啡奴

營業中

休息中

來了這家café已不只一次，這裡不但是環境舒服，食物也好味，最重要的是有得煮MEMO，不但可以一展畫功，更能寫有意義的句子，而店主亦有原本的MEMO改為以百加布此環保主義給客人們選擇畫圖或寫文字。我跟朋友到步後分別點了﹕全日早餐、冬蔭公意粉、Ginger Latte及Iced Mocha。先說全日早餐相當豐富，有不能缺少的腸、蛋、包、菜外，還有煙肉及三文魚，不過不失，味道正正常常。再黎每日會有不同的意粉，比較特別的是千層面，而今次卻點了冬蔭公意粉，出乎意料的重口味及可口，意粉亦不會太林，剛剛好之餘加埋冬蔭公汁，絕對係值得再點的一道菜。而飲料方面點的Ginger Latte及Iced Mocha亦相當香及有咖啡味，這家的咖啡不得不稱讚!!!!

沿著鴻圖道走，細心留意就會看到這個細小的門牌。一旁繪畫了一個大窗戶。店內位置算是寬鬆，有高枱，也有對牆自修室般的位置。不管是和朋友聚餐，還是自己一個人都非常適合。店內走半自助式餐廳風格，由店員為大家下單，要餐具或者水請自便。氣氛偏輕鬆自然，店噴們亦都非常主動和親切。Latte奶味濃郁，咖啡味只有一點點，酸味也很淡身。質地輕身毫不厚重，但香氣十足。不錯👍🏻楓糖雜果班戟在疏乎厘班戟橫行的潮流下，偶爾食到傳統班戟，感覺反而更加新鮮。沒有像疏乎厘的空氣感，但卻非常充實和飽肚。雖然鬆軟程度一般，入口也算是細滑。

#支持良心餐廳 🔥集氣三萬thx post香蕉合桃muffin $20係屋企太耐突然好掛住muffin!!難得出街緊係即刻搵返間黃店食😭佢有檸檬、藍莓、朱古力同香蕉合桃味 下次我應該會試埋其他款😂 我覺得今次香蕉味就唔算好出 唔係話好特別 份量係比連鎖店嗰啲細舊啲 但比較上無咁油同甜 呢間好多甜品我都想試下 🥰 有機會再黎

今日約咗朋友去觀塘食嘢，一向支持黃色經濟圈，觀塘要搵一間黃店基本係唔難既，想傾下計就搵咗間cafe.一坐底已經見到好大隻連豬，食都開胃啲。我地叫咗煙三文魚egg Benedict同雜菌egg Benedict～兩個egg benedict基本係一樣，配有沙律菜同竹炭多士，第一次見係用竹炭多士，好特別，水波蛋煮得啱啱好，中間仲係流心架，用黎點多士我流，好好食飲品方面，分別係熱朱古力咖啡同熱抺茶鮮奶，朋友話個咖啡豆好香，下次都要試下佢啲咖啡！

香港地寸金尺土好多cafe都只能夠開喺工廈嘅樓上鋪當我地努力咁建立緊 #黃色經濟圈 嘅時候先發現原來香港都有街鋪嘅高汁 #黃店，特別係適合打工仔，除非觀塘一帶逐漸演變為九龍嘅商業區，越來越多大公司都設立office喺呢邊，講求效率嘅香港人朝頭早無咖啡落肚點得嘅呢呢邊晨早流流就開，又開正喺地下，非常適合趕住返工但無咖啡因做唔到野嘅上班族除左方便之外，你睇睇佢個menu就知道佢個早餐都唔差架，CP價高嘅早餐😁而咁啱個會早左完，我就即刻過左去品嘗下佢個早餐啦...作為我嘅Brunch，份量都係相當重要嘅部份，當時我好唔知羞咁問佢地嘅staff邊個餐最飽，點知佢地又真係好認真咁建議我食呢個A嘅Mini All Day Breakfast，啱哂我呢啲死港女😉😉千祈唔好俾佢個Mini字呃左，都唔細份架，作為平時去茶記食一個碟頭碟都只係8成飽嘅我表示食完都好有飽足感其次佢啲食材都好新鮮，仲要處理到恰到好處，連唔多鍾意食包嘅我都深深愛上左佢個牛角包，又soft又熱，你話死未?而且佢啲沙律嘅菜一啲苦味都無，你知啦料唔靚真係落幾多醋/調味都無用架嘛咁腸仔同煙肉呢啲現成野我就唔特別評價喇，唔會話太過鹹，亦唔

