哈豆

營業中

休息中

上網見到呢間咁多好評，就約咗兩個女仔一齊試吓。我早咗少少到，周圍望吓牆身的人工繪畫，已經覺得呢間店好有心思。我們點了豐盛台灣牛肉湯麵、紅油三彩水餃、雞絲芝麻涼麵和好多人推介嘅芋泥奶凍吐司。牛肉湯麵有牛腱、花枝丸、貢丸和滷水蛋。湯底濃郁，但又唔會太鹹。牛腱真係要讚一讚，入味之餘，煮得夠腍。水餃就普通啲，但配嘅紅油醬汁都唔錯。雞絲芝麻涼麵配芝麻醬，食到停唔到口。芋泥奶凍吐司都幾特別，平時冇乜地方可以試，冇諗過呢個配搭都幾好食。整體嚟講，呢間餐廳性價比高，三個女仔食，平均都係$92。另外，提提大家，如果冇支付寶，記得帶現金，餐廳只收支付寶和現金。

尋日食左覺得還可以，性價比唔錯，台灣菜，呢間餐廳開咗好多年，由台灣人主理，負責接待嘅都係台灣人，服務態度幾好！呢度有好多食物選擇，飯、麵、小食、、飲品應有盡有～ 有啲食物仲係其他台式餐廳少有，值得試吓！餐廳牆身仲有好多台灣景點壁畫，幾有特色！

先說麻油雞麵線吧，端上來就聞到麻油和薑的香氣。趁熱喝一口，輕輕的藥材味襯上鮮味的雞湯，是很滋養的感覺。湯裏面還有香菇和幾件雞肉，湯料來說肉質還可以，忍不住要多喝幾口，果然是台灣媽媽產後補身的食療可是不要喝太多，要留來泡麵線呢。快快把麵線倒進熱湯，讓幼幼的麵線有時間多吸湯，口感柔滑又充滿雞湯味。老公選了豐盛牛肉湯麵，除了炆得軟稔的牛肉外，還有花枝丸/貢丸/牛丸，配料真的很豐盛，卻偏偏沒有我最愛的酸菜。在台灣，牛肉麵的酸菜是任添的，怎可以沒有？而且湯底肉味和香料味都偏淡，只有辣味最突出，是覺得有點不足了。珍珠鮮奶茶的茶香和奶香都足夠，珍珠口感夠QQ, 沒有黏成一團，常見的口味沒有出錯黑糖芋芋鮮奶就比較特別，把下層的黑糖芋泥和鮮奶混合，每一口都有濃濃的芋香，配上黑糖圓潤渾厚的甜味，還有香滑的牛奶，好比一個液體甜品，吃完好滿足

星期五傍晚大約六點鐘到,當時已入座幾張枱.同朋友食,一人叫一份,一份豐盛台灣牛肉麵,一份古早味蝦卷滷肉飯,牛肉麵:湯頭係比較偏淡味個派,肉味唔突出,應該就冇乜味精牛筋牛展處理得好好,相當腍.但係啲丸就好一般般,感覺係街市買到既質素.至於個麵條,本人就唔係太喜歡,麵條欠缺口感同彈性,同平時食開嘅台灣關廟麵唔一樣.古早味蝦卷滷肉飯:滷肉飯我就冇試,但朋友話相對上普通.我就試蝦卷,唔錯.總結係,我同朋友都覺得呢一間可能口味唔太適合.食過一次就夠.當我哋走嘅時候大約六點九,開始滿座

餐廳在工廈裡面，工廈外形及公共環境麻麻，但入到餐廳是另一感覺，牆上壁畫，及裝修，好有台灣感覺。掃 QR Code 手機落單。豐盛牛肉面，有花枝丸及貢丸等配菜，感覺豐富，湯底夠濃，面質普通。麻油雞飯餐，有4件多肉的雞，湯夠濃，唯肉燥飯的汁唔夠，食完上層有肉燥的飯後，下層白飯要撈雞湯當湯飯食。芋泥奶凍吐司可當甜品後上，有特色的甜品。餐廳還有很多款式的小食和甜品。侍應有禮貌和笑容，但收銀的職員有些少悔氣。

