喫麵 (愉景新城) (已結業)

希望一切衰嘢都隨著除夕過去，明天有新的一年新開始，唔使再食啲咁差嘅嘢。預早訂咗位，去到原來係快餐店，職員話可以係位用QR code 點餐，點知去到比錢位就死機做唔到落去（但我部手機其他功能工常），唯有出返去門口用點餐機點餐比錢，到有食物時，職員如果唔見你去攞餐，都只係係度大聲叫「（枱號）枱有餐啦，去攞啦」完全唔會幫你。今晚老婆叫咗個雞喇沙，雞都算多，但似乎煮老咗啲，個喇沙湯底就較淡。我就中咗伏嘞，叫咗個曼谷牛腩飯，上檯仲以為佢比錯，攞出去問返職員係乜野，佢話係「船飯」，我話要曼谷牛腩飯喎，佢話啱係同一樣嘢啫，唯有硬食啦，食落只可以話係豉油水加少少菜同4粒手指公大嘅肉丸仲有兩粒骰仔咁大嘅牛肉再加幾條半淋不脆嘅"炸" 豬皮，再加一碗白飯，牛肉好鞋，咁嘅嘢價錢竟然收$88只希望新一年唔使再食呢類中伏飯。

朋友推介呢間係D.Park 新開嘅YumMee，提供唔同種類嘅麵食，星馬泰、台灣、以至上海擔擔面都有，鍾意食麵嘅朋友唔可以錯過！首先我叫咗一碗布吉大蝦🍤冬陰功粉 $88最吸引嘅地方係大大隻開邊蝦🥳冬陰功湯底味道濃郁，而且配料豐富， 十分吸引，最啱鍾意食辣嘅朋友，料都幾足，有大蝦、蘑菇。。份量十足！ 湯味好濃夠辣， 喜歡～朋友就叫咗上海麻辣黑毛豬扒擔擔麵 $88 擔擔麵好好味，反而又唔算太辣，花生碎有好多，味道濃郁，黑毛豬扒大大塊口感香脆，值得一試！😆😆係好得意嘅豬仔又燒包 $22 即叫即正，熱辣辣香噴噴，入面嘅叉燒蓉味道偏甜，食得出有粒粒叉燒！蜜糖蒜蓉炸單骨雞翼 $42味道帶點孜然粉，單骨雞翼吃起上來很方便。雞肉算嫩滑，不會overcook飲品方面，呢度可以跟餐！同朋友分別叫咗Pepsi Black 700ml（+ $ 6.0加大）$20 & 美綠凍（+$ 2.0），值得一讚嘅係用外賣杯，就算飲唔晒都可以Takeaway🙆🏻🙆🏻

📍 喫麵喫麵最近喺荃灣開咗新店🥳 早幾日就特登同朋友去愉景新城朝聖一下😜我同朋友晏晝三點左右去到 都見到有唔少座位坐滿左🤭 而且佢哋有啲食物係限量供應嘅 如果想食到嘅話就建議早啲去🤫 -糯米珍珠雞 $33珍珠雞用紅米飯整🥰 食落比較健康 中間夾住鹹蛋黃同埋豬肉粒 食落去鹹鹹地 口感都豐富🥰豬仔叉燒包 $22好可愛造型嘅叉燒包 入邊有滿滿嘅叉燒餡 😚熊貓流沙包 $22流沙包咬落去已經好多汁🥰 流心效果一流🤩 食嗰陣要小心啲🤫新加坡海鮮喇沙 $88好香濃嘅喇沙湯底 食落去辣辣地 有少少奶味麵質彈牙 配料豐富 有大大隻青口、蝦、豆卜等絲網海鮮春卷 $38咬落去好酥脆 中間夾住蝦 食到蝦嘅鮮甜薯絲蝦卷 $38蝦卷出邊有滿滿嘅薯仔絲😚 食落薯仔味重 仲好脆口🥰古早滷三寶飯配白飯 $58有牛柏葉、豬大腸同肉片 仲有老玉同埋酸菜餸嘅份量唔少 但可惜牛栢葉只有一少舊😢飯都幾大兜 食落都飽肚！-大家睇完我哋嘅食評之後 想試嘅話可以參考下面嘅地址😚👇🏻✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎綜合食評📝外觀：★ ★ ★ ★ ★回頭率：★ ★ ★ ★ ☆抵食指數：★ ★ ★ . 7✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎想睇

荃灣都開左YUMMEE啦!~~~~聖誕假期去左荃灣行街, 去到D-PARK見到新開左一間YUMMEE, 其實之前都想試下新開環境同座位都好舒適, 門口有兩部自助落單機, 堂食同外賣都可以自己落單!!餐廳係自助形式咁既~~ 所以堂食就自己搵位坐, 係枱到都有個QR code自己用手機叫野食而食物方面, 佢主打係有唔同國家風味既麵食, 有泰式, 新加坡喇沙, 有港式車仔麵咁, 仲有飯都有😆 一間麵鋪可以滿足哂唔同口味🤪小食方面, 有點心,  雞翼個D!!!麵食我地就叫左四川麻辣海鮮麵同吉隆坡蝦麵想推薦一下個麻辣麵，麻辣味好夠，好出色！估佢唔到🤭吉隆坡蝦麵都不錯～～～ 唔食辣都可以揀佢黑松露田園素餃都唔差～～ 但係黑松露個味都唔係好出😆另一推食之選，蜜糖蒜蓉炸單骨雞翼感覺好似食緊燒蜜糖雞翼嘅味道😍個菜就凍咗少少！如果佢熱嘅話就好啲😋

身為Tsuen Wan Baby，最經常去浦愉景新城，我哋見到又有一間新開嘅餐廳，裝修好有特色！原來就係K11 Musea都有嘅喫麵😍😍媽絲想食好耐架喇！我地今日叫左兩款麵同兩款小食，全部麵好有亞洲特式🤩曼谷牛腩船麵濃濃既牛骨湯底，配合返泰國麵最常見嘅金邊粉，真係好友泰國嘅味道，配菜方面，有牛丸同埋脆脆嘅炸豬皮，好夾 成都麻辣海鮮什錦麵好夠辣，風味十足，呢個麵係米線黎既，配合返成都既主題👍🏻蜜糖蒜蓉炸單骨雞翼炸得好酥脆，蜜糖甜甜地，好好味，上面既炸蒜蓉有畫龍點睛既效果，香味更加提升😍炸雲吞細細粒，一碟有6粒，配泰式酸辣汁，酸酸甜甜好開胃！飲品我地叫左檸檬茶同蘋果綠茶，佢地仲有黑熊愛珍珠系列同亞洲檸檸系列，不過咁岩果日賣晒，下次黎要試下佢😉

我和老婆最鍾意帶小朋友去DPARK玩，讓小朋友放電又開心又比較安全，而且玩到倦在商場內已有餐廳食嘢！最近有間新店叫YumMee 喫麵 看來不錯所以幫襯下， 果然有驚喜！它的裝潢以旅行文化為主題，都好舒服，另外皇牌新加坡海南雞嘞沙麵是真心好味，原來每日新鮮熬製湯底，雞又滑又入味！用心製作確特別好味！仲有上海豬扒擔擔麵都好豐富，惹味又香口！我的小朋友仲叫了熊貓🐼公仔的流沙包、豬仔叉燒包，不單外型可愛，食落都有入口即化的綿綿香口感，又酒樓流沙包叉燒包水準！地點：荃灣DPARKHK愉景新城 一樓L1, Shop 1016-18