喜亭軒 (已結業)

叫左最貴嘅$308 set 美國SRF 黑毛和牛集雞煲+火鍋+燒肉於一身。不過就有d失望…因為朋友好鍾意食牛肉，所以就同佢即興黎左呢間試一試，可惜牛肉肉質好鞋口，食落感覺好多渣😢比預期推介嘅出乎意料…本身食黑毛和牛會預想到佢嘅肉味會濃厚d、甜度厚身啲、嫩滑d。不過食落去感覺同普通牛肉冇咩分別…望到油膩分佈都一般🥲而海鮮方面算係都ok, 聖子上枱時有d仲識郁，都算新鮮，而蝦亦都彈牙對比黎講，海鮮比牛肉出色得太多…

呢間筲箕灣都有分店 不過就只係得火鍋放題 依家旺角新開呢一間就有得一邊燒肉一邊打邊爐🙈 任食唔嬲 一次滿足你兩個願望～ 一入到嚟原來有得食雞煲先 分量較少唔使驚一陣食唔落～ 可以揀小辣或者唔辣 味道正正常常都幾惹味然後就有定量刺身仲有定量嘅海鮮拼盤for打邊爐其中聖子仔 蝦 魚都可以追加另外就可以QR code落單 燒肉同打邊爐嘅肉類丸類等出面有自助區可以攞火鍋燒肉刺身醬油、野飲同甜品 另外仲有每人一杯movenpick 😛可以食到咁多唔同類型嘅嘢都幾過癮～

之前都有聽聞過筲箕灣有間可以一次過食到火鍋+燒肉嘅餐廳，近排竟然插旗旺角，好似幾抵食咁，當然要試試佢。醬料區都算多選擇，可以照自己喜好混醬。而飲品區有得意之作，除咗有汽水，仲有爆珠椰果百香果同柑桔青檸檬汁呢類特飲。晚市雞煲海鮮放題套餐B $308套餐會先奉送一份按人頭份量嘅雞煲同刺身拼盤，所以份量唔會話好多，變相可以留肚食火鍋同燒肉。雞煲嘅雞件唔算好大件，但醬汁調得幾惹味，就算叫唔辣都夠入味；由於刺身係贈送嘅，質素要求唔會太高。當中共有6款，包括:三文魚、北寄貝、榮螺、帶子、魷魚同赤蝦，鮮味有待改善。由於揀咗最貴嘅美國SRF黑毛和牛套餐，所以燒肉同火鍋我都叫咗唔少美國SRF黑毛和牛、安格斯肩胛肥牛、澳洲牛舌同黑毛豬腩肉等。黑毛和牛拼盤幾靚，不過燒個陣要留意薄切關係會容易燒燶。當日揀咗潮味沙嗲湯底，送海鮮盛盤一份，當中嘅海鮮都幾大件，個人幾鍾意扁聖子同豬肉釀冬菇，但見有綠色鮑魚就有啲嚇親。沙嗲湯底值得一讚，淥完基本上都有沙嗲香氣，幾入味。火鍋配料主要試咗響鈴、鮮金菇、蜂巢豆腐、鵝腸等；海鮮類就有扁聖子、墨魚仔、黑松露墨魚滑、手打蝦滑、蟹柳棒、魚皮餃等；丸類就有叫咗芝士丸、牛肉丸、梅菜豬肉

