唐記包點 (已結業)

今日去買唐包點新推出嘅煉奶蘋果流心包，點知見到有新推出嘅香港製造賀年新春糕點🥧，無添加防腐劑，重點有折🤣🤣夠哂平性價比高。.有吉祥棗皇糕、豐足蘿蔔糕、古法年糕、如意馬蹄糕、喜氣芋頭糕，5款賀年糕點，全部都真材實料製造。煎咗蘿蔔糕同棗皇糕，蘿蔔清甜配上臘腸蝦米咸咸地，好有婆婆整出嚟嘅味道啊！！.棗皇糕勁香紅棗味，食落少少甜又煙煙韌韌，拍得住出名食府質素👍，一家大小都啱食。買嚟送禮自用就最啱。.好味指數：😋😋😋😋4/5推介指數：😋😋😋😋4/5抵食指數：😋😋😋😋😋5/5.🍽 唐記包點 (鰂魚涌)📍鰂魚涌英皇道985A號地舖

除左基本嘅鳳爪排骨飯同糯米飯之外，唐記仲有賣啲單餸飯，見到有豬軟骨飯同咖喱雞飯嗰啲，今次就叫左個$28嘅涼瓜排骨飯試下啦。涼瓜排骨飯拎到飯屋企都仲係熱嘅，一睇係覺得好油同好多涼瓜。每片涼瓜都厚薄適中，唔會話切得太厚好難咬。食落都唔會好苦，係好爽口同有少少青味，如果可以再煮軟啲就好啦（個人口味）。排骨都唔少，有6-7舊小排骨左右。啲肉唔會太硬，都幾入味幾好食，而且唔會太大舊骨，易入口。白飯都幾多，原本以為啲白飯會同茶餐廳差唔多，即係偏乾硬嗰啲，點知食落又唔會太乾，都幾軟，而且粒粒分明，唔錯。整體黎講$28一個單餸飯都ok，懶得煮飯嘅時候真係懶人恩物。不過都幾油下，預左絕對唔係健康嗰啲飯餸，見到佢最近出左素食嘅飯，下次有機會再試下。

行過見到海報，今次crossover Lipton 奶茶，出左呢款流心奶茶包，6蚊一個，同平時啲包一樣大，都幾抵食。即買放左一陣都仲熱辣辣，咬落去個包都幾軟熟，嘩，啲奶茶流心流出黎🙈...一邊食一邊流...要小心咁食！味道方面，好Lipton奶茶味，個人少食中式甜包，覺得有少少甜，但可以接受。朋友係Lipton奶茶fans,食完讚口不絕！

今次食最想試就係佢新出嘅阿華田產品，不過咁啱當日佢嘅飲品賣晒所以就淨係試吓佢個包。雖然外表冇咩特別但係入面開嘅時候竟然會有阿華田嘅流心，類似朱古力包但係佢嘅味道就係阿華田味，而且非常濃烈。最緊要入邊係勁多汁所以真係超正！另外都掂左啲點心例如係牛肉球同埋燒賣，呢兩款真係大粒又抵食而且價錢超平比起喺酒樓入邊仲更加好。同人分享都係最開心嘅因為份量都比較多雖然三四個人食都可以。好耐冇食過鮮竹卷二呢度嘅鮮竹卷都非常足料，入邊嗰件都唔同嘅材料例如係木耳，菜，菇等等嘅材料。鳳爪排骨飯都係我嘅最愛呢度嘅鳳爪真係好好味，而且排骨都覺得啱啱好如果再可以加一啲芋頭就好啦。入邊會有兩隻嘅鳳爪所以都唔錯。另外仲要試佢最大隻嘅煎餃我哋就點左四隻，又係大件又抵。

連日大雨，都不想外出，老公提議不如食唐記，方便快捷，選擇又不少。(最緊要係老公去買，贊成啊！) 🥢流心阿華田包 $5特濃阿華田流心包，由內到外都混有阿華田，比其他中式包有特色。🥢阿華田奶茶 $9阿華田味比奶茶味重，似飲緊特濃阿華田多D🥢足料糯米雞 $25糯米雞好惹味，內有叉燒、雞翼、大量肉碎，足料又入味🥢雞扎 $18腐皮包住嫩滑既雞件、爽口既豬肚、豬皮及較粉既芋頭，不算太油膩。🥢山竹牛肉 $17山竹牛肉較鬆軟🥢鳳爪排骨飯 $25鳳爪不夠淋，排骨好入味，飯軟硬適中

