嘉兵衛 (已搬遷) 新店位置

同朋友晚餐過咗嚟呢度試吓，見到成個裝修都好有日本風格，燈光暗暗地咁樣，櫈底都好貼心有個籃可以裝住個袋友人叫咗親子丼套餐，我就叫咗吉列豬扒定食一送到上嚟嘅時候份量幾大，隔離有豬扒汁可以自己倒。首先講吓個湯先，送到過嚟嘅時刻仲熱辣辣😋入面幾足料有蘿蔔、洋蔥、甚至有啲牛肉，少少味增湯味又有少少似住家湯，我好鍾意飲佢個湯❤️之後到個豬扒一咬落去都係熱辣辣夠脆，豬扒厚薄適中，咬落唔會好靭好柴，佢每一塊唔係全部都係肉，入面有少少脂肪夾住左，所以食落豬嘅油香味好香、肉味夠濃🤤總括嚟講成個餐食得好滿足好飽又好味😋不過總括來講我覺得一個炸豬扒套餐講緊百幾$200其實有少少貴🙈所以大家要自己斟酌下啦～

同友人入元朗，夜晚即慶食飯，太耐冇去元朗市中心一帶，人生路不熟，但唔緊要，食飯知道邊到有黃店就得了，搵到一間舊同事推介的嘉兵衛，主打日式家庭料理，由一對日籍夫婦開設，想試好耐的店，博一舖即時打去book8:30，2位，幸好有位，去到時間剛好呢，幾驚因搵路而遲到。小小的店子，簡約設計，暖色的燈光感覺好warm 。餐牌，有不少選擇。炙燒火焰醋鯖魚定食，$134。份量豐富的定食，有埋豚肉味噌、薯餅及白飯。醋鯖魚，肉質緊實，味道鮮甜少許酸，好美味。咖喱南瓜薯餅，口感香脆，美味。豚肉味噌，不俗。好滿足的一餐，食物美味，坐得幾舒服，服務幾好，下次有機再食。

限聚令開始放寬了，也開始會約朋友見面吃飯，今日朋友約我在嘉兵衛食晚餐，係怡豐花園個邊，靜靜地可以傾下計店舖的位置不多，地方不大，所以我們來之前都有訂位，而我們來到的時候，職員都會準時交檯比我們👍🏻呢一晚我叫左個親子弁定食，我猜每個餐點都係即叫即整，所以等候的時間都比較長，但我沒關係，跟朋友飲啤酒先😂親子弁，覺得如果蛋可以再滑少少會更好吃，不過呢個親子弁的汁都好好送飯，我成碗食哂。雞肉都okay滑的呢個魚餅都幾好食 同埋佢有張隔油紙放係底吸油，感覺健康點明太子粒粒，一咬落去，脆脆地的，好特別我喜歡呢個連藕，佢切得好夠薄，加左芝麻油同少少芝麻，一咬好香芝麻味呢個湯好多料！！有菇 有肉 蘿蔔 個定食一來到我是飲左個湯先，油了少少但都好飲朋友係吃豚肉，不過因為我地傾得太耐，食個陣個豚肉凍左 有少少難咬開我們都臨近關門時間先來 食到成間舖得返我們一檯 職員都沒有趕我們走 還不斷幫我們添茶謝謝

想食好耐，終於搵到同事陪我食，12點度去到，坐咗兩個字，舖頭已經full，間舖唔大，疫情關係，有量體溫有partition!餐牌簡單，主打日式家庭菜！揀咗一輪，試咖哩吉列豬扒飯 ($92)，冇跟餐，跟餐要加20蚊，有湯同沙律！碗嘢嚟到，認真，失望咗，咖哩汁。。。紅蘿蔔，薯仔，洋蔥，全部冇，真係齋汁！明明日劇啲家庭菜式係好豐富！豬扒好食，炸得鬆脆，亦大份！咖哩汁都好夠味，又唔會太鹹，食完成個下晝都冇涸喉感覺！總括嚟講，嘢食係ok嘅，但CP value認真唔高！餐牌入面有特別想食嘅嘢都可以一試！Ps: 食嘅過程中撞啱有人送食材，睇個量同送貨人，估係本地嘢，咁某程度上可能加重咗成本！

