唐三樓Cafe (已結業)

今天上午行完香工吃過午餐, 跟住趕四點前到位於太子港鐵站附近取團購的物品, 之後再行聯合廣場逛一下, 天又下着濛濛雨, 想與友人找地方坐下休息及吃晚餐, 就諗到去附近之前曾到過一次的楼上cafe唐三樓, walk in上到去剛好有座位, 因時間仲早, 先order两杯飲料,我叫了杯熱情果梳打味道好清新, 還加入少少青檸, 友人叫了杯冬日限定的白之戀人熱飮, 吃了個小食“黑松露忌亷芝士焗脆薯” , 香氣撲鼻, 非常啱喜愛香口食物的我, 好味道!喜愛這裏的幽雅寧靜潔淨的環境, 顯出這裡員工悉心的佈置。之後我們還order了两款主食意粉, 分别黑松露什菌煙三文魚意粉 & 意式蕃茄黑虎大蝦意粉, 两款都好合我們口味, 全部吃清晒😋下次去開太子旺角一帶, 必會再次來光顧, 不過唐三樓可提供人客包塲聚會的地方, 所以去之前最好打電話查詢及訂座!

今日約咗d朋友聚會，上次朋友黎過包場，聽朋友介紹呢度包場好舒服同幾溫馨，好奇究竟個環境係點，打電話book咗4位，店員告知我哋晚餐時段最低消費$100，但係冇限時，可以坐到收鋪。呢個價錢同唔限時都算合理😁晚餐dinner set給我的感覺設計都好比心思，好有誠意。另外前菜同餐湯都包括係set入面，唔洗揀✌落單後需要等大約15-20分鐘上菜。店員不算太多、要等都明白嘅~最緊要係服務好。小食同前菜類都幾多選擇，同朋友叫咗小食甜蜜蜜雞翼同黑松露薯條。雞翼夠嫩，唔係炸雞翼，所以焗嘅時間長d，但係熱辣辣又夠嫩口，唔錯。而薯條焗完出黎有好香嘅黑松露味，仲有芝士鋪面，睇到都有興奮~其實黑松露香味好特別，點茄汁反而冇咗應該有嘅味道，建議各位唔好點其他汁~我哋晚餐叫咗個鰻魚飯同海鮮意粉，仲有2個漢堡。鰻魚飯、D鰻魚鋪係飯上面真係好吸引，外皮仲要係脆脆地咁！另外個漢堡係韓式既辣醬底，麻麻地，但塊豬柳真係好juicy!成個味平均為一般，反而配角薯角炸得好好。I like💕海鮮意粉分別有帶子，蟹肉，蜆肉，配既唔係白汁紅汁，係咸蛋黃既忌廉，配落意粉個味道唔錯，但係呢個粉仔偏油～我叫左個拉花的飲品超QQ，色好靚，

不論食物，環境，氣氛都一流。啱晒一大班朋友傾計吹水，飲品又好特別，價錢公道，店主人又好。我上次去佢主動問我佢地既菜式有冇需要改善既地方，但我認為食物真係冇得彈，真係要講的話再多d選擇會更加好。值得推介！

第一次和朋友到唐三樓cafe吃飯,想不到環境非常舒適,設計優雅並帶點歐美的古典味道。椅子花紋是以花瓣圖案作點綴的,配合埋不同小攞設,就像置身於温暖的小屋當中,讓人格外放鬆心情。 那裡的古朱力蛋糕絕對值得大家一試,吃落香滑可口,再帶點花生味的清香,甜度適中,而且不會太濃,真的讓人讚不絕口。 還要一提的是小貓圖案的拉花咖啡非常漂亮,好飲得離又可以影相,配合埋薯角更是滿足。和朋友談心,開生日party最適合系度,價格不但平宜適中,而且又有集體遊戲棋玩,逗留一個下午已覺滿足。