呢排天氣仲係落雨所以都懶得系出邊食、經過朋友屋企就見到有唐記包點，以前不嬲有買開佢嘅外賣。我鍾意呢度嘅牛肉球真係啖啖肉而且性價比高。啲燒賣好大粒，上面會有粒杞子都幾特別。三個人食都覺得飽晒，尤其是佢每一樣野都好大份。另外重點左其他例如包，鳳爪，牛肚，雞扎。啲牛肚唔會太硬，而且醬汁咁多。鳳爪嘅份量好多，就算外賣都直情同出邊飲茶嘅味道一樣。店員都好細心咁將同類型嘅食物放喺同一個盒。另外呢度嘅雞扎我覺得勁正因為入邊舊雞超大夠，而且夠晒滑。同埋我最鍾意嘅芋頭糕非常軟棉。另外都掂左叉燒包同菜肉包一樣大個又抵食。整體上唐記真係抵食呢度咁多都係啱啱$100就夠找數

啱啱打完風返工，手上積壓咗好多嘢做，中午時份放飯，在鰂魚涌附近的酒樓餐館、一定係人頭湧湧，又要排隊，得果一個鐘食飯都幾趕急，今日中午行經果間唐記包點、買外賣返工司食，慳D時間趕工呀！唐記包點原來越開越多，見到幾多街坊排隊下單，佢哋餐牌大大個又清析，食品名稱，外觀照片，價錢，都一清二楚，連我呢個有選擇困難症嘅人士，好快望住個精選推介水牌，就揀到心水食品！仲有佢地有大大個蒸櫃，食品從蒸櫃取出，保証熱騰騰，員工又好熟手咁包裝入袋，前后唔使兩分鐘就交到貨俾客人，值得一讃！我就買咗一份鷄扎（$18）一個蕃薯包同埋一個奶皇包（$7一個）另外加多枝凍嘅黑芝麻荳漿（$9）咁就夠哂！件鷄扎材料幾豐富，有雞有芋頭，冬菇等，味道唔錯，但D腐皮如果簿返少少仲好！蕃薯包同奶皇包各有特色，餡料不太甜，剛剛好、個人較喜歡奶皇包多D！食完飽點，飲枝黑芝麻荳漿，感覺營養豐富，又有好香嘅芝麻味！呢餐真係快、靚、正！

簡單嘅午餐 ，今日喺唐記 買咗個 (咖哩牛腩飯) 呢個快餐， 飯與，餸 係分開嘅。 用餐時先撈埋。牛腩幾入味， 咖哩嘅香味 都濃郁。 只係覺得 餸汁太稠， 兼且有啲油膩。如果可以加多些小配菜就更加好。

以前想買外賣點心包點蒸飯，都要上酒樓，不太方便。今時今日，多了很多外賣點心蒸飯專門店，方便得多。講起點心包點外賣專門店，我就常幫襯唐記包點。唐記包點分店多，梗有一間系左右，連地鐵站都有，十分方便，而且點心水準唔錯，價錢經濟實惠。今天懶得煮飯，於是又幫襯唐記包點外賣。唐記包點銷售都幾積極，常有新包點蒸飯推介，而且價錢優惠，讓客人可以換換口味。今天買了特色客飯咖哩牛筋腩飯、新口味鹹蛋肉餅飯、糯米雞和必食唐記包點。咖哩牛筋腩飯，咖哩牛筋腩和白飯分盒裝，以免白飯吸收咖哩汁後變得稀爛。咖哩辣度調得適中，合香港人口味。牛筋和牛腩都算冧甜，而且份量都算充足。至於白飯，粒粒晶瑩剔透，飯底乾身，撈咖哩汁吃一流。新口味鹹蛋肉餅蒸飯是家常小菜，厚身肉餅夠大塊，肉質鮮嫩，肉餅鬆軟嫩滑入味，配鮮鹹蛋王，很能送飯。喜歡食唐記包點糯米雞，皆因夠大隻，餡料足，食一隻已飽肚。去得唐記包點，當然要食必吃包點，一口氣叫了菜肉包、榨菜肉包和菜脯肉包。包點都保持水準，全部都熱辣辣出爐，包皮香軟，菜肉餡料十足，一啖包，一啖餡，十分滋味。唐記包點常有新推介和新優惠，可讓客人換換口味，而且都是街坊價，經濟抵食。更有凍包推出，可以買回

食西式包食得多都會想食下中式包，早餐食個熱呼呼既中式包，唐記包點係不二之選，包種類多，有辣有唔辣，有肉有素，價錢相宜，7蚊有個肉包，包好鬆軟，饀又夠味，是經濟實惠之選午餐唔想落街同人迫捱貴飯， 仲可以買個蒸飯👍🏻

