喇沙大少 (已結業)

2個人睇戲前去食晚餐，叫咗兩個特色喇沙，一碟椰菜苗。湯比較淡，但啱我，麵身唔得，蝦唔新鮮，梅嘅，結果兩隻都冇食。雞絲咬落有怪味，似魷魚絲(可能真係魷魚絲)。碟椰菜苗啲椰菜冇切開，好硬兼要成棵咁食，加兩杯嘢飲埋單三百幾四百，冇下次。

今日黎 megabox 睇戲，等緊期間，去睇下食咩，就見到呢間食喇沙的，就入黎試試。。叫左個海南雞喇沙同炒貴习，仲加左兩個小食，無骨鳯爪同串燒，仲有好多野想試，可惜得兩個人，叫唔到咁多喜歡食濃味既我地，略嫌淡左少少串燒最好食👍🏻👍🏻但唔記得影相

臨近九點半肚餓，路過megabox搵左前三名餐廳，其實食過其他家新加坡菜，這家真係有d失望，首先，蟹肉炒粉絲要 💰85就有少少蟹肉碎，其實唔所謂，但係！！點解可以咁麼鹹？！！！！！醬油唔使錢？？？！！其次，墨魚丸喇沙摻摻，味道有点淡，但料足，最后，串烧好食 猪肉好软，牛肉都幾厚嘅 但系服務員態度太散漫，喊左幾次，都冇人來 ，仲要自己去吧檯搵服務員呵呵呵

正當我猶豫緊食咩好既時候, 係水牌見到呢間喇沙大少, 餐廳名鮮明直接, 一睇到即刻有一碗喇沙出現係腦海入面令到我突然好想食lol 就係咁我就入左去。所以, 好自然地, 我地叫左一碗嗽沙, 再叫左海南雞飯, 馬拉盞通菜, 同埋芒果糯米飯。喇沙既湯好香好濃, 配料就正正常常, 隻蝦又真係幾大隻。麵底係米粉同油麵, 有兩種可以一齊試都幾好, 不過稍為淋左少少。海南雞飯唔記得影相, 食落普普通通唔太特別。通菜既味道係幾香口, 但D通菜老左D, 咬落去好似有渣咁, 有D失望。最後既甜品叫左我一向好鍾意既芒果糯米飯, 芒果可能唔逄時所以酸酸地, 黑糯米係正常味道但白糯米食落怪怪地咁, 好似有D變左既感覺。而且兩個糯米飯比想像中少, 睇圖以為好大份。總括黎講, 除左個喇沙都算唔錯之外, 其他野都麻麻地。所以都唔會話令我好難忘好想再番去食。

今日落雨天，天氣有啲凍，想食啲熱野，難得唔使等位就可以入坐，照舊都係海鮮喇沙，椰奶味比較濃，海鮮配料多，所以湯底都濃味既，朋友係連湯都飲埋😂😂雖然佢既海南雞好滑，好嫩，不過配喇沙就有啲唔夾喇，建議配白飯會好啲，因為可以配埋佢啲醬料撈飯食另外仲有蝦餅撈檬，不過朋友話比較普通，無咩特別，只係塊蝦餅好大塊，似吉列豬扒今次就試左佢既拉茶，熱飲會比較好飲啲，凍飲味道比較淡，茶味再濃啲就好喇！有份小蛋糕送埋連埋加一，價錢平均$90左右

