喜記蟹將軍 (iSQUARE國際廣場) (已搬遷) 新店位置

二人套餐免加一$138今日我叫咗胡麻青瓜，酸菜魚，葱油雞，招牌蟹油炒麵，仲包飲品汽水奶茶。。。超抵食，味道亦不錯😋而且要讚樓面叔叔，得佢一個人，由帶位，點菜，傳菜，結賬，他一個包辦，有禮貌服務態度非常好👍🏻

因為突然想食蟹，所以就上網search到哩間餐廳，見到有幾多好評，所以諗住試下啦餐廳環境不錯，人流唔多，坐咗成晚都係得5枱客人。1. 蟹油王炒麵，不過不失，幾香口，可以試下2. 油鹽浸蜆🙁多沙又冇味，唔值得食3. 菠蘿咕嚕肉，肉唔夠脆，味道太酸！4. 避風塘炒蟹，味道係幾好，但完全冇肉😡蟹鉗就大，但拆出黎啲肉差啲要拎放大鏡搵，成盤蟹真係好失望。但味道真係幾好，香口！中意食蟹殼嘅可以一試。冇下次架啦！唔會番轉頭

個咕嚕肉 一入口已經好(恭)喉嚨唔知係咪啲醋落得太多 好酸我油鹽水大蜆 首先俾佢呃咗根本就唔係大蜆勁淡味 胡椒味比較多 唔新鮮 份量少 好一般唯一值得讚呢個招牌依個真係幾好食 唔油膩 蟹味又好出如果真係要食呢間野 只可以話唯一值得食七百幾蚊食中size 真係那有錢你老母真心好嬲 你呢度擺明係食蟹 竟然可以俾啲咁差嘅蟹人隻蟹完全冇肉！仲要勁痴蟹殼！完全冇蟹膏！我想講佢所有食評好評 一定係買！嬲到癲！淨係食蟹殼我蠢咗入藍店都算！仲要食垃圾！當晚係坐唔滿！ 侍應話已經好過平時但係三四台 真係買幾多廣告都冇用啲質素咁差

見OpenRice 外賣自取四人份量羊腩煲有6折，折左都唔駛$200，咁抵食，就叫左一個。拎上手已經覺得點解四人份量會咁輕。食嗰陣打開個飯盒份量只係二人份量，生菜就有一大盒俾你。再數下羊腩有幾多，原來只係得三舊左右！如果真係四個人，每人都分嗰到一舊羊肉！薑就有一大堆！其實我係兩個人食，真係唔夠食，除非你真係食晒佢俾你嗰一大堆生菜啦！但睇清楚，佢係四人份量，我係兩個人食....真係好失望...希望其他人唔好中計！

唔會再幫襯😡😡😡😡😤😤😤😤兩星期前已經order左海鮮宴for 25號Christmas大餐。琴日24號，我自己本人再打電話去confirm order, 要求6.30pm外賣送到府上，職員仲口口聲聲應承OK (話冇問題）最後5.15pm已經送到黎屋企，喜記職員話今日好忙，怕會遲到，所以早啲。有冇病呀，早到咗成1小時有多，咩都凍啦 (我唔係食龍蝦魚生囉)😒職員不停話今日會好塞車，所以早少少送貨，尖沙咀黎我屋企都係20分鐘車程，唔需要早咁多囉。最攪笑係送外賣個哥哥話，去到喜記拎外賣已經一早煮好，唔該個職員唔好講大話啦🤥第一次幫襯，真係好失望，仲要個職員用大話，掩蓋餐廳已經一早準備好外賣。呢餐海鮮宴，都要$17xx, 呢個價錢，可以有好多選擇。呢間餐廳仲不停係 社交平台到賣廣告，本人純粹分享，唔想有其他人會中招😤