已是第三次拜訪這休閒小 cafe 了~ 這次是公司同事聚會，因此我們預訂了 5 樓的獨立小偏廳，自成一角，更覺輕鬆自在。我們比預期時候早了一點到埸，可能樓層仍未準備好，但服務員很細心的帶領我們到三樓的大廳稍作休息，仍是一貫的有禮及笑容可恭😊 對我而言一間食市除了食物質素，環境及衞生之外，服務員的態度也很重要，因為這會令人有賓至如歸的感覺，也是加分的亮點之一。食物一貫的保持水準，因為我們點的是 Party 餐單, 因此有二個前菜，三款小食，兩個主菜，甜品及三款飲品可無限添飲，份量算很足夠……甜品是芒果糯米磁，味道不錯，但如果肉可以更多，應該會更加好味！唯一覺得有待改善的是餐飲，我們點了麥茶，利賓納及可樂，可樂不用多說，其剩兩款麥茶及利賓納本來不錯，可是味道太淡，尤其是麥茶一沖再沖下幾乎沒有了麥茶的味道，下次如果可以的話不用茶包，換成真正的麥茶調配，口感及麥味應該會更加豐富！總括而言服務，食物及環境都令人滿意，有空的話，必定會再到訪😊

突然想約埋一齊去休閒聚會，唸左勁耐，決定去試下新野，wow!有驚喜！呢間cafe唔似一般cafe野食甘細份同甘難食！環境好好，個位勁易搵！最緊要價錢合理！食個lunch set都係六十幾蚊！對於遲左起身又未食早餐午餐既我地，份量好夠丫！仲跟多杯咖啡同沙律俾我！讚！

假期最後一日去左唐三樓Hea!舒舒服服咁同朋友仔傾下計影下相！無諗過cafe嘅食物都有番咁上下嘅水準！意式黑松露雜菌意粉加埋煙三文魚呢個combination 好夾！意粉軟硬度岩岩好！creamy得黎唔會食到好膩！飽肚之選！咖啡師非常有心思拉左個靚花俾我！見到個花食都食得心情好啲！重點系最貴嘅set lunch 只系68蚊！每人一set！慢慢食慢慢玩！抵到爆！

今日放假 係旺角鬧市之中行黎行去眼見想睇個套戲仲有時間 可以食番個lunch路經太子 竟然發現有一間唔起眼（真心唔知個頭有樓上cafe) 的cafe 見到街上既店鋪都幾多人（撞正lunch time) 唯有上去望下 有無位😂😂果然不出我所料 場内都係只得客人幾個第一眼望入去 個環境都幾有家既feel 坐左係其中一個梳化（主要坐位係梳化）個staff 就同我講 岩岩今日開始左新優惠就係lunch time 叫杯飲品(好似貴過32佢地lunch time 12-2） 就free 1個 pasta （我心諗咁正）就叫左杯桃味梳打 就黎左圖中既pasta (份量都唔小嫁 一定夠飽 本身以為細細碟） 講番個味道先 梳打：就不過不失 下次有機會試下佢d咖啡Pasta ：俾想象中有驚喜 味道都幾濃 份量適中但女仔食 可能會食唔哂上菜速度 都係15分鐘左右 係個到有wifi 上下網 坐得都算舒服 時間過得快總結：無人騷擾 比起外面 呢到寧靜得舒服對我黎講 如果有機會都會番黎再食😂😂

我同幾位姊妹前日碰巧係旺角太子，又醒起有朋友介紹過這間樓上小雅座 唐三樓cafe,於是三人一同前行去試試。幸好，我地walk.in都有位，不過就辛苦小小行多兩層上左5 樓，始終人大機器壞行得太多真係唔得，就正正呢個時候，私人花園一個有私人空間就係呢到，店員又好貼心坐底後倒水比我地！我地點左set dinner and一款小食，當湯送上後，飲落去係住家湯既味道，比得上我地媽媽級！黑松露薯條好味！夠脆亦夠juicy！呢款係dinner白色料理一，係好新鮮及著時既水果，再配上風味甜酸汁，好match黑色料理2黑松露飯，配上好似係店主自製醃既煙三文魚有小小咸，不過黑松露味道非常夠及突出，味道好融合好欣賞呢款黑暗料理1，真係未食過，叫果時仲驚驚地，因為係紅菜頭醬汁，食落去味蕾好fresh,賣相十分，鴨胸份量非常之足夠大再配埋酸甜士多啤梨醬拉花公平貿易咖啡最後點左個dessert share ，好甜，仲要係店主廚自家製既oreo.ice cream so.creamy that！走既時候，店員都好好歡送客人，好有賓至如歸既感覺，我地一直都好支持呢啲類似既小店，繼續努力！:

