喜鍋 海鮮‧火鍋‧小廚 (已結業)

今日係喜鍋打邊爐，發現原來佢有雞煲，選左好耐到底要湯底定雞煲好，因為太多選擇，對於有選擇困難症嘅人真係好難揀，最後就選左個雞煲，因為食完可以再打邊爐，雞煲好惹味，而且半隻雞原來好多肉，見到鴛鴦墨魚油炸鬼既圖好吸引又係推介食物，一試真係好食，脆卜卜既油條，上面有墨魚肉，有黑松露同蟹子兩款，直接食又得，打邊爐又得，韭菜餃應該係自家製，夠大隻而且好香韭菜味，薯仔用波浪紋切好特別，最鍾意煮到好淋入晒味，鮮肥鵝腸半份都好多，而且夠肥夠爽脆，二人個食到好飽，而且價錢又唔貴，質素又幾高，下次可以再來

🍂🍁天氣好似開始有少少轉涼，我就已經好想去打邊爐，因為本人係非常鍾意打邊爐😍平時食開都係任食打邊爐，都未試過係食單點，總覺得會好貴，但食完真係番唔到轉頭，原來質素係差咁遠㗎😆😆⭐️醉雞鍋湯底 (半隻) $148半隻雞都咁大份😆，絕對唔係d奀瘦雞！加上用大量配料去整嘅湯底，非常養生！⭐️頂級安格斯牛頸脊 $208 (小)小份都已經係2至3人份量，牛頸脊脂肪分佈均勻，咬落去肉質淋身，充滿牛味🤤🤤，屬高質靚牛，老闆特別推介的👍🏻⭐️日本豚肉 (半份) $72唔知係咪滾耐左嘅關係，有d”鞋”口。因為驚唔夠飽，叫左個薯粉，點知原來係飽到傻。。。🤣🤣侍應會不斷清理枱面同好有禮貌，食得好開心😊呢間火鍋店回頭率非常高！

🍲🤍港式邊爐@《喜鍋 海鮮‧火鍋‧小廚 》🐖番工番到十下十下，收工繼續去烚下烚下！🤭「🌟Like and share FB 有88折+送前菜！」 🥬前菜係麻醬冰菜，口感好特別!好中意食!平時都唔見餐廳有。出面好似有層冰薄包住，哎落好清爽同嫩，亦冇草青味唔澀！🤍 🐮揀左呢個牛肉係美國肥牛🥩（$128），MENU之中最便，淥到過熟都完全唔鞋，好柔軟彈口，就算個沙嗲湯底咁重口味都冇遮到個濃牛味!💕呢個都覺得好食。咁其他個D咪仲正🤤見到佢個牛魔王塔真係吸引到呢🙈。可惜自己叫唔到，如果有多啲人share就好啦! 手打芝士牛丸（$68），咬落鬆軟多汁，入面既芝士質地有D似滑豆腐，好攪笑。仲以為會係拉絲芝士🤭。🥟手工雲吞（$48）既豬肉同蝦都好新鮮。仲叫左鳳城水餃（$48），但唔知點解會有芹菜係入面😮比較岩愛芹人士！（我唔係🤣）🌽栗米（$28）超甜好多舊 !響鈴卷（$28）粗身大大條，唔會浸完湯汁就縮哂水，表層酥軟，豆香比平時的濃。❗️佢個調味盤入面個🌶辣椒醬真係不得了，好鮮咸香，超多蝦米干貝魷魚etc，平時中意食XO醬既人一定會好中意!（即係我😋）。

打邊爐依樣野真係食極都唔會厭 今次就去食咗旺角邊爐店😏藥膳醉雞鍋 半隻無諗過半隻雞嘅份量都咁多 兩個人食都好足夠 個藥膳湯底好有藥材香有好多雞肉👍🏻👍🏻時令2人海鮮盤依個海鮮盤幾抵食 本身應該係有兩隻鮑魚 但咁啱佢哋今日無哂鮑魚 咁就轉咗做蟶子 仲有蝦、蜆、青口同帶子 佢哋嘅海鮮絕對無沙 我幾鐘意個蟶子 幾爽口彈牙👍🏻美國雪花肥牛肥牛嘅雪花紋好靚 分佈得好均勻 入口牛味濃郁 肉質嫩滑👍🏻 我同朋友仔鬥快搶哂依碟肥牛😋😋響鈴依款響鈴係比較厚身同唔易散開 值得一讚嘅係佢哋嘅響鈴炸到好鬆化👍🏻佢哋每樣嘅火鍋配料份量都唔算少、質素咗唔錯 而價錢都好相宜  而茶芥及醬料每位$15 有炸蒜、辣椒、麻醬、青蔥等選擇