近排天氣陰晴不定，昨天仍在穿著短袖T恤，今日就突然急降了幾度。見天氣凍冰冰，不想做飯，老公提議去「唐記包點」買外賣。老公話要食蒸飯，小鬼想食粥同點心，而我就對蒸包更有興趣，一於全部買齊。沒想來到時還未夠十二點，門口已經企滿嚟買外賣嘅客人，非常旺場。今次買左新出的梅菜肉餅飯、皮蛋瘦肉粥、糯米雞同 5 款包點，滿載而歸。梅菜肉餅飯 ($25) 肉餅非常大塊，食落唔乾身，蒸得好入味，而且每啖入口都有梅菜香，加上墊底的椰菜同軟硬適中的飯粒，充滿家鄉風味。皮蛋瘦肉粥 ($16) 粥底煲得軟綿順滑，入口夠稠密，皮蛋和瘦肉份量充足，食落亦頗夠味。糯米雞 ($25) 隻糯米雞差不多有成隻手掌咁大，入面有雞翼、冬菇、叉燒、鹹蛋黃和肉碎，料足又帶荷香，令人吃得津津有味。至於蒸包方面，今次就點左菜肉包 ($7)、叉燒包 ($7.5)、香菇雞包 ($7)、麥皮饅頭 ($5) 同黑麻蓉包 ($7.5)。咁多款之中，首推黑麻蓉包，芝麻餡料順滑又帶點沙沙口感，入口味道勁香濃，加上甜度適中又有芝麻香，堅好食。叉燒包水準亦不賴，包身夠鬆軟，叉燒餡頗多，入口鹹甜得宜，加上沒有太多肥肉，食味頗佳。另外菜肉包亦值得一試，菜同

除了包點和蒸飯之外，款式更愈來愈多，更有點心、甜品 、蒸飯等供選擇 糯米雞超大隻， 份量足， 味道夠， 有竹葉香味， 好味。蒸飯有好幾款口味可選呢，我最後要了一個章魚肉餅飯，肉餅蠻厚的，混合了章魚、冬菇跟馬蹄，很能下飯的，而且還會配上蔬菜，不錯不錯雞札餡料多，個雞肉大大舊配上芋頭好好食呢度既奶茶就真係要推介俾大家，一樽仔既奶茶只需$12，又香滑又夠茶味全部包裝穩陣又保溫， 叫完好快就包好，全部熱辣辣。方便又平又好味。

天氣濕冷，食麥都冇麥胃口。 今日做完運動覺得食點心做lunch都唔錯 ，原來唐記包點唔止得包，仲有蒸飯 ，煎餃，飲品選選擇都很多。 係典型grap and go 快餐，今次手上有環保食物盒，店員都冇黑面兼好快手放好。1。 雞蛋牛肉蒸飯。 菜份量都喊少，牛肉係牛肉餅，食落似牛丸質地，有半熟蛋同醬汁。2。叉燒包。 材料足，麵粉夠實心。3。山竹牛肉球。4。燒賣。 兩份。好飽肚既豬肉燒賣。5。黑芝麻豆漿。 夠香滑。總結： cp值高。

幾個禮拜前食過唐包點覺得唔錯，呢日食過返尋味，見到唐記包點又走左去買晚餐同埋第二朝既早餐😛要一讚呢度既店員係我落咁多野既時候幾有耐性，之後又執得有效率無出錯☺️👁‍🗨 北菇雞飯（7/10）💲25同樣係蒸飯，但係呢個盒比起上次係唐包點買既大得多，份量相對地多呢😯有冬菇、幾舊嫩滑雞塊，同埋一堆加左蒜蓉炒過既椰菜🙃👁‍🗨 燒賣（7/10）💲17一份有四粒，上面有杞子，咬落都爽彈😙👁‍🗨 鍋貼（7/10）💲15/3隻全部鍋貼有煎過既痕跡，不過攞到返屋企都腍😂皮偏薄身，大大隻入面有好多豬肉🥟👁‍🗨 香菇雞包（7.5/10）💲7呢個包有驚喜，食落有唔少菇絲同雞肉，亦都保持到肉汁，整體幾香口🍞👁‍🗨 奶皇包（7/10）💲7呢個奶皇餡入口都幾幼滑，不過奶味比較重，唔係好夠蛋黃香，同埋未話好流心👉🏻👈🏻👁‍🗨 蕃薯包（7/10）💲7開半後見到有好多蕃薯蓉對眼都發曬光，食落偏向軟綿，無咩甜味夠天然🙈👁‍🗨 芋頭包（7.5/10）💲7呢個都係有一大舊芋泥，芋頭味幾香濃，又唔會話假，個人幾鍾意會翻兜😍👁‍🗨 馬拉糕（7/10）💲7難得唐記包點有賣唐包點無既黑麻蓉包，打算買幾個比鍾意食黑麻蓉既娘親，但店員話已經賣

好耐冇食過唐記包點啦！趁今日返工遲咗放飯就過去食啦，反正間嘢喺隔離，幾方便。叫咗個雞蛋牛肉飯同一個紅豆包。好大好厚一塊牛肉呀！正呀！塊煎蛋都好正，咬落又有啲蛋液流出嚟好好味。不過啲配菜就冇乜味，食落又唔甜咁。啲飯量都唔係好足，一盒飯食唔飽。紅豆包都唔錯。紅豆馅都比得好足好甜。