秋天我最喜歡就是吃蟹，每年都會吃一次，今年選擇了喜記蟹將軍的十蟹宴，這是4人餐，可以品嚐到不同煮法的優質蟹，果然很美味呀！十蟹宴4人餐包括清蒸大閘公蟹4隻、清蒸大閘母蟹4隻、喜記薑蔥炒蟹、芝士牛油面包蟹伊麵、胡麻醬青瓜、滷水拼盤、金銀蛋時蔬、薑汁蕃薯糖水。清蒸大閘蟹隻隻膏多豐滿，肉質肥美，有爆膏的大閘蟹，蟹公的膏超軟滑，也有啫喱狀的白膏，母蟹的蟹黃鮮香油脂細膩，這時候是吃蟹最好的時候，大滿足！芝士牛油面包蟹伊麵大大隻面包蟹，蟹肉鮮甜嫩滑，加上濃濃的芝士醬汁和伊麵，更加惹味可口。鑊氣十足的喜記薑蔥炒蟹，散發著濃郁香氣，啖啖蟹肉，好鮮嫩爽口，香甜美味，非常香口的菜式。胡麻醬青瓜青瓜口感清新，爽脆可口，沾上日式芝麻醬，味道大大提升。滷水拼盤雞翼、豆腐、雞蛋等材料啖啖都有滷水香味，濃而不厚，食物吸入滷水香料，越吃越惹味。金銀蛋時蔬蔬菜翠綠鮮爽，配合鹹蛋、皮蛋，食材吸收了湯汁，口感濕潤，吃起來喉嚨好舒服，好味道。吃完大閘蟹，最好就是吃碗薑汁蕃薯糖水，驅寒暖身。蕃薯香甜，薑湯濃郁，熱騰騰，好暖胃的糖水，好滋潤。

喺OpenRice見到I square喜記蟹將軍 做緊星期三、四主餐牌七五折，超抵喎🤩🤩二話不說即刻嚟試吓😬😬地方超方便，尖沙咀iSquare地方都好整潔，店員服務好好添👍當然要叫避風塘炒蟹啦🤭🤭一上枱已經非常香，食慾大增🤤🤤見到佢啲佢哋叫即劏，真係非常新鮮，海鮮就要食佢嘅鮮味😊肉質非常紮實鮮甜而且仲好厚肉添，超級大隻，配避風塘嘅煮法我覺得係最正嘅😋😋再嚟椒鹽波士頓龍蝦🦞，成日都用伊面焗，食到有啲厭，椒鹽嚟整非常之有驚喜😍😍龍蝦同樣大隻新鮮，蟹鉗成個手掌咁大🥰🥰中式做法，另外一番風味👍👍重新食法：七彩炒沙巴龍躉魚💕第一次咁樣食沙巴龍躉咋.。估唔到又好好味喎，魚肉彈牙，外脆內嫩，真係色香味俱全🤭🤭最鍾意食豆豉鯪魚油麥，非常夠火喉，又吾會太油！避風塘炒面，非常香口呀，大大碟，唔使叫白飯🤣🤣價錢、食物質素、服務都非常滿意，下次一家人聚餐再以再來😊

近期熱話！大閘蟹😬😬作為為食友，點可以唔試下，上網見到喜記蟹將軍區出咗大閘蟹餐，當然係信心嘅保證啦，蟹嘅始祖！！一早book定位二人餐588蚊四隻大閘蟹一隻麵包蟹仲有小菜㖭一定夠曬飽喇😀😀到餐廳，防疫措施做到足，店員服務好nice，而且地方好坐😌😌兩隻公兩隻乸，好鬼大隻喎😝😝見街市都賣成百蚊隻眼真係好抵呀，睇下質素先，一打開蟹殼爆曬膏呀！！蟹膏爆曬出嚟，非常之甘香，用隻匙羹食好享受，就連蟹腳都非常之飽滿！而且鮮味十足，咁係全部食曬佢啦😁😁嘩🤩🤩好耐冇食過欖角骨啦，真係lucky啦，肉好香配埋欖角真係想加碗白飯呀🤣🤣食少少菜，先夠曬和氣🥗🥗第二主角嚟啦牛油麵包蟹伊麵，好大碟呀！麵包蟹都好大隻喎！呢個肉質都同樣好紮實，鮮味都不失大閘蟹，果然係蟹嘅將軍啊🥰🥰呢個餐都好細心👍食埋薑茶番薯糖水，可以去一去寒氣非常細心，而且仲好抵食添😆

honey生日，當然要提早book定餐廳啦🤭🤭邊個話慶祝一定要食西餐㗎，二人大閘蟹餐更加適合我哋😬😬事關我哋都係大閘蟹痴😄😄地方最就腳喺isquare喜記蟹將軍，提早book定二人大閘蟹餐，$588足足有五隻蟹確實抵食！另加茶芥加一人頭三百蚊鬆啲自己買都要啦哈哈😄😝😝先來清蒸大閘蟹兩公兩母，啱曬我哋！因為我鍾意食公老公鍾意食乸🥰🥰都好大隻呀手板咁大，而且非常之爆高！食得出係靚蟹，蟹膏甘香真係唔想咁快吞落去🤣🤣喺口腔嗰度停留多啲時間呀🤭🤭哈哈唔限時慢慢食，逐隻蟹腳都食得干干浄淨，事關蟹肉都非常紮實鮮甜😋😋餐具安排得非常好，而且店員服務仲好細心不時收碟加茶👍👍食完蟹食番啲肉同蔬菜先蒜蓉菜心夠鑊氣呀，欖角骨好地道風味呀，好特別嘅菜式第一次食😁😁芝士牛油麵包蟹伊麵非常有驚喜呀！香濃芝士我喺伊麵度伊麵吸收蟹嘅鮮味真係好正，而且仲好大隻㖭！最尾食埋薑茶番薯糖水就完滿曬喇我哋足足食咗兩個半鐘，😁😁真係非常滿足呢個價錢嚟講超值🤗🤗