記得之前來要等位, 疫情下餐廳變得冷清, 附近有不少餐廳結業, 這裡不用等位, 少了人吃, 可能經濟環境差了吧。這裡定位中價, 二人吃要三百幾, 質素來說是性價比高, 但不會是日常的平民晚餐, 偶爾一次才可。叫了鯖魚定食和廣島蠔定食, 鯖魚件數不少, 有其獨特的魚香, 自從去日本食過愛上這種魚, 附上醬汁及蘿蔔蓉, 更添滋味。廣島蠔亦高質, 熟度剛好滑溜, 無怪味。兩個定食的前菜都不同, 可以分享, 每一款都用心做, 高質。也特別欣賞那豚肉味噌湯, 足料香甜。定食甚有日本風味, 去不到旅行, 來滿足一下味蕾也好。

💛應該係全個元朗最愛嘅餐廳😚同男朋友講左好耐，終於帶到佢嚟試～～呢間餐廳不嬲多人排隊，早啲打電話訂位實冇死😛（但係我地都等左差唔多15-20分鐘😹）1. 和風炸豆腐 • 8/10.**溫馨提示：唔會擺太耐先食😋如果唔係會更加 “lum” ~~.口感好得意，雖然話係炸，但係完全唔係嗰種炸到飛起，好熱氣嘅感覺！！！係完全相反～～外面食落去會有啲煙韌嘅感覺，咬到入面就係超滑嘅豆腐😋真係好有係日本食嘅感覺🇯🇵 (天呀好想去旅行🥺)2. 日本和牛薯餅 • 6/10.不錯的，真材實料👍🏼👍🏼只不過個人對「粉粉地」嘅口感一般🤔 (男友like !!! )3. 燒柚子胡椒牛油牛舌 • 9/10.不得了，真係好少食到咁好食嘅牛舌 (牛舌控😌)啲調味剛剛好👌🏼👍🏼嗱不過份量方面就真係......一次比一次少呀下！😠4. 炸塩香雞軟骨 • 4/10.反而呢個真係失望！！！！完全冇味🤔 (喪落檸檬汁，先有啲檸檬味😹)5. 名古屋風味雞翼 • 10/10.唔係講笑呢個雞翼真係值滿分㗎🤩首先好貼心地將雞翼一分為二，等客人容易啲食～加上調味係黑胡椒蒜蓉風味😋😋正👍🏼👍🏼👍🏼6. 吉列原隻廣島蠔 •8/10.嗱 呢個

唔會因為黃店就要盲撐，黃店都要有質素先撐到咖...專登揸車去食，埋單二百幾要加一，諗住有雜誌介紹又黃店，貴小小都ok...食完3個飯，3個飯都好難食1.味噌豚肉飯:好鹹，我地要浸過水先食到，同侍應講，就話不嬲都係咁整，最多比多d飯撈下，但似佳寶買既醃豬扒，加上服務真心差。2.親子丼:又相反無乜味，簡單尼講係雞肉炒蛋飯，見到都o左。3.吉烈豬扒飯:個吉烈外皮係淋左，加脫落，十分失望。

I would recommend this restaurant because the service is really good but also because this is by far one of the best, if not the best, japanese restaurant in Yuen Long. Although the food takes some time to come, it is definitely worth the wait. For teenagers I would recommend the “親子丼”, and I also really like the “炸豆腐” and “牛肉薯餅” it is both really delicious!

一星期前打電話去book枱，係一位女仔聽電話，態度都好好book咗某夜7點半，當日仲打電話嚟同我Double confirm！我7點7到達時朋友剛好落緊單，我再睇多三四分鐘Menu，跟住就一位男侍應幫我落單，我講完我要既食物之後，呢位男侍應態度好差咁同我哋講：你地唔可以再落單啦！ 我同朋友都好愕然對望左幾秒，再問佢點解佢好理直氣壯講因為8點半要交枱，有下枱客🙄我地真係下出聲，我問點解book枱嘅時候無講過8半要交枱，原來得1個鐘頭要講麻🤷🏻‍♀️佢跟住話8半或8點9都ok既，之後就行開左👍🏻態度差之如食物都吾值個價錢，好多野都無味，牛肉烏冬，湯底無味，牛肉份量多但好鞋朋友叫個蟹肉湯飯，佢話無味，仲得兩三條蟹肉，仲稀到粥水甘。另一個朋友嗌鰻魚定食200幾蚊，所以係成條鰻魚最大份，但係都食剩3分1🤷🏻‍♀️ 佢情願用麵豉湯撈飯。 唯一好食係單骨雞翼就算食物正常，我都絕對吾會再幫襯

