唐人坊 (已結業)

餐廳裝修十分吸引，牆紙全是出前一丁的圖案，十分可愛; 周圍亦擺滿很多不同種類的出前一丁周邊產品，裝飾得很有特色，感覺十分舒服，很適合與朋友閒聚聊聊天拍照📷食物份量十分充足。朋友點了一份泰式四寶飯加蛋。豬頸肉燒得好脆，開頭以為會好油膩但入口唔會食到把口好油，有驚喜！ 海南雞啲肉都好嫩滑同好新鮮，隻蛋唔會過熟或過生，撈飯一流👍🏻另外叫左2份厚切豬扒䓤油汁加蛋，䓤油好香，配埋塊超足料嘅厚切豬扒，食完成個晏就都唔會肚餓。豬扒雖然厚，但係入面嘅肉煎得好嫩，唔會煮到好老，名乎其實外脆內嫩。最後叫左份網球拍雞肶撈丁配日式燒汁外賣比同事，雞肶超有分量，炸得好香口好脆；同事特別鐘意個日式燒汁，撈出前一丁一流👍🏻好夾呢個餐廳性價比高好抵食，價錢中等但係每份份量都好多，好足料食得好飽，味道有質素，值得一試

今次簡依間餐廳都係貪佢裝修得意可愛, 出前一丁由細食到大, 所有口味我都鐘意食, 宵夜就更加一流, 今日早餐就試下依間睇下同自己煮有咩分別先唻早餐餐牌, 價錢正正常常豬頸肉公仔面, 豬頸肉夠香口, 冇臭豬味雞扒撈面, 份量好似有d少, 唔算抵食, 但雞都煎得幾香口既店內佈置好得意, 影相多過食野, 好似去左出前一丁博物館咁, 總結間餐廳食物都不過不失啦, 價錢都唔算貴, 如果係鐘意出前一丁既都可以唻當參觀下既..我諗帶小朋友唻會更加開心

為聖誕派對訂購到會食物,真係帶俾大家驚喜!大家都讚好味👍😋鮮蝦沙律好美味,第一款被大家清晒的食物!無錫雞又滑又好味,俾傳統的火雞還美味!迷你蝦多士,真的令人添食再添食!越式炸春卷好香口!花形千層膏好美味喔!

今日午飯嚟到土瓜灣食街崇潔街，呢條街全條都係食嘢嘅，而呢間唐人坊係一間特色小店，全店擺設都係用咗出前一丁黎佈置。呢度食物嘅花款都幾多，而我今次就揀咗厚切豬扒配呢度最出色嘅出前一丁。等左大約10分鐘厚切豬扒出前一定到啦，豬扒非常大塊，目測炸得非常靚仔，立即試試佢先，豬扒外脆內軟，脆皮既外皮，加上豬扒既肉汁，熱辣辣咁，非常好味而呢到既招牌出前一丁當然冇令我失望啦，面質軟硬適中加上麻油味真係絕配啊。而飲品凍奶茶就不過不失啦。

好耐冇去，今日同3個同事去，唸住好耐冇食海南雞，想落單前，見到隔離食緊碟大豬扒飯好似好正，卒之叫了2個厚切葱油大豬扒飯，再叫2個吉列豬湯一丁，豬扒嚟到嘩一聲，很大塊，很惹味，吉豬應該即炸，忍唔住叫同事切件試下，很脆口！加埋杯凍檸少甜！埋單每人$42，走時俾人叫住！嚇親，原来重每人送嗰杯麵，正！三點三有着落！唔知送到幾時呢?

參加半日遊，團餐帶我哋到呢度食午餐，紅磡一條橫巷內一間茶餐廳，餐廳內外都放咗好多出前一丁同合味道嘅精品或道具比客人影相，內部就普通茶餐廳格局，座椅好迫！所以坐定都唔敢郁！聽老闆講解落單程序，再推介下麵食福袋，店員就過來落單，主菜其實你揀撈麵/湯面！加揀飲料（熱綠茶/凍檸檬利賓納）之後撈麵上先（因為事先淥定！等待期間可以影下相！導遊已事先講咗湯麵會耐，因為即淥，撈麵事先淥好，但店家出晒麵之後，大家食好晒先出到自助餐嘅小食，時間有啲耐！蜜汁豬頸肉配黑蒜油湯出前一丁：豬頸肉好肥膩，最慘係唔乾身，啲肥油已凝固了，無咗平時外脆內軟又油香滿咀嘅口味！湯麵見好多蒜油，但聞落無乜香味，麵係即食幼身拉麵，滑但唔彈牙，湯夠熱，雖然味精但可接受！一般！脆皮雞扒撈出前一丁：朋友食！小食：錫箔紙盤盛，咖哩角春卷：只食到咖哩角，炸得香脆，咖哩味幾濃！好味什果沙律：水果切得比較大件，蘋果同薯仔為主，爽脆酸甜，沙律醬薄身！酸酸地開胃迷你蝦多士：炸到金黃色，唔係多士底，似魚蛋夾啲蝦膠，魚蛋彈牙，幾滑！雖然油膩但好味！甜品：日式紅豆和菓子：現成膠盒攞出來，有塊膠葉包起，紅豆甜點，紅豆餡幾滑身，份量唔多，味道甜甜地，半透明

