嘉豪酒家

營業中

休息中

蝦餃入面係有一隻蝦既Shrimp dumpling, there IS a shrimp inside不過細隻左dThe shrimp is too small而且有一層好厚既粉包住Covered by a thick layer or flour層粉好咸好油Very salty very oily鮮蝦菜苗餃入面有少少蝦肉掛我估Shrimp veggies dumplings, there is some kind of shrimp i think??沙律盞比平時深色Fried dumpling salad thing is darker than usual 吾知係炸耐左定係用千年油炸I guess it’s fried too long or they use ‘thousand-year oil’#Nofilter #iphone7

去過幾次嘉豪打邊爐, 感覺一般般.....頭兩次去, 兩次都有食客貓咗攪事, 所以之后次次去嘉豪, 次次都希望有人攪事反枱, 我就同朋友乘亂速閃!哩個, 係我同朋友嘅笑話黎啫! 哈哈.... (^0^)鴛鴦湯底點咗個鮮茄粟米薯仔湯底同沙爹湯底, 鮮茄粟米薯仔湯底得幾舊薯仔, 另外一邊, 沙爹講唔上香濃, 味道頗淡.火鍋配料點咗肥牛, 生菜, 午餐肉, 炸魚皮, 手打鯪魚滑, 手打墨魚滑, 魚皮餃, 鮮冬菇, 蘿白.其中, 肥牛薄切, 如果唔係烚太耐變老, 都唔會有太大問題. 手打鯪魚滑係最愛, 因為加上大量我極愛嘅蔥花, 炸魚皮有DD失望, 因為入咗氣有DD唔夠脆, 魚皮餃嘅 Size 比街市嘅細粒, 其他配料, 正常係咩特別.最失望係D自選醬油, 以前好多選擇, 今次幫襯唔單只選擇少, 連份量都少.雖然各方面都係一般, 我仍然會繼續幫襯, 百令蚊一位想點呢? 而且冷氣足夠, 算係咁啦.

4個人黎食，本來打算用優惠券食龍躉，點知佢要全部叫正價先可以有龍躉送，計過唔抵就放棄左，有d失望。環境ok大，唔會好多人，電視質素好靚好高清👍🏻鵝👇🏻味道濃厚，肉汁出哂黎，而且唔會太肥膩，但偏咸，個人覺得ok!翠玉瓜炒鮮魷，唔錯！片皮鴨👇🏻麻麻地，個皮脆，但太多皮啦，勁少肉，感覺只係夾皮食。蒜蓉粉絲聖子👇🏻呢個比想像中大隻，滿足！值得食👍🏻總括黎講，可以醫飽肚，但唔建議特登黎食，不過不失。

星期六又係同屋企人探索九龍灣新酒樓飲早茶既時間喇！11:15去到（唔係早茶😂）個姐姐即刻提我地早茶優惠就黎過，要就快啲叫，所以拿拿林叫左，真心抵，比較返午市同樣食物，可以差成倍😂咸水角好味呀！唔油嫁，炸得好乾身。燕麥糕都好好食，又飽肚，口感煙煙韌韌甜甜地，唔係間間茶樓都有。菜苗餃果皮厚薄適中，包得晒啲餡了，又唔會爛。小籠包雖然個樣冇正宗小籠包咁靚，但係入面好多汁，熱辣辣，正。燒腩仔係必食，雖然冇早茶優惠，係散叫嘅，但係睇張相就知佢肥瘦適中👅❤️添多餅好特別，又係唔係間間都有，入面包住砂糖同椰絲，係一個好好嘅甜品。反而呢個釀茄子就麻麻地，啲肉好似唔係咁新鮮，茄子有好多油，唔太入味。好彩除咗呢個茄子，其他全部野都超好食。

