嘉韻酒樓 (已結業)

到深井一定要食燒鵝啦，今次在朋友的推介下試下這間酒樓的燒鵝。可能我們較夜食飯，約21:00，所以人唔算多，不用等位。主菜燒鵝，當然唔少得啦。還有叫了幾碟小菜。蒸魚時間掌握得好好。

深井食肆眾多，嘉韻是其中之一，這兒飲茶價錢大眾化，但水準有時不太穩定。今天我哋叫咗一個豉椒味菜鮮魷炒河粉，味道算是不錯，鮮魷亦好軟稔，但好可惜個漿打得太杰，搞到吃粉的時候成口都係漿似的。鮮竹牛肉球就得好好味，牛肉柔軟彈牙，有莞茜香味，很不錯。醬皇蒸鳳爪味道也好，有小時候風味。鮮蝦沙律脆雲吞剛剛炸好，脆卜卜，沙律醬都非常好味。百花醸魚肚 是特點，但這個點心太不行，稔稔的像吃豆腐似的！

深井歷史悠久的一家酒樓——嘉韻酒樓。唔知係咪唔洗交租唔憂做，所以一向食物質素一般，清潔衞生都嘛嘛地，服務就更唔洗提⋯⋯冇選擇下再比多次機會佢，點知都係失望而回！

嘉韻酒樓(深井）傳統的酒樓有一段時間冇去深井食中菜，路經好想飲下茶，嘉韻酒樓都唔錯。那兒午市有一個超值套餐只需要＄198 有齊燒味大拼盤 + 一個炒粉、麵、飯 及三款點心，這個套餐還可以選擇灼時菜 或 凍甜糕。燒味拼盤有脆卜卜的燒腩仔，皮很脆、肉很juicy 、不會過鹹。蜜汁叉燒，肉質稔滑帶少少爽，味道好！油雞則一般般啦。炒粉麵類 我們選了頭抽乾炒牛河，牛肉份量好足夠，河粉是用乾身河粉炒成 加上甜甜的韭菜花，整體味道也不錯，但賣相就普普通通啦。點心類：嘉韻蝦🦐餃皇， 蝦肉新鮮爽脆，鮮竹牛肉球加上夾汁非常好味，稔稔滑滑，有芫荽香味但不會太濃。鳳瓜也可以啊🤗🤗因為吃得太高興，忘了為點心拍照📷。

點了三個餸包括啫啫雞煲(完全唔係個様野）、椒鹽魷魚（粉厚又求其）粟米班塊（粉厚冇魚味，個粟米湯全炊汁)無個得超難食，簡直係垃圾廚房，不知所謂，大家千其唔好去呀，祝佢早日執笠啦😡

周末同屋企人去深井飲個茶。呢間係深井唯一一間酒樓，主要係區內人去幫襯既！入到去自己搵位、自己坐低就可以😂 侍應唔會點理你😂我地叫咗四碟點心，都係正常同普通嘅質素。叉燒包比較好，起碼個包好軟，有夠熱，好有懷舊嘅感覺。我地之後仲叫咗個芝士蝦球伊麵，不過冇咩味、好淡，我媽咪仲話如果佢整會更加好味！🙈價錢唔算平，食物普通。下次想飲茶，都係落荃灣。或者其實深井有間茶餐廳，朝早同午市都有點心嘅，可以去試！🤣

去深井，最好緊係食燒鵝呢日就行山加埋食燒鵝，真係雙重娛樂今日行呢個元荃古道，真係天朗氣清，山明水秀，仲好大風不過真係行到腳仔軟，太耐無行山，真係要快D行返多D山，跑下步，保持腳仔健美又好腳骨力朋友介紀呢間酒樓正，燒鵝都好味，咁就入黎，睇下張點心紙，都幾多餸我地人多，咁就緊係叫得多啦，又有上海小籠包 、一口生煎包、燒鵝湯瀨粉、魷魚燒鵝湯瀨粉，兩人share一碗燒鵝好靚，雖然唔係X記、X記，不過同樣高質，好嫩滑皮脆內嫩炸魷魚，勁好食，外脆內軟呀炒飯新鮮香口，又係無得彈熱熱地好食又好飲彈牙，香軟又一餐，行完山享受下汗水過得嘅美食真係好開心。