🍊 餐廳名稱：哈豆🐝 味道：7.5/10環境：7.5/10整體分數：7.5/10💰人均：$100———————————————————哈豆係觀塘一間由台灣人開既餐館，已經有兩間門店啦！入面有不同壁畫佈置都係關於台灣既景點，然後你就會好想旅行！🤣 牛肉鮮番茄湯麵💰78唔會太鹹同時帶有番茄嘅清甜，唔係行霸道type反而係淡雅路線。牛𦟌煮得夠腍，份量也很多，加埋麵好飽肚！台式麻油雞湯配台灣幼麵雞湯鮮甜，雞肉嫩滑，配料也很多，食完身體都一下子暖左，有種被照顧好的感覺。嘎嘎脆芋頭愛花生 💰99這個超級誇張的重頭戲！份量極之大，可以兩之三個人share食！上層到下層分別係芝士奶蓋、紅豆、芋圓同香芋雪糕，層次豐富！真係大滿足！題外話係刨冰碗同匙羹都係貓貓元素，好可愛呢。哈豆鮮果茶 💰52水果茶也是大得誇張，甜度冰塊可以自由選擇，很解膩。檸檬椰果多多 💰48也是大大瓶的狠角色，酸酸甜甜，解膩又開胃。🗺️ 觀塘駿業里6號富利工業大廈3樓A室 🔍#FlavorforToday觀塘🚆 觀塘站A2出口，步行約6分鐘

Soy Egg 🥚同9 Flag 🏳️去左富利工業大廈上workshop 💼🏢 上完諗住去食dinner 🍽️一入lift之際 就見到依間餐廳既廣告係到 📺 完全無頭緒食咩既我地 就咁就跟左個廣告去食 又估唔到幾好食😋👌必試: 豐盛台灣牛肉湯麵🐄🍜 藥燉排骨湯麵🌿🐖 嘎嘎脆刨冰🍨是但總結: 味道偏溫和 食完好舒服 唔會有好口渴既感覺😍是但食評🌟💬✰環境😍台灣特色畫作😍雖然無D咩華麗裝潢🖼️🇹🇼但一入你就見到牆到有好多台灣特色既畫作畫左唔同台灣景點 平溪呀 阿里山呀好台灣 好colorful 🌈🎨收銀果到仲有黑板畫左D經典台劇🎭王子變青蛙 流星花園 惡作劇之吻果DD回憶真係返晒黎💖✰豐盛台灣牛肉湯麵 🐄🍜 ($78) 難得清甜既牛肉麵😍平時出去食牛肉麵 好多時都好濃好咸難得地依間既湯底係清甜💧完全無味精味 淡淡藥材味同牛味🌿愈食愈好味 食到最尾都唔會覺得太咸麵身好滑 唔會過腍keep左小小勁道牛肉夠腍 但又唔會無晒口感果隻🥩根位都一咬就咬得開 十分好同埋滷得好入味 好食😍✰藥燉排骨湯麵 🌿🐖 ($74) 濃郁燉湯 飲完暖笠笠😍好濃好甜既排骨湯甘草(應該) 紅棗 同 豬肉既鮮甜味🐖唔同既甜味溶為

【🇭🇰觀塘美食推薦｜真正台灣人主理嘅台式餐廳🇹🇼｜台灣牛肉湯麵❤️‍🔥｜哈豆】** * * * * * * * * * * *哈豆 @drbeans2012觀塘駿業里6號富利工業大廈3樓A室** * * * * * * * * * * *觀塘真係好多嘢食， 但都要少少時間發掘一下！今次發現到由台灣人主理嘅台式餐廳 - 哈豆！成個感覺都好有台灣小店Feel，店員態度友善，一入到去就聽到👂 台式腔調嘅「歡迎光臨」，好親切，好似去咗台灣咁！餐廳裝修都幾特別，有人手繪畫嘅壁畫，仲有好精緻嘅乾花擺設，應該都花咗唔少心思！整體食物質素不錯，特別推薦豐盛台灣牛肉湯麵，湯底好濃郁！觀塘上班族又多個食晏嘅好地方！哎喲，不錯喔～🤣✨【🐮豐盛台灣牛肉湯麵】丨半筋半肉牛展+入味紅白蘿蔔係牛肉麵嘅靈魂， 麵條有麥香味，配埋濃度十足嘅牛肉湯底，仲帶少少微微辛辣，好開胃，推薦！【🍜藥燉排骨湯套餐】丨排骨份量都幾多，而且仲要幾大舊！藥膳味唔恰到好處，飲落好暖身，配埋半肥半瘦嘅魯肉飯，魯肉飯上面仲有好多肉鬆，食落鹹鹹甜甜，簡直係雙重享受，即時令魯肉飯升級🆙【🧆台式滷水拼盤】丨有豆腐, 豬手, 牛展, 雞蛋, 雞翼，滿足晒

