唂咕

營業中

休息中

呢間賣朱古力飲品嘅小店口味都十分多！而飲品可以選擇梳打水、椰子水等做基底，十分新穎🤩.▪️純可可(無糖)配椰子水($55)第一啖飲落好有椰子水嘅香味，更加估唔到無糖嘅純可可唔會好苦😍飲飲下仲有啲甜味~朱古力亦十分香滑▪️焙茶朱古力(蔗糖)配全脂奶($68)焙茶味同朱古力味都十分香濃✨本身飲品都唔會好甜~有得揀全脂奶/燕麥奶/ 杏仁奶/椰子奶！啱晒唔同口味嘅人呀🤣.✍🏻整體:小店十分用心經營，店員也十分友善去介紹不同的可可飲品🍫夏天飲朱古力可以解暑~而且又可以飽肚呢.📍唂咕 Cucooland 灣仔皇后大道東136號地下D號舖

ෆ 𝘾𝙪𝙘𝙤𝙤𝙡𝙖𝙣𝙙 唂咕 ෆ 超好味嘅可可專門店🍫唔係講笑 係我飲過最正嘅可可🙈因為身體問題而家唔飲得牛奶🥛所以好耐都冇飲過可可喇但係今日經過見到呢間可可專門店竟然可以轉燕麥奶(๑°﹃°๑) 大驚喜!!因為我都唔鍾意飲咁甜 所以今次嗌咗𝟲𝟬%黑朱古力本身以為好苦原來一啲都唔苦 同埋唔係好甜所有嘢都啱啱好🥰仲有好多唔同嘅可可配搭 🤤但係我已經愛上咗燕麥奶可可🍫我諗我好快會返去回味😚ෆ 𝘾𝙪𝙘𝙤𝙤𝙡𝙖𝙣𝙙 唂咕 ෆ 灣仔皇后大道東136號地下D號舖@cucooland_ #CUCOOLAND #ACocoaADay #KeepStressAway #唂咕#hkig #hkfoodie #foodiehk #foodiegram #foodiegraphy #foodlovers #foodstagram #happysharing #hkfood #foodphotography #foodie #hkfoodblogger #hkfoodstagram #momofoodie #香港美食 #美食 #吃貨 #相機食先

大熱天時，灣仔行吓街，行咗一陣，就已經周身汗。最啱就係搵間凍飲嘅選擇嘅舖頭。唔想成日飲茶，介紹一下呢一間主打朱古力嘅飲品店😍😍🤩焙茶朱古力奶令人驚艷！高品質的焙茶和優質的朱古力，讓味道層次豐富🤣🤣🤣顏色深淺均勻，茶與朱古力的色澤完美融合，混合在一起非常協調，口感非常滑順，配合朱古力的微苦味道😍😍😍🤩抹茶朱古力非常濃郁。我選擇了燕麥奶作為牛奶的替代品，這使得飲品更加健康。飲飲下仲會飲到朱古力醬，好滑，好香濃🫶🫶🫶

A ƈσƈσα α ԃαყ, ƚσ ƙҽҽρ ʂƚɾҽʂʂ αɯαყ放假等朋友時行過 見到有間鋪頭紅白色裝修 好sharp原來係一間專門飲朱古力🍫嘅鋪頭月尾等出糧💰 自己整番杯朱古力 為生活加一點甜😋呢度啲擺設主要都係🦉 好得意 😍 講番嘢飲先 朱古力都有好多配搭 抹茶 焙茶 薰衣草 earl grey 同埋玫瑰唔鍾意咁甜嘅可以揀60% 73%黑朱古力Base都好多選擇 有椰奶🥥 燕麥奶 杏仁奶🌰 同全脂奶 （公司同事成日話係肥仔奶🤣） 我今日就揀咗純可可配椰子水 （無糖）完全無平時飲朱古力嘅邪惡感😈椰子水清甜再配埋可可本身 都唔會話苦 啱晒我呢啲又怕太甜又唔苦得嘅麻煩人 ✅職員好nice 見我選擇困難症 會作出推介 夏日熱辣辣熱辣辣 好熱好熱🌞飲完呢杯降咗溫 🌡 冬天再黎試熱飲 ✌

食完LUNCH 想飲杯肥仔水，附近見到呢間飲朱古力既~因為太熱頂唔順，就買黎試下。見佢都幾特別，有純可可無糖，仲可以配椰子水OR奶，第一次見~本身想ORDER 薰衣草朱古力，但太受歡迎，賣曬…朋友叫左ROSE CHOCOLATE, 淡淡玫瑰味，夠凍!!!我就叫左73%黑朱古力，店員都話係受歡迎之一。佢係用蔗糖，飲落唔甜，非常好，但確實唔太夠濃朱古力味。奶方面仲可以選舉全脂奶，燕麥奶，杏仁奶，椰子奶添~!蔗糖代替平時用既糖漿，減低罪惡感~最緊要夏天飲不係好夠凍，爽呀！

喜歡朱古力的朋友注意啦(⁎⁍̴̛ᴗ⁍̴̛⁎)!! 原來灣仔有間主打朱古力飲品的專門店，款式好多，每款都好好喝的樣子呀😍!!! 天氣超級熱，不知打不打得成風，但走在街上就像走在鐵板上，又熱又焗，所以要好好補充水份呀🙋🏻‍♀️。專門店主打外賣，買完拎回家就最啱了。 每款朱古力都可以自選奶的種類(≧▽≦)，好客製化呢～ @抹茶朱古力🍵$68 抹茶味好夠濃，朱古力又香又滑，配搭一起，好好喝!!! @焙茶朱古力🍫$65焙茶同樣香濃，個人認為焙茶比抹茶更夾朱古力🤣，香濃順滑哦\^O^/!!

