嘉豪酒家 (已結業)

好遺憾，踏入酒樓第一印象竟然係--服務態度欠佳。我入到酒樓排隊拎票等入座，自問ok禮貌，同店員講嘢都唔該前唔該後，但接待員無比我任何回應，就冷淡地遞上一張號碼紙。我地一行三人一共叫左6款食物，但最重點係想講叉燒腸粉。腸粉皮過厚，同皮薄餡靚呢四個字扯唔上任何關係；皮唔薄，餡亦唔靚，甚至乎可以話無餡可言，我一度懷疑自己係咪叫左齋腸？要讚嘅地方係食物份量，特別係煲仔飯，相信飯量有大約4-5個飯碗仔，可惜排骨嘅肉太肥，所以我都無乜點食到排骨肉。另外牛肉球都幾好味，夠軟熟，牛肉球下嘅腐竹皮夠多，吸收到嘅喼汁份量就自然會多d，食落都當然開胃d，同埋我覺得呢度嘅牛肉球係比市區酒樓嘅大粒。馬拉糕上枱時仍然夠熱，用筷子夾起時都可見鬆軟，馬拉糕佢造到有3層，我可以逐層拻開嚟食，亦都方便同身邊嘅人一齊分享，唔洗話一下子就要食晒一大件馬拉糕。不過，當我地開開心心食到一半，突然聽到我身後嘅男職員破口大罵他的女同事辦事不力。作為食客，聽到員工咁樣喺茶客面前毫無忌諱咁吵架，比到我嘅印象係好差，就算人地做嘢真係好唔掂，都唔應該喺公眾地方咁對人破口大罵吧？總括嚟講，符合一般屋邨茶樓應該做到嘅水準，叫做對得住班街坊（除左

每個月都會去探下嫲嫲，呢日同佢去飲下午茶，平時同嫲嫲食晚飯有時都會黎，覺得呢間屋村酒樓冇乜人，以為下午茶都應該唔使點等，點知去到勁多人，等都等左起碼四個字。因為人都真係幾多，落完order 都等左成15分鐘先有得食。嫲嫲鐘意食粉果類，我就冇食，不過見到個皮都幾厚，蒸到痴埋一舊。我發現，呢度有皮既點心既皮真係幾厚！蝦餃既蝦肉尚算爽口，但皮真係好厚，鳳爪太諗，好重五香粉味。牛肉球食得岀好明顯係用粉開，因為真係一舊粉團咁既質地。燒賣，正路野。

約埋老媽子去顯徑嘉豪食晚飯今次叫左個片皮鴨二食、頭抽木桶雞、啫啫生菜煲首先講左片皮鴨先，因為佢菜單只有苦瓜或者西芹炒鴨絲，哩兩隻菜我都唔鍾意食，所以膽粗粗去問經理可唔可以轉其他菜類炒，非常好運地佢幫我轉左茄子炒鴨絲，好感動！片皮鴨係熱辣辣拎出黎係我地面前片既，而包鴨既皮都係即蒸，又熱辣辣，夠軟熟！而頭抽木桶雞就做緊特價 $58蚊一碟，價錢唔貴，隻雞都幾滑，d汁甜甜地！拎黎撈飯好正！啫啫生菜煲就無咩特別啦 都唔洗特登長篇大論講哩味。希望日後都可以keep住水準呀！食飽飽酒樓比左碟生果我地非常滿足！

My boyfriend wanted to eat in this restaurant because he said they have some speical. The lobster noodles with cheese was alright, the noodles were a bit dry. We need to mix the noodles with the cheese to get some taste. The cheese was a bit salty. There were quite a lot of lobsters and the texture was solid and chewy. The mixed vegetable with prawns was quite good. The vegetable was soft and easy to chew. The prawns were a bit weird, it felt like they deep fried them long ago and now reheated t

