喫麵 (愉景新城) (已結業)

前排係荃灣行完IKEA又黎到愉景新城搵野食，今次試左一間主打東南亞菜餐廳，選擇都幾豐富，可惜食物質素比較失望～‣ 麻辣擔擔麵 ($68)賣相唔錯，聞落幾香，花生肉碎都唔少，湯底比較淡，唔夠麻辣同花生味唔算重；麵底煮得唔錯，口感幾彈牙，份量亦幾多，總體質素一般～‣ 傳統喇沙 ($78)上菜擺盤都唔錯，不過食落喇沙湯底味道好淡，配料份量都ok，五花肉口感正常，不過醃得唔夠入味，總體水準一般～‣ 肉骨茶配飯 ($88)肉骨茶賣相唔錯，睇落份量都唔少，湯底飲落藥材味幾重，肉味偏淡冇胡椒味，排骨口感一般而且肉質柴口，味道偏淡，總體水準一般～‣ 芒果糯米飯 (+$24) 糯米飯煮得比較耐，食落口感一般，糯米痴埋一舊；唯一優點係芒果幾甜，總體質素普通～💭 C͟o͟n͟c͟l͟u͟s͟i͟o͟n͟餐廳環境幾乾淨企理，可以自助點餐幾方便，不過食物質素一般，而且價錢唔平，唔太建議去試～💰Total: $258 ($86/pp 無服務費)📍喫麵 YUMMEE荃灣青山公路荃灣段398號愉景新城1樓1016-1018號舖📣Like & Share & Follow @ourfoodstephk_ 🙏🏻多謝你既支持，成為我努力分享既

今日食評✍🏻YumMee@荃灣西試食指數⭐⭐⭐店舖衛生⭐⭐⭐⭐侍應態度⭐⭐⭐⭐((每項5⭐️為滿分)) ·因為要餵囡飲奶我哋又唔想去快餐店所以就選擇搵間餐廳early dinner😆1️⃣魚蛋河加飲品好多粒彈牙兼鮮味十足嘅魚蛋河粉都爽口2️⃣雲吞麵(加飲品)就失色咗少少麵底係好味份量都多過一般雲吞麵可惜啲雲吞就唔鮮味格價都定得太高3️⃣小食的魚蛋燒賣正常4️⃣小食炸物賣相幾cute味道正常·自助式餐廳嚟講呢間都算係好服務環境衛生都唔錯👍🏻讚·疫情下的食肆怕多人辛苦排得嚟又唔好食食外賣食到悶想岀去搵食又驚唔衛生·我哋bw.foodie幫到你無論大鋪小店我哋都會盡試盡講

呢間湯底係我食過既最正。今日外賣比少左隻蛋。蝦湯有清甜感覺。湯底一定落足料。啖啖回甘。nice。80蚊一碗唔輸比出面d日本麵鋪。nice。宜家d套餐仲送涼菜，但我呢個冇。以後會再關顧。物有所值。

等食等咗差唔多20分鐘，見唔對路走去問職員，一位小金毛嘅男職員同我講今日好忙，人哋都等咗45分鐘，佢所講嘅個位客人已經等到燥話等到頸都長😓仲態度咁差合理化咁長嘅等候時間👎🏼搞唔掂就表明要等幾耐唔好曬人時間😓結果等到差啲遲到只好轉外賣拎走我叫嘅係炸豬扒擔擔麵，個麵痴埋一嚿好難撩開又易斷似煮爛同擺咗好耐，湯唔熱份量又少搞到變撈麵咁，塊炸豬扒淋曬又「鞋」，等咗咁耐都唔係即整溫度又唔夠，肯定唔會再幫襯！