Discovered an amazing place for chocolate lovers here in Wan Chai, just few minutes walk from the popular Lee Tung Avenue 🤭 They feature chocolate drinks with different flavours, ranging from pure cocoa, matcha, hojicha, to even lavender and earl grey 👏 Their cocoa comes from different countries - Belgium, Tanzania, Phillipines and Germany 🌎 What’s even special is that for pure cocoa, they offer pairings with either water base, soda water, coconut water or milk - depending on whether you want a

咖啡店／茶飲店係香港就見唔少，但主打可可飲品🍫嘅店舖真係好少見，平時都好少飲朱古力飲品，怕會好甜膩。但係今次去嘅Cucooland可可飲品專門店就打破咗我對cocoa嘅偏見，佢哋有無糖純可可、可可咖啡、不同濃度可可或者搭配不同口味嘅可可飲品，而且可以按喜好需要選擇牛奶／燕麥奶／杏仁奶／椰子奶🍼搭配，有不同偏好嘅人都可以照顧到🫶🏼餐牌會寫上不同飲品所用可可嘅原產地，可以對可可豆🫘了解更多😆純可可，椰子水專賣可可嘅店舖梗係試下無糖嘅純可可😗店員推介加椰子水🥥初頭以為通常配奶類嘅可可加上清新嘅椰子水會唔會好奇怪，但飲落又覺得幾夾😛質感醇厚，飲到淡淡純粹嘅可可香，椰子水味道淡淡地，減低可可本身厚重感。70%薰衣草朱古力另一款人氣款式🔥見到薰衣草都怕會有藥水／香精味，但一飲就消除咗我呢個疑慮🤣一入口飲到好清香嘅薰衣草味，但係完全唔係香精味，越飲落去，淡淡薰衣草香同醇厚嘅可可香融為一體👍🏻幾鍾意一路飲會食到啲可可碎，增添口感。人均消費：$60推介指數（10分為滿分）：7.5分

𝐂𝐮𝐜𝐨𝐨𝐥𝐚𝐧𝐝 🍫𝓟𝓾𝓻𝓮 𝓬𝓸𝓬𝓸𝓪 佢嘅可可來自三個國家 德國 馬來西亞 印尼Base方面可以揀純水 椰子水 奶ˠ 奶再可細分為 椰子奶 杏仁奶 燕麥奶我想飲到佢嘅原味道 所以選擇咗純水 ≈ 因為係完全無糖嘅關係 一入口你會飲到濃濃可可味 然後帶嚟一種甘香 我自己幾鍾意微澀個種味道 真係品嚐到最raw既感覺 🍫𝓒𝓸𝓬𝓸𝓪 𝓬𝓸𝓯𝓯𝓮𝓮咖啡豆來自 巴西 衣索比亞呢款亦係無糖 同埋只可以選擇配奶 我就揀咗椰子奶 ≈ 個漸層做得幾靚 咖啡同可可好夾 比例上剛好 加上棷子奶另質感更加順滑 整杯層次較多較豐富⇁如果鍾意飲有甜嘅朋友 Menu亦都有好多其他choice 咁有特色 可可迷記得唔好錯過呀 ☻

已經唔記得自己幾多年冇飲過朱奶🤔雖然耐唔耐都會想氹下自己 • 俾自己過下癮😆但人大左，食野 / 飲野都想揀番𝐝健康少少💪🏻不過今次...就連𝐊𝐞𝐞𝐩 𝐅𝐢𝐭中既大家都可以飲啦🎉🍫朱古力控🍫朱古力迷🍫有福啦🙆🏻‍♀️~•~•~•~•~•~•~•~•~•~•~•~•~•~•~•~•~•~•~• 同朋友仔都揀左無糖系列👭▪凍 • 純可可 (無糖) • 全脂奶 ($55) 旁邊睇漸層好靚，飲落又滑又香濃😚.▪熱 • 可可咖啡 (無糖) • 燕麥奶 ($60)唔好諗住熱飲用左紙杯就冇得打卡😏店員勁有心機️❣️咖啡☕先拉花💗再係表面用朱古力粉加上𝐋𝐨𝐠𝐨圖案🤎勁𝐂𝐮𝐭𝐞呀☺️.💁🏻‍♀️可能你會諗無糖系列咪好苦？🧐但奶本身帶有甜味，飲落都夠味 • 好香濃🤎當然揀全脂奶就最濃郁啦🤍不過想再健康𝐝 / 乳糖不耐症 / 素食朋友仔，全脂奶可以轉燕麥奶🌾 / 杏仁奶🤎 / 椰奶🥥.✨有無糖系列，就梗係會有糖系列啦，用既係天然糖(椰糖 / 蔗糖)比較健康💪🏻.✨除左大𝐌𝐞𝐧𝐮，旁邊個牌仔另寫住🍌𝐁𝐚𝐧𝐚𝐧𝐚 𝐂𝐡𝐨𝐜𝐨 𝐅𝐫𝐚𝐩𝐩𝐞🍫香蕉朱古力沙冰🍌依排咁熱，如果你係爆汗人仕，可以考慮下依杯😜.🈹記得儲埋印仔卡呀，有

