其串串😍前年去完土耳其，終於有機會回味土耳其烤肉卷 我覺得配羊肉係最夾，嗰陣蘇味食完仲有回甘。原來呢間都係外藉人士主理，唔怪得咁有地道風味。我叫咗一個烤羊肉卷，$70無野飲，都唔平，但勝在回味。份量都幾多下，切開咗一半一隻手都攞唔晒。食左一半，入面都幾足料，有大量嘅洋蔥🧅，食落爽口惹味！啲生菜好新鮮，爽口清甜。打開了半個望下，有好多羊肉，堅多，食得好滿足！觀糖友一定要試吓

今日經過觀塘，見到哈比斯放係出面既stand,見到上面既menu選擇多同埋都幾吸引，所以就決定試試。餐牌方面，見到選擇都有好多，而且星期一至日都有套餐優惠，50蚊有找都幾抵食。呢度類鄰近好多觀塘寫字樓，有埋網上外賣平台同uber eats外送服務，都幾方便上班一族。食物方面，我點左烤雞kebab，見到入面用料好足，然後加埋沙律醬同佢地辣辣地既中東醬，夠juicy，唔會乾爭爭。雞肉都多，一個人食都可以好飽，十分推薦!

夜晚想吃一些異國風情美食，走到了鴻圖中心的哈比斯燒肉串和咖哩。一間餐廳集齊印度和土耳其美食，或許不算是最主流的餐飲，但勝在有新鮮感。餐牌中英對照，令點餐過程更為容易。這晚叫了一份外賣，是雞肉卷Kebab。食物即叫即製，確保了質素。圓圓的一卷，大小還算方便食用的說。雞肉份量挺多，而且肉質不錯，烤得挺香，味道吸引。當中還卷著蔬菜，讓營養更豐富，也令kebab口感更爽。醬料是容易入口的香，不用擔心有不習慣的味道呢。除了單點美食，餐廳亦提供一些套餐，十分經濟實惠。

約左朋友收工食飯見下面，又想搵啲較靜嘅地方方便傾計。咁啱上網見到觀塘鴻圖中心有個小food court，心諗商業中心區嘅晚市應該唔多人，所以就去試一試。講真，個food court有些少難搵，經過棟野都唔知裹面有個food court，我地兩條友兜黎兜去搵左成10分鐘先去到。入到food court都仲未完，又再兜左一個大圈先搵到間鋪，鋪頭比較細，所以唔太顯眼。由於搞完一大輪嘅關係，非常肚餓，所以即刻叫野食醫肚。羊肉卡巴 ($75)睇開我食評嘅朋友都知我歡喜食Kebab，又特別歡喜食羊，所以我點都用覺得好滿足。只不過份量比之前天后分店好似細左少少，同埋kebab雖然即整，但唔太夠熱，可能廚師是新請嘅。不過好就好在food court幾多位，而且啲環境同佈置都唔錯，完全唔似普通food court，邊食邊享受，抵讚。

係觀塘返工既人 一定知道鴻圖道多野食而有一間新既食街出現係牛頭角附近，叫愛琴坊 收工入左去行左一圈，都算多餐廳而且的食物種類都好多見到有一間印度嘢食物，都多人等外賣 見佢既職員係印度人(我估) 應該正宗既當然要去幫襯下。雖然佢有每日指定套餐，$48一條好大條既kebab經濟又實惠,每日唔同，有雞有牛有羊，仲要包埋野飲。但佢有時限既, 1100-1700。當時已經係6點幾。Menu除左kebab，仲有飯食，又有沙律 都叫做齊全。因為當日食左Tea time, 就單點左kebab Beef Roast $70Kebab 都算大條，入面好多料，個皮都薄，牛肉份量多，而且烤得好嫩。仲有生菜、番茄，連埋沙律醬，加埋佢少少既印度香料，辣辣地 都幾好味。

今日有啲事要去創紀之城 點知做完嘢就落雨😥 冇心機 諗住隨便買個外賣返屋企食 去到愛琴坊竟然有中東菜揀😧 有kebab又有pizza 飯或者薯條餐 可以一戰🤔雖然我買外賣 但愛琴坊其實都有得堂食kebab of the day嘅套餐都唔算貴 加$8仲有lassi！諗咗一陣最後要咗個羊肉薯條外賣 又買多咗份咖喱雞加薄餅俾我妹🤫 外賣就不求賣相㗎喇 始終食物質素最實際 如是者 頹頹的兩個外賣一覽但係個羊肉薯條我覺得好好味！首先中東菜嘅薯條永遠唔會永我失望 🥔🥔🥔而且羊肉氊得嚟幾香 唔使加薄荷醬 我專登叫餐廳俾多啲sources 兩樣夾埋再加醬好惹味 懷疑多半份我都食得晒😂😛 下次經過有機會再幫襯！

是日得閒 去咗接朋友放工😏 佢公司喺創紀之城 於是我哋去咗附近嘅愛琴坊 買嘢上佢屋企食住打牌😂愛琴坊喺鴻圖中心地下 有大約七至八間餐廳(?) 好似個商業大廈版嘅foodcourt咁 都幾多選擇🤔 朋友買咗日式快餐 我就試咗呢間kebab 好似話新開 快靚正 要個咖喱雞配naan啦 全日$68喺呢區嚟講 lunch嘅話唔算平 但to be fair中東菜喺香港又一向都唔係走平嘅路線嘅😂咖喱香唔會太辣 香草味都唔會過重 我認為唔係好食得辣嘅朋友都可以試吓👏🏻 雞肉係有驚喜嘅 唔係橙色嗰種 反而幾滑添 估佢唔到😂 naan有點大份 所以有少少厚偏硬身少少 (定可能我拎耐咗)油香唔夠出 蠢咗 應該叫薯條 通菜中東菜嘅薯條都出色🙊係咁多 快餐外賣嚟講都幾好嘅 特別啲唔使食嚟食去都係港式外賣/ 日式便當咁啦🤫