餐廳環境舒適，坐得舒服，Qr code落單，方便🐮美饌B雞煲海鮮放題套餐 呢個餐主打美國SRF黑毛和牛！120分鐘可以任食任飲，小食、雞煲、火鍋、烤肉、雪糕雪條及自家製飲品，超多款式呀🐙首先先上一個刺身拼盤，分別有帶子、三文魚、北寄貝、螺肉、八爪魚及甜蝦，整體都幾新鮮😍🐣接著送來一個雞煲，有得揀🌶️辣度，雞煲偏乾身，越煮越香🤤雞肉食落好滑好入味，小辣唔會好辣，好惹味，正😋可以無限refill㗎！🔥食完雞煲，就轉烤盤開始食烤肉啦，有好多款肉類、蔬菜、配料供選擇，非常豐富😋另一邊爐🫕選個湯底就開始打邊爐啦，我選咗養生蟲草花桃膠雞湯，湯底好足料，有好多雞肉、花膠、桃膠、冬瓜、紅棗及蟲草花，飲落幾清甜😋感覺真係幾養生❤️🐄美國SRF黑毛和牛拼盤牛肉色澤睇落都幾靚，吸引😍牛肉食落軟淋有牛味，好食😋用嚟火鍋或者烤肉一樣咁好味🤤🦐海鮮拼盤有聖子、蝦、鮑魚、青口同埋墨魚仔，整體都幾新鮮，鮑魚好大隻又彈牙，好正😋🌽火鍋及烤肉配料基本上平時食開嘅肉類或配料都有，例如：羊肉片、牛肉、生菜、粟米、牛栢葉、手打牛丸、墨魚滑、蝦滑及響鈴都非常唔錯😋仲有好多款式未試😂真係太多選擇啦😝🥤飲品除咗普通罐裝汽水，仲有啤酒及自

位於旺角嘅喜亭軒，應該係啱啱開幕， 因為肥雞見佢餐廳入面嘅裝修都好新穎， 肥雞一入到去即刻整返個雞煲頂下肚餓先， 佢嘅雞煲分量得半份唔會太多，亦都留肚之後可以打邊爐 。 一嚟到佢會畀半分雞煲佢嘅雞煲少少麻少少啦辣， 非常適合肥雞同朋友去試。 而且佢都有好多小食畀你揀， 佢嘅炸雞軟骨非常出色， 如要讚嘅就係佢啲海鮮刺身好新鮮。食完雞煲之後就食火鍋， 佢嘅蕃茄湯底幾好味， 佢啲肉類份量非常之誇張， 海鮮例如海蝦蠔魚片非常之新鮮， 安格斯肥牛切得非常之大份肉質鮮嫩， 食物質素令到肥雞好驚喜。

一入到去餐廳，環境相當舒適，夠大而台同台間又唔會好逼，仲有電視睇！同朋友食一流！呢到環境咁正，臨走去廁所發現原來人多可以安排房間，入面仲可以唱K 真係好岩約埋親朋戚友一齊黎輕鬆下！食好野！坐低即送刺身，刺身種類多，正呀！有雞煲，又同時可以打邊爐，仲有好新鮮同種類多既海鮮！任叫牛肉，又靚又好味仲好有油脂分布！價錢仲要好合理，呢個價錢可以一次過食雞煲、打邊爐仲有燒肉！真係超值食完睇下個menu, 原來佢地仲做埋早午市，早市有點心食，仲好抵tim! 午市都有特色午餐！真係好抵食呀！

好抵食🥰完全唔洗諗😍✔️一次過可以食晒韓燒、邊爐、雞煲、刺身😍好食得黎又唔洗煩❣️啱哂聚會一入到呢間餐廳已經聞到好香燒肉同雞煲味😍😍佢啲食物都好多款式🥰唔止剩係得肉同埋海鮮✨打邊爐湯底方面我叫咗沙嗲味🤤個湯底好濃🤤打完邊爐就可以叫員工拎塊鐵板過嚟韓燒，佢有專屬嘅韓燒汁🥰🥰不過燒肉味就偏淡🥹但係個雞煲就好香，就算我叫唔辣都有少少麻麻哋好好食🥰最後甜品方面有movenpick😍😍❤️成餐飯兩百幾蚊可以食晒咁多嘢真係好平😍而且款式都算多❣️你仲可以兩個鐘頭冇停過咁食嘢😂😂回晒本💥總性價比: 8/10👍🏻啱晒一大班人聚會😍😍🥰一次過滿足你四個願望👍🏻