雖然係黃店，不過有啲食物質素有待改善😚📍1️⃣ 章魚小丸子味道唔似平時出面食嗰啲，呢個口感偏硬同粒章魚好細粒😂📍2️⃣ 玉子燒有啲似炒蛋xd 無日本玉子嗰種味道📍3️⃣雞軟骨粒幾好食📍4️⃣ 吉列免治雞肉餅+野菜薯餅定食定食有飯有麵豉湯🤤嗰湯超足料，勁好飲！平時出面飲嘅麵豉湯都係得一兩片昆布但呢個係有啲蘿蔔呀 菇呀其他料！野菜餅同吉列雞肉餅都即叫即炸好熱辣辣同香口！佢仲有茄汁同一個類似燒汁嘅汁嚟點同送飯呢個都幾好食的！雖然佢嘅小食都麻麻地，但主食就幾唔錯！係黃店嚟！門外有文宣~💛得閒可以g持下

從來唔認為黃店就要盲撐， 正所謂: 黃藍是政見好食是良知， 黃店都要有質素先可以令成個黃色經濟圈持續發展嫁嘛。星期六lunch time，叫左兩個set一個小食，兩個字：失望。唔知係我唔好彩今日特別差，定係大家見黃就撐，見大家啲評語都唔錯咁 😨滑蛋吉列豬扒丼 $78豬扒啲肉完全唔鬆化，好硬。個飯勁濕，浸到吉列豬扒塊皮都甩晒出嚟。。。洋蔥絲都夠林，但係成碗飯得兩條，滑蛋都唔多覺眼。。。如圖所示，啲白飯同豬扒蛋係兩個世界。。。野菜蘑菇煮物烏冬 $72餐牌上英文寫住with deep fried vegetables，但係完全係煮物。。所謂嘅野菜就係半條秋葵同埋幾條幼嘅紅蘿蔔絲。。。但湯都唔錯幾清，算做合格啦。甘辛煮墨魚仔 $34食到我叫晒救命。其實佢啲肉都幾爽口幾多，但係啲汁更更更更更加多，仲要係杰嗰隻。。。。同埋超級鹹。套餐 麵豉湯+沙律 $20呢兩樣野反而做得唔錯，沙律菜幾新鮮，麵豉湯唔會太鹹。話難食嘅黃店難食≠分化，話難食嘅黃店好食就係縱容。當我有一日見到呢間舖頭有多幾個好評，我就考慮吓俾多次機會

日式家庭料理的居酒屋，空間比較的骰，建議避開用膳時間或是預先留位會比較方便。食物方面有丼飯、定食、湯鍋飯等，價錢跟質素和份量成正比。炙燒火焰醋鯖魚定食• 除了主食的炙燒鯖魚，還有豚肉味噌湯和一塊咖喱南瓜薯餅，份量豐富。• 不得不讚的是豚肉味噌湯，味道是我目前最喜愛的，材料十足絕不吝嗇：白蘿蔔、紅蘿蔔、菇、洋蔥及豚肉塊，非常鮮甜，不會帶有死咸的感覺。• 鯖魚肉質緊緻細嫩，可以選擇淋上醋汁和蘿蔔蓉，配醋汁會令魚味更加突出和豐富。不過個人認為鯖魚炙燒的程度可以加強一點。• 米飯採用珍珠米，煙韌可口、份量頗多，如果是細胃人士，可建議要求少飯。• 咖哩南瓜餅炸得恰到好處、鬆脆香口，內𥚃的咖哩和南瓜蓉非常配合。

杯茶都好似有少少講究…好飲到要提吓名古屋雞翼嘅味道同外層嘅炸粉(？)好有驚喜！ 入味！我唔識煮飯但食落似炸完後再汁煮…？anyways...好好食 有驚喜 味道係屬於甜嘅跟餐個miso soup足料 好飲 唔會死咸得黎有鮮味嗌左期間限定嘅炸芝士豬扒…個炸粉好好 食得岀個油都唔弱嘅…無油益味…但驚喜欠奉 就係芝士同豬扒 好食嘅 但感覺上嘥左今次入座嘅quota薑汁豬扒 啲薑汁係好日本 唔會有薑辣但有濃郁薑味！豬肉就唔係林唔係滑… 個汁係重點想嗌佢嘅雪糕但太飽喇…下次再戰如果兩個小食嘅價錢等如一個主食 我會想掃小食多 試多啲款希望多啲驚喜

Get details about 嘉兵衛 on my YouTube channel. https://youtu.be/Lr7h99vfRKUI ate pork chop and pork cutlet. That was not bad. Miso Soup was great taste. Many pork and veggies in it. Customer service is good. Must need to book for dinner. I can say this is good Japanese restaurant in Yuen Long.

香港做日式家庭料理店唔多，但元朗就有間。我喜歡支持小店，因細店用心經營，唔重味精，食出家的味道。黑豚定食入口好香，肉質嫩滑，有口感。名古屋風味雞翼雞翼香脆，加上芝麻，味道調得好