想找間安靜的cafe和朋友聊聊天和計劃旅程，於是選了唐三樓，眼看它的食評都是好的。可惜太令人失望，質素與價格不相乎，最低消費也已經$90。不明白為何一定要規限客人點set dinner，女生們總是想要吃多幾款意粉或燴飯，而且套餐中的真的「揀唔落手」。重點就是上菜速度驚人，連餐湯、沙津和餐茶也在order後至少半小時才送上，食物更是「製作」了一小時⋯⋯我們真的等到好餓🙄。黑松露忌廉芝士脆炸薯條 $53⋯這次到訪中最好吃的食物，即時下油炸，吃得到非常香脆，黑松露極入味。盛。微黴 $123⋯份量感覺有點少吧，而黑松露三文魚吃下去太鹹！寧願能給多一點菇，也不必擺放得如此，感覺不值了。夏。南微 $96⋯伏！我和朋友吃完後真的肚痛了，差點無忍到回家😳😣！這是意外點錯的，眼看食物色彩繽紛，以為會好吃，一切都是美麗的誤會。聲稱用米皮包新鮮蔬果和藜麥珍珠飯，點其醬汁吃。我真是呆了，一個是紅蘿蔔和青瓜絲，一個是橙，還有一個是奇異果和火龍果，並不感覺是上等蔬果，點的也是普通醬汁，非常單調，卻竟然售如此高價和讓我們等待了2個小時。___不知店主是否鼓吹慢煮慢食，我們可能只是剛好點了店的不太優秀的食物，但整體來

一個月內幫襯左唐三樓兩次，原因無他---主菜好食，店員&東主態度好友善，環境也很舒適!第一次幫襯係一大班人，結果冇點影相。果次係星期日晚上，冇set dinner 提供，要散叫係有點不便，好在食物同環境質素搭夠。第二次係姐妹談心，有set dinner，又被安排喺一個有私人空間嘅環境用餐，朋友們都覺得呢間cafe 好讚!食物方面:兩道主菜味道好豐富，烹調用心，汁料經過精心調較，食材配搭有新意，plating也很有心思!主菜令人很滿意，美中不足嘅係份量偏少。飲料方面:跟餐的是fair-trade brand 的熱茶，欣賞店家對公平貿易的支持!之前試過果茶，感覺一般，可能係香精調較出來(?!)，唔係特別好飲。甜品方面(可惜冇相提供):比利時朱古力三重奏蛋糕要極力推介，朱古力味同質感非常濃厚，而且比平時的切餅大件，好啱chocoholic! 友人點了藍莓芝士蛋糕，size 較細，芝士味亦沒有很impressive, 有點失望。店家對客人也頗為信任，唔會特別去監視客人。而客人提出要求時，佢地亦會認真處理&配合，睇得出佢地好用心經營。環境方面都幾乾淨企理，主題是森林/童話系，用餐心情都很放鬆。唐

尋晚我地一班無見好多年既中學同學聚會，經朋友介紹就搵左係旺角隔離既太子 -唐三樓Second Floor Cafe!不但地點就腳，就係路邊(雖然係唐樓要行樓梯😥)，勝在太子地鐵站行去5分鐘就到👍講翻環境，行上去樓梯唔算新，暗暗地，一個人就係會驚驚地！因為一樓係剪髮鋪，所以沿路都好多頭髮碎。但行多兩步驚喜就黎，唐三樓樓梯鋪左草皮，木地板仲放左啲小動物，立即有種煥然一新嘅感覺！入到去更加好似去左另一個環境咁，有種。。。。脫離香港既feel! 其實我係台灣翻黎，所以我好耐未見過香港可以有一個類似咁既地方，Cafe!講到食物，由於我地係包場，所以都係一大碟咁！前菜到小食既都好好味，同埋係用碟上，就唔會似到會嗌翻黎既感覺，好有屋企既心思！前菜有薯球沙律，冷麵，呢兩個味道同樣到較特別有風味，有圖有真相！之後仲有兩種雞尾腸，炸既，我麻麻😩小食就有雞翼拼，兩種！好彩呢款既雞翼係焗既，好嫩，因為老闆話焗既比炸既會鎖住個肉汁多啲，呢個認真要比讚👍另外都係炸物，朋友點，所以我無咩要求，唯一見到係，炸得好好，金黃色！差唔多到主菜個個都好飽，所以到主菜既時候都覺得味道平平，唔差，但係都有7分！有日式和風既胡麻醬