經已很多年沒有來到這間火鍋店，印象中，深水埗那一間也是有極之舊式的燈字/燈牌，這間在裝修之前亦都非常之老舊，但是不知為何，現在竟然忽然翻新了，仍然有舊式酒樓的樓梯。反而，裝修之後，店內環境較為光猛亮堂，但是裏面極之少客人。還有，以往印象中，這兒的牛肉相當之奪目，因為叫一份肥牛，它竟然好像一層一層黏着，好像一本厚厚的字典📕一般，因此，說起火鍋，我也有興趣來再嚐一遍。雖然查詢了一輪要什麼湯底，結果點了一個鴛鴦湯，但是可能等了10分鐘左右，因為其中一邊總受熱比較強，大概10分鐘之後，鴛鴦鍋便形成同一煲湯的🈵了。怎料到，現在的牛肉，竟然不在將書本一樣那麼厚的一疊，而是好像普通火鍋店，刨到一片片然之後形成一個圓圈⭕️的模樣。但是以這些舊式火鍋店來說，這些牛肉當然也是質素普通、沒有什麼肉味，普普通通的牛肉。另一名友人也是預製肉片的粉絲，經常都是吃魚皮餃以及午餐肉，但是我覺得煮完的午餐肉，味道相當普通，浸在湯內，其實都很快會煮到軟林林。其後，也吃了其他，感覺其他材料有普普通通，例如是墨魚滑、羊肉片、豬肉片、雞子。雞子算是大大顆，即是煮完之後縮小了，也不會顯得太過細粒。通常，如果這些材料都比較普通的話，

一家人去完長州玩唔想返屋企煮飯，所以去屋企附近嘅嘉豪酒家食晚飯，一去到就有位坐，而且位置好闊落。我哋一家人帶咗幾個小菜，有蒜蓉芥蘭，蒜蓉芥蘭炒得好有鑊氣，喺屋企食唔到！仲帶咗個乳鴿，乳鴿細細隻，但味道都好好！又叫咗一個鮑魚雞煲，雞煲煮到啱啱好，啲雞好亂嫩會過熟！仲叫咗條清蒸龍躉仔，龍躉嘅肉好嫩，豉油嘅味道配得啱啱好！至於抵唔抵食呢，因為仲係新年期間，所以服務費方面就比較貴，所以唔算好抵食！但我諗平時，就會幾抵！

不經不覺已有一段時間沒有飲茶，所以這天早上特地飲茶吃點心。嘉豪酒家的捧場客不少，十時許仍幾乎座無虛席。我們點了總共六款點心。叉燒腸都幾足料，不過叉燒幾乎無味，而且完全不夠熱。想不到嘉豪酒家也有紅油抄手可以點，面頭的醬看似很濃味，但又是幾乎沒有味，頂多是有少許鹹味。外皮夠薄身，大小也適中，肉餡超大粒，好似吃用免治肉碎搓成的肉丸一樣。潮洲粉粿可算是比較對板的一款，內有很多料，調味也不錯，帶微辣。另外，皮的厚薄度非常好，而且有彈性，夠煙韌。我已不記得這個是什麼名堂，不過脆脆的，又有些杏仁片，加上有沙律醬在裡面，也挺得意的。叉燒包大大個，熱辣辣，叉燒連著些少肥肉，口感不錯，而且餡料亦沒有過鹹。蟹籽燒賣王中規中矩，肉是豬肉，也帶點香菇味，不過賣相有待改進。

晚上八時到來共2女1男，3個人食任食火煱，兩個鐘頭內旨來兩次嘢，每次共吹了三次！叫蝦每次1人1隻，全晩總共嚟咗6隻蝦，第3次下單就話冇蝦，墨魚滑從來冇出現過，其它只嚟平價嘢，我已唔嘴刁但正係好難食，怕回唔到本嘅咪調高收費囉，都唔好做得咁衰吖，如果唔信各位自己嚟要試試，從不寫食評我，真係今次忍唔住！

好耐無黎嘉豪打邊爐，一放工同同事齊齊去食。一如既往都係咁平，選擇雖然少左，但一見到仲有甜品，咩都補返曬。仲要有海蝦，138蚊位邊到搵。樓底過坐得又舒服，對住大電視，開開心心又一晚。

