嘉麗園潮州粉麵餐廳

營業中

休息中

今時今日，人要在人力市場上生存下去，就要不斷去考各種不同的証書。在香港，只要你有手有腳，再持有保安証，要找一份一萬五千元人工的工作，絶對不難。保安証課程，為期兩天，共18小時。每天由早上九點到下午六點，午飯時間一小時。第一天，午飯大約在一點，因為課程實在太悶，所以決定食好一些。近年，元朗越來越多歷史悠久的餐廳相繼結業，但還是有一些今天仍然營業中，其中一間就是嘉麗園。由1976年開業至今，不論牛丸、豬肉丸、墨丸，還是魚蛋，都堅持用古法手製，牛腩也是一絶，曾幾何時嘉麗園，勝利，彪記，是元朗食牛者朝聖之地。時至今日，嘉麗園的味道水準依舊，靠的可能就是潮洲佬的堅持。剛好，午飯有一個小時，立即帶我女朋友去嚐嚐。 女友叫的是潮洲四寶河粉，我搶了一粒普寧豬肉丸來食，彈性輕微，咬口，豬肉味強烈，味道扎實 。我當然化成牛魔王，要了一碗潮洲全套腩什十寶，配河粉。十寶就是十種牛內臟，我當然分不清那一寶是那一個部位，只知每一寶都各有特色，有些口感偏爽，有些則偏淋，有些即很有咬口。只知道最好食的是根類，以及腸類，夠淋夠入味。光顧這些麵店時，不要忘記他們的生炸魚皮，味道一試難忘，再配一支樽裝可樂，完美。食完，又肥

好失望 以前細細個成日黎食覺得又大碗又抵食又好味今日相隔幾年再黎懷舊下啲味道完全不是那回事成碗野偏向多油 湯低無咩腩汁味😵而且啲丸極普通 仲要漏單 🤬對面既上曬都未到 問啲waitress仲唔理我🤢😑等左成四個字 明明三分鐘就上到牛腩河依家分grading 最平都要成$30幾$40蚊🙄完全係CP值極低😞啲腩又唔係特別入味 河粉份量好少完全唔夠我朋友食 仲有想講整體環境都覺得好油係老字號不應該有的油膩感☹️

今日特登到元朗這餐廳食麵。因為聽很多朋友講，這地方有好多唔同的配搭，所以我都想試一試。當然每間餐廳都有它的優缺點。環境：地方都算大。但其實坐得唔太舒服，因為圓桌和圓椅，那些椅子很細。剛好夠坐。當然其實很多餐廳都這樣。但如果你地睇完價錢後，應該都希望會有更好的環境。價錢：平均每碗麵賣38蚊，我講的係普通麵食，如果有些gimmick，就更加唔只這個價錢。份量我覺得都可以。因為我未食午餐。朋友食完午餐再來，就覺得算大。所以我都覺得餐廳都算老實。服務：其實姐姐們都算有禮，不過如果再作點改善就更好啦。收費那裡有點唔清晰。因為佢其實唔知咩原因收多2蚊。佢叫我地睇，我都唔知睇咩？其實實際點你直接講咪更好？不過算啦！我都明白客多自然辛苦。食物質素：老老實實如果再選擇我唔會選十寶丸，因為超唔抵。每粒丸只有一粒，但質素好普通，南記可能都比佢好食。要多蔥又好似要額外加錢。所以叫丸真係唔抵。牛雜十寶就真係比較足料，那些牛雜平時真係比較少見。值得一試。不過今次都有一個好值得贊的地方，就係個湯底，真係好有料到。雖然食唔出係咩，但我食得出唔係普通湯底，希望佢地繼續努力，保持水準。

講到牛雜種類之多呢到一定係香港第一講得出既部位都有，牛歡喜都有。濃濃既腩汁，係味精多左啲，但呢到吸引之處就係呢個味精食完想再食，係要隊返之可樂。款色之多另一個問題就係價錢既問題呢到真係比較貴，牛腩都分成6-7款求其食一食都差唔多$70碗，認真誇張

