喜喜燒臘茶餐廳 (已結業)

家常便飯一頓, 總要有蒸魚. 我同老公叫了蒸魚套餐, $45, 真的物超所值.豉汁蒸鯧魚: 街市買條鯧魚, 都要成$40-$50, 呢到蒸埋, 送飯, 跟熱華田都係$45!! 條魚即叫即蒸, 蒸得剛剛好, 不會太熟! 好食!!! 豆豉汁送飯也很和味哦! 小小的美中不足就係放多了油.價廉物美, 一定是簡簡單單的晚飯好選擇.

下午茶2個人叫叉燒公仔麵,D叉燒又紅又黑, 好唔新鮮, 又梗又難吃, 仲話係燒味店,真過份, 都唔敢食怕肚痛,飲奶茶仲難飲, 又鞋又冇味!食唔飽, 要去Panash品買個包食, Too Bad! :<

昨日路过该店，叫了些下午茶。乳猪稀松平常，两三件烧鹅支离破碎，几乎全是胸骨，饭冷汤不热，很难相信竟然自一家“烧味”茶餐厅！难吃就算了，这家的服务生也不友善 - 每半分钟催点单一次，最后还收多钱不认错。提醒店家数计错了，服务员却借口说落下来的不能改，谁叫我没在落单时查出错误，所以“有错也不会改” ！真系丢晒香港服务业的面！

傾盆大雨都唔知去得邊到食飯好, 不如就近近地啦, 費事食完飯之後全身濕晒啦, 於是乎就黎左呢間食店, 點知咁就出事喇!入到店內, 高朋滿座, 招呼欠奉, 可幸是一兜友, 於是做一陣潮州人先啦, 自己求其搵個位坐底, 一邊睇下有咩好食, 一邊發現都係冇人招呼, 直到師傅落左單, 先求其擺杯水埋黎! 咁嘅態度, 你話死未? 最後師傅要左碟乳豬三寶飯同凍檸檬茶!乳豬三寶飯即係乳豬拼另外兩樣燒味, 而師傅就要左叉燒同油雞! 落完單後師傅先醒起禽流感, 早知就唔叫雞啦! 作為燒味飯, 呢個三寶都令人等左好耐; 上枱時, 伙計又係好求其咁放低, 唔理係邊個客柯打! 乳豬三寶飯賣相一般, 睇上去一d都唔吸引; 先試下乳豬, 皮脆膏肥, 脆得黎有少少彈牙, 麻麻地; 而油雞就浸到好咸, 肉身好韌, 未知是否禽流感所以再煮熟d呢? 叉燒都幾鬆, 但燒得好燶, 冇蜜味, 色澤唔靚, 都係一般! 凍檸茶就幾夠茶味, 夠凍夠味, 可以!總括而言燒味嘅質素都算差, 其他野食斷估都唔會好得去邊; 而服務質素簡直係惡劣, 好似唔想做咁, 雖然係茶餐廳, 但師傅接受唔到咁嘅質素; 環境擠逼, 價錢唔算平, 三十八蚊個

是日去睇旅遊展，出地鐵已不停落大雨，是單找間茶餐廳食個早餐。叉燒通粉-雖然有自家製的燒味，以早餐來講我不期望會俾蜜汁叉燒，竟然俾頭頭尾尾，似是隔夜賣淨貨色，通粉又超腍。奶茶似奶水，毫無茶味。食物差都算，服務又勁差，那個好像較高級的伙計，態度勁串，又敷衍了事。是日天氣差，又食左個勁差的早餐，心情整日都變得差。

夜半一時，才剛放工，心情不佳，不大想吃東西，只想喝點啤酒。朋友提議去鬼佬吧，我話鬼佬吧d野有咩好食？這裡晚上有打冷，來點鹵水食物下酒正好。先來啤酒，獅威做緊特價，自然不作他選。雪得夠凍，一杯滿滿的啤酒一飲而盡，人未釋懷，但甚暢快！大樽只15蚊，拿拿臨叫多支。要了鹵水大腸及墨魚各一碟，要來碗粥。豬大腸是想不到的美味，本身是新鮮貨，夠油，吃起來豐腴味美。外層有咬口，鹵水味道不過鹹，加上點點麻油，非常美味，為此又乾掉杯中啤酒，吃得過；墨魚也新鮮，吃起來有口感又不過韌，亦美味。兩碟皆以鹵水豆腐墊底，吃個精光。白粥幾綿，一點味精也沒有的，來配鹹香味美的豬大腸，不作他選，沒多久也連粥也吃清！茶餐廳格局，看伙記吊兒郎當的外型，也不會期望有好服務。不過空調充足，又有電視可看，算不錯了。四枝大啤，兩碟鹵水菜，兩碗粥，埋單142蚊。吃得飽足，也甚抵食。

燒味真係唔錯喎!2008年3月18日中午12:10 3個人食Lunch, 呢間好近我地公司, 但係裝修後我第一次o黎. 以前又舊又污joe, 食物又無咩特別, 聽老細講d燒味真係唔錯, 好啦! 試下佢先!我叫o左燒肉油雞飯, 同事都叫乳豬三寶飯, 我當然偷o左各款一舊食下啦!燒肉–好味! 唔會太鹹, 有肉味.乳豬–好食! 肥瘦均勻, 好香, 好脆!燒鴨–不錯! 不過我覺得燒肉同乳豬好d燒–普通! 都可以接受油雞–比不上上面果d加埋飲品埋單106 (我無叫o野飲)服務麻麻, 姐姐兇惡, 但唔至於鬧人! 無笑容, 無表情o羅!我地12:10去到full house喎! 不過大約12:30就有空位, 可能好多裝修師傅, 佢地可以彈性食飯時間, 所以o米早o黎早走o羅!老細話呢到d早餐麵食奶茶都ok, 下次同沙牛男友試下先

