喜華餐廳

營業中

休息中

食物質素越嚟越差，價錢又越嚟越貴。今次系最差嘅一次，晚餐點咗個水煮牛肉，要$119，差啲貴過人哋嗰啲正宗嘅川菜館。味道呢，又唔辣又冇味，好似求其淥熟咗啲牛肉放啲兩滴辣椒油落去咁樣，而且仲唔捨得放辣椒油，放咗兩滴咁多！完全見到個湯嘅顏色，有冇理客人嘅感受，完全符合”有貴又難食”呢句說話!唔怪得星期六都系得兩三台客,以後都唔會再幫襯!______________________________

放假約咗朋友去蘇屋村打波，打完之後少少肚餓，整個下午茶嘆下。近近地喺蘇屋邨商場見到有幾間茶記，冇乜人就入去試吓。啱啱中午食完飯又唔係太肚餓，所以我同朋友都叫咗個湯粉。我叫咗個雞絲湯米粉，朋友就叫咗咖喱牛腩湯金邊粉。例牌加個熱齋啡。我個米粉夠曬爽口；朋友個咖喱牛腩睇落有啲邪惡，佢話都算好味；有三舊大牛腩，牛腩夠腍又有口感。熱飲品要加$4。兩個人加埋$82。靜靜地兩條友吹下水，都算不錯的選擇。

舉手落單，果位鄉音女侍應見到都仲傾埋計先行埋黎，係傾多幾十秒閒計果種，之後慢慢行黎落單，我就叫咖央多半件，佢好串話我識唔識字，係"咖央西多士半件"，態度極其惡劣。

早餐本身跟奶油豬，可以轉丹麥吐司但要加$2，無所謂喇，想食嘛！所以選擇轉丹麥吐司，大家都知丹麥吐司包質比較鬆散，充滿牛油香味，但嚟到嘅質素極之無食慾，多司整到好似烘燶麵包咁「乾爭爭」，完全無丹麥多士感覺，但自己加咗$2無理由唔食㗎！咪叫「遮遮」俾啲牛油我，佢話丹麥多士無牛油要加$1，你哋食物嘅質素差仲要個客加錢補救，真係奇聞，唔怪香港餐飲服務業死直，就係有呢啲不思進趣嘅瘀血

平時懶的煮飯就會選擇直接落街食，好多時都係呢間，街坊客多啲，落單，上菜都幾快。下午茶都唔錯$20幾-$30幾就有個餐，跟埋嘢飲，好抵食。環境都OK，算寬敞舒適的

一個人食早餐，已經安排咗我座一張塔枱。野食來到一陣，佢突然話我對面要塔一個人，無野隔開。張枱好細，我放完野食，對面都無咩位。衛生意識低。講真，出面食客都不願意咁近同人塔枱，寧願等一陣。

今日去食下午茶，食食吓見有個人擔張梯嚟抹塵，大佬我食緊嘢你喺我張枱上面抹塵點樣食，佢完全冇理到繼續抹塵、咁我唯有直程唔食即刻走，同收銀嗰邊講佢又完全冇反應，喜華依家餐廳以後唔會再去食😡😡😡

這天我在長沙灣附近工作，到了午飯的時間，我和同事經過這間餐廳，看到餐牌上的選擇延多，價錢亦算合理，而餐廳裡的客人延多，便決定入去試一試 泰式豬手飯($60)豬手十分香稔軟嫩 ，配上酸酸辣辣的醬汁，令人十分開胃，整體份量十分多，十分抵食 泰式雙併飯香芧豬扒豬頸肉($68)香芧豬扒軟彈煙韌，豬頸肉稔香軟彈 ，配上甜甜的醬汁，用料延新鮮，份量十分多 整體來說，食物的質素，食物的選擇十分多，食物的份量十分多，食物的用料新鮮，食物的賣相不錯，食物的定價可以合理，最後我認為這間餐廳是可以再去惠顧的