無服務，食物差，蟹番蒸。全場2個伙計， 一間永遠不去垃圾餐廳， 中伏了。蟹， 細到無朋友， 總之不要再幫。一次過上所有菜， 他們以免煩， 不會更換餐具， 要自己動手做，只有一次， 沒有下次。

大閘蟹嘅魅力真係沒法擋 🥰🥰早前喺屋企已經食過一次 ,但可能唔係太識揀😅感覺一般 聽朋友講喺尖沙咀isquare 食咗10蟹宴四人餐 人頭都係300蚊 🤩🤩而且質素非常高，隻隻蟹都爆高喎 🤤🤤今日特意book定位 同屋企人再嚟 大閘蟹宴 😬😬捉住尾巴 先來八隻大閘蟹，四隻台四隻乸 ！每人都可以試曬兩款 ，目測有4-5 兩，真係算大隻😀😀 而且隻隻爆曬膏 非常之鮮甜 甘香🤭🤭食蟹用具齊全！連蟹鉗都可以食得乾乾淨淨 😋😋而且肉質做好紮實添 可以慢慢食 食完一道菜再嚟第二度菜，認真細心，服務好好呀 👍👍再嚟鹵水拼盤 非常入味而且唔會太油，仲有我至愛嘅 滷水豆腐再嚟喜記嘅signature喜記薑蔥炒蟹 ，火候非常夠 ，救鑊氣，非常之香 😍😍薑蔥炒蟹又係另一食法 主要係肉質非常鮮甜 再嚟金銀蛋時蔬 大大碟夠曬食 唔使驚未夠飽 ，仲有芝士牛油麵包蟹伊麵 🤩🤩第三種對鞋嘅享受 芝士汁 非常香濃 蟹嘅鮮味滲曬伊麵度 再加埋芝士汁嘅香濃 真係唔錯唔錯 最美食埋碗薑汁蕃薯糖水就非常圓滿呀 頭三百蚊左右 真係大滿足 唔知大閘蟹收爐之前，會唔會可以食多次呢😂😁

朋友飲飲食食分享，呢排成日都見到大閘蟹 😍搞到我心癢癢 🤣🤣一於約埋幾個蟹友 食番餐 🥰🥰search之下見到 尖沙咀isquare喜記蟹將軍 十蟹宴 四個人，千二蚊有找 😱😱二話不說 訂咗枱😛😛先呢頭盤 ～麻醬青瓜 ！等食之餘 可以先清清口腔🤭再嚟四公四乸 嘩超級大隻 🤩🤩街買都要成百蚊一隻啦！ 隻隻爆曬高！肉質好紮實 ，可以慢慢食☺️唔使好似出面咁限時限刻 90分鐘任食大閘蟹的話，真係諗唔到 可以點樣食到幾隻囉😏😏四公四乸剛剛好，事關我哋四個當中，兩個鐘意食公兩個鍾意食乸， 真心非常鮮甜新鮮😋😋喜記都算係炒蟹嘅始祖，當然要試佢哋嘅薑蔥炒蟹啦 😝😝非常之有鑊氣 而且非常新鮮呢 手板咁大 真係過足口癮芝士牛油麵包蟹伊麵 算係fusion菜吧 ，幾有特色！蟹嘅鮮味完全滲入曬伊面，加上芝士每一啖都掛住芝士汁 ，有驚喜👍👍仲食埋欖角骨添，好耐未食過啦 ，傳統特色菜 😬😬唔錯 金銀蛋時菜我最鍾意食㗎啦 ，最尾食埋個薑汁蕃薯糖水 ，真係 飽到上心口 🤭🤭大廚好細心呀 薑汁蕃薯糖水，可以消消寒氣 計埋加一 茶芥人頭 三百幾蚊 ，食咗十一隻蟹 ，真心超值😬😬