今日去拜訪朋友屋企，去咗佢哋屋企樓下嘅茶樓飲茶，有我最鍾意食嘅煎薄餐，蔥油味好香，仲濺到好趣，但係中間仲有少少煙銀感覺，好好味。呢度嘅鳳爪同埋叉燒包都係我嘅至愛，而今日嗰個咖哩土魷就整得好似辣左少少，不過依然好惹味。

當年在深水埔嘉頓酒樓附近工作，常聞到工場誘人的麵包香味。嘉頓鐘樓聳立在嘉頓山下，提醒我午膳時間。嘉頓現正申請重建成25層大樓，地標可能消失。酒樓是由麵包大王張子芳先生創立，1926年他崛起於深水埔，因在中環動植物公園構思宏圖大計，故以garden譯名為名。1938年建深水埔總部，製品餅乾麵包支援抗日，是愛國的香港飲食界先賢。他以辦公室為家，故設酒樓，餐廳方便他的三餐需要。我常见晚年的他，獨個兒在吃蒸魚飯。現在工場全搬到1962年買了的深井地段，酒樓結束，在海韻花園重開此店，意指海韻花園內的嘉頓酒樓。依然一派古老作風，員工的制服仍是70，80年代我做暑期工時的款式。燒鵝做得不錯，比深井「雙記」不遜色，只是同樣是水準不穩定，視乎你的運氣。以網評而言，此店口碑佳。😁出爐燒鵝處處有， 嘉頓只辦一酒樓。😀點心方面，推薦义燒餐包，來嘉頓豈能不吃麵包。在近門口的食物檔供應，亦會推車仔送至檯上。熱騰騰的，香軟腍鬆。其次是香脆米網腸，愈來愈少酒樓供應，是春風得意腸的2·0版。春風得意腸曾是不少點心專門站的皇牌，是把即炸油條鑲入腸粉，一脆硬一軟綿，如把「春」捲和齋「腸」粉結合。此腸粉是再添上蝦膠，形成腸粉

深井出名係燒鵝，但今晚唔食燒鵝，同親戚去嘉頓嘅酒樓食。叫左個晚市套餐，好食嘅係以下幾款：龍蝦伊麵，其實啲龍蝦無乜肉得啲殼，但個汁係幾惹味，伴埋伊麵食唔錯。鮑汁鵝掌，下麵嘅菜係重點，清甜。而隻掌都煮得好腍，好易骨肉分離。蒸唔知咩斑，新鮮同啱啱好熟，啲肉滑得黎結實。炸子雞，熱辣辣又香噴噴，啲肉好算嫩的了，雞皮有少少甜味，應該係有查蜜糖的。仲有呢個係炒唔知咩，白色一塊塊嘅好爽口，好食，佢最好食👍。總結係好食嘅，係隔離兩間大店無位，可以過黎呢度食。同場加映，呢個麭真係唔知係咩黎嘅，揾均都無一樣餸可以夾佢，可能係送錯的。

秋風起，又到了郊遊的時節。這次由屯門沿青山公路走到深井，歷時三個半小時，先走低難度的路線熱一下身。到達深井時才下午三時，吃不下原隻燒鵝，決定只食燒鵝瀨。剛好酒樓下午茶時段有優惠，叫了很多點心。燒鵝瀨一碗燒鵝瀨有四件燒鵝，尚算皮脆肉嫩，蠻香，但跟深井以外的燒鵝沒啥分別。流沙奶黃包/三個流沙奶黃包是我最愛的點心，當我期待一咬開會被爆漿而出的奶黃燙到我的嘴時，發現裡面空空如也！居然是空心的！！果然流沙包的奶黃跟我們的青春一樣，一點一滴地流逝，一去不復返。不甘心，再吃一個，竟然幸運地獲得奶黃！到朋友吃的時候，流沙又再次流逝了，原來吃流沙包跟撞鬼一樣要看緣份。感覺有點像吃Fortune Cookie或是古代的月餅，時來運到的話，咬開會有張「反清復明」還是甚麼的紙條，或是奶黃。馬拉糕/四件新鮮熱辣，入口鬆軟，正常水準。上湯小籠包/四件吃過空心的流沙包，幸好這上湯小籠包真的有上湯，而且非常澎湃，皮薄餡靚。ＸＯ醬炒蘿蔔糕吃到一半才記得拍照，本以為是乾煎那種香脆的，原來是像乾炒牛河般，不過以蘿蔔糕取代了牛河。第一次吃到有芡汁的蘿蔔糕，蠻有趣。吃飽了，繼續上路，下一站荃灣～