已很久沒來嘉豪酒家，因在牛頭角區要飲茶實在太多選擇，但部份差次不齊，自裝修後的嘉豪已沒光顧，今次外婆駕到，又鄰近屋企，所以抱好奇心態一試，用dragon rick 的吃心態去評價一下，四人點了9樣點心，最印象深刻是大堂頗大又寬敞，擺酒一流，坐得舒服又稱心，不逼夾是重點，嘆茶乃首選！叉燒腸: 切粒叉燒份量足，粉皮不厚，贊！點心拼盤: 款式多，也夠熱，夠多元化，合格！南乳豬手: 醬汁少，皮厚，在進步中！蘿蔔糕: 厚切，夠特色，入口也鬆化，ok!上湯鮮竹卷: 賣相一般，份量少，要加油！三拼蒸餃: 有創意，我中意！抵like !整體而言，早茶有65分，比之前印象已大大提昇了，下次要試埋晚市，進行大比拼！

今日在九龍灣附近工作，同事介紹嚟嘉豪酒家，仲話之前沙士時代，這是唯一在淘大花園附近，疫症時仍然開門的酒家。我雖然喜歡吃西餐，但我和同事一班人九成都揀酒樓，因為可以多飲水坐一陣，下午再繼續開工。我們點了嘉豪蝦餃皇($24.8)、鴛鴦蒸燒賣($17.8)、羅漢腐皮卷($21.8)、鹹菜胡椒豬肚($47)、腊腸北菰滑雞煲仔飯（$50）、沙律明蝦角,各款點心味道OK ,埋單每人$70。星期一至五茗茶一律＄8， 小點$12.8, 中點$17.8, 大點$21.8, 特點$24.8。

兩星期前打電話嚟訂位加訂餐，仲要覆埋我當日價錢。當日話無訂喎，話無做依個餐。要你轉食其他。簡直要black list!!!!!無下次。一早通知人就唔會揀依到食啦。

究竟兩個人係可以食幾多野，一張四人檯都唔夠擺啊！百幾蚊黎講係已經算唔錯，應該有既都有，啲醬料仲多到爆炸❤️我哋食完雞煲，之後眼見黎到啲肥牛都碎濕濕，所以我哋拎左麻辣加沙嗲醬，整左個「自制沙嗲肥牛煲」！超正！大家一定要試😂

中學班聚黎左食任打邊爐，book左七點，但去到其實都唔算多人，環境幾靜啱傾計。我去打邊爐主要都淨係食肥牛、響鈴、芝心丸同生菜，酒樓嘅以上幾款食物都幾新鮮同好味，個人幾滿意。豬肉一般，厚左少少。其他野冇點特別試，同學話餃子唔太好味。野食上得幾快，侍應主動黎加水。飲品方面都算多選擇，有道地冬瓜茶、蕃石榴汁、檸檬茶、忌廉鮮奶、百事、啤酒等等。汽水機有橙汁、夏枯草同菊花茶，雖然全部都好甜。另外雀巢雪糕杯仲有四款味，算幾有誠意。每碟野食都幾多，例如丸一碟十餘粒，一班人食唔錯。

調左假，星期一放假，非假期放假真係好爽！呢日同爸媽去左好耐無去嘅嘉豪酒家飲茶！揾左個靚位，有啲類似partition嘅物體，好似感覺上靜啲咁。三個人叫左乳鴿瀨，釀茄子，沙律盞，潮洲粉果，泰式春卷，雞包仔，蝦米腸！乳鴿瀨個瀨都幾大碗，乳鴿就非常香口，size都啱啱好，好驚食到啲完全一啲肉都無，好似營養不良嘅乳鴿。。。釀茄子，夠曬大蝶，人地一普通都係三件，佢有四件，仲件件都勁大件，不過啲汁唔夠多，顯得味道唔夠！至於雞包仔就相對細個啲。蝦米腸排得幾靚，亦有米香，好香口！沙律盞係一大亮點，超大件不特止，仲好醒胃，上面有沙律醬仲有雜果，好正，酸酸甜甜，中和左炸雲吞嘅油膩感！春卷就相對難食，一入口成舊粉咁，係個酸辣醬救左佢！