今日在mega box食下午茶，這間餐廳平時好多人，今次見到無咩人，基於肚餓之際就沖左入去。餐廳環境感覺舊舊的，行過地下對鞋感覺到立痴痴的，被安排坐卡位，坐下時梳化有些污糟及微爛，整體感覺－般！星期－至日都有套餐供應，套餐包餐飲及甜品，另外有加6蚊轉特飲及加錢加小食，另要收加一服務費！我點左:馬來海鮮喇沙喇沙湯很適合我，因為不辣，還帶有香濃馬拉蝦醬味，而且材料也很豐富，有2隻蝦（雪蝦但不霉），2條蟹柳，2粒魚蛋（爽口彈牙），雞蛋，蜆（無沙），豆卜（索哂喇沙湯汁，最好味）！馬拉喇沙面最正統係有兩款面，米粉（索哂香濃湯汁）及油面（湯汁掛在油面上），食到兩種不同感覺，好味加了小食，星洲串燒貪佢有雞，豬，牛各—串，啱我這個貪食鬼可以試哂三款！串燒不會太乾，肉質易咬配上燒汁好惹味還加了特飲，藍洋梳打其實係柚子梳打，有枝棒棒唧出蝶豆花變藍色，幾好玩！甜品係芒果蛋糕不太甜，不經不覺竟然食哂其實食物質素係不錯的，但衛生環境－般，扣分有待改善！

來到九龍灣mega box睇傢俬，mega box齊集不同傢俬店，真的很方便呢~今天想吃湯面，就來到位於11樓的喇沙大少二人點了雞絲喇沙、招牌無骨海南雞飯、大少魔法梳打和馬來手拉茶價錢大約60-70一樣，不算貴但味道認真麻麻…你又唔可以話佢難食，價錢又是…它的質素來說又好像不太值…大概是這種感覺吧…海南雞有點像白切雞，不過海南雞好少會說不好說，差一點就像是普通雞飯雞絲喇沙味道不太濃，也沒椰香….魔法梳打反而頗有趣，可能女生都會喜歡，加了青檸汁會變色馬來手拉茶就是普通奶茶………

幾天聖誔節假期，可以跟很多老友記聚首聯歡， 離不開吃喝玩樂， 對食物感到有點膩呢! 所以今日開工日， 午餐自己去食吧! 吃清淡一點呢! 這餐廳多是東南亞美食， 有午市套餐提供， 主餐加餐飲再加飯後甜品。 選了L4 炸蝦餅撈檬粉，一般越式炸蝦餅不用炸粉，而這餐廳用薄薄吉列粉去炸蝦餅， 令蝦餅更加脆口，金黃色又不會帶著一層脆皮， 改良了的炸蝦餅，口感算不錯。 碗底先舖一層生菜絲加兩片原整生菜葉， 生菜上邊放檬粉， 有花生， 炸蝦餅。簡單但味道分明， 還帶有炸蝦餅微溫， 很新鮮呢! 檬粉爽口， 蝦餅彈牙，再厚一點會更有口感，加上甜酸醋汁， 也錯不了啊! 有餐飲， 加小甜品， 今次是一口藍梅蛋糕。味道還好。

LUNCH時間成日都要排長龍,,就試下佢有幾好食.入面位子唔算多,  而且我地都係搭台一張圓台, 好迫咁坐滿9個人..叫左個"特色喇沙" D野食唔夠熱, 味道唔算好出眾, 但算係好有料, 入面有蝦, 蜆，豆卜, 蟹柳...個人覺得杯奶茶好滑, 但都係唔夠熱..而服務態度就麻麻, 服務生叫左兩次先記得送甜品

MegaBox食晚飯，選擇真係好多，每次嚟都可以試下新嘢，LEE間有我最LIKE嘅海南雞飯，所以點都要會一會下佢先。環境嚟講佢都幾大，但人手方面唔知咩問題，總係覺得D人嘅服務麻麻地咁。招牌無骨海南雞飯：首先當然要介紹一下我最LIKE嘅海南雞飯啦，LEE間都幾好，雞都幾滑，飯又唔會太油膩，夠熱都幾好味，揀LEE個飯主要係因為快靚正，有得揀一定揀佢先，一般都好味，無錯嘅。馬拉盞炒通菜：其實D菜新鮮已經加咗分，佢煮嘅味道都唔錯，炒得啱啱好，少少辣都幾香，唔太油咁啦！香芒軟殼蟹米紙卷：LEE個老婆至愛，雖然我本身對嗰陣檸檬葉嘅香味確實係唔多LIKE嘅，就算抽出檸檬葉，米紙早已吸入香味，一樣無法避開，但愛屋及烏囉喎，每次都要試下嘅，收得咁嘅價錢，佢又真係大件軟殼蟹包入去唔會＂孤寒＂喎，LEE一點我欣賞，唔係搵笨嘅，只係唔係即炸，唔夠熱就真係減咗分，唔知點解LEE款小食去到邊佢都唔平，但係當你成餐飯都油膩嘅時候，佢確係好FRESH嘅。大少＂魔法梳打＂：老婆話咁靚，試下都開心，確認開心好緊要，除咗樣靚，味道方面簡簡單單形容晒，甜嘅有氣梳打水，完！新鮮青檸梳打：我自己就無咩所謂，但青檸居然無咩味，不過

