喬妃齋 (已結業)

尖沙咀數齋舖嚟講，依間係平民價嘅素餐館。由於係樓上舖，未必好多人知道，但眼見都幾多熟客，多數都係附近番工嘅客人入嚟食嘅多。下午茶外賣叫咗雪菜火鴨炆米，搭埋飲品$42蚊，算係唔錯嘅選擇啦！至於味道方面比較普通，有時候食到啲鑊燶味，廚房大佬需要注意一下。其實因為比較少鹽嘅關係，所以味道唔係好重。總的來說，如果唔想食咁貴嘅齋，粗粗地依個係選擇之內。

其實黎過呢到好多次，以前係附近返工，有位食素既同事帶我黎既，曾經係店到見過蘇杏璇。已經好耐無黎食，今次發現佢裝修左，坐得幾舒服。同枱有幾個都好似我呢d”單身”人士黎食，自己一個黎感覺唔會好尷尬。食完飲啖茶睇吓電話輕輕鬆鬆，唔係趕住走。一坐低佢就比碗湯同杯茶我，個湯味道唔錯，而且都熱，仲有栗米。我點左個肉絲炒麵，等得比較耐一點但味道同份量都唔錯。麵係炸過再打獻，真係好似一個普通既肉絲炒麵，但食落唔係好油膩。我諗我會經常黎。

近排想食得清淡D，所以就試下依間齋舖！好多人成日以為食齋會好齋，其實真正煮得好既齋係唔會單調！佢既芋頭魚好出色，炸得好脆，好香既芋頭味，重點係加埋個甜酸醬，成件事變得好開胃，好食到食完再嗌多碟！另外推介佢既咕嚕肉，口感做到同真既肉好相似，有彈牙既感覺，酸甜適中！賽磅蟹亦都做得唔錯，有隻生蛋黃打左係上面，食之前撈一撈，蛋黃撈滿左成碟蛋白，食落好滑！以創新口味為主既芝士海鮮焗飯，以為會好濃味，點知好淡，素海鮮口感唔太似，有D失色，蠔仔餅亦有同樣問題，建議大家試素肉為主既菜式！

地點很近尖沙咀A出口地鐵站，交通方便。進去裝修不錯，帶綠色的，一看就健康。吃過幾次，覺得都有水準，所以來寫下食評。點了焗豬扒飯，干炒牛河，咕嚕肉，肥牛卷都很好吃，做得很像，分量足，適合想找用心做素菜的人士。比不知道是已換了廚師還是什麼原因而退步的佐敦那家X德好，餐後還送糖水和少少水果。看得出來誠意和用心去做好這素菜餐館。而且比起新興的一些素食自助餐好多了，那些素食自助餐很多都只是不同的蔬菜而已。還可以做會員，有折扣優惠。

已很久沒去這間店舖食素，今次也因附近的素食店沒有營業才轉到這裡，一進門口，店鋪已煥然一新，裝修後感覺更舒服，食物質素也沒變而且份量多咗，飯後更有生菓糖水送，三個人食到攬住個肚……值得推薦的素菜館

食物質素良好，選擇多，上菜快服務員態度友善親切👍🏻食完仲有生果同糖水送，抵食價錢合理🥰3個小菜1碟炒伊面😘$460有找唯一不足就係改左餐牌，冇左齋魚生😩不過還是會再幫襯😋仲有好多野想食

中秋節的前一個星期四（20/9），我和四位同事、退休同事到喬妃齋吃晚飯。這間素食餐廳已營業很久。曾有一次朋友訂座了，卻不能安排座位。我們要改到另一個地方吃晚餐。從此便沒有再光顧了。 這一個晚上，我提議來到這裡。想吃這裡的素食。也因為交通方便，住在港九新界的各人回家也不會太遠。這是在舊式商廈中的傳統中式素食餐廳。裝潢沒有太講究。門口像工廠大廈的飯堂。 這裡的地方不小。 有大圓桌可供多人聚餐。 特定小食 — 齋鹵味和花生。不知道價錢。忘記了查看收據。我猜想是$35-40。茶資則可能是每位$8-10。齋鹵味的味道偏鹹。有四個款式。我們點了一湯五菜的自選餐，$348。星期一至五晚上六時後和星期六、日全天供應。湯有三款選一款。小菜、炒飯和炒麵的數量是按不同的自選餐組合而定。 紅燒素翅。材料頗豐富。有冬菇、金菇、素翅等。味道也是偏鹹。放涼了，湯羮明顯變得稠密。應該是馬蹄粉的份量多了。 麵醬玉豆豬排。味道不錯。玉豆口感爽脆。留下的菜汁卻頗多。基本上，我們所點的小炒菜式都有濃稠的醬汁。而且有點油稠。這讓我們不願吃到底。 枝竹羊腩煲。除了枝竹和素羊腩，還有冬菇、栗子、芹菜等。同樣是味道偏鹹。 涼瓜鮮竹。

朋友每逢初一十五要吃齋，剛好遇上中秋佳節，十五月圓，便相約一同吃齋團聚。 本人原本對吃齋雖不抗拒，但一直所保留，不寄予太大期望。這次點了雜錦齋，芋頭中魚，豉汁炒鱔片，枝竹羊腩煲，雜錦齋，南瓜素翅羹，百合炒蘆筍。酸齋味道佳，炒鱔片及煲仔菜過於濃味偏咸，其餘菜式不過不失。如果想吃齋，這裡都是可以一試的地方。