一直想試嘅黃店，今日終於試到💕先講裝潢。一入鋪已經見到大量文宣同連儂牆，真係非黃勿進。除左因社運而生嘅design之外，餐廳設計本身係工業風，相當闊落，枱同枱之間唔會太逼。另外，因為空間大，就算坐滿人都唔會太嘈，呢一點相當好。再講食物。食物價錢偏中上，lunch set有幾款揀，價錢由$72至$108不等，屬於正常cafe價錢。食物質素都係中上，不過個人認為份量少左少少(可能個人比較大食😹)。我自己叫左個意粉，我朋友就叫左個飯(如圖)，飯嗰個set份量好足，我試左一啖，味道都唔錯。我自己個意粉就真係好好食，不過略嫌配料份量多過意粉。最後飲品。飲品跟餐加$20-$25不等，淨嘢飲就好似30幾至40幾蚊不等。我朋友杯抹茶牛奶就正常味道，抹茶味重，個拉花好靚😹我杯印度香料奶茶就原諒我唔識欣賞，唔係話難飲，但總係怪怪地咁，而且好淡，不過見要加25蚊就合埋眼當苦茶飲左佢算，如果大家中意怪味嘅嘢絕對推薦你試😹不過份量都偏細杯，如果用原價買就唔抵(如果用同一個size嘅杯)。

還以爲 Coffee Slave 是特式咖啡店，原來這裡的午餐很有質素。不談顏色，只談食物，味道很好。忌廉明太子元貝意粉：忌廉和明太子做底，鮮甜元貝跟着意粉一同吃，看來很開胃喎。燒烤醬豚肉芝士漢堡包：這份漢堡包份量不細，厚厚的一份芝士鋪在豚肉上，入口時真是溶為一體。不過這一次很奇怪，漢堡包的上蓋為何有一個大窿呢？是否方便我將芝士豚肉放在裏面然後跟麵包一同吃呢？香辣薯角：辣在裏面的薯角，入口吃的時候不覺得辣，然後辣味在薯肉內慢慢滲出來。若不怕熱氣，其實都幾香口。日式漢堡扒煙肉芝士：另一個版本的漢堡，漢堡肉為主打。全日早餐：這個早晨全餐也很受歡迎，有非常矜貴的煙三文魚。若份量再多一點，或者麵包大塊一點，又或者以Benedict 蛋代替炒蛋，那就更完美吧。還有餐湯都幾香濃。這店是 Coffee 的 Slave，當然咖啡才是主角。除了午餐，原來下午 tea 也不遑多讓。價錢不算平，食物的質素和味道卻是物有所值。@Eaten by CalvinCanEat

觀塘隱世深黃cafe，環境又夠闊落，不過呢排好多人「懲罰」，所以下午茶時間去都幾迫幾full，聽講晚市仲要排隊～法式西多士一食落去嗰下好驚喜，外脆內軟！配搭埋啲蜜糖，仲有焦糖香蕉，好match！意粉估唔到食落去咁有層次咁creamy，比起乾身嘅意粉，比較偏好呢種多汁嘅～～～而且雞肉份量好足同埋嫩滑，唔會食落好乾好鞋！洛神花茶及mocha花茶酸酸甜甜好開胃！Mocha就麻麻哋，好多咖啡粉沉底，飲落一粒一粒咁…

環境十分舒適，意粉🍝煮得好好食，意粉軟硬度適中，唔會太霖，不過可惜無影到相，芝士炒蛋咖啡菇都好出色，另外亦叫左個牛油果炒蛋麵包，蛋炒得非常滑，值得去既一間cafe