今日去左荃灣愉景新城逛下，又冇特別野想食，地下呢間麵店，舖面好大，座位又多，唔洗等位，主打東南亞菜，又有船麵，又有海南雞，又有喇沙～好多選擇，而且採用自助模式，方便又快捷～我地一人叫左一個主食，另外佢仲有台式飲品可以加配，不過我地今次就冇加到～🔸曼谷牛腩船麵（$88）湯底真係好正好正，濃厚得黎又好鮮甜，真係飲到停唔到，絕對值得一試‼️牛腩牛丸份量都合理，而且配料一啲都唔馬虎，有好脆既炸豬皮，又有通菜，好滿足🥰🔸吉隆坡海南雞飯（$88）海南雞既質素都非常唔錯，唔會鞋，而且份量適中而且佢嘅油飯唔會太油，食完都唔會覺得好膩，個湯都非常清甜～整體嚟講，雖然佢嘅價錢唔算好平，但係佢嘅食物質素絕對對得起呢個價錢👍🏻👍🏻👍🏻黎開愉城既朋友不防一試🤤

位於愉景新城的「喫麵」主打各款東南亞地道美食，環境光猛整潔，座位寬躺舒適。餐牌選擇豐富，有上海麻辣擔擔麵、吉隆坡海南雞喇沙、曼谷牛腩船麵、香港雲吞魚蛋河等，有多國美食給你選擇。新加坡海鮮喇沙湯底有淡淡椰香，有青口、鮮魚片、大蝦、魚蛋、流心蛋等，海鮮新鮮又鮮甜，流心蛋流心程度剛剛好，但略嫌麵質太淋。吉隆坡海南雞飯油飯氣味有淡淡香氣，但口感有少少硬。雞肉嫩滑，旁邊更有酸菜伴菜。蜜糖蒜蓉炸單骨雞翼單骨雞翼方便食用，外皮炸得香脆，加上香甜蜜糖更美味。熊貓流沙包造型可愛的流沙包，奶黃餡緩緩流出，軟滑又充滿奶黃香氣。香芒莓莓熊 由草莓製成的粉紅色小熊賣相可愛，芒果味濃，消暑解渴。 餐廳服務態度十分好，員工友善，地方闊落，食物造型可愛，非常適合一家人。

荃灣真係有好多好野食，而我成日都會約朋友去荃灣食嘢，而我今日呢就約咗朋友去愉景新城嘅「YumMee 喫麵」去食下星馬泰菜。星加坡海鮮喇沙餸都幾多的有蝦、魚片、魚蛋、青口等，我鍾意個湯底好濃郁，飲落有陣好香椰子味👍🏻😋。海南雞飯海南雞係去晒骨嘅，肉質好滑溜，加埋果油飯，好好味😋。香芋荔枝球香芋荔枝球嘅外型真係好似一粒真嘅荔枝咁，做到真係幾可亂真，少少🤏甜啱啱好。炸雲吞雲吞size一口一粒啱啱好，上枱時係新鮮熱辣好香脆好好味🤤。

 同姨甥仔去愉景新城玩，見到「喫麵」嘅香芒莓莓熊🐻好可愛😍，好啱小朋友😏，所以就入咗嚟試下！座位都幾闊落，啱晒一家大細黎～「喫麵」主打各款東南亞地道美食，如上海擔擔麵、吉隆坡海南雞喇沙、台北紅燒牛肉麵、香港雲吞魚蛋河等，亦有適合小朋友享用嘅卡通包點如豬仔叉燒包、笑哈哈小食拼盤，造型夠晒可愛！☺️我地三個人叫左兩碗麵，份量好多，兩大一細share都夠食！⭐️推薦❗️上海麻辣黑毛豬扒擔擔麵（$88）幼細嘅上海麵條，配上肉燥、蔥花、花生碎等，湯底麻香味濃，帶有淡淡麻辣香，唔夠辣可以自己再加，豬扒薄脆，都幾大塊！⭐️推薦❗️ 吉隆坡海南雞喇沙（$88）喇沙湯頭濃厚，滲出陣陣椰醬香甜，去骨海南雞份量幾足，約有十件，而且去骨好方便小朋友享用，家長可以放心！😂而且海南雞採用黃油雞，肉質嫰滑，雞皮爽口唔油膩，不過麵食係配米線，如果可以揀麵會更好🤔成都紅油抄手（$32）一份有五大粒，外皮很薄，每一粒裡面有一大隻蝦肉，蝦肉爽口鮮味，味道麻麻香香，又帶點黑醋，酸香惹味！蜜糖蒜蓉炸單骨雞翼（$42）單骨雞翼方便食用，外皮輕輕炸香，唔會太油膩，加上香甜蜜糖和炸蒜點綴，幾香口！⭐️推薦❗️香芒莓莓熊 🐻（$42）隻熊真係好cu