不時不食🥳🥳秋風起正是大閘蟹最肥美嘅季節 蟹膏嘅鮮味真係無所能及🤩🤩今日同老公喺尖沙咀isquare睇完戲 見到喜記蟹將軍 竟然有兩位用嘅大閘蟹套餐$588 😱😱😱除咗有大閘蟹之外仲有麵包蟹 即時心心眼😍😍一入門口已經見到佢哋好生猛嘅魚缸同埋蟹啦🥰🥰喜記 都算是蟹當中嘅表表者店員服務好好👍👍地方非常好坐，乾淨企理有人喜歡吃大閘公蟹， 有人喜歡 吃大閘母蟹！呢個餐就啱曬啦！兩隻共兩隻乸😀😀一上臺，嘩🤩🤩好大隻呀 爆曬膏，非常creamy又鮮甜 口腔 繞住甘香，好正呀🤭🤭慢慢食每一隻腳嘅蟹肉都食埋 而且肉質好紮實 食得出好新鲜😎😎 薑汁芥蘭配大閘蟹真係唔錯 解膩之餘又可以驅寒， 夠曬鑊氣好爽脆👍欖角骨好耐 冇食過啦 整得 幾好好，傳統嘅味道😊唔使驚唔夠飽因為仲有，芝士牛油麵包蟹伊麵😝😝中西合璧嘅做法 好香口又唔會膩，大蟹超大隻呀 又鮮甜厚肉最尾有埋個薑茶番薯糖水 真係好享受☺️☺️呢個價錢嚟講真係真心超值 ，要快啲帶屋企人過嚟試下🥳

🍽 喜記蟹將軍 (尖沙咀)​​👩🏻‍💻足不出戶，但外賣選擇真係花多眼亂🤤乜都想食既情況下，就試下叫海鮮🦀返黎食啦‼️係屋企想煮餐海鮮餐，工程浩大🤣🤣於是揀咗呢間#喜記蟹將軍，食海鮮補充蛋白質😆#明明就係好想食蟹🦀😋💕​​P.s：而家外賣🥡正價75 折😍​（+$200，送去元朗、大埔、馬鞍山、將軍澳）​​🦀喜記正宗炒辣蟹​🌟蟹肉結實🥰甜美，辣🌶、香、鮮並存‼️而且辣而不過油，食得過癮🤤💯👍🏻‼️​​🦀豉椒炒蜆​🌟炒蜆都係必點之一😋香噴噴，蜆肉鮮甜，加上惹味香濃嘅醬汁😍‼️唔咸之餘仲食到蜆肉味🥰鑊氣十足‼️又有風味‼️💯​​🦀蒜蓉炒時蔬​🌟菜心翠綠鮮嫩，蒜蓉味香濃，唔會死鹹，口感好‼️👍🏻​​🦀薑蔥炒蟹​🌟一打開就即刻傳出陣陣香味‼️🤤加埋紅卜卜嘅蟹殻，真係好吸引🦀‼️個蟹鉗大隻又飽滿，啖啖肉😋💕仲有一絲絲清甜，蟹膏豐盈油潤，無得頂‼️💯👍🏻👍🏻​​🦀辣酒煮花螺​🌟每粒花螺🐚浸滿辣汁好入味😋👍🏻肉質鮮甜爽脆，香口惹味，令人不自覺咁食完一粒又一粒‼️🥰💕💯​​✒️小記：而家做緊外賣正價75折👍🏻再加$200可以送去元朗、大埔、馬鞍山同將軍澳；外賣都幾準時👍🏻有保溫袋keep住食物溫度，送到黎仲係新鮮熱辣😋👍🏻💯唔洗

大約晚上8點吃，首先在點單時，很多款式已經都沒有，或者海鮮數量只剩幾隻，已感到有點失望。食物方面，蒸扇貝$58/隻，大概5蚊大小，調味偏淡，味道一般。炒蟶子$78/隻，份量較少，豉椒炒味道尚可。大虎蝦$68/隻，蝦感覺雪藏味，調味尚可。大肉蟹$850/隻，極失望，肉少，大蟹份量成隻細蟹咁，賣相擺盤（可睇圖），宣傳照人地兩隻大蟹腳+蟹殼擺面，我地最尾係個底先搵得返個殻😞調味尚可，但蟹味真是很一般！最後！最後！最後！真是重頭戲，令我最o咀的叉燒！🥵大大小小加埋10塊左右的叉燒 $128/份，見到隻碟周圍都係油，叉燒既色水，真係令我嚇一跳，味道可說是本人吃過的叉燒相比之下最差的一次！飲品方面，汽水是支裝上，是夠凍的。人手上，只得兩位職員，因此每次需要服務時，基本上都需等候一下。但總括而言，也是失望的一次體驗😗😗不考慮再惠顧🤔🤔