上星期六與老爸及弟弟到此飲茶, 去到時人多要搭檯, 一張細檯分ABC 三張單, 坐咗6個人。點心都叫上得快, 我地叫了燒賣、蒸粉卷、叉燒包, 味道一般, 反而那碟煎虎皮椒, 卻有點意外的好食, 好惹味。跟住搭檯的食客相繼走咗。原本有一個會來的家人, 臨時有事來不到, 咁埋單時叫侍應減返一個茶位, 個侍應話要經理先減得。跟住嚟咗個男經理, 好兇的話冇得減, 同佢理論, 個經理就破口大罵我地, 話我地罷住張檯, 冇得俾人搭檯, 食幾個鐘, 食飽依家走人又話要減返個茶位, 態度非常惡劣….我地之前也是搭檯坐…客人走咗佢地唔再入客搭我地檯, 關我地咩事? 食飽埋單走, 講返事實人數, 又有咩問題? 我飲咗幾十年茶, 邊有唔減得茶位架!之前有一次, 又係佢, 我地叫咗點心好耐, 追極唔嚟, 而要趕時間走, 梗係埋單取消喇, 佢又係一路埋單一路鬧!我估佢係見我地一老一弱一個女人仔, 就「蝦」我地…….我地唔係俾唔起果幾蚊茶錢, 而係俾佢咁多次無禮對待。今時今日, 以客為先, 竟然仲有d 咁差的服務, 覺得不能不公諸於世, 寫出來, 都係想佢地正視問題, 作出改善。

流沙飽：食左好多次，都係皮厚餡薄！！反傳統南乳炆豬手賣相：一碟有三舊豬手，有兩舊都有大量手毛，賣相何其差鮮蝦炸雲吞香脆可口，雲吞皮加上了特別的味道，使人感覺與別不同。四寶滑雞扎成個雞扎，最粗壯就係相中物體。

今早跟太太到顯徑商場的嘉豪酒家飲早茶。早茶時段, 大廳有不少食客, 大部份都是附近的街坊, 我們入到房間, 才好不客易找到吉枱, 相信是剛離開, 也好, 起碼不用搭枱。侍應亦好快收拾枱面, 開茶。看看點心紙, 剔選了一些點心。 皮蛋瘦肉粥 (優點)這個粥不錯, 不是重味精的, 跟家裡煲的差不多。 小籠包 (優點)一團豬肉餡料, 而且小籠包皮很厚!! 芋絲炸春卷 (小點)同樣是一團豬肉, 很膩, 炸得不香!!潮州煎粉果 (小點)不知為何粉果內配料好咸, 難食!! 香煎蘿蔔糕 (小點)上枱時是凍的, 相信不是即時煎出來, 三塊大小厚度不一的蘿蔔糕,求其的出品 魚肉釀茄瓜 (小點)OK 薑汁雞包仔 (中點)OK原隻鮮蝦腸 (特點)腸粉皮很厚, 吃不到蝦味!! 點心上枱速度算快, 由於高估了自己的食量, 加上點心質素實在一般, 令用餐的心情都打了折扣, 最後枱上的點心還是吃不下, 為免浪費, 唯有打包回家吧。最後結帳八款點心連茶位 (@$6) 合共 $95.5。

昨天來這裡吃過早餐 , 今天又再來，發現服務仍和昨天一樣的好 , 服務都是很有效率 希望以後都可以保持下去 ! 蟹子燒賣皇 (大點) ; 豬肉餡料沒有上次的鮮甜http://www.openrice.com/restaurant/commentdetail.htm?commentid=2046630陳皮鯪魚球 (中點) ; 大粒又彈牙炸菜牛肉腸 (大點) ; 腸粉不夠薄和滑 , 牛肉餡料味道一般豆沙鍋餅 (大點) ; 豆沙餡料不夠甜 , 鍋餅本身一般 , 可以不試花彫棉花雞 (大點) ; 雞肉十分嫩滑 , "棉花"也很象棉花 , 冬菇夠稔 , 整體水準及格以上

蜂巢炸芋角 賣相唔錯 , 看起來真是有幾分像蜂巢 , 外層鬆化 , 餡料比較一般 , 沒有芋頭味魚翅鳳眼餃 表面有些蟹子和素翅 , 裡面是幾隻小蝦 , 味道唔錯 , 不過都係蝦蛟皇好味一點流沙包流沙飽真是十分流沙 , 而且不太甜 , 吃了兩個都唔覺漏 小籠包 裡面好像沒有湯的 , 或許有很少罷 !今次服務明顯有改善 開茶後 , 茶壺來時有隻大碗一起來給盛載洗茶杯後的廢水 ( 一般都會一起跟茶壺來的 , 但上次沒有的 , 要另外找服務員給拿一隻來卻很難找到服務員 )整體服務是很有效率 , 服務員也沒有玩"捉迷藏"服務有明顯改善 , 今次給個笑臉罷