位於旺角嘅喜鍋絕對係打邊爐嘅好地方🍲有好多特別口味嘅湯底好似鮮檸酸菜魚鍋、鮮果椰青雞鍋、招牌花膠鯊魚骨膠原湯鍋等等🤩火鍋配料亦都好多選擇,好似我打邊爐最鍾意食嘅薯仔、豬潤、炸魚皮、炸響鈴同萵筍佢地都有齊,好開心😍而喜鍋嘅牛亦都相當出色🐮鍾意食牛嘅朋友,一定要試佢地嘅牛魔王塔🐄入面有頂級安格斯牛頸脊、至尊手切本地牛頸脊、降霜安格斯牛肥牛粒,啱晒一大班朋友打邊爐嘅時候食😋鴛鴦墨魚油炸鬼,上面係黑松露同蟹籽,油炸鬼會包住墨魚牛肉好靚

👻蟹籽黑松露墨魚油炸鬼$68招牌菜之一，入口帶點脆口，偏向硬身🥺，亦唔會太油膩。比較鍾意黑松露味，幾香濃。😍🦐時令2人海鮮盤 $128價錢唔貴，就食到蝦、扇貝、青口同蜆，鮑魚是日售罄，所以換咗蟹肉，蟹肉同蟹膏唔多，但係喺上菜五分鐘內仲係識郁架。呢個價位食到新鮮海鮮都接受到。🥘重慶麻辣雞煲 ($148/半隻)唔太食得辣嘅我哋緊係叫少辣 🤣，配料同調味幾配合，帶出雞煲嘅香濃氣味同惹味。萵筍 $38厚切萵筍，口感都爽口嘅。
清熱解暑 雪梨菊花茶$28/1大枝相對少甜，而檸檬薏米水$28/1大枝 比較滋味，底下有唔少薏米，唔會太酸。

一放工心血來潮想打邊爐經過見到聞到好香既味，就咁比餐廳野食味吸引左入黎一坐底點左個香茜皮蛋鍋然後望一望海報Order 左個安格斯牛天梯牛魔王至愛，好多牛牛、有哂吾同部位。本生仲諗住叫兩碟牛天梯，但一碟兩人都好夠食時令2人海鮮盤，海蝦好生猛,南非鮑魚好鮮甜，爽口，睇住時間一熟就食，口感perfect 脆鯇骨腩，味道好鮮美，而且口感清爽、脆口喜歡吃魚的朋友可以一嘗🤭皇帝莱好好味打邊爐好似完全鐘意左重口味既菜埋單時仲有88折優惠👍🏻好抵食啊依家

啱啱放工真係超攰😪😪但係約咗中學同學食飯就無謂推啦🤭今日係屋企附近嘅餐廳揀嘢食就揀咗係上海街既雞煲火鍋其實雞煲火鍋真係適用於一年四季 春夏秋冬 365日都可以食😍😍😍 因為打邊爐真係好好食😙😙咁我哋嗌咗中辣嘅雞煲雖然只係半隻雞但係都好足了食晒啲雞都已經有7分飽啦其實雞肉好嫩滑 完全冇冰鮮味 醬汁都好濃郁 好入味由於我哋兩個女仔都唔係好肚餓所以嗌左幾碟小食有特級新鮮肥牛你見佢脂肪平均唔會話好肥牛肉味好重其實一片的真係好滿足😎😎雲吞我幅圖都見到佢超大粒入邊蝦同埋肉都好新鮮 完全唔係流料同埋墨魚丸呢隻係手打墨魚丸我發覺呢間餐廳係主打大粒兼抵食你見佢真係好似拳頭咁大粒食咗真係完全飽 好正餐廳有上下兩層 有圓枱傷痛屋企人或者同事或者一大班朋友去食架😙😙

今晚十點無無啦肚餓想打邊爐，兩公婆就揸車去左旺角上海街這間喜鍋。老闆好好人，服務態度一流，環境舒服，食物質素高，我們點了一個胡椒豬骨濃湯煲，煲入面有大大舊豬骨，豬手，雞腳，栗米，蘿蔔再叫左一碟至尊本地牛頸脊牛味重，入口鮮嫩好味，一碟鵝腸都唔錯，就係有啲肥，本人怕肥所以要去走啲肥膏先食，再加多個蔬菜拼盤有生菜，白菜，菜心，芥蘭，2個人就飽到上心口埋單讚好社交平台 專業同分享就有88折，可以再來

咁耐冇打邊爐又諗起呢間喜鍋～呢度既服務態度依然好到不得了～每位員工同老闆都好好服務，餐廳好貼心咁提供左口罩套同搓手液🥰仲會問客人需唔需要餐巾～黎呢度食野真係感受到賓至如歸～最鐘意食呢度既雞煲～今次有埋加配海鮮選擇，可加100$任選三款海鮮，有蝦/蟹/鮑魚，我就叫左蝦～ 大大隻海蝦～啖啖肉～😍雞肉都好正～味道依然好食😋仲有都係打邊爐必叫既配料，肥牛、娃娃菜、金菇、響令～配埋啤酒🥰 又係滿足既一餐🥰🥰服務員好好咁幫我地換左幾次底盤，真係好貼心～