點心做型幾特別，而且仲有最愛的新加坡食物，就和朋友行完街過來吃，2人食了$286，價錢都可以又幾飽肚。新加坡海鮮喇沙，湯底比心目中湯同香，海鮮都有好幾款，都食到幾新鮮，麵質比較淋身點就入到湯底味。吉隆坡海南雞飯，油飯幾大碗味道剛好又夠香，如果濕少少就仲好食。雞幾滑身有雞味，仲有些酸菜伴菜最好。豬仔义燒包，做型勁可愛，包好軟熟而入面的义燒都不少。香芋荔枝球，炸出來好新鮮，要等一等先可以食，個皮好脆口好似荔枝皮感，入面反而感覺似奶皇味不太甜，做型十分特別。飲品特飲各自叫一杯，檸檬茶要了綠茶和火龍果味，2 杯都幾大杯仲可選小甜，味道幾清新，整體感覺不錯，食物質素都可以份量多，而且坐得都舒服。

今日荃灣出席完講座,往愉景新喫麵食晚餐,入到去環境都好光猛乾淨,牆上很多介紹新加坡地標公仔,這裡落單方便, 只需喺枱面download個Apps, 餐牌都好多元化有好多東南亞嘅菜式,好適合一些朋友聚會叫不同款式嘅食物, 如台灣紅燒牛肉飯,吉隆坡嘅海南雞等,今次我食咗個新加坡海鲜喇沙麵和黑糖珍珠港式奶茶, 落單不久食物都好快到, 今日嘅主菜新加坡海鮮喇沙麵湯底非常濃郁, 海鮮有青口和蝦, 食落新鮮彈牙,魚蛋魚片彈牙,面食落爽口,整碗新加坡海鮮喇沙辣到適中, 份量十足,黑糖珍珠港式奶茶黑糖甜度適中,奶味香滑,特別一提嘅就係個杯特色嘅冰形狀係呈現熊仔圖案, 非常可愛, 啱晒打卡, 而且杯黑糖珍珠港式奶茶飲品仲好大杯添, 餐廳座位闊落,食物美味,份量十足,適合三五知己聚會好地方

愉景新城呢度地方夠大，所以餐廳都非常闊落呢度有自助點餐機，亦有店員幫手點餐🇸🇬新加坡海鮮喇沙麵 $88-喇沙湯底椰汁味道好重好香-海鮮有青口 蝦 魷魚鬚 魚蛋 魚片-麵質感似米線🐣海南雞喇沙麵 $88-海南雞係一大排雞胸肉-份量都幾多 味道正常-有豆卜吸收湯底精華🐓蜜糖蒜蓉炸單骨雞翼 $42-炸蒜香味加上蜜糖甜味 加上炸脆嘅單邊雞翼-風味嘅香口小食🦐絲網海鮮春卷 $38-絲網非常脆口而且鬆化-餡料為蝦 蝦嫩彈牙🔥火龍果檸檬綠茶 $32-火龍果本身低糖 加上檸檬 生津解渴-大大杯唔怕唔夠飲總括而言，味道唔錯，坐得又夠舒服

今次就去咗係愉景新城嘅YumMee, 好似尖沙咀K11 Musea都有一間🤣 .吉隆坡傳統蝦麵 $78一到就勁香蝦味!!!! 個湯勁濃蝦香🤤 好鮮又唔會話太鹹👍🏻 有幾隻蝦, 蛋同豬肉(?) 仲有啲通菜..?🤣 同芫荽🤩 芫荽控表示開心🤪 啲麵質都幾好食!.新加坡海鮮喇沙 $88超多海鮮🤣 個湯真係好濃, 係好食嘅喇沙湯底👍🏻 好香椰香味!.珍珠奶茶🧋好大杯🤣 最得意係隻熊啤啤😂😂 隻熊原來係粒冰嚟🤪 仲要係有紅茶味嘅冰!! 所以一路溶, 都會keep到好重茶底味👍🏻 仲有好多珍珠!! 有黑糖味的😚 飲足成餐飯都未飲完😆.笑哈哈拼盤好靚好趣怪🤪 最鐘意佢啲脆薯餅🤤.紅油抄手花椒幾香, 正正常常👍🏻 不過個人覺得可以加多啲辣油😛.推介大家試下佢地嘅熊啤啤珍珠奶茶🧋P.S. 店員真係好nice 好friendly!!😚.📍喫麵荃灣青山公路荃灣段398號愉景新城1樓1016-1018號舖尖沙咀梳士巴利道18號K11 MUSEA1樓136號舖