以這價錢，在元朗區食碗粉麵，係貴少少，不過牛丸墨魚丸確是爽彈，不過，牛腩有幾款價錢，冰鮮，新鮮，同唔記得乜最貴，我太太揀左中價的新鮮腩，不過，不外如是，唔值71元的牛腩牛丸紫菜米炸魚皮非常脆口，硬身，要浸湯食好吃一點我本人食四寶河，就價最值，43元，好味水餃也是一般，無特別服務奇差的樓面阿姐，我們未食完已執哂我的食物，目的無非為下一單生意鋪路，不過，我本人就唔會再為一碗牛丸麵由九龍入元朗吃了，太普通，名過於實，可能我接受不了元朗大媽趕客式招待

元朗一間好出名嘅由潮洲人主理嘅粉麵店，除左有名嘅新鮮牛雜啦，仲有每日新鮮手打嘅丸類都係相當出名咖！呢間老字號，好似由幼稚園開始就已經屹立左係呢個地點好耐，經過金融海嘯之後物價騰貴，所以呢碗看似普通嘅墨魚丸河，而家一碗要四十幾蚊咖！淨買一斤墨魚丸都要一百六十蚊！問你死未？對我而言，價錢貴的確令人卻步，但呢碗河粉有著一種魔力，一兩個月內會想去再食一碗嘅魅力！事不宜遲，簡單講下佢點樣留住我個心。河粉自家出品，河粉晶瑩剔透，一啲都唔粗糙，同湯汁一齊食，非常入味又滑口！至於墨魚丸，每日新鮮之外，唔多粉又足料，除左會食到墨魚肉之外，而且非常爽口彈牙！不過，美中不足之處係，其實湯底同丸肉的確比較味重，時常食食下會感到口渴。所以一般光顧時都會叫杯五花茶，幸好唔算太貴，而且都良心嘅份量，叫一杯飲咁就舒緩番味精嘅問題。嗯，總括雖然係貴，但想食就係任性，一而再再而三咁樣去幫襯，港島區食個飯咪又係一樣價錢，好奇就去試下呢個貴價墨丸河啦！

今天下午時份到來店裏滿滿都是人我點了十味寶跟腩什十寶配河粉還有一個拼盤有炸普寧豆腐、春卷跟炸豬大腸擺盤漂亮味道也不錯十味寶裏最好吃的是墨魚丸爽彈紮實裏頭還有一點墨魚粒和馬蹄粒增加其口感及味道魚皮餃也做得不錯外皮比較厚身有咬勁內餡有魚油香腩什十寶湯頭濃郁不會感覺很油膩牛腩較瘦有點難咬開牛膀粉香夠味道牛根Q軟膠質足配上灑上香蔥香蒜的滑溜溜河粉確不錯不過吃罷感覺要多喝點水我覺得好吃不等於你純屬個人意見愛分享

在朋友家談天說地，晚餐早被我肚子消化得一乾二淨。朋友帶我去嘉麗園，元朗經常來但每次都只是路過，今次是第一次光顧。餐牌太多選擇，在太多選擇時只好選擇最常點的四寶河。當中潮州魚皮餃較少食，外皮脆內裡肉不多，中間有一條中芹，中芹令魚餃爽脆，中芥清香減少膩感。加了個炸魚皮，嚼口較硬身，炸魚皮尚算鬆化，滲微微魚香。宵夜吃魚蛋粉是最佳選擇，雖然炸魚皮較為硬，但亦是非常吸引。 今天吃得飽飽滿滿，完美的一天，夜深了也是時候回家。

對上個次來嘉麗園已經係年幾兩年前的事了.一個普通的牛什河, 38蚊, (平均一年加一蚊的趨勢), 數住有4件牛肚, 兩件肺, 兩件腸, 一件膀價錢好似無乜大加, 其實個碗細了, 份量已經減了起碼三份一 (包括河粉同牛什).四寶河, 42蚊, 丸的SIZE都好似縮水的.通菜, 20蚊, 加得最少, 水準還在.炸魚皮, 16蚊有6-7塊, 細細塊, 但厚身, 好食.豆漿, 6蚊, 好淡口.環境 : 大聲公的情況無了, 招呼 : 侍應好似有禮貌了.

