嘉麗園潮州粉麵餐廳

營業中

休息中

香港至有名的潮州人，相信遠至海外人人皆知，答案非香港首富 — 李超人 莫屬。人云：「潮州人吃得苦、肯捱、慳憸、具生意頭腦....」，恕我未能深入了解，只因身邊潮州朋友始終不多！不過總覺得潮州人蠻有個性、好有自己一套，從食物已可見一斑！我十分喜愛麵食，因而認識到元朗一處潮州花園！其實曾到過「嘉麗園」的朋友應不少，於我而言，首次到訪，以至其後間中到訪，每次的感覺仍很新鮮。新鮮感從何而來？這個「花園」既沒有花、也沒有草，但無論佈置、色調、燈光，「嘉麗園」都予人花碌碌、眼花撩亂之感，沒有一次能徹徹底底地看過清楚！咖啡壼裝上各式香料，不單實用，又為麵房添上了另類裝飾！不要誤會「嘉麗園」冷氣不足，其實吊扇不停地在撥動空氣，就如客似雲來的情景一樣！擺放餐牌的支架也經特別設計，不佔地、又不失整潔！顔色奪目的餐牌帶出至強及別出心裁的牛陣 — 牛肺、牛膀、牛丸、邊腩、牛孖筋、金錢肚、牛沙瓜、甜竹腸、崩沙腩、肥肉頭腩，還有牛子、牛鞭、牛春袋、牛開心等驚人的發現。不過豬的選擇也不少，例如普寧豬肉丸、家鄉豬肉冬菇丸、泰式黑椒扎肉片、潮安魚皮皮餃等，當然也不乏魚蛋、墨魚丸等。牛雜魚餃河 HK$46 看到牛雜面層的

嘉麗園系元朗出名食牛腩，手打墨魚丸既粉麵店，今次特登叫左個外賣黎試，我叫左個崩沙腩米都成6-7拾一碗，味道好香濃，牛腩好（林），米粉ok,湯底香濃，可惜食完成晚不停飲水

由讀書年代食了十多年， 嘉麗園是一種回憶的味道。 長大後間中也會到元朗回味一番， 覺得份量及味道 一如以往好味。 趁先生放假， 帶他來一試我喜歡吃的潮州粉麵店。店舖以紅色及金色為主，先生說第一眼感覺很像廟宇 一如所有潮州粉麵店 ，店內環境很擠迫 ，繁忙時間幫襯的話， 幾乎跟旁邊的客人身貼身，所以今次我們選擇非繁忙時間幫襯。這裡食物選擇很多， 還有一些比較特別的餸， 如牛鞭、牛開心、牛子， 喜歡「重口味」的朋友絕對值得一試。由中學到現在，我來這裏只吃牛筋河， 牛筋夠淋，湯底夠香濃今次我還配了魚皮餃呢！ 先生樣樣都想試， 最後他選了吃牛什米， 這樣便可以一次過試多種不同餸菜。店內廚房時開放式的， 可以看到師傅煮食， 感覺安心。 另外，比較起其他舊式潮州粉麵店， 不管廚房師傅、落單姐姐、店內環境都較為乾淨衛生。我的習慣是加辣椒油及醋， 味道會更好吃這裏一碗麵價錢也算貴，差不多四十多元一碗， 如果再加一杯咖啡或奶茶， 每人消費大約六十多元， 但店內的豆漿才六元一杯，算抵飲。先生吃過牛什麵後， 覺得湯很濃， 牛什很淋很入味， 即使價錢比一般潮州粉麵貴一點， 但還是值得。另外值得一提的是 ，店內冷

搬入元朗之初，常常乘撘新界的士，每次都會向的士大佬發問相同問題：『有冇正嘅元朗食肆介紹? 得到的答案各式各樣，但小弟可以肯定，聽得最多的一定是『嘉麗園』三字。』搬入元朗前已到訪數遍，入住後當然常常幫襯，最常吃他們的丸類及牛腩。本篇食評內容涵蓋了兩次小弟的光顧經驗，目的是想把他們做得最好的，介紹大家。為什麼那麼多的士大佬推介嘉麗園呢？向大家解構一下，嘉麗園門外便是紅的(市區的士)及紅綠小巴站頭，綠色新界的士經常在此落客，門外又有空間短暫拍車，換着我是的士大佬，路經此地，亦會在此停車醫肚，吃過當知其好處，所以乘客一問元朗那裏有好吃的，嘉麗園三字便從他們口中應聲彈出。不要以為嘉麗園只是一家傳統老店，其實它也有着充滿玩味的『攪野』一面，門外的廣告牌，有着挑戰大胃王及勁飲王的戰書。吃友們請注意！如果閣下能在1.5小時內吃罷10碗指定粉麵，可獲HK$2,000 獎金，可於2小時內吃罷30碗，則可獲HK$50,000大圓 獎金。而勁飲汽水大賽的挑戰者，如能在15分鐘內喝罷30支細汽水，便可獲得HK$300的獎金(小弟亦想過參加勁飲) ，如閣下自命食力非凡，請湧躍參予，並在小弟的專頁留下參賽時間，好讓