每次約親朋友都最鍾意約旺角食飯，貪佢夠方便夾到唔同人又多野食今日同好耐無見既朋友食飯，諗唔到食咩就決定食放題，真喺選擇困難症既福音睇宣傳單張見到原來筲箕灣都有分店，港島既朋友有福了👍🏻<美饌B雞煲海鮮放題套餐>（美國SRF黑毛和牛）$308我地揀咗美饌B雞煲海鮮放題套餐，可以一路keep住食雞煲打邊爐同埋燒肉兩小時，方便慢慢吹水，一開始可以選擇熟食，我地叫咗椒鹽雞軟骨同埋沙律菜🥗椒鹽雞軟骨幾香口爽脆，沙律幾適合作為開胃前菜打底😂之後到刺身拼盤，而後就上咗個走地荔枝雞煲。雞煲可以揀辣度，我地估可能有落蜜糖，有些甜甜地haha，雞煲熱辣辣食好惹味，大推雞煲～同一時間仲可以打埋邊爐，湯底選擇咗沙嗲及蟲草花桃膠雞鴛鴦鍋，湯底唔太重口，火鍋配料煮熟之後隱約帶有沙嗲同埋雞湯湯底既味道。而火鍋料當中特別推介鮮蝦同埋鮮魷魚！煮完之後都非常彈牙煙韌。最尾仲可以燒肉，我哋燒咗牛三寶，牛味濃郁之餘油脂重，鍾意食牛嘅一定唔可以錯過。成個流程用qr code落單，都幾方便，食到最後店家會提醒我哋要嗌埋movenpick 雪糕❤️餐廳仲可以任拎飲品同埋雪糕雪條添。

天氣開始轉涼，今晚想去打邊爐，但係另一半又想去食燒肉，真係決定唔到食咩好，咁岩上網見到旺角有一間喜亭軒，火鍋燒肉都有，緊係諗都唔使諗去食。上網見到筲箕灣都有分店，有機會都會去試吓。.我地揀左美國SRF和牛雞煲海鮮放題，平日$308未加一。飲品選擇多，除左啤酒汽水外，仲有特飲，椰果百香果汁同柑桔青檸汁。醬汁配料自助型式，有十多款不同口味，混醬一流。.🍚 麻辣雞煲麻辣雞煲先上，雞煲醬汁濃郁，香辣惹味，雞件嫩滑有雞味，花椒夠麻，打開味蕾。.🍚 海鮮拼盤餐廳亦會送一份海鮮拼盤，部分海鮮係一次性。龍躉魚肉非常厚切，魚肉白裏透紅，夠新鮮。海蝦爽彈，一食就知係游水蝦。松露墨魚滑釀咗入冬菇入邊，口感既豐富，又夠濃郁。.🍚 美國SRF和牛牛肉油脂非常豐富，油脂感剛剛好，牛肉味亦夠濃厚，十分出色的牛肉，無論火鍋，抑或燒烤烹調都令人非常滿意，回味無窮。.🍚 其他蔬菜方面十分新鮮，尤其粟米夠甜，萵筍無渣，我地另外點左一份芫荽，香到不得了。另外每人都有一杯Movenpick雪糕，畫上完美句號。