我地一家人為左 慶祝細妹生日，所以特地挑選左 年青時回憶嘅樓上咖啡—唐三樓。 以我所知呢間店已經開左十幾年，可能係頂左比一班年青有心既後生仔，比起舊時唔單止環境靚左，而食物質素都變得好出色！聽聞老闆係一班90後既朋友仔，仲親力親為，好值得嘉許！雖然要走三層樓梯，但我同屋企人都 覺得 好值得再嚟多一次， 因為有屋企嘅感覺之餘， 同埋搵唔到 搵唔番唐樓既回憶！好多謝唐三樓！呢度食物飲品都色香味俱全，仲有個黑松露 煙三文魚意粉 入面啲黑松露 好重味，絕對普通咖啡店無咁既水準！但無影到相仲有一杯雜果梳打，藍色，好多鮮果，好fresh！希望你地可以愈做愈好！！！！！！！

上個月試完呢間私房菜, 今日先有時間post… 呢間係位於西洋菜南街既私房菜，雖然係唐樓既外表，但裡面如家般舒服，有碎花布既佈置，邊估得到老闆s其實係廿幾歲既後生仔。而好神奇既地方係，唔好以為menu都係普通cafe野食，咩雞翼薯條，卡邦妮etc.而係一啲叫做黑暗料理、白色料理等等既健康西餐。其實價錢都係百幾蚊有埋飲品，飲品就以coffee為主（當然重有沙冰, 有機果茶,）由於老闆s講求健康、公平，咖啡豆唔係普通野，而係公平貿易既咖啡豆；而花茶就係有機既( ´▽' )ﾉ只係太夜喇 再飲咖啡同茶我怕我唔駛訓😂😂（利尿） 所以就叫咗杯hot Green tea latte, 除左有隻可愛熊拉花之外，飲落好厚好香，係十分足料之green tea latte呢( ´▽' )ﾉ套餐價加$18單叫$42* 我下次一定要試佢既另一特飲: 田甜地白色料理之 霧鄉峰呢個係友人點既，係韃靼醬配三文魚碎，下面係黑醋藜麥飯，當然重有最重要既流心蛋啦😋😋 我食咗一啖，係酸酸辣辣既，我用平民口味黎形容，就係有啲似漢堡包個陣酸瓜洋蔥味，但帶啲辣，其實我平時最憎食漢堡包入面呢啲酸青瓜洋蔥味 但呢個配三文魚同飯，又幾好

最近喺網上無意中發現呢間cafe身為吃貨ge我當然要試下la～去到呢間cafe好有溫馨的家ge感覺❤️環境好舒適，好整潔👍🏻點餐後先黍自家製薯仔沙津球同餐湯雖然係先菜，但一d都唔會求其呢個係黑松露燉藜麥飯👍🏻👍🏻👍🏻有虎蝦,帶子,雜菌,當然仲有黑松露la整個藜麥飯充滿住黑松露香味就連唔多鍾意食飯ge我都愛上了❤️呢個係紫菜木魚和風意粉👍🏻👍🏻👍🏻有肥美ge鰻魚同蟹籽漬物完美ge配搭比較喜歡食濃味ge人一定會鍾意❤️再叫咗2杯飲品我叫ge係薄荷朱古力,非常香濃朱古力味唔可以唔講ge就係呢個甜品👍🏻👍🏻👍🏻自家製藍苺芝士蛋糕藍莓的酸甜味中和咗忌廉芝士食哂都唔會覺得好膩❤️最後，呢度仲有好多遊戲可以任玩我地就揀咗最經典ge波子棋同大富翁喺呢度，一玩就玩咗幾個鐘la～🙈🙈總括黍講：無論環境,食物,舒適度以及店員服務態度都係一流，店員仲話會不定期更換餐牌，所以我決定要再黍試哂其他菜式先得😂😂😂