今日下午放飯,見到呢間野外面排晒長龍等外賣飯盒..見係呢區番工咁耐都未試過係度食,於是決定入去一試..入去坐低,待應好快就囉左杯茶比我地,跟住重即刻同我地落單..幾有效率!我叫左個叉肉雙拼飯..叉燒唔太肥又唔太瘦..燒得OK香..(起碼好過同一條街某間果D)值得一提佢地既燒肉! 塊皮燒得勁脆..香口得黎唔un..認真抵讚..推介左兩個同事下星期再去..到時希望有機會影D相post上黎!

今日黎呢度食lunch, 叫左個星洲炒米, 等左一陣一碟熱騰騰既星洲炒米就送上來了, 味道可以接受, 食左一陣, 發現一隻炒熟左既小強......同個類似經理既人講, 佢細看一眼就張成碟野倒左了......之後叫我換其他野, 我因為已經冇晒胃口, 叫左碗餐蛋麵. (因為我以為係下午茶, 佢有個下午茶係沙爹牛蛋麵都係$15, 星洲炒米$29), 點知食完先知原來唔係餐, 要$29食個餐蛋麵....同個經理講, 點知佢同我講, 呢個餐冇散叫架....我已經計平左你架啦..........我就回應佢話....我真係多謝您!!!!!最衰冇影低隻小強, 如果唔係可以叫食環署跟進!

下午叫左個三寶飯(三樣燒味) + 例湯,貴就貴d, 不過它們的雞好像不是雪藏雞,跟一般酒樓外賣的雪雞有雞味的多...朋友叫了個鮑貝炒飯, 好一般...還是燒味好!!

沙士比亞說閒暇是最美好的財富這方面來說我可算是赤貧了凌晨才離開那已變成半個家的地方也不顧得那黐立立的地面和煙臭味烏蠅並並近近地就算了來到這間有得揀都已經不會來的茶餐廳飽本來就是唯一的目的一邊看流金歲月一邊發現餐牌上有叉燒煎蛋飯這道自小看食神才第一次聽的選擇加一罐指定的可樂看來夠飽叉燒半肥瘦有少少香口的火農味兩隻半生熟蛋加上少少豉油再附上一份水灼椰菜不知是否太肚餓覺得蛋的滑補足了叉燒的乾蜜汁的甜味又補足了蛋的淡味即使用料甚至環境如此平凡竟也覺得出奇地match其實食物只是合格不過這個配搭本身吸引而已當然也要在這種地方才會給你這份感覺吧?原來只要各人都緊守崗位恰如其份世界已經可以很美滿偏偏我遇到的...

公司0岩0岩搬左去灣仔, 上星期第一日lunch搵唔到0野食, 就0黎左呢間食. 我0地一共9個人, 坐左一入門口的大檯, 入到去大家都叫燒味飯食, 我叫叉油雞飯, 加埋杯凍飲都要35蚊, 幾貴. 0的燒味都算幾好味, 叉燒係半肥瘦. 但係坐坐下就發現上面的冷氣滴水, 仲要滴返落碟飯度啊...幾驚!!

有日去食早餐., 有好多items 比我去choose , 有bacon , sawage 等等...but ...有d dissappointed..個set 得一條bacon ....d 白菌奄烈..好難食..,,then 黎左個麵...at first都冇野...食食下,,,,比我見倒入面有小強......都幾大隻下,,,我成個麵冇食.......

今日午飯去此茶餐廳落腳，當然叫了燒臘飯，就係乳豬三寶飯+凍咖啡。三寶其中一寶已經係乳豬，咁其餘既兩寶就係叉燒(唔該肥叉)同埋切雞多薑。肥叉不愧為肥叉，I love it；乳豬好似去飲既款厚少少，幾好味；雞nothing special。overall 黎講都幾大碟，價錢acceptable。唯一使到我失望既係部電視機冇開到，冇得睇午間新聞，俾我扣左一分咁多啦，hehe......同一條街另外有間買燒味飯，排到出街，而佢對面既粉麵檔坐到出街，夾埋就三門腳立啦。

港式早餐不外乎A餐(火腿通粉)或B餐(沙爹牛肉麵/米粉/通粉)，頂多為C餐(雪菜肉絲麵/米粉/通粉)<-(自己作)，再唔係細細塊扒類既煎物。早餐除左第1段既"例牌菜"之外，還有叉燒麵/通粉/米粉+ 煎蛋/煙肉/茄汁腸/火腿(任選兩款)+飲品+ 牛由方包，最特別之處係的叉燒唔會隔夜，因為佢地一大清早就整燒味檔，咁老闆會係檔裡面將切好既叉燒交俾茶水檔，我叫親呢款野就叫侍應唔該"要肥叉"(當然當我係傻仔丫)。叉燒因為係新鮮兼有番咁上下既水準，如早餐有燒味雙拼餐，你都未話唔過癮。加埋我早餐至愛既凍啡，盛慰二十個大兩，另外在十一點後有燒味飯雙拼及三拼，分別為三十及三十三蚊，價錢唔係平(但比起太興為扺)，但係灣仔區有咁上下水準既就唔係多囉。順帶一題，樓上有同名既腳底按摩店，唔知會唔會類似有新鮮叉燒既晨早場呢？