今日黎到位於旺角嘅「喜亭軒」，餐廳岩岩全新裝修，位置尚算寬敞，好適合一班朋友聚會！而且仲要係任飲任食，有雞煲、火鍋、燒肉 同 刺身😋一次過可以滿足哂大家嘅需求😂今晚小編就揀左「美饌B雞煲海鮮放題套餐」(美國SRF黑毛和牛) $308/位(可以由19:00坐到00:00) 咁大家就唔使趕/驚唔夠時間食啦😬首先就上咗刺身同雞煲，食完個雞煲先再轉爐，變身燒肉😊雞煲好入味，小辣嘅味道岩岩好，唔會太辣之餘仲可以帶出食慾😋重點黎啦：美國SRF黑毛和牛色澤鮮明，油花分布平均，而且擺盤仲非常有心思！食落仲好嫩滑！🤤飲品方面：有啤酒汽水同埋養生飲品任飲！P.S 新張期內(包括星期一至星期日)四位惠顧一人免費！而且每台仲會送上雞煲、刺身拼盤、海鮮船各一份！大家趁仲有呢個優惠就快啲嚟幫襯喇！☺️而另一間分店係筲箕灣，住喺嗰邊 或 附近嘅朋友就可以有多個選擇😊

最近旺角商業中心新開左間三合一嘅餐廳，有齊雞煲、打邊爐同埋鐵板燒店《喜亭軒》。見到一次過可以試晒三種嘢，好適合好似我咁為食嘅人。晚市主要有兩個套餐，咁我今次就叫左美饌B雞煲海鮮放題套餐$308+美國SRF黑毛和牛。首先店員就會送上雞煲先，仲會提供漏斗去提醒你幾時可以食得，辣度可以自己選擇，醬汁有少少甜，雞肉都算幾嫩滑。色完咗可以無限任添，不過既然有三種食法，咁梗係唔好食到咁飽。下一樣嘢就到咗刺身拼盤，咁種類都幾多，三文魚、帶子、赤蝦、北寄貝、八爪魚。食落都幾新鮮。食完雞煲就到咗打邊爐嘅時間，主角當然係美國黑毛和牛，顏色都幾鮮紅，油花分布都幾均勻。海鮮配料都幾多，魷魚、青口、海蝦、脆肉鯇同埋鮑魚都有，鮮味十足。到最後當然去到燒烤嘅時間，我就最鍾意牛舌、牛肉粒、同埋肥牛片，兩側燒到焦香，加埋佢地秘製嘅燒肉汁，好惹味。飲品方面除左汽水同埋啤油，手調飲品都有兩款，個人最鍾意爆珠椰果百香果汁。雪糕雪條都有好多款，最後每人仲可以揀一款movenpick雪糕，真的食到好飽。💰人均400蚊一位晚餐`*-.,.-*`♪`*-.,.-*`♫`*-.,.-*`♬`*-.,.-*`♩`*-.,喜亭軒 (旺角)

小妹今日黎到喜亭軒食野門口已經見到裝修唔錯 好有氣派入到去經過雪櫃見到有好多唔同既台式手搖飲品一定係即刻拎翻杯架啦其實幾好飲唔會太甜 拍得住外面既手搖鋪坐低冇耐 送咗一盤刺身跟住好快就黎咗個雞煲份量適中 唔會太多頂住個肚不過送既雞煲係有驚喜既 肉都幾嫩而且入味食完雞煲換咗塊鐵板食燒烤 同埋黎咗個煲打邊爐仲有一盤燒肉同海鮮跟住一齊上呢到既食物種類都好多任食既都好多選擇 唔會因為有兩個食法而忽略咗另一邊特別要讚既係塊鐵板燒咗兩個鐘都仲係一啲都唔痴底所以肉都唔會濃得太勁下次一定會再黎食 一個價錢食哂兩種野 性價比爆燈呀！！！

有時一班人，有d人想燒烤有d又想打邊爐，真係好好難選擇架😖~ 不過呢間位於旺角商業大廈嘅喜亭軒就解決左呢個煩惱啦👍🏻餐廳超易去，地鐵過去大概5分鐘左右就到🦵🏻~ 而餐廳裝修簡約寬落，較為中式。而燒烤火鍋雞煲放題🐔每人都係$339，就可以食曬3種食法🙉 放題有送刺身拼盤🥢、海鮮拼盤🥢同牛三寶🥢(牛舌、安格斯雪花牛、牛粒) 好豐富🤩另外火鍋就揀左沙爹湯底，味道濃郁惹味~ 亦嗌左唔少火鍋配料，雖然選擇唔係太多，但都絕對食到飽同滿足🐷~ 其中小食炸雞軟骨，大大粒好酥脆；火鍋配料都好新鮮；燒烤肉類腌得好惹味，燒完好香口，豬頸肉都好爽口啊👍🏻🌟放題仲有飲品、啤酒、特色飲料同雪條任食!!