前幾日去荃灣愉景新城見完客, 就順便係到食個快lunch~同事同我都想食d濕濕地既野, 經過見到喫麵既menu 就岩曬我地喇!!喫麵位於愉景新城1樓1016-1018號舖, 即是地下近中庭位置店舖既裝修給人簡約既感覺, 外面望入去好光猛門口既menu有多款東南亞麵類真係聯合國menu, 望落去都幾吸引！入店內先去點餐叫食物, 落完單記住拎埋左面部取餐提示機因為呢度係要自己取餐架 每台有足夠距離,  完全沒有焗促感新加坡海鮮喇沙 $88濃郁既喇沙湯底配上我最愛既米線, 吃第一啖已經感覺到有好濃既花生醬味道，一試難忘!!入面既配料有大大隻青口, 蝦, 豆卜,魚蛋, 芽菜同蛋等等....對女仔泥講都幾大碗~~ 朋友叫的海南雞便當 大大份雞飯便當, 仲有沙拉菜同炸雲吞, 一次滿足曬幾個願望海南雞皮亂肉厚，雞味香濃, 咬下肉質還有少許彈牙感炸雲吞 $38 新鮮熱辣辣炸起, 咬落去脆卜卜非常可口香脆!蒜香蜜糖雞翼 $42雞翼永遠係我點小食既首選，仲要加埋炸蒜真係不得了坐得舒服又食到飽飽，每人都係大約100$, 一個字 “抵‘!!

想試很久終有機會嘗試！店舖光猛明亮十分整潔，服務員態度十分不錯，但食物還是中規中矩跟外面茶餐廳質素都差不多，所以食物比心中所想略為遜色，價格略為小貴！可能清洗蔬菜不是太過徹底，有兩碗麵青菜內有小菜蟲，但都是很少不影響進食。最令人困擾的事，他會給你小牌叫你等它震動去取餐，他的備餐檯又細，每次攞餐只能攞一碗，我點了三碗和一個包都要走四轉，如果繁忙時間爆場拿住熱湯到處走有相對的危險！希望能夠改進但一次過可以嘗試東南亞多種風味的麵食，喜歡食麵的朋友還是可以一試

📍#喫麵#MFJ荃灣 #MFJ港式人均消費: HKD88自從嚟咗荃灣做野，每日出去食飯就好開心🥳今日就係愉景新城試下喫麵！ 佢有好多麵類，有港式，泰式，日式，新加坡等等！ $68-$88不等！⭐️曼谷牛腩船麵🍜$88我就選擇咗船麵，大碗到嚇死人！ 😂先嚐啖湯，嘩！好濃好味！啱晒重口味嘅我🤣牛腩炆得好淋好入味，牛丸細細粒好爽口！炸豬皮都唔錯！ 裡面好多芽菜，加上蔥粒好香！ 而麵就係幼麵，都幾掛湯！好味！ 餐廳行半自助模式，㩒機點餐，店員送餐，都算方便嘅！ 同埋佢吔好後生，好有禮貌同招呼！ 有人話貴，不過出去食碗細細碗拉麵都過百啦！依度仲要係超大碗！ 朋友食個香港滑雞河直頭有半隻雞！ 唔錯！ ✅#mfoodjournal #instagfood #foodstagram #hkfoodstagram #foodie #hkfoodie #foodblogger #hkfoodblogger #foodblog #hkfoodblog #thaicuisine #thaifood #noodles #boatnoodles #相機食先 #荃灣美食 #泰國菜 #船麵