好耐無食雞煲，難得癮起就介紹朋友去油麻地嘅喜鍋到食，記得呢間店除左係野食幾好食外，服務好好令人好舒服，呢到啲伙記全部好好禮貌，係第一間我覺得服務費加一係合理嘅平民餐廳😹👍🏻。其中一個細心位係有曬口罩袋同消毒液，如果驚整污糟衫又會提供埋圍裙，食既過程仲係咁換碟呀咁，服務好周到。兩個人淨係食到雞煲半隻，夠曬食，本來有個海鮮拼籃價錢都幾吸引～128但因為朋友好多海鮮都唔食，淨係鍾意食蝦，於是就係雞煲到加蝦 ，都係+100，啲蝦係大頭蝦，都有大樣7隻左右，值回票價👍🏻👍🏻雞同蝦吸曬醬汁既味，so yummy 🤤 牛肉叫左一份大嘅美國牛肉，呢到啲食材全部都有返咁上下質素，唔洗擔心會食到劣質牛。娃娃菜同自家製響鈴，比一般的厚卷少少🤏🏻，層次更豐富！今次試左個手打梅菜豬肉丸都好得意，平時係其他店無嘅。Overall嚟講，我覺得比錢比得好開心，因為有服務同野食幾好味，所以食得好爽，會再黎幫襯！

來到上海街......見到這間海鮮火鍋門口養住魚缸......店員服務很好....衛生又細心.....朋友介紹下一齊邊爐......點了藥膳醉雞鍋......湯底有黨參、北芪、准山、桂圓肉，杞子。花雕酒味濃......加了雞人手滾熟後......非常好飲....雞又滑..一流...點了頂級安格斯牛頸脊，滾了十秒。牛味夠，酒脂分布好平均，蟹子墨魚油炸鬼都系推介之一。不油利，加上滿滿蟹子。墨魚滑，點了甜酸醬更一流。脆肉魚腩都系好正!!!!卜卜脆魚腩。新鮮，一流。每款都好好味......值得再來!!!!

三五知己打邊爐當然要抵玩又方便啦，呢間邊爐店由油麻地站A1出口行去3分鐘就到，價錢抵玩、份量又多、料又靚，大食嘅朋友仔啱哂~ 🧡鴛鴦墨魚油炸鬼（$68）前菜必食推介！油炸鬼炸得好香脆，同泰式酸辣醬好夾，成個味道同口感都好豐富！黑松露版嘅本身都好夠味，唔點醬本身都好好食~🧡招牌花膠鯊魚骨膠原湯鍋（$208）用料十足，有好多花膠、雞腳同豬骨，鍾意骨膠原嘅朋友仔就啱哂喇！跟湯底送一份脆米，用湯泡黎食係幾過癮嘅，就算叫第二款湯底都推介叫一份脆米~🧡時令海皇盆（$168）抵食之選！海鮮盆又大又款多，有齊蝦、元貝、蟹、蜆同青口。蝦同元貝大大隻，蟹又多膏、蜆同青口都好新鮮，正！🧡蔬菜拼盤（$48）有3種唔同蔬菜，份量十足！🧡竹蔗茅根（$42）竹庶味十足，清熱又好飲！

朋友話太耐無見。要打下邊爐相聚。介紹咗一間😍全單8折。正😄選擇都好多。餐前小食都好吸引😍😍😍店員極力推介蟹子墨魚油炸鬼，就試試啦😜😜咬了口。好脆口，唔油膩，蟹子。墨魚滑加上甜酸醬，又另一個口味。不錯👍🏻點了藥膳醉雞鍋，湯底滿滿黨參。北芪、准山，杞子，桂圓肉。花雕酒味好濃落了雞件更一流。雞一熟就飲了大大碗湯。補😍😍😍😍頂級安格斯牛頸脊，滾了大約十秒就準備入口。牛味夠。頂級吃落口完全無缺點，油脂分佈平均。值得一試😍😍鴨血。夠嫩滑。正鵝腸。滾時間都係十秒左右。爽脆。好味脆肉腩魚。加了半邊魚頭。腩位爽加啖啖肉。份量大。79蚊非常低。點了日本啤酒。腸睇住奧運打邊爐。夠氣氛。一流👍🏻👍🏻👍🏻👍🏻

喜鍋出左消費卷係時候食餐好，同屋企人去打邊爐，今次係屋企人訂位，係油麻地近朗豪坊，餐廳有多種特色火鍋湯底、餐前小食、新鮮菇菜、海鮮及火鍋配料叫左招牌花膠鯊魚骨膠原湯鍋湯底非常清澈花膠有概6塊另外面頭有係芹菜及胡椒味道，打邊爐前飲左湯先就岩曬，魚骨十分有咬感。芝士竹輪芝士竹輪則比較少吃。店員溫馨提示食用時小心芝士漿一湧而出，要小心盪口，竹輪口感彈牙，配上半溶芝士，芝味十足👍🏻必食韭菜餃餃子每粒都大大件，好足料，韭菜餃味濃。蝦丸蝦丸爽口彈牙，似係自家製，不用加調味。小食期待已久嘅蟹籽墨魚油炸鬼，招牌菜啱啱炸起脆卜卜，店員推介，真係好好食必叫青檸柚子蜜一大樽岩曬一家多人分享，清涼解渴，當中嘅柚子肉及青檸營造出酸酸甜甜的味道，感覺清熱得黎又滋潤