嘉豪蝦蛟皇 , 特點 , ( above average )蝦蛟夠大隻 , 皮薄餡靚 , 裡面有多隻小蝦 , 新鮮爽口蟹子燒賣皇 , 大點 , ( above average )賣相不怎樣好 , 從表面看 , 有些燒賣很多蟹子 , 有些卻很少裡面的餡料也是分佈不均的 , 有些燒賣有東菇有蝦 , 有些只有豬肉不過燒賣的味道好 , 豬肉鮮甜 , 東菇和蝦也不錯比一般酒樓的好吃杞子桂花糕 , 小點小甜 , 有D杞子 , 加上桂花味唔錯 , 可以一試春捲 , 小點 , ( 差 ) 每條春捲都係有部分連着 , 沒有完全剪開因為皮韌不脆 , 要用筷子分開 , 較為不便菜肉包 , 中點咸水角 , 小點服務有待改善當你不需要服務員的時候 , 你的周圍總是不難發現一些服務員當你需要服務員的時候 , 突然又發覺一個也沒有 , 個個好似識隱身咁 有d看見了也當沒有看見的 整體而言如果你不介意較差的服務 , 這酒家吃的東西也是可以的

因為朋友湊住bb唔係咁方便, 所以決定就佢入去顯徑飲茶. 12點去攞位既時候見到門口都有幾多人係到等緊. 不過我諗等左十五分鐘就有位, 我哋total 5個大人一個bb, 佢開頭俾我哋嗰張枱係張4人枱, 但係我哋3個人等左入去都覺得迫, 放左5套碗碟, 一茶一水之後, 基本上都無咩位淨. 所以我哋就要求係到擺緊枱嗰位哥哥可唔可以換過張枱. 個哥哥面無表題咁講左句 "轉頭先" 之後就頭都唔擰咁行開左. 我哋仲係到諗, 咁既樣, 應該都無回頭嫁喇. 點知真係轉過頭, 個位哥哥就入黎話可以轉枱~~~ 仲可以"包房"tim. 我哋幾個主打都係食點心, 無食過嗰D咩泰式或越式食品. 總括黎講食物既質素不過不失, 唔係特別好食. 不過D野都唔錯, 炸物D皮真係咬落去既時候下下都卜卜聲. 雖然我無食到, 不過我聽到都覺得好香口. 呢到既流沙飽都好好呀, 中間真係會流動, 同埋甜度OK, 唔會太甜. 一連食左兩個都唔會覺得漏~~~ 全餐最唔得既係籠小籠包, d皮唔係特別薄, 都係一夾上黎既時候居然會穿晒, 食既時候覺得佢個皮好厚又好黏咁. 可能係麵粉既質量問題式者粉既比例調校得唔好. 個汁就有d太濃味

今日本來高高興興落去大圍顯徑商場嘉豪酒家飲中午茶，等左成30分中先有位入去坐低。因為係公眾假期所以人好多，我地坐得仲好迫TIM。之後有D服務生話我地坐得太開，過唔到，又拉我地D台仲整左成2次咁多TIM，搞到D茶都灑晒出黎又唔理WOO，D服務態度非常差，不過諗住飲餐茶姐就忍佢啦，吃左2個點心後，再上一個叫做"生菜水餃"既菜，我夾左D生菜黎食，咬咬下竟然就D彈牙既感覺，有D唔對路吐返出黎，竟然有個膠手套既手指頭係裡面，我立即覺得好噁心,好想吐好唔舒服。再叫個類似經理既高級職員問佢點解會有膠手套係碗野裡面佢回答係可能D同事唔小心......又話換過一碗比我...比著你你都唔要啦，我食到一個膠手套既手指頭，咁煲野裡面一定仲有其他4個膠手套既手指頭係裡面，哥個經理之後都啞口無言，我已經好唔開心架啦，所以我就走左，不過我連個證物都拎埋走保留日後追究權。個間D服務生水準真係好差連D經理都好似完全冇訓練過，發生左事只會話換過佢，一D應變能力都冇，我真係對LEE間嘉豪酒家好失望。因為好生氣所以一定要影低佢比大家睇下，其實之前都試過既晚飯小菜都係麻麻地，以後永遠都唔會再去哥間到食野。大家睇到之後真係要小心

呢度D點心本來都算OK因為都會熱辣辣但依家愈做愈差,例如D叉燒酥, 上到黎涷冰冰有時D叉燒包D叉燒會有怪味的總之依家又貴又唔好食