觀塘台灣人主理台式料理🇹🇼哈豆ʕ๑’ㅅ‘๑ʔ‧˚ ꔛ ꔛ ꔛ ꔛ ꔛ ꔛ ꔛ ꔛ ꔛ ⸝⸝‪⸝♡觀塘有一間有台灣人主理嘅台式料理餐廳✨真係夠晒正宗 仲要甜品同主食都好吸引❤️而且環境仲非常台灣特色 又非常闊落🫶🏻🍱麻油雞配飯菜套餐💲1️⃣3️⃣3️⃣麻油雞湯飲落好濃郁💛麻油味香另外仲落咗啲冬菇.薑片調味✨雞食落好嫩滑 仲有隻雞髀仔( ´∀｀)半肥瘦嘅滷肉飯上面有滿滿嘅肉鬆 好好食！有埋碟菜罪惡感即刻減少~呢個套餐好豐富呀✨🥟手工水餃湯麵💲1️⃣0️⃣8️⃣分別有兩款水餃 兩款都幾好食💕餃子非常飽滿又大隻✨餃子味道有兩款 椰菜同韮菜 咬一啖有滿滿湯汁 好juicy( ・∇・)但佢個湯底就偏濃味啲 有少少鹹湯麵麵質都幾煙韌彈牙！🍎蘋果眉妹(跟餐)想飲番杯酸酸地嘅飲品解渴消濟！就一定要叫呢杯蘋果眉妹❤️💜黑糖芋芋鮮奶(跟餐)嗌咗半糖 就算有黑糖飲落都唔會太甜！滿滿嘅芋泥掛杯 仲有啲芋頭粒粒(*´ω｀*)奶味同黑糖味兩隻味都好出 芋泥控要嗌啊💜🍧嘠嘠脆刨冰💲9️⃣9️⃣一直都好想食呢個 今次終於比我試到（＾∇＾）面頭雪糕筒好脆 仲有個香芋雪糕🍦配埋濃郁嘅花生奶蓋同埋仙草冰 成件事好夾🤎仙草味成以食落唔會漏 ！搞到

哈豆觀塘駿業里6號富利工業大廈3樓A室Score 分數：A/75+講到係香港嘅台灣特色野飲，就真係多如腳毛。如果你冇腳毛唔多明白，咁就改用頭髮來比喻 吧～ 而至於台灣餐廳，就多如眼眉毛。當然，我並唔係想講d毛有幾多，而係想講 條條毛都差唔多 架啦，通常都唔會點理會d毛。而要做一條出類拔萃嘅毛，令他人留意，就真係唔容易。要比其他毛突出。突出： 可以係差D，更加可以係突出嘅好。今次E間餐廳，唔使講啦～ 真心係條好出色嘅毛！特別推薦：黑色布丁多士。又脆又凍又有“污泥師奶”勁正（芋泥鮮奶布丁多士）！相信佢絕對係一條金眉毛！我第一次食布丁多士+個皮係脆！好痴線囉～又可以咁好食嘅！講到咁，係咪好吸引呢！？至於有幾好食，就不如親身去試下咪知囉～

今次去觀塘食台灣菜，呢間餐廳開咗好多年，由台灣人主理，負責接待嘅都係台灣人，服務態度幾好！呢度有好多食物選擇，飯、麵、小食、甜品、飲品應有盡有～ 有啲食物仲係其他台式餐廳少有，值得試吓！餐廳牆身仲有好多台灣景點壁畫，幾有特色！🔸麻油雞湯+水餃+滷肉飯+油菜套餐 $110一早睇定menu想食麻油雞☺️ 因為比較少地方有得食呢道菜～ 麻油雞用鐵鍋裝住，保持住熱度，無咁易凍！麻油雞湯好暖胃，麻油味唔會超濃，相對較易入口，湯入面仲有冬菇同紅棗，幾滋補～ 有3大塊雞肉，仲要係雞髀肉，肉質爽嫩，唔算好滑又唔會覺得嚡～滷肉飯有一半肉鬆，滷肉唔算太多，滷汁幾好味，唔會覺得肥膩～ 水餃有兩隻味，有高麗菜同韭菜味，餃子皮唔會太厚，幾清淡純粹嘅味道，想濃味啲可以點吓個醬汁，酸酸地幾開胃！🔸走心牛肉番茄湯麵 $78牛肉麵幾抵食！有4大塊牛𦟌，幾厚身爽口，仲有花枝丸、貢丸同滷蛋！番茄湯底清甜，大人小孩都愛嘅味道！幾鍾意麵質爽口唔腍，又夠滑身！🔸哈豆鮮果茶 +$42好飲！仲要有得揀去冰👍🏻 甜度揀咗微糖，覺得啱啱好，水果有熱情果、橙、火龍果、車厘茄，好清新嘅味道！🔸黑糖芋芋鮮奶 +$39揀咗熱同微糖，芋泥綿密，加埋