每次同朋友食飯，最煩係大家想食嘅嘢都唔同。有啲想打邊爐，有啲又話想食燒肉。今次介紹嘅《喜亭軒》就可以一次過滿足晒咁多朋友。晚市主要有兩個套餐，咁我今次就叫左美饌B雞煲海鮮放題套餐$308+美國SRF黑毛和牛。首先當然係食咗雞煲先，辣度可以自己選擇，好似我嗰啲唔食得辣就可以叫小辣。好鍾意佢哋甜甜地嘅醬汁，同埋嫩滑嘅雞肉，仲要食完可以再添加，但係既然仲有其他食飯，咁梗係留番個肚食下一樣嘢。晚餐就會送一盤刺身拼盤，常見嘅刺身三文魚、帶子、赤蝦、北寄貝、八爪魚都應有盡有，食落有幾新鮮。食完雞煲就到咗打邊爐嘅時間，主角當然係美國黑毛和牛，肉味都幾濃，同埋油花分布都幾平均。仲有各式海鮮可以選擇，好似海蝦、蜆、魚滑戈啲都有。到最後就到左燒肉嘅時間，牛舌同埋牛肉粒都10分推介。食之前記住點埋佢哋嘅燒肉汁，咁就更加惹味。除咗常見嘅飲品之外，佢哋仲有手調飲品。最後每人仲可以揀一款movenpick雪糕，真係飽到唔想郁。`*-.,.-*`♪`*-.,.-*`♫`*-.,.-*`♬`*-.,.-*`♩`*-.,喜亭軒 (旺角)旺角亞皆老街16號旺角商業大廈3樓 有另外一個分店喺筲箕灣`*-.,.-*`♪`*-

📍 喜亭軒 (旺角)旺角亞皆老街16號旺角商業大廈3樓———————————————美饌B 雞煲海鮮放題套餐 -美國S R F黑毛和牛(💰: 328 hkd)(正價時段：19:01-00:00 星期五六日及公眾假期和前夕， 任飲任食兩小時)餐廳啱啱全新裝修，環境整潔乾淨，食物款式種類包羅萬有😍✨ 平時午市可以食點心，夜晚竟然火鍋、雞煲、燒烤放題一次過提供，啱晒同一班朋友去聚餐👨‍👩‍👧‍👦宮廷香辣荔枝雞煲 (小辣)🍲雞煲可以自選小辣中辣或者大辣，一上雞煲就已經香氣四溢，食落都好香好惹味，原來雞仲係任添架~ 等大家可以食到滿足先轉燒烤板👍🏻雖然真係好想食多幾份，但我諗吓都係留番個肚食火鍋燒肉😜美國S R F黑毛和牛 🥩叫完火鍋湯底之後，店員會率先送上一大碟黑毛和牛，完全唔係平時放題見到嘅貨色，牛肉色澤靚、油花分布平均，擺盤亦都幾有心思排得好靚🥰 食落牛肉味香濃，口感瘦而不柴，肥而不膩，令人食個唔停🤤海鮮拼盤🦐🦑🐟🦪雖然海鮮係可以任食，但一開始店員都會送上一盤排得好靚嘅海鮮，包括鮑魚、蟶子、青口、蝦、魷魚、魚片等，蝦嘅肉質鮮美彈牙，蟶子同青口都多汁冇沙，總括嚟講海鮮質素都唔差☺️魚生拼盤🍣套