唐軒 (已結業)

　　吃完自備三明治，便下樓去逛逛，忽然心血來潮想吃芝麻糊，一心以為這裏有。服務員在門口招人進內，我便進內了。　　甫坐下，我要芝麻糊，他們說沒有。我大失所望，於是拿起餐牌看，想到杏仁茶也不錯，他們又說沒有。我再想問要豆腐花，他們說有，我很高興，便要一碗熱的，但她們又說，豆腐花只有冷的。我再問，到式你們有甚麼？她們說除了冷豆腐花，都沒有。　　我真的有點火，而店內也許非常忙，因此她們顯得有點不耐煩。我很無奈要了一碗冷豆腐花，反正好心情已糟蹋了，虛火上升。　　冷豆腐花，吃下去好像有些硬粒，像是飯那樣軟軟稔稔的，一咬即碎，明顯地不夠滑，豆味也不夠，過於堅實，而且同一碗，咬下去軟硬口感不一。　　我大失所望。

久久無寫食評, 一寫就係彈既.............長話短說, 有同事請食下午茶, 就叫左幾款糖水外賣, 綠豆沙好似湯渣加水咁, 一D都唔沙, 重要無味, 好似連糖都無落咁,個芝麻糊就稀呢呢, 食落口成陣益味, 湯圓又鹹, 係個薑糖水夠薑囉........呢間野越做越差, 總結係絕無下次~

在附近聽完免費音樂會之後, 捉了老媽來了未吃過的唐軒。店子如同街上不少食店般都是小小的, 只可坐十來廿人; 因此日間這裡總是很多人, 所以就一直都未來過啦。這裡賣糖水小食為主, 主食就只有健康蕃茄湯粉。老媽點了 健康鮑魚片湯米線 ($28), 而我就吃 菜肉雲吞湯米線 ($28)。粉麵 default 是米線, 但也可選米粉/螺絲粉/公仔麵。湯底清一色的是據店員說是用蕃茄薯仔自家煲的蕃茄湯底, 不加味精, 喝下去果然沒味精, 不過蕃茄味都不算很濃, 而且有點粉粉地的感覺, 應該是來自薯仔啦, 是幾有住家風味的。我媽竟說這湯底好過勝香園的! (有無咁誇張呢? 不過我未食過勝香園就無謂跟她拗了。)米線雖然一如所料有點腍, 媽的鮑片當然也沒可能是真鮑 (反而這現製品有點味精喇), 但我的菜肉雲吞就真的好好味! 一碗慷慨的給了七八顆, 就是分了三幾顆給媽後, 還是吃極都有! 多菜少肉, 一口一顆, 吃得很是滿足!既然這裡主打甜品, 趁有多個人便要試一試啦。要了白雪豆腐花 ($20), 其實有點像滿記的白雪系列甜品, 都是以雲尼拿 (雪糕) 汁底配亞答子, 用上豆腐花減低了甜膩感, 都挺清新的,

6月8日（星期二）晚，是晚收工後過海找女友吃宵夜，因不想吃得太heavy，所以女友就提議來這裡吃。我和女友分別要魚肉雲吞蕃茄湯米線和魚腐蕃茄湯螺絲粉，另外女友要多碗杏仁茶加湯丸做甜品。兩者都是用蕃茄湯底，試了數口湯底，感覺是有蕃茄味，味道尚算清甜卻不夠濃，亦不見有蕃茄蓉在湯內，這樣的蕃茄湯底祇算合格而已；魚肉雲吞有點鮮味，吃得出和其他雲吞不同，而魚腐又是似魚蛋多些，另外米線和螺絲粉祇屬一般；杏仁茶加湯丸倒是不錯，吃得出杏仁茶應該不是用粉開的，味道甚濃，雖然湯丸是用賣來的貨，但煮得尚算軟綿煙韌。

橫街小店一間，不太起眼，但景有驚喜之作...本為醫肚食完就算的心態， 一入去叫左個鴨胸 + 雞翼米線。 味道不錯，正正合符健康主題。我最喜歡的項目係甜品 - 白雪豆腐花，我女友就食左 - 美顏蛋白。 白雪豆腐花的 Valina 味幾好，最正就係豆腐花，入口即溶。而美顏蛋白的木口杏仁味夠濃，加上蛋白真係好似好養顏。真係可以 encore wow!

無錯，此店標榜健康茄蕃湯底，真係一粒茄蕃也找不到… 健康有限！連一點蕃茄『味』也欠奉，最強勁的、莫過於麻油味，叫『赤色麻油湯』較為貼切呵！叫了雙併：手撕雞+魚腐的米線，心目中的手撕雞，是拆肉至很碎的，但此店的手撕雞，只是將雞肉大大件的撕開，及將雞骨除掉了而已，一點特色也談不上，還向食客不停推薦『手撕雞』，真有你的！那幾舊魚腐… 又都幾袖珍喎…！湯碗雖大，但米線不多，一個難以叫人飽肚的午餐，莫非這就叫做健康？

26/2(四) 2:15pm"唐軒"以健康米線自居,是日的下午一試龍鳳!坐於距洗水間不足兩呎用膳,加上地面濕氣重,感受很春天,霉霉的.沒套餐的選擇下,來了碗魚肉雲吞米線$24,而同事們則點了手撕雞米線及陳皮骨湯米線.魚肉雲吞米線--蕃茄湯底,蕃茄味不昭然,仍啖出鮮度來;米線份量較小家,水準不怎麼樣.而魚肉雲吞以粟米鯪魚肉作食材,雲吞入口稍削,味道輕清.除此之外,上一口手撕雞,肉嫩味非鮮非濃;陳皮骨的做法是將排骨炸之,後撒上陳皮粉,骨子裏含陳皮香才怪!阿姐屬粗聲粗氣型,為機器加油的一餐!