呢個餐真系超正，呢間嘢不知不覺已開幾年，裝修風格使我坐得好舒服，講返食既嘢，個餐一黎到賣相已經好正，先食個沙律部分，呢部分不過不失，但完全合格，食條腸食得好有滿足感，吾會食到吾到喉，蛋亦炒好滑，非常好食，最驚喜系個包，嘩。。。。我本來吾系太鍾意食包，但呢個包點解咁香，除口感好之外，真系好鬼香，成個餐真系好夾，份量又夠，重有。。。原來最正系杯咖啡，佢地一直主打咖啡，絕非是旦做比你，時間壓力剛剛好，油份又出到，真系好香，整個午餐真系好滿足，一定會再返食

呢一間Cafe之前lunch time過嚟幾次都食唔到因為實在太多人啦！今日難得星期六過嚟觀塘梗係要去食啦！望住menu好多樣都想試,諗左好耐都係揀Egg Benedict配煙三文魚。再加個Caffe Mocha，睇menu佢寫住 Marou 78% single original dark chocolate base，嗯，真係好dark，可惜我鍾意milk chocolate 多啲😅朋友叫咗個芝士炒蛋烤大啡菇賣相好正呀！😋另外朋友仔叫咗杯Coffee Tonic佢話飲落有烏梅汁味？😂😂大家又食又傾真係好開心，食完個egg benedict唔夠喉再叫多個店員話要5pm後先有得order既米芝蓮班戟(Creamy! Pancake) 大家一齊開心share！😋😋

1)落單4 眼姐姐找錯錢，又俾錯號牌。 我叫了2 號羅勒醬煙三文魚意粉，張單123，我付了200 元卻找73 元俾我。2)上菜時煙三文魚消失了，待應話我轉了帶子，但我明明沒有改動。擺明是俾錯號碼牌。 3) 我獲安排坐吧枱最旁邊，餐具放枱中間，取餐具是十分不便。因為上菜有問題我已上落多次吧枱。 我向一名待應說希望她幫忙遞一隻叉，佢卻叫我自己出去攞，轉頭便走了，完全漠視客人需要和感受。 如此差劣服務態度，根本與該店標榜高質香港人完全不配。就算是同路中人，我亦不會再來。

今日路過入去試下呢家cafe嗌咗脆多士同一杯hand drip店員會親自介紹有咩豆同問我想要咩風味得知我鍾意甜唔鍾意nutty同酸味之後介紹咗一隻好重花香的Ethiopia豆俾我仲幫我同咖啡師講希望能盡量沖得甜啲應該係怕多士影響咖啡嘅味道 仲幫我安排食完多士先上咖啡 超級貼心～需要大力懲罰～食完脆多士 過一陣咖啡就到咗咖啡師會親自介紹咖啡風味 超級好～真心好少寫食評 今次真係非常好嘅體驗 所以特登上黎寫 會繼續去 希望大家都去懲罰距地

10點多想食早餐，好肚餓，來到Coffee Slave，一於要份All Day Breakfast (＄60），再加配Latte （＄15）環境舒適，擺設精緻，裝修簡潔行工業風，仲有貼滿memo紙的連儂牆。到訪時不多人，可靜靜地食個靚早餐。All Day Breakfast 不一會就送到，scrambled egg頗滑，算唔錯；牛角包鬆脆好味；腸仔係香葉豬肉腸，皮煎得脆。整體來說，食物質素雖非超級好食，但一定是不錯的。反而latte比all day breakfast遲一點到，拉花精美，非常creamy，豆味還可以

As a new moral code is established, one is obligated to try out the famous michulin guide 米豬蓮 restaurants that are blooming everywhere in hk. While I do not take a political stand, esp in my foodie aspect of life. The new michulin does give a lot of attention of some up and coming young cafe, and NOT spending my dollar at big large corporate is forever my thing (as I type my heart out on my iPhone).#coffee at #coffeeslave does not disappoint. Yes the cold brew does cost a whooping $45 while bein