未搬到元朗前, 總會將你的名字混淆,嘉麗園?麗嘉園?就算光顧過數次都記不下來, 是我無心裝載? 還是你令我印象不夠深刻? 直到搬進元朗, 有太多選擇, 而漸漸把你淡忘。 年歲漸長, 學會及時行樂, 懂得珍惜身邊, 今天經過, 你仍風光如舊往昔, 勾起昔日回憶, 二話不說, 立即走進坐下。環境十年如一日, 依舊大紅大金的喜慶, 絢麗十分, 旁人會覺得他既浮誇又雜亂, 甚至會覺得頭暈眼花, 但我覺得這就是精彩所在。 元朗特色, 市區應較難看到這種浮誇吧!很喜歡這個雀籠茶壺吊飾, 比工業風來得精緻, 很有味道。門前的玻璃吊燈很有七十年代風采, 難道是開鋪沿用至今?用咖啡壺來盛載湯底材料, 並用以作裝飾, 鬍鬚老闆都有花心思的呢!營業時間由零晨1點半到晚上9點, 貫徹潮州人勤力的風格, 光顧期間, 食客絡繹不絕。 廚房的大叔一碗接一碗,端出食客的order。餐牌依舊大堆頭, 太久沒光顧, 不記得價錢有否加過, 加了多少, 只知道雙拼竟貴過一碗四寶?! 精明的應該會識選擇, 除非真要品嚐牛腩或牛內臟就另計。自家製丸子皆設有外賣, 不少得自家製醬料。還有特別呈獻, 你又有無膽量試?!落單後店員主動

有日好夜去元朗吃飯就去了嘉麗園 ,嘉麗園是元朗老字號麵店，曾經是米之連推介。可能太夜去吃了，可能有好多洗完重用冇耐 ,我叫咗魚皮餃粗麺，但是，個湯有大陣柬水味 ，魚皮餃煮得不是太熟,個皮太厚好難咬開,豆漿亦都OK,整體不是太好味味道魚皮餃粗麵,湯有好大陣柬水味. 魚皮太厚難咬開服務:可能太夜去,服務亦一般價錢:32元 ，並不太抵呀

昨天第一次到元朗嘉麗園食牛腩麵，因為有朋友推介。坐低叫左碗賓沙腩麵($60元一碗)及雲吞麵，碗賓沙腩麵真係令我失望。第一，食落去簡直同一碗普通牛腩麵冇分別; 第二，成碗麵既牛腩都吾似賓沙腩; 另外，碗雲吞麵D雲吞又冇蝦，總括黎講呢間鋪係吾會再幫襯。

點左招牌四寶河！餸包括紫菜、墨魚丸、牛丸、魚皮餃等等！先講湯底！真係好入味嘅腩湯！夠熱又入味！河粉好滑好柔軟！另外四寶丸中粒粒都好彈牙！特別係魚皮餃！一咬落去d汁bi曬出黎！而且好新鮮粒粒手打出黎唔係街邊貨！真係好好味！會再黎食！

自細已經開始幫襯大過後少了昨天經過聞到很香便進去再回味下單的時候，我叫到牛腩米然後伙計說有2種一種冰鮮牛腩38，新鮮牛腩48(不包括飲料)想食碗牛腩米都搞咁多花神市面很多地方都用冰鮮而且50蚊碗牛腩米也不合符我的經濟原則最後揀了冰鮮誰料牛腩很硬，味道很差難食得有點過份我去d普通粉面檔仲好食過佢多多聲最後我只吃了米便離開連投訴的力氣也省了

今日去元朗有事，啱啱好係正中午食飯時間，時隔一年幾，好懷念係香港食潮洲粉麵既日子，入到黎元朗梗係要黎嘉麗園回味下，呢間真係咁多年都屹立不倒，重遊故地，想起跟老爸小時候一起來的時光。入到去都預左會多人食，但估唔到仲有張冷氣枱冇人坐，坐底即刻叫左碗牛腩河加豆漿，呢度招牌，不得不吃，推薦未食過既叫呢個組合，牛腩有分冰鮮、新鮮同靚標價分別係$37、$48同$58，雖然湯底一樣，但差10蚊食落係差好遠，我今次因為想回味一下，就平平地叫左碗冰鮮既，追求肉質既食客可以揀靚牛腩，但其實冰鮮既已經好正，湯底濃郁，牛腩炆得夠入味，肉身質地夠林，河粉爽滑不黏牙，加豆漿$4，不錯。順帶一提，呢度既牛肉都係由佢地自己集團旗下既公司入黎，一條龍，所以水準維持到係高水平，大推必食!