Mega box 近我屋企，所以耐不耐都會去！今次看戲前就來個晚飯～ 同層的選擇都有不少，但見喇沙大少有不少人幫襯，應該可靠吧！😂再看看價錢 認為都合理，所以就試試啦！我和李生應該會再來吃肉骨茶！（念念不忘中😋😋😋）味道跟我們在沙巴吃的比較相近！平常的星加坡風味，沒有藥材味，不好飲呢！而這裡的肉骨茶就跟沙巴的有8成似啦！而海南雞飯就免了～不推介大家吃！哈哈！希望下次可以帶其他屋企人來吃，那就可以多試幾款菜式啦！

今日lunch人少少又齊人所以去食間喇沙大少, 3個同事叫左3份海南雞飯. 個海南雞keep到水準, 雞肉滑有雞味, laksa唔太辣湯底夠濃, 反而個油飯同白飯冇分別. 整體以75蚊個餐來講係九龍灣都算ok啦可惜一如以往呢間野服務真係差到爆, 明白佢要齊人先俾入, 但d staff d嘴臉真係差到不得了, 入到去成班staff係度大聲傾計都唔來落單, 同事叫左杯凍拉茶來到得幾粒冰, 搵佢地要多d冰個staff竟然大叫入水吧”呢檯容好煩,話唔夠冰喎” 聽到火都來.如果服務態度可以改善,呢間野一定會好爆

突然約朋友出去又唔知食乜好嘅情況下就開咗open rice然後去咗呢間食。其實mega box真係太多餐廳眼花撩亂。去到先拎位都算快有位坐，啲侍應好似個個好忙咁急速行嚟行去，一坐低就有人問你食咩。不過唔知係咪客太多埋單時要叫兩三次先埋到張單。見啲人喺open rice推薦嘅係海南雞飯而唔係叻沙然後我哋就點咗個海南雞飯嚟試，仲有咖哩同煎蠔餅。附上照片及食後感，本身以為咖哩有跟飯，點知叫咖哩就真係只有咖哩。。。。

Mega Box餐廳選擇話多唔多，但呢間餐廳都經常滿座，今次同女神行完街街，提議食呢間，餓JJ當然冇問題啦女神話黎到一定要試喇沙果然好足料，女神仲賞賜我試下個湯底，老實說...一般貨色，比較淡為左女神，我當然冇當面講唔好食啦，不過希望我嘅表情冇出賣我吧！湯底麻麻已經扣哂分，不過佢都有d誠意，蝦，魷魚，魚旦，豆卜，蛋等等..好多配料都叫新鮮，比返d分佢餓JJ就叫左海南雞飯，呢個set仲有菜同埋湯，都叫抵食可惜...比左雞胸我，夠哂有咬口囉不過不失呢間野冇乜驚喜，希望女神下次識揀d...

今天去食lunch . 叫左一個海南雞喇沙， 一個海南雞飯。 個雞黎左 , 碗喇沙得左半個鐘， 催左4次都無黎。 最後趕住返工叫取消，佢既lunch set 應該係比d 唔駛返工好得閒既人去食。 平時得1 個鐘食lunch 可以唔駛去， 因為最後你會等到lunch time完都無得食。其他隔左左右遲過我地坐低， 遲過我地叫都食緊。問親就話就到， 呢個答案聽左4次， 而碗喇沙， 我唔知佢煮左去邊度。第1 次去食就咁。 午市都咁慢，d 伙記 根本完全無幫過我地追單。服務奇差。