第一次光顧，感覺麻麻，應該無take-two。此店謤謗健康，但D食物又俾唔到這感覺。食物特色之一是蕃茄湯底米線/湯飯，味道很一般，連少少蕃茄都見唔到，有D失望，更枉論和其他蕃茄湯底專門店如勝香園比較。餸料選了香酥雞翼(三隻)，不是分開上，而是浸在湯中，試問又如何「香酥」可言呢？同事叫了一客椒鹽豆腐，脆皮還可以，但內裡的豆腐一D都唔滑！所以自己都唔知點解叫多個豆腐花食，當然都係唔好食。個豆腐花D豆腐一睇都知和平時的新鮮豆腐不一樣，表面光身有少少透明之感，所用的糖水是微奶白色，味道怪怪的。另外，如要加飲品的話要加$5至$9，頗貴。加上服務麻麻，可以不試！

雖然我只係去過一次但係都好記得果度ge『陳皮骨水晶粉』↓個湯底d味道都幾好水晶粉又幾爽口陳皮骨都幾香口,佢仲落左d陳皮粉, 味道更上一層樓但係服務水平有待改善

lunch去食了個瑞士雞翼蕃茄湯底螺絲粉~d雞翼幾入味~滑底有d油…唔係真係咁健康~仲要有d比人昆既感覺!!!!因為佢張menu係舊既~上面寫住有A餐至J(?唔記得有幾多個喇~~)餐最後寫住餐飲可以揀d咩…於是我就叫埋野飲~~~點知原來係後面個幾個餐先連野飲!!!前面個d唔連!!!!我仲要叫左做咩珍珠柚子茶…都幾難飲，要加$8!!!!勁唔抵囉!大家記住睇清楚d~睇貼係牆上面個張應該好d~~~準d ga~仲有~我坐個個位滴水~記住唔好坐冷氣機底~

蕃茄湯朱扒米綫都ok呀~個蕃茄湯湯底幾特別, 應該冇咪精既~~

jan 03, 08晚,2人來,叫咗 : 1) 美顏xx (唔記得咗) $28-即喺杏仁蛋白茶-喺生磨,都滑,但杏仁味唔夠利x濃,但個收費比人哋集團式嘅高,有d搶$$$$ feel2) 熱芝麻糊湯丸-試咗友人1羮,唔似全生磨,因食到d味有少少假-湯丸雖然無試到,但唔會對佢有期望3) 熱腐竹(外賣)-當然無試到- 比較用真材實料嗰d,就收到天價,合理d$1x/碗嗰d就出品比較馬虎.............唔攞d誠意出嚟,好難做得住架喎!!

叫鰦 碗蕃茄豬扖螺絲粉&紅豆沙食食下, 碗粉浮隻蟑螂出鈬 , 本來都只係細細聲同個waiter講, 點知個waiter好大聲問"你地想點, 比過碗粉你囉.! 你唔好以為可以唔比錢丫!" & 我要求取消碗紅豆沙, 但個waitier話唔得, 我話"點知紅豆沙有無事",waiter答"我點知丫". 嘩!! 這家店對客人食到蟑螂的處理手法都有好經驗, 我都好唔好意思, 原來係我大驚小怪, 重以為自己好好心細細聲講, 原來在這家店來說只是一件小事.

外賣黎到... 越食越嬲... 我地叫左瑞士雞翼5隻俾得4隻是但搭兩支毛謹謹既翼尖仲要好鞋好乾我拎起電話差D要打落去投訴係我男朋友話算數兩碗縲絲粉D菜明顯少左個湯冇以前咁香濃不過魚肉雲吞就同之前差唔多我地以後唔會再幫襯

兩年前搬到附近幾乎每星期都會叫唐軒的蕃茄縲絲粉因為價錢公道又好似幾健康咁後來佢地係大半年前加左價記得係2蚊度我叫外賣時個店員仲同我講D油加左價所以佢地都要加果陣我覺得OK啦不過打後幾次質素變差最差係送外賣黎果個人連續兩次同我講冇單唔知收幾錢又話冇帶散紙...最後我俾左整頭佢就算喇雖然可能係幾蚊既事但我覺得咁樣會唔會有D攪笑呢隔左幾個月我都冇幫襯間中行過都見佢入面冇咩人今日同男朋友唔知食咩好突然諗起不如叫唐軒因為太耐冇叫所以要上網搵電話我男朋友叫外賣時店員講俾多D花生佢話冇花生加因為貴原來佢地又加左價我地覺得加左價仲要少左野會唔會離譜左D呀每碗都係幾粒花生因為成本問題刪除就算但係加左價啵... 即係覺得感覺好差我再上網睇睇睇到有網友留言我即刻想打去取消ORDER TIM O_O 如果咁樣做生意我諗佢地好難捱嚕