嘉華茶餐廳 (已結業)

I am not fond of food from Chinese cafes but there were two choices that caught my eye today.The stir-fried noodles in soy sauce with fatty beef and the instant noodles in cheese sauce with pork neck meat and burger patty.This restaurant looked really old and grubby.They also had lights on during broad daylight.★☆★☆★☆★☆★☆★☆★☆★☆★☆★☆★☆★stir-fried noodles in soy sauce with fatty beef:Although I do not like beef, the noodles itself were satisfying without the beef and there were slivers of onion and

今日出去灣仔，咁就去睇下有冇食，見到這間茶餐廳有位，仲有越式野食，就入去試試。我見到餐牌有越式撈檬，我向侍應指住香茅豬扒配米粉，凍啡，佢比左香茅豬扒湯米=.=，仲比左凍0茶，我叫佢換番凍啡，湯米算喇照食！豬扒好鬆，不過冇香茅味，米粉質地好，湯係濃味，我落左辣椒醋，辣椒醋的辣椒好辣，正，不過醋味不夠。凍啡，一般茶記那種。午市時間，$30，算不錯

上班日, 係中環, 上環, 灣仔辦好事, 下午要回公司嘛. 既然在灣仔, 當然不先過海才搭車. 去灣仔碼頭坐大巴. 但時間已經是11點, 好尷尬, 先食飯又未餓, 不食飯, 上到去又會餓. 點算呢....結果就是, 找家茶餐廳, 快快趣趣塞飽自己先再上路. 身處地鐵站, 那就找間就腳的, 然而這當眼在大街的小小茶餐廳, 就被我選中了.仲有半小時才到正式的(early round)食飯時間, 搭正11點來. 店子只有兩三個人. 我要趕路, 就乾脆的看看有什麼快餐好食. 想食點肉, 又想淡淡地口. 快餐上的梅菜井蒸肉餅是最好不過. 豬肉呢一家野有一個好處, 就是唔怕太熟, 亦可以說是煮得越熟越好. 為何要特別提起呢一點, 因為我叫的蒸肉餅, 是快餐, 而且基本上是快到可以說即叫即有, 所以我覺得, 佢地一定是把一定數量的肉餅長期蒸著, 有人要就拿一碟..咁樣才能夠Speed up個服務. 亦因為咁, 碟肉餅好多倒汗水.味道上, 是不錯的味精味道. 肉汁香, 不過帶有少許而不重的味精, 可以說有好有不好. 但, 若是家庭式的做法, 應有一個非常香的梅菜味, 但梅菜, 係呢一塊肉餅上, 可以說

是日同老公食早餐分別叫咗火腿通+煎蛋+腸仔+油多+凍檸水走甜我就叫咗雞蛋芝士三文治烘底+熱檸水一嚟阿姐放低兩杯凍檸水我同佢講要熱個喎佢即刻黑起塊面話 "你明明係叫凍檸水"咁我都黑番塊面答 "我叫熱嘅, 我從來唔飲凍檸水"跟住佢繼續講 "你根本就係叫凍嘅"我都廢事理佢, 最後佢見我唔接, 唯有死死地氣改番張單拎杯嘢走由於佢事前無講邊杯走甜最後老公就要硬飲果杯甜到爆嘅凍檸水 食到中途, 我個位樓上果部冷氣機竟然滴水仲要滴正我份三文治果一刻真係好慶, 但見食剩少少, 算數, 唔同佢計總結今朝咁差勁嘅經驗決定唔會再有下次!!

4-12-2009「下場」如常喺灣仔, 繼續喺灣仔開餐, 無乜心水又幾趕時間的情況下, 入了呢間茶記食典型「茶記嘢」.叫了唔知「常餐」定「特餐」B ($30), 有香茅雞翼丁麵, 司華力腸配多士及炸薯條, 跟一杯熱奶茶:-「香茅雞翼」其實係普通茶記 style 炸雞翼, 醃得夠帶少少甜味, 炸得脆, 不過都幾乾, 食得幾吃力; 丁麵煮得腍了 d, 不過好香麻油味, MSG 粉唔會落得太多, 食落唔會太鹹, 還 ok 啦."Sides" 亦 ok -- 半條司華力腸略煎過, 食落脆皮又帶點甜; 多士烘得幾燶, 好香鹹牛油味, 正 波浪薯條炸得熱辣辣, 食落就無味道, 不過自行落茄汁食, 都幾好食吖 熱奶茶就唔係好掂, 賣相好多奶, 飲落就超級勁爆多奶, 但又有點澀澀哋, 唔喜歡.朋友叫了豬頸肉 + 鮑片丁麵, 跟凍檸蜜 (好似 $28)... 每樣試了少少, 豬頸肉幾香口, 幾爽口又有點肉汁;「鮑片」係現成 (罐頭?) 貨色, 味道不錯, 不過有點硬; 檸蜜就好甜...每人放低約 $30 匆匆忙忙趕下場, 又食到好飽, 無得試鹹西多了, 有緣再見吧.

