唐記包點 (綠楊坊)

營業中

休息中

昨晚屋企冇飯開，又唔想在街外食，於是在唐記包點買咗2盒飯，1個糖水，順便買多2個凍包做第二朝早餐。梅菜肉餅飯都算是比較新的口味，賣相唔係好漂亮，但係好好食，啲肉餅剁得好碎又好入味，餸飯一流；鳳爪排骨飯係最熱賣嘅，少少辣嘅鳳爪同排骨好惹味，我最怕食著一啲有雪藏味嘅鳳爪排骨，但係呢度嘅鳳爪排骨絕對唔會有呢個問題，所以差不多每次買飯盒都會買呢款。雞蛋白果糖水係飯後甜品，好大隻雞蛋浸在白果糖水內，諗起小時候媽媽也時常煲這糖水，甜度適中，足料，有兒時味道。買了2個菜肉凍包放雪櫃內，第二朝蒸幾分鐘便有熱騰騰菜肉包做早餐了。2人晚餐，甜品連第二日早餐都唔洗100蚊，真係平靚正。