平日經常經過嘉麗園，但從來肚餓時未有記起這一家老店，今天心血來潮，來個簡簡單單的一人晚餐。相信元朗人都應該認識呢間粉面店，位置亦都好方便易搵，元朗大馬路（青山公路）間匯豐後一條街就係喇～門口有好大個招牌同banner，除左賣招牌菜，當然仲有成名作「大胃王」同「豪飲王」兩個挑戰啦！若非街坊可能未必知，嘉麗園每晚收舖後都必定清洗鋪面，所以衛生同店面乾淨程度都無容置疑。嘉麗園主打潮州粉面、牛腩牛雜、同各種工場自製嘅丸類食品，當然仲有潮州菜必備嘅自家辣椒油同醬料。因為是日一人晚餐，所以只有空間食一碗粉。因為選擇實在太多，令人心大心細，久經思量，終於揀左牛雜魚蛋河。碗粉賣相不俗，牛雜整齊排列碗上，牛腩汁同炸蒜蔥香混合起來，特別濃香撲鼻。呷一口濃稠上湯，開始浪漫又懷舊的潮式簡餐。嘉麗園用上幼身水河粉，幼滑、容易入口，而且每條河粉之間滲透著濃濃嘅上湯，令人食指大動，喜歡食河粉的朋友不容錯過！牛雜整體味道香濃入味，而且牛肚亦炆得軟滑，不過牛腸內油脂較多同埋有少少沙，影響整體感覺；魚蛋彈牙爽口，但與牛雜相比則較為失色。整碗河粉份量算不少，食完頓時有撐飽肚嘅感覺，很滿足！

元朗嘉麗園，算是牛雜粉麵名氣店，但我個人不愛牛，多年來一直偏愛嘉麗園的墨魚丸米粉。每次到嘉麗園，對價錢印象也較為深刻，因每一次去，價格也必定提高了，21/1/2017墨丸米價錢是$42。價錢雖然加了，但也阻擋不了我到此的意慾，因為我暫時也找不到別店可代替此店墨丸米的味道，而且現在也不常到元朗，下午茶時間，唔肚餓都要食。沒有了早幾年叫咪落order，以前真的很嘈吵，現在寧靜了，多了舒適感。點了墨丸米粉--$42叫了不到5分鐘，墨魚丸米粉上枱，賣相依舊討好，墨魚丸脹卜卜，入口爽口彈牙，湯頭濃郁，我愛嘉麗園的米粉有點硬度，不會淋PATPAT，加一點魚露，再加一點點辣椒油，這就是我最愛的墨魚丸米粉的味道，誰能代替你地位?家人點了墨丸河粉我以前也吃過河粉，河粉也很細滑，比其他食店好吃，問家人為何不點牛系食物，他說認為不是那麼好吃，每次家人也是陪太子讀書心態，每次都是陪我來吃我心目中的極品。$42碗，埋單$84。價錢加了，但食物質素沒有退步，墨魚丸也好像比前大粒和好吃。愛吃者，價錢貴，但值得的。

作為一個新界人，對於港島的著明牛腩很多時候只能上網睇下。幸好，新界人也有拍得住的嘉麗園。不知何時開始，已沒有再點$38的冰鮮，而改吃新鮮。牛腩煮得非常入味，而且每塊都有肥有瘦，每一塊都不能錯過。本人由其喜歡牛筋位另一碟必點的是通菜。其實獨食之旅，一個人有可能食唔晒這碟菜，但就是忍不住。貪心通菜通常灼得剛剛好，但這次好像有少少過火，變得有少少韌，癡牙，要扣分。可是，依然難以抗拒的是嘉麗園獨有的腐乳，不會太鹹或太辣