今日見番工前有啲時間，但係又唔想食咁多，於是就走左去呢間野諗住食碗面。由於知道呢間野比較出名食牛，於是就叫左牛坑腩面，為左唔食咁油膩我仲突登叫個侍應話唔要咁肥。點知碗野一上黎，我就見到一大堆肥膏，啲肥膏搞到個湯底又超級油，真係睇到都覺得肥，超級懷疑個侍應係咪玩野。不過算喇，味道上黎講個湯底都算幾濃，啲食得落口嘅牛肉都幾好食，唔會太鬆散，只不過碗野堅係太油了，唔想高血壓呀大佬，所以我食左啲應該食嘅野之後就無食lu。

為佢出第一次食評，真係好希望佢老板會睇到!我本身都算係嘉麗園fans,幫襯左佢4年,每次不論放假/宵夜都會食佢,不論品質味道份量都係一流(只限凌晨時份,因為老闆主理),但如果日間去食,每次都令我大失所望！通常我都係食牛雜河$37/十全腩雜河$55河粉方面:質感 (薄+滑) ,但唔明點解日間連河粉都有分别,係厚身D!份量方面:凌晨食足料滿意，日間食不知所謂！(不 止—次,係好多次)凌晨食碗牛雜河無論牛雜+河粉份量都多過日間 十全腩雜河,原全不合理

純粹個人意見，不喜勿插。小弟生平食過既粉麵中可算是數一數二既一間，宵夜外賣至愛！配餸不在話，牛筋牛丸牛肚各式各樣屬於一流，湯底味道加上炸蒜，隔離街都聞到香味，加上獨家辣椒油簡直絕配！真係諗起都想食！

舊式華麗的裝潢擺設，配以價值不菲的麵食，但人流源源不絕。友人吃四寶丸麵，魚蛋、肉丸、墨丸、魚餃、紫菜之類的麵食。換了一個魚餃，就只像普通魚皮餃，皮較厚，沒甚麼特別香不香、鮮不鮮。冰鮮牛腩麵不冰鮮的好像索價四五十，實在驚人，但原來是鎮店之寶，那麽可能要找天一試有何不同。。。冰鮮腩的，牛味雖不算濃，但還是一層一層的牛腩，賣相美觀，紋理清晰。沒有大大舊的瘦肉，只有微量肥肉，帶少部分爽腩。比起一般餐廳的牛腩飯，這兒的較爽，肥瘦均勻，不易痴牙。腩汁香濃，不算過咸(友人表示較咸)，至少喝了幾口湯，都沒感到口渴。麵條幼幼的、很爽、略帶彈性。這次發現員工並無聞說那麽差，至少阿姐在旁邊耐心等待我落單。因為餐牌實在太多字，十分詳盡的臚列每款麵食有甚麼元素。畢竟只是吃碗麵，四十多元實在叫人卻步。此店提供特別部位

一個人的晚餐, 今天選擇了嘉麗園。一間又愛又恨的粉麵鋪, 原因是好味但好貴!今天星期一, 7點半不太多人, 自己一個人坐一張枱, 坐低必食牛肚河, 腐乳通菜。牛肚河, 湯底濃郁,偏咸, 河粉好碎, 比較幼身及淋, 牛肚足夠份量, 很入味, 配上蒜蓉及蔥, 整碗牛肚河很出色!食完夠飽..我喜歡吃辣椒渣多過油, 食落去好香, 好辣, 但又未至於食不落口。腐乳通菜, 招牌菜, 價錢貴, 但腐乳與出面一般的不同, 味道很香,但就比較咸, 菜就普通不算嫩口, 加左少少油及豉油, 惹味但就好像好肥!!一個女仔食完牛肚河及菜, 飽到上心口...再望一望餐牌, 原來這裡有特別野食....價錢貴,埋單4x元 , 已經沒有叫飲品, 但份量足而且牛肚入味, 湯底腩汁夠濃, 應該淆了很久...不過不喜歡重口味的人就要考慮食這間粉面鋪了。而我會間唔中再幫襯!!