Honey一整日都唔得閒，係時候一支公去茶餐廳嘆奶茶，本來想去檀島，居然冇位，唯有去隔離嘉華食喇！1.楊洲炒飯：哇！估唔到好食到暈，初初諗唔到食咩，求其叫一樣，點知佢又多料，D飯又彈牙，又香又糯，好味，師傅手勢一流，一級棒！2.奶茶：一般啦，雖然冇檀島咁濃烈醇厚，但都ok架。下午茶餐choice比較少，看見其他人食既野都冇咩吸引，可能剩係楊洲炒飯先至好味，有機會先再試其他。

因為睇了上一篇食評, 特地來嘉華試一試黃金磚。甫坐下, 即快速從餐牌中搜尋「黃金磚」三個字, 居然遍尋不獲, 難道已經剩下「頹垣敗瓦」?原來, 餐單上是沒有的, 反而在店內靠牆的介紹中, 有「嘉華黃金磚」, 還有照片。侍應話二十元, 不能跟餐, 沒所謂吧。明知這種西多士製作需時, 於是瀏覽餐單上其他食物。一看之下, 發現這裡結合了潮式粉麵、港式炒粉麵飯及越式粉麵, 通常茶餐廳都不賣越南菜, 可能, 嘉華的老闆或大廚特別好此道吧。有一個豬膶金邊粉, 幾特別的配搭, 或者可以下次一試。黃金磚來了 ............ 它的外表, 好像旺角極之好的炸豆腐。說它是西多士其實不太適合, 因為部分火腿是外露的, 不完全是「釀」進去, 在功夫方面當然層次低一點。但一咬之下, 發現它遠比西多士脆, 而且, 鹹牛肉沒有想像中的多, 反而沒有跟火腿「撞」出過鹹的效果, 味道適中。附上一小碟沙律醬, 是可有可無, 因為已經夠味了, 而且不是蝦多士呢。個人一向喜歡芝士火腿西多, 如果嘉華肯試下推出多種「黃金磚」餡料的選擇, 相信會更加多人想吃 .............

十一月初十‧晴 本來去灣仔電腦城買記憶卡的，路經此地，給門外的食物貼圖吸引了進來，說的就是一味「嘉華黃金磚」。 本來以為是炸豆腐又或是什麼的，坐下問清楚才知道，原來是炸麵包。既來之則安之，就要一客黃金磚。 黃金磚一客六件，看起來很夠份量的。吃一口，炸得乾身不油膩，口感很鬆脆，麵包也很軟熟，吃起來輕如無物的，討好。可惜餡料是用上了鹹牛肉及火腿，個人而言對鹹味的西多士沒有好感，下次還是記得要回果醬或糖漿較合味道。 不要看這裡只一般路邊茶記，店員也很有禮貌的，值得一讚。 連凍、熱飲各一杯，埋單41蚊。直覺上，除了這個黃金磚，其他食物也都可以一試的。

起灣仔學野~ 九點幾十點好肚餓..行過就是但入左間茶餐廳食啦 叫左2個飯餐: (火腩枝竹飯 & 菜脯叉燒蛋飯) 同埋一碟油菜"飯餐包一個飯加 一個湯 或 餐飲*如果2樣都有就好啦..我同男朋友2個都揀左要湯~個湯都係好家常便飯個D啦~ 味道OK啦~冇咩特別..男朋友叫左火腩枝竹飯~算係幾多餸啦..*hehe我都幾鍾意食枝竹`~好味我就叫左菜脯叉燒蛋飯..幾好味~哈不過叉燒蛋飯都幾難唔好食既仲有仲有~ 個油菜真係好「油」菜丫~ 勁多蠔油XD

紅叮因為要書展收場的關係,差不多十時才做完~做完自然要吃晚餐~之後~和一班同事來這裏吃晚餐~叫了越式牛肉拼蝦餅檬米～加一杯凍檸茶～先來一杯飲品～飲下去，又不是酸，但沒有甜，好像沒有味道這樣～再來檬米～見到我突眼～蝦餅２粒，好像薯片中的脆薯圈一樣～並不好食～牛肉方面，少少牛肉，但吃下去好難咬開～蘿白比我早上食的還要差~但夜上真係沒有食過飯～唯有吃下去填肚吧～唉,非常令人失望的一餐２７元，我食不出這個價值～這個是我第一個比喊面的餐廳～算它的不好彩

今日師傅見唔係好大雨, 於是就決定行遠d, 搵下野食, 本來想去檀島食個午餐, 點知去到見到勁多人, 加上見到個午餐唔係咁啱食, 決定行遠少少; 去到呢間食店門口, 師傅見到個午餐幾吸引, 於是就決定入黎醫肚!入到去地方都幾細, 伙計都有禮安排入座, 坐底後即刻睇下有咩食, 不過最後都係柯打左個精選午餐, 揀左三號仔洋蔥豬扒火腿飯同埋凍檸茶!望穿秋水終於等到碟洋蔥豬扒火腿飯, 賣相都一般, 份量都係一般啦; 先試下個汁, 幾香不過幾杰, 味道可以; 而火腿得一塊, 冇咩特別; 豬扒又係得一塊, 唔算好大塊, 肉身幾鬆, 不過就幾乾身, 都係普通啦; 而杯凍檸茶就幾大杯, 不過茶底幾澀, 飲唔到有檸檬味同甜味, 都係一般啦!總括黎講食物質素普通, 服務一般, 地方就幾細, 價錢都算公價, 三十蚊個午餐, 凍飲加兩蚊, 抵唔抵食就見仁見智; 師傅覺得如果偶然黎呢度食一餐, 都可以接受, 不過應該冇下次, 因為冇咩野吸引到師傅喇!

昨天經過這餐廳門口，看到一只剛煮熟的大閘蟹（已傱中間分開二份），好其下便看一看，這大閘蟹相當多羔，店主便出來介紹，這些大閘蟹是老闆開設批發行挑選來零售，更設有堂食，便入去試試．看見餐牌有大閘蟹套餐（＄５８元）；大閘蟹一只（４兩），越式湯檬粉或河粉，油菜一碟．先來一碗越式生牛肉檬粉，菜芯，味道很不錯，份量也很大，最後當然主角（大閘蟹）來了，，食蟹之設備也齊全，先試蟹爪，肉質帶有鮮味，蟹羔很多，還有一種甘香味，加上老闆自制甜醋，味道真是難以形容；以５８元結賑，相當超值，下次必定再來試他的特大只大閘蟹．