Green monday約朋友食齋，首次試呢間位於海防道嘅喬妃齋。原來係已故藝員蘇杏旋開的餐館，蘇女士身故多年，年輕一輩未必知道係邊個，印象中係大台電視劇，成日做淋善阿媽級的角色。店內裝修簡樸，似屋企多過餐廳。比較特別係茶介先上齋滷味一碟仔，有齋叉燒、咖喱同酸齋各兩舊，俾你過下口癮，我覺得好過酸菜花生收了4樣野粟米竹笙羹，個色唔知點解咁深，味道亦和平常的粟米羹不同，係有啲怪怪地紅油抄手，係我力排眾議要叫，可惜最終令人失望，皮厚而且淋patpat一團粉，餡亦係一舊舊，紅油得個咸字，唔辣欖角叉燒，其實之前喺阿善同埋鵝頸橋街市齋鋪都食過呢味，呢度味道係ok嘅，不過用嘅麵筋係好淋果隻，食落似一啲好肥嘅肥叉我份人好變戀，種意食啲好瘦嘅肉，所以唔係咁鍾意果種口感。全晚最高分係呢味，夠鑊氣，炒得好香另一特色是此處收碗收碟離奇地快，只要夾走最後一舊，即刻有人黎收走個碟，可能洗碗姐姐趕收工。整體唔算突出，如果素食朋友喺尖沙咀想搵間地點方便，唔貴嘅齋鋪，可以考慮。感覺上炒野比較出色。

齋Monday ！ 三個人食個齋小食好普通個齋义燒好濃味，好林，似肥义。干牛河個味幾似，都算唔錯！其他勁野一般！個湯同想像中好不同！甜品有低糖感覺！裝修有點舊同殘。

今日母親節，一家人晚上去左尖沙咀食素。選擇左喬妃齋。好多年前試過，味道同當年都差不多今日待應精心推薦左脆鱔（炸冬菇）， 味道真係好特別，脆口中帶帶冬菇及芝麻香。另外叫左三個小菜，黃魚，荔茸卷，鰻魚煲同一個炒飯，一行五人，都好夠食。黃魚今次試左五柳汁，入口好香紫菜味，中間腐竹皮鬆口。荔茸卷同十年前的一樣，香而不會油的感覺。加上酸甜汁好醒胃。鰻魚煲用左豆鼓同時蔬素食中帶點不平凡

復活假期同朋友 early dinner，６點幾到，只有兩三枱客，未坐低已被嚇呆，我們被安排到還未完全清理的桌，阿姐竟然把拿來的筷子放在未抹的枱上，再抹枱... 算吧！自己再洗... 食物一般中式齋舖咁啦，不過不失，但主菜都未食完，就送糖水，當時還未滿半場，就 feel 到被催促快 d 食完快 d 走...明白依家香港地生意難做，但喺食客面前都不顧衛生，唔係旺場都趕客咁款，叫人怎再光顧... 希望老闆有心做就改善一下！

I stumbled upon it by accident when it was just opening for lunch. The lady spoke great english and asked me if i wanted to eat there. I asked if they took Octopus card since i had lost my creditcard that day. She said no, but after telling her the story she actually treated me to a free lunch shed pay for. I got a soup and a great curry with rice, a huge portion and I spoke to her and her brother for a long time, both lovely lovely people. Support this great little gem and give your money to go

人生第一次食齋😂為慶祝2月份生日同事~成班人浩浩蕩蕩黎到食lunch~✨芋頭魚同炸芋頭餅最好食！！外面脆脆入面係軟軟粉粉既芋泥🤤我唔會話你知我偷偷地食左2件…✨豆腐就不過不失啦，無乜特別✨咕嚕肉個汁幾似，肉就假d架啦…但質感都ok，都有d咬口，酸酸甜甜幾開胃✨咖哩個個我夾2舊都係蕃茄，用左d汁黎撈炒飯，因為個飯有d淡味，但都好多料，有假魚翅✨乾炒牛河好似！有鑊氣而d汁又好似，假牛肉切到薄薄一片好似真既肉一樣，依個獲得大家一致好評~✨仲有湯水餃~大大粒個餡又夠味👍🏻 粟米粥就麻麻地，比較淡無乜味第一次既經驗都幾滿意~原來菜色選擇都好多而且都有盡力還原個味道

是日十五 有時候初一十五食下齋積福之除還可以清腸胃咁啱係中港城落船咁啱係尖沙咀咁啱叮一聲「喬妃齋」好彩六點幾到 唔係要等lor大部分枱面已有留座睇完menu，初一十五竟然冇特別貴，套餐照供應同男朋友嗌咗A餐素翅中規中矩 XO素鮮魷西蘭花第一次食素魷口感怪怪的西蘭花係爽嘅～咕嚕肉好似好似。。。。咬落真係好似咕嚕肉酸甜味都夠我覺得係最好味嘅一款仲有🍠糖水送夠薑～唔甜雖然未食過眾人推介嘅午餐但初一十五晚餐呢個價堅係抵食