諗住叫外賣，落左order之後個阿姐一句“轉頭自己落黎攞”就cut線，再打番去問“而家冇外賣咩？”阿姐先講話“你要夠100蚊再加2蚊先送蘇屋”。我心諗咁不如直接落街食，咪話啱啱落左兩個餐唔該幫我取消，個阿姐“啪”一聲就收線。呢間嘢都唔係第一次咁差態度，之前啱開冇耐試過等左好耐寫單都冇人理會，之後間唔時都會幫襯下，一係冇服務，一係態度差，係除左熟人先會“你好”“早晨啊x生/x太”，生面口嗰啲想要杯水都難，啲阿姐根本冇王管，已入black list（並非話所有人，只不過係其中一兩個有問題，如果所有人都係咁都唔會再幫襯。）

2個人各叫了三文治做早餐，但麵包有點细，餐肉是凍的，30元就不太值得。餐廳內主要是卡位，坐位還是舒適的。中午order 了一個豬扒炒意粉外賣62元，真的有點貴了。明天不吃這間了。

朋友介紹話呢間經濟實惠又好食，今日路過終可一試一睇餐牌，嘩左一聲，十認真超值👍👍👍雖然凍飲加$6有啲誇張，但計落都係抵😅😅鱆魚餅湯金邊粉$28蔥蒜好香，湯底有泰國風味，份量一點都不少，鱆魚餅味道剛好，不會過咸，好味咖哩牛腩湯金邊粉$28咖哩牛腩飯食得多，今次轉湯金邊湯，有驚喜港式咖哩味配埋泰式湯底，層次好豐富新鮮，辣辣地，幾惹味，幾乎連湯都飲埋牛腩都炆得淋身，牛味香濃🐮，仲有薯仔🥔下午茶來算，其實份量都唔算少😉

同朋友食T，叫咗兩個下午茶餐，連埋兩杯嘢飲，90蚊，唔算太平，質素一般。賣相唔差嘅海南雞飯，略嫌佢少咗啲蔬菜類，畢竟係用黎解膩嘅。雞夠嫩滑，可惜有骨，部份肉/皮有渣，但以四十幾蚊黎講算理想。銀芽肉絲炒麵，正路，無咩驚喜，但好滿足。失望嘅紅豆冰，少紅豆，用幼飲管，紅豆清得七七八八果陣嘅紅豆冰真係唔好飲。鮮燈冰紅茶，以橙取代檸檬，感覺新鮮，不過試多幾啖又覺得未算好驚艷。整體黎講其實唔差，但略嫌少少貴。

比一般茶記，選擇比較多，空間感也比較大，坐落比較舒服。一個人的午餐，有湯有茶有飯有菜，還算不錯。例湯:蓮藕煲赤小豆，茶記例湯，多多少少都有少少味精，但味道都不錯，起碼不會愈飲愈口乾。泰式豬頸肉飯豬頸肉煎得幾香口，加秘製泰式醬，十分惹味。仲有特色辣醬，點了一點，真係有些辣。整體份量都好多，連菜心的份量也不少。比較差是些飯比較濕同爛，影響食慾

回想起呢間野兩三年前剛開業時，我曾經都是常客，後來感覺餐廳出品每況愈下，漸漸冇乜點再嚟，今次一次偶然機會經過附近，一於再試下叫咗個早餐，沙嗲牛肉麵配菠蘿油，食咗兩啖覺得有啲唔妥，再認真試吓發現個沙嗲汁有微微變酸，於是同阿姐講要求更換，點知阿姐話廚房師傅講沙嗲係啱啱炒好所以堅拒更換，算數，因為本身個沙嗲汁就算冇變酸都唔好食，冇沙嗲味亦唔夠鹹，米線又煮得太淋，牛肉亦帶筋，最後我成碗冇再食過，當我跌咗三十蚊啦諗住食個菠蘿油填飽個肚就算，點知個菠蘿油都係凍嘅，係隔夜麵包嗰隻又凍又硬，就算你朝早五點焗嘅放到十點鐘都一定唔會硬到咁，所以幾乎可以肯定係隔夜嘅咁耐冇黎諗住試吓啲嘢會唔會好返啲，點知原來係低處未算低⋯⋯

放假唔想煮就時常會嚟呢度食！最鍾意食呢度啲海南雞飯！雞皮色澤靚，肉嫩，而且個油飯都做得好好！係小有嘅高質素！加上呢度每次嚟都有例湯！飲落好足料夠滋潤！仲好過自己煲！