由台灣人主理，正宗抵食台灣風味料理～.正當時代巨變之時，這間台灣菜小店竟然在工廈開業已有10年，實在非常珍貴，亦是觀塘人的小確幸。.店內裝潢別具心栽，牆上繪畫了著名台灣景點的壁畫，部分由老闆親手繪畫，相當精緻。某角落亦手繪了不少經典台劇的角色，十分有回憶呢( ͡° ͜ʖ ͡°).工廈優勢地方較寬躺，座位也多，晚上跟朋友暢談也不會太拘謹。哈豆有兩間分店，但聽說刨冰只有這間供應。.➿ 嘎嘎脆芋頭愛花生 $99刨冰非常 IG able 之餘，也很好吃😋最頂層有我最愛的香芋脆脆雪糕筒；最底層是綿滑的仙草黑糖刨冰，中間夾着滿滿的紅豆；外圍被像巨型棉花糖似的黃豆粉花生奶蓋包著，整個刨冰味道豐富，但驚喜地都好融合。另外還可加入煙韌Q彈的三色芋圓，口感百變，透心涼大滿足的甜品！.➿ 豐盛台灣牛肉湯麵 $78如名字所說，用料豐盛的牛肉麵，有牛腱、貢丸、花枝丸。欣賞那使用牛骨、藥材等用料，熬製 8小時的濃郁湯頭。.➿ 浮誇大腸麵線 $96大腸麵線用料同樣豐富，都有貢丸、花枝丸、肉羹、柴魚片，當然還不少得肥美的大腸。朋友還讚嘆是台灣的味道呢～.➿ 鹹酥雞 $48香脆的鹹酥雞是每次必食之選，脆口得來不太油膩很讚！.

觀塘商廈入面有間勁火 由台灣人開咗一段時間嘅特色台灣料理 週末下午諗住去試下都座無虛席. 牆身都是台灣著名景點油畫 黑板仲有著名台灣電影~ 🧡走心牛肉蕃茄湯麵 78三舊厚切牛展 鹵得入味. 如果蕃茄湯底加少少辣會更開胃😋 🧡紅燒牛肉拼雞翼滷肉飯 70好大份 估唔到仲有肉燥 辣菜脯同其他伴菜 份量相當佛心. 🧡台式全日早餐配甘番薯條 90最鍾意佢個芝士吐司 炸雞皮脆肉嫩多汁 仲辣辣地tim~ 🧡鮮榨檸檬椰果多多 48 鮮果茶 52野飲份量一jar 上 一定夠飲👍

點了鮮果雪糕芭菲$58，因為想吃甜品，所以特意來這間，但結果令人大失所望🫠份量少，比餐牌上的展示品矮了一節。雪糕🍧一般。水果份量超少，原本應該放水果的位置用了一球雪糕充數，明明叫做鮮果雪糕芭菲，但鮮果只有薄薄一層，而且餐牌上展品中有的水果也不是完全有😐。沒有奇異果🥝，也有沒有檸檬片🍋（之後叫店員放檸檬也只有薄薄的一半片），蘋果🍎只有兩小粒（就是馬鈴薯蘋果沙律中的蘋果大小），橙🍊只有一小塊，裏面還有一小顆葡萄🍇（切了一刀成兩塊），還有一塊小蕃茄🍅（也是切一刀成兩塊），居然在巴菲中加小蕃茄？？！太離譜了🙄，這樣充數也可以？？！想吃鮮果雪糕芭菲，而不是點其他的雪糕類甜點，就是因為想要吃水果配雪糕。這次的用餐體驗完全無法令人享受，價錢又不便宜，體驗實在太糟糕了👎😓另外，這間餐廳只有現金付款💵，當日沒有帶現金在身，唯有讓同行者先付😬而且餐廳環境昏暗⚫️，光線不足，燈泡不是安裝在餐桌正上方，而是離餐桌有一段的距離，每兩張餐桌中間上方才有一個小燈泡💡。對於閱讀餐牌有一定的影響，有些座位會背光，用餐時也會影響食物的賣相，影響用餐體驗🙁

有套餐就平小小，散叫加野飲就八十幾 九十蚊，唔特別好食，又唔抵。唔會黎第二次燈光好暗，環境舊的食麵食左兩次，都真係好一般，唔明點解高評分牛肉麵好過茶木，但又無話令人好想再食第二次 炸野又好乾飲品設計講就有特色，飲落又係咁