最近見到灣仔開咗間朱古力飲品專賣店 可可來自世界各地 🌏♦️伯爵茶朱古力（熱）選用來自坦桑尼亞可可 可能用咗椰糖嘅關係飲落唔甜 啱啱好！除咗一般嘅全脂奶🥛 仲可以選擇燕麥奶、杏仁奶、椰子奶🥥 伯爵茶嘅柑橘味非常濃郁 配合朱古力同燕麥奶 質感幾rich♦️純可可配椰子水如果想再健康啲 可以選擇純可可！可可來自德國、馬來西亞、印度尼西亞～ 見到有椰子水呢個選擇 即刻揀咗！椰子水令純可可飲落輕盈咗 可能椰子水本身帶清甜甜味 即使本身無糖都唔會覺得苦澀 哩個配搭我都係第一嘗試 幾特別 啱哂夏天喝

“ A Cocoa a day to keep stress away”真係好鍾意食/飲朱古力但好少見到純以可可餸主題嘅飲品店灣仔呢間CUCOOLAND 以可可做主題老闆話 因為佢唔飲咖啡又飲唔到鮮奶所以就想開一間以朱古力做主題再有多種奶類比顧客做選擇嘅飲品店 亦都希望遇到同好完全啱哂我呢個飲野先考慮朱古力嘅人🫢佢地用嘅糖 大部份都係用蔗糖可以選擇嘅奶類包括鮮奶、燕麥奶、椰子奶和杏仁奶每款同可可豆都可以配合到一啲新意仲有純可可嘅飲品添 啱哂keep fit人士🍫73%黑朱古力燕麥奶👉🏻黑朱古力熱愛者必點 飲落香滑得黎無想像中嘅苦澀 唔會太甜 飲完唔會有痴住哂個口嘅感覺🍫抹茶朱古力👉🏻相對抹茶的苦澀會比較突出 好甜的比較推薦飲純朱古力味 但濃抹茶都岩嘅就可以飲下呢款 等待嘅時候有同店主閒聊覺得佢真係好有心去和大家分享佢愛嘅可可味道 和配搭建議 真係好用心

之前已經試過呢間去朱古力飲品店🍫 有日又經過，見佢咁啱新出咗焙茶朱古力，好似幾吸引，所以決定試吓🤎🍫• 焙茶朱古力(蔗糖)• $68 (凍)焙茶味同朱古力味平衡得好好，非常微甜，恰到好處，推介俾鐘意焙茶嘅朋友，值得一試🌟🍫• 73%黑朱古力 (蔗糖)• $58(凍)男朋友揀咗黑朱古力，我試咗一啖，覺得朱古力味濃郁，不過冇預期咁dark，鐘意朱古力嘅朋友應該會幾欣賞。不過我都係鐘意自己嗰杯多啲😆下次再試其他口味😙

🍫朱古力控有福了！係灣仔發現咗一間高質朱古力飲品店，當然就第一時間去試吓啦。位置係船街，成間紅色都幾易揾。佢哋除咗朱古力奶，仲有朱古力特飲。淨係奶都有分全脂奶、燕麥奶、杏仁奶、椰子奶，好專業。70% 薰衣草朱古力(奶)用2022年International Chocolate Awards 第三名嘅薰衣草朱古力，來自菲律賓可可豆加埋薰衣草香味，係杯面都聞花香味，奶我跟咗杏仁奶，冇咁heavy，同朱古力完美融合，入口柔滑。唔會好甜，朱古力味好出。另外佢亦有無糖系列，可以加水、椰子水、咖啡，我就試埋梳打水。成件事好清爽，最啱熱辣辣嘅夏天飲。

這家店位於香港灣仔皇后大道東道136號地下D舖，是一家以朱古力甜品為主打的小店。我來到這裡品嚐了兩款口味的朱古力，分別是70%薰衣草朱古力（蔗糖）和焙茶朱古力（蔗糖）。首先是70%薰衣草朱古力（蔗糖），這款朱古力是來自菲律賓的，搭配了薰衣草的香氣，整體口感很柔順，不會太甜，非常適合喜歡朱古力和花香的人。接著是焙茶朱古力（蔗糖），這款朱古力是來自比利時的，搭配了焙茶的香氣，整體口感比薰衣草朱古力凍更濃郁，同時也不會太甜。這款甜品的價格為$68元，相對於品質和口感來說，也是相當划算的。