自從搬離了元朗後，入元朗著實是一件非常遠又辛苦的事。 咁難得入去，無論是因乜事入去，次次都準備了幾個list俾自己食。 雖然那兩年食過好多好野，但有些名字還是令人念念不忘的。 這個應該就是我的最愛，應該是元朗的最愛，嘉麗園。 不知是因為我的最佳損友介紹我的原因，是那種有感覺的兄弟情，還是前度那個時候最愛的水餃墨丸，過左咁多年，人事變遷，現在的嘉麗園還是咁好味。 今晚去到壽司之神朝聖，其實食到好飽，但係咁辛苦揸車入去點都要食多樣野先走。 上次和女友吃過後佢話這裡有很多的味精，似乎也不是人人口味一樣，不過就算佢點講我都會咁鐘意食。 適逢今日在坐有人未試過，我當然主動要求食嘉麗園，吃了壽司也不是問題，最多不吃河粉。 於是我叫了一碗剩墨魚丸，和那個靚到不行的通菜。 墨魚丸是全港三甲，我很歡迎你有推薦介紹下邊到好食，但這裡的墨魚丸是充實，啖啖是吃得墨魚肉，那種魚香是滿佈，裡面的密度大概是密不透風。 那點湯，那點紫菜，請也不要放過。 七粒的數量，三個人吃每人都吃到兩粒，因此不用爭，以三十八元的價錢，咁好食，算平。 來自泰國的通菜，那個全年都又嫩又通綠的感覺，配合強勁節拍的那腐乳，帶點辣又

嘉麗園最出名就係牛內臟所以我一坐底就馬上嗌左個牛雜河試下一黎到既時候發現都幾大碗,而且每件都係大大件第一啖就緊係試下個湯先,好香牛腩既味道牛雜入面我最欣賞既就係每一part都有一件一碗就可以試哂所有,而且唔係細細舊呢度既牛雜爽既爽,林既林不過都有一個共通點就係全部都好入味食到一半左右我就醒起呢到其中一樣好出名既就係辣椒醬我都落左唔少,不過發現好辣下食到我成身出汗總結,喜歡食牛雜既朋友可以一試既!!因為而家其實都好難搵到間係整得好食既牛雜店價錢唔算平,不過勝在叫做足料

香港至有名的潮州人，相信遠至海外人人皆知，答案非香港首富 — 李超人 莫屬。人云：「潮州人吃得苦、肯捱、慳憸、具生意頭腦....」，恕我未能深入了解，只因身邊潮州朋友始終不多！不過總覺得潮州人蠻有個性、好有自己一套，從食物已可見一斑！我十分喜愛麵食，因而認識到元朗一處潮州花園！其實曾到過「嘉麗園」的朋友應不少，於我而言，首次到訪，以至其後間中到訪，每次的感覺仍很新鮮。新鮮感從何而來？這個「花園」既沒有花、也沒有草，但無論佈置、色調、燈光，「嘉麗園」都予人花碌碌、眼花撩亂之感，沒有一次能徹徹底底地看過清楚！咖啡壼裝上各式香料，不單實用，又為麵房添上了另類裝飾！不要誤會「嘉麗園」冷氣不足，其實吊扇不停地在撥動空氣，就如客似雲來的情景一樣！擺放餐牌的支架也經特別設計，不佔地、又不失整潔！顔色奪目的餐牌帶出至強及別出心裁的牛陣 — 牛肺、牛膀、牛丸、邊腩、牛孖筋、金錢肚、牛沙瓜、甜竹腸、崩沙腩、肥肉頭腩，還有牛子、牛鞭、牛春袋、牛開心等驚人的發現。不過豬的選擇也不少，例如普寧豬肉丸、家鄉豬肉冬菇丸、泰式黑椒扎肉片、潮安魚皮皮餃等，當然也不乏魚蛋、墨魚丸等。牛雜魚餃河 HK$46 看到牛雜面層的