影片
營業時間
星期一至日
06:00 - 23:00
以上資料只供參考, 請與餐廳確認詳情
好遺憾，踏入酒樓第一印象竟然係--服務態度欠佳。我入到酒樓排隊拎票等入座，自問ok禮貌，同店員講嘢都唔該前唔該後，但接待員無比我任何回應，就冷淡地遞上一張號碼紙。我地一行三人一共叫左6款食物，但最重點係想講叉燒腸粉。腸粉皮過厚，同皮薄餡靚呢四個字扯唔上任何關係；皮唔薄，餡亦唔靚，甚至乎可以話無餡可言，我一度懷疑自己係咪叫左齋腸？要讚嘅地方係食物份量，特別係煲仔飯，相信飯量有大約4-5個飯碗仔，可惜排骨嘅肉太肥，所以我都無乜點食到排骨肉。另外牛肉球都幾好味，夠軟熟，牛肉球下嘅腐竹皮夠多，吸收到嘅喼汁份量就自然會多d，食落都當然開胃d，同埋我覺得呢度嘅牛肉球係比市區酒樓嘅大粒。馬拉糕上枱時仍然夠熱，用筷子夾起時都可見鬆軟，馬拉糕佢造到有3層，我可以逐層拻開嚟食，亦都方便同身邊嘅人一齊分享，唔洗話一下子就要食晒一大件馬拉糕。不過，當我地開開心心食到一半，突然聽到我身後嘅男職員破口大罵他的女同事辦事不力。作為食客，聽到員工咁樣喺茶客面前毫無忌諱咁吵架，比到我嘅印象係好差，就算人地做嘢真係好唔掂，都唔應該喺公眾地方咁對人破口大罵吧？總括嚟講，符合一般屋邨茶樓應該做到嘅水準，叫做對得住班街坊（除左碟腸粉），只係服務方面實在係應該改善改善。
繼續閱讀
每個月都會去探下嫲嫲，呢日同佢去飲下午茶，平時同嫲嫲食晚飯有時都會黎，覺得呢間屋村酒樓冇乜人，以為下午茶都應該唔使點等，點知去到勁多人，等都等左起碼四個字。因為人都真係幾多，落完order 都等左成15分鐘先有得食。嫲嫲鐘意食粉果類，我就冇食，不過見到個皮都幾厚，蒸到痴埋一舊。我發現，呢度有皮既點心既皮真係幾厚！蝦餃既蝦肉尚算爽口，但皮真係好厚，鳳爪太諗，好重五香粉味。牛肉球食得岀好明顯係用粉開，因為真係一舊粉團咁既質地。燒賣，正路野。
繼續閱讀
約埋老媽子去顯徑嘉豪食晚飯今次叫左個片皮鴨二食、頭抽木桶雞、啫啫生菜煲首先講左片皮鴨先，因為佢菜單只有苦瓜或者西芹炒鴨絲，哩兩隻菜我都唔鍾意食，所以膽粗粗去問經理可唔可以轉其他菜類炒，非常好運地佢幫我轉左茄子炒鴨絲，好感動！片皮鴨係熱辣辣拎出黎係我地面前片既，而包鴨既皮都係即蒸，又熱辣辣，夠軟熟！而頭抽木桶雞就做緊特價 $58蚊一碟，價錢唔貴，隻雞都幾滑，d汁甜甜地！拎黎撈飯好正！啫啫生菜煲就無咩特別啦 都唔洗特登長篇大論講哩味。希望日後都可以keep住水準呀！食飽飽酒樓比左碟生果我地非常滿足！
繼續閱讀
My boyfriend wanted to eat in this restaurant because he said they have some speical. The lobster noodles with cheese was alright, the noodles were a bit dry. We need to mix the noodles with the cheese to get some taste. The cheese was a bit salty. There were quite a lot of lobsters and the texture was solid and chewy. The mixed vegetable with prawns was quite good. The vegetable was soft and easy to chew. The prawns were a bit weird, it felt like they deep fried them long ago and now reheated them in the soup and served. There were also mushrooms as well and they were quite tasty. The scallops were delicious. The scallops were soft and easy to chew. They tasted very nice with the vermicelli and garlic on the top. I love them very much.
繼續閱讀
上星期六與老爸及弟弟到此飲茶, 去到時人多要搭檯, 一張細檯分ABC 三張單, 坐咗6個人。點心都叫上得快, 我地叫了燒賣、蒸粉卷、叉燒包, 味道一般, 反而那碟煎虎皮椒, 卻有點意外的好食, 好惹味。跟住搭檯的食客相繼走咗。原本有一個會來的家人, 臨時有事來不到, 咁埋單時叫侍應減返一個茶位, 個侍應話要經理先減得。跟住嚟咗個男經理, 好兇的話冇得減, 同佢理論, 個經理就破口大罵我地, 話我地罷住張檯, 冇得俾人搭檯, 食幾個鐘, 食飽依家走人又話要減返個茶位, 態度非常惡劣….我地之前也是搭檯坐…客人走咗佢地唔再入客搭我地檯, 關我地咩事? 食飽埋單走, 講返事實人數, 又有咩問題? 我飲咗幾十年茶, 邊有唔減得茶位架!之前有一次, 又係佢, 我地叫咗點心好耐, 追極唔嚟, 而要趕時間走, 梗係埋單取消喇, 佢又係一路埋單一路鬧!我估佢係見我地一老一弱一個女人仔, 就「蝦」我地…….我地唔係俾唔起果幾蚊茶錢, 而係俾佢咁多次無禮對待。今時今日, 以客為先, 竟然仲有d 咁差的服務, 覺得不能不公諸於世, 寫出來, 都係想佢地正視問題, 作出改善。
繼續閱讀