好耐未去過！同朋友試下海南雞飯先，舖頭好似装修過，換晒枱椅，成間出前一丁主題，整個海南雞飯，朋友叫咗嗰豬扒蛋飯，最喜歡佢啲醬汁，幾大叫佢走雞胸，唔係就好鞋！(因見最近食評咁寫)最多加錢！朋友話豬扒ok! 豉油汁正！見到好多人食撈丁，下次試下先，見佢枱面有嗰杯麵，原來食夠$100送杯麵，最衰今次唔夠數，下次叫多嗰朋友，不過唔知送到幾時！

從來沒有吃過那麼難吃的海南雞：肉又硬又老，根本咬不下！海南雞應該是很嫩的，為什麼會這樣呢？ 難道食品過夜了？因為我點了ubereats，下次再也不點海南雞飯了⋯⋯！我還點了出前一丁撈麵。味道比海南雞好多了，但是出前一丁這種麵不需要很高的技術含量，我用開水燒一下也會做出那種味道。唯一的亮點是雞扒。炸得剛剛好，不油膩，和撈麵是絕配。同樣是雞肉，雞扒就做的好吃，海南雞的雞肉根本不是雞，吃起來像塑料。我沒有誇張，我真的咬不動。希望餐廳進步！

見間茶記外面幾吸引，成間都係出前一丁，又有海南雞飯食，入去試一試啦！坐低叫左個四寶飯，有無骨海南雞，豬頸肉，蝦餅，魚餅加有味飯，外表好似幾吸引咁，仲有個醬汁（唔記得影）所有餸非常普通，豬頸肉還頗靭且乾， 而且個飯超級硬，硬到即時胃痛。廚房洗碗阿姐好似同啲筷子碗有仇咁，不停大力掟碗碟，令到不停發出大聲的敲擊聲，連我聽住高吵音樂吃飯都聽到後清楚，真的不明佢個老細坐係度可以唔鬧佢。最令我火大是個清潔阿姐掟完碗碟後去掃地，我明明坐左係度都可以伸長把掃把落我枱底掃埋我隻腳，同佢講掃到我隻腳，佢個樣仲好無嘢咁講對唔住，即時火起萬仗，嘢都未食完便走。雖然茶記不能有services，但都未至於當啲客無到或者死，如果唔係就會變成上環間食牛腩九X咁日漸目中無人，換黎個結果是比人打

老同學聚會，嚟個大食會，有豬頸肉，豬扒都好特別！泰式酸辣鳳爪超好味！－定要試！海南雞Ｄ汁好特別！必食！－間特色出前－丁鋪，点可以唔試出前－丁？老板煮左個曰版同港版出前－丁，果然有分別！最後試埋芝士撈丁！

公司提早整餐到會，見到佢舖頭成日好多到會，卒之試下叫做嗰泰國版及出前一丁版，海南雞成日食鳳爪，豬手都好正，估唔到嗰手撕雞飯都不俗，另外嗰捞丁配燒汁很惹味，豬頸肉都整體不俗，兩份到會2千多元，我吔女仕多30人食到飽飽！不妨一試！

今日同朋友試咗嗰芝士雞扒撈丁及越式豬扒雞翼飯，芝士很濃味，雞扒很脆皮，豬扒及雞翼都不錯，連飲品40元左右，下次試吓海南雞飯先，因見很多人食另見餐廳有很多出前一丁佈置，很有特色，唔知啲精品可以買嗎？

係 Facebook見好多人 post呢間嘢既相，見幾得意又近屋企咪嚟試下，點知賴晒嘢！先食咗個無骨海南雞飯，無味又難食。諗住佢主題係出前一丁，咁就追加多個下午茶，佢哋居然連最基本既出前一丁都整到超鹹，完全搞到無晒胃口。除非貪得意嚟影下相，真係唔好嚟試~

轉眼原來兩年無黎幫襯喇，今日 lunch 突然心血來潮想黎食海南雞飯，一係唐人坊、一係泰亞萊啫。海南雞飯，雖然係黃薑飯底，但完全無味囉！連雞油都無滴，好采有個酸汁撈飯，夠醒胃。無骨海南雞方便至極，咬落皮光肉滑，不過雞味稍遜呢！靠晒個酸汁，點左件雞就好好味！

於紅磡出名食的祟潔街，經過早年大旺的加太賀，沿路有不同的食肆。米線、沙律、西餐、中菜，花多眼亂。最後選擇了門面特別多裝飾的唐人坊。餐廳門面貼上得過出前一丁獎項及很多出前一丁精品，入內係典型的茶餐廳格局，但枱放盡每一個空間，枱的高度不一也會砌成一張長枱。而餐廳牆上掛上透明的層架放上不同的汽水樽。餐牌印上了各種餐以供選擇，我們選了四寶飯 (無骨海南雞、豬頸肉、魚餅及蝦餅)及無骨海南雞併豬頸肉飯。我點的已包括了你的餸，所以只講下個四寶飯啦! 首先飯寫是雞汁飯，顏色是黃色，但飯是濕及沒有任何油飯的味道，下了蔥油後會好一點，但會令到飯更加的濕。雞無骨及用質都算不錯，但都是沒有甚麼的味道。反而豬頸肉幾好，肉質適中，點了甜酸汁後更加好味。仲有一塊的蝦餅加一塊的魚餅，蝦餅不是彈牙的，甚至太過焾了，失望，魚餅就是平常買回來的現成貨吧。不過價錢相對是便宜的，$38一個飯加飲品，一點前走仲有折，都算不錯啦! 雖然只係食普普通通的茶餐廳，但希望，同你傾下計都可以令到你心情好少少！