這天要等维修師傅，乾脆在家附近的酒樓吃午飯。中午時段只等候约十分鐘便可入坐，算是有點運氣吧！這裏擺枱比較密，樓底不算高。各级員工服務態度有禮、積極和有效率。—家三口選了三個點心、—小食和—碟飯。香芋鴨腳扎:芋頭夠粉，鴨腳不夠稔丶皮身爽和味淡汁少，但不油膩。干蒸牛肉賣: 較稔，粉多而没有肉味。蔗糖馬拉糕: 不過不失，中間較實，蔗糖味薄。椒鹽鮮魷球: 粉槳薄又脆口，肉質爽彈有魷魚味。瑤柱蛋白炒飯: 飯粒較乾硬，蛋白略少，瑤柱軟硬適中帯點瑤柱香。整體各種食物賣相唔錯，味道較—般。價錢以星期日來講，算合理！

同屋企人難得出黎飲茶, 緊係揀間好, 呢間起深井都有D名氣, 十幾年老字號, 點了包括蝦餃, 燒賣兩件, 潮州粉果, 水晶包, 叉燒飽再黎個蘿蔔糕連粥, 23蚊, 蘿蔔糕煎得剛好, 不油膩, 燒腩仔皮脆肉滑, $130總數幾錢唔記得了, 總之除開每人100蚊有找

這一間鋪, 都係多年來經驗無數風雨, 不斷轉手的其中一間.已前叫海韻. 轉左手, 質素都好左小小.午市點心來說, 食得出比荃灣好多茶樓都高得多.當然價錢亦高得多. 好就好在如果想飲茶食點心, 我地可以慳番搭車既時間.但仍然只係一時時. 質素難免同其他酒樓的情況一樣, 越做越維持不到. 每放越下.有時叫蒸蛟一種的點心. 蒸到個蛟容容爛爛. 個涵就算好食, 都保唔番個賣相.我個人對食物外表係無乜所謂, 但你諗下, 將一堆蒸到鼻涕敢既點心放入口係乜感覺?好在都唔係次次都係禁差. 有時真係寧願比貴小小, 博佢地整得好食都唔想搭車出荃灣.晚市方面, 貴就不在話下. 但如果有朋友專程入深井想食燒鵝, 我只會帶佢地去嘉韻.其他乜記物記, 雖然好出名. 但做既燒鵝質素有時高到不得了, 但大多數時間都係差極.相反, 嘉韻既水準好似較為平穩.而其他小菜更加比其他乜記物記都出色得多.環境亦座得舒服得多. 至少佢污唔污衊我見唔到.但係其他乜記物記擺到明唔衛生. 雖然出街食飯, 好多野都已經有心理準備.始終都係眼不見為干淨...至少佢地貴得我較為安心. 雖然明知係食環境.而且佢地貴得有點離譜. 但亦因為勝在貴,

真係嬲，菜牌叫左三次都唔畀，例湯叫左兩次都唔落，燒鵝又唔係平但好似柴皮咁，山筋火腩煲係甜嘅，柚子骨係落菠蘿炒嘅，紅棗糕勁多粉，每碟野食完都要催先有下一碟(當時入坐率得三成), 食完都未黎例湯再追先話賣晒，眼見其他客都係咁追單…