嚐味喇沙 (已結業)

今日週末嘅下午2:00嚟到沙田中心，個肚已經餓到打晒鼓，周圍都人山人海，見到呢間餐廳唔使等位有得直入，又唔算係冇人，一於入去醫左肚先。餐廳採用自助落單，2:00已經可以叫下午茶，但眼見下午茶嘅冬陰功雞絲河粉同午餐嘅冬陰功貴妃雞河粉都係相差幾蚊，一於叫貴妃雞。本來係想食米線嘅，可惜落單後話冇晒米線 唯有食米粉啦👌🏻👌🏻雞來了，其實份量唔少嘅 有雞胸又有雞髀肉，可惜雞胸都幾乾，就算雞髀位置都唔係滑🥹 冬陰功湯雖然係食得出冬陰功味，但係亦都唔係濃郁，有少少失望。總括而言呢餐唔係食到要拍枱，但亦都冇乜意欲想再返嚟食了

垃圾餐廳1 係出面叫人埋黎食 食到去趕收工咁2 員工黑口黑面 野飲走甜 送到上黎話走左 點知仲有甜3 生牛肉河 個湯唔熱 牛肉勁生 冇煮過咁4 冬陰功湯勁咸 勁少水5 埋單想check單 黑口黑面 好似我唔岩咁 點知真係收錯錢6 等執

三年沒有來光顧了，由於早前見電視節目介紹海南雞，便想起了呢間，去到便剛好下午茶時間，點了蔥油鷄飯，如要轉髀的加多$8，鷄肉爽皮滑，絲苗白飯好軟懦，仲有餐湯椰子雪耳煲鷄湯，椰子香甜，湯濃又夠熱，仲有自助機飲熱水（店設定咗94度）。自助點餐有97折，即減$3，另外，長者卡再減$3。呢個下午茶茶餐又抵又好食！店員都自讚食物質素保持外，食品一定要夠熱是最基本的要求，此店能夠做到，所以屹立在沙田多年。下次再來吃無骨海南雞先。

在疫情的陰霾下，我同女朋友如期見面，到了沙田中心，發現到這裡有一個很抵吃的下午餐。自助點餐還有97折。枱面上有一個qrcode，不是醒目的不知是如何操作，幸好香港在這個科技應用方面還算不俗。手機點餐時有一個小插曲，就是很仔細，熱飲會問你凍水，温水和熱水😳心想這樣貼心的嗎。我就點了一個經典常餐，沙爹牛肉公仔面+太陽蛋+火腿+多士+熱飲。牛肉有5塊，湯底沙嗲味濃烈，很好吃。多士有少少炕過火，少少硬，但還可以。服務很好👍🏻日期：2022.6.3

一直想試吓佢嘅海南雞飯，今日終於試到啦，海南雞嘅味道唔錯，可惜肉質唔夠柔滑，油飯沒有雞味，作為一個招牌菜來講有點先那個，反而佢嘅例湯就一絕，椰子煲雞，雞味濃郁又重椰子味。唯有當去飲個湯

落單要凍檸茶少冰，上餐時飲品半杯是冰，表示要少冰，侍應回覆少咗囉喎，難道正常是除檸檬外，全杯都是冰嗎？入坐時只得兩枱食客，不可以自己揀位，必須按侍應指示你坐邊張枱，食完到走，只得半場食客，尚有數張枱無人坐，今時今日咁嘅服務態度😮‍💨😮‍💨😮‍💨食物味道就一般，但見隔離枱上咗兩碗食物，沒有煙的，跟住食客向侍應反映，佢碗湯凍嘅，因碗內有牛肉，要求俾碗熱湯，隨後見侍應攞咗碗有煙嘅湯俾食客我諗試過一次，都幾難再幫襯囉

呢間既服務態度真係出咗名嘅差完全唔想做人哋嘅生意咁樣-.-黑口黑面 成日都好唔耐煩淨係想問清楚 都唔想答你咁樣最好笑係打電話叫外賣 佢哋根本就唔係聽緊你電話 hold咗我個電話2分鐘先應 我寧願佢唔好聽電話 唔好嘥我時間其次先係食物方面講埋食物方面質素唔好 價錢泥講一啲都唔便宜雖然大碗但係一啲都唔好食 我叫咗通粉早餐 淋既裏面嘅吉列豬扒 炸到黑晒 仲要比勁小沙律醬我唔知點解咁多人鐘意食而且衛生情況都唔算特別好唔會再有下次 有得揀寧願食其他更好食嘅嘢我見佢執咗好多間分店 呢間都可以唔洗要

今次去咗呢一間好多人推介嘅食喇沙嘅餐廳！一去到嘅時候就梗係要食佢哋招牌嘅叻沙！再加埋有海南雞飯！非常之大嘅驚喜，呢一度嘅海南雞飯拼星加坡叻沙米線！好高質喎，而且真係非常抵食！呢一度嘅海南雞好好食，全部都係無骨嘅雞俾肉，啲雞肉非常之滑，而且呢個飯亦都好香濃！湯底就梗係唔少得係非常高質啦，少少辣再加埋一啲椰汁真係好正！

突然心血來潮想食海南雞飯，醒起幾年前食過呢間餐廳，本身覺得味道還可以，所以今日嘅lunch就叫咗呢間嘅海南雞飯外賣。我係一個好懶嘅人，如果唔係咁難食真係懶得打食評！首先已經加咗價，$62一個海南雞飯仲要冇嘢飲，最嬲係d雞，數量已經唔多，口感好鞋，有一兩舊雞直情鞋到咬唔開。。啲油飯，冇咩油香味。。只係一堆黃色又有少少油嘅飯🙈真係價錢貴，而且真心唔好食，永不錄用！真係好難食，我覺得大家樂或者大快活嘅味道都可能比佢好食！總之唔會再幫襯！

味道方面唔系特別好一個早餐要40幾蚊雖然有三文治通粉同埋豬扒飲品可惜質素差碗通粉超級油 早餐食到啲咁油膩嘅嘢真係唔開胃個豬扒好硬 好難先咬得開炸粉好厚 好似食緊炸麵粉咁 唔鐘意同埋嗰度啲員工服務態度超級差成日都大聲喝人 問少少嘢都答唔到上次打電話叫外賣嘅時候 問佢豬扒係咪配腸仔佢完全唔知我講緊咩 我行到過去問佢佢先答我你都唔講炸豬扒 我心諗差一個字你會唔會唔明我講咩？收錢又超級冇耐性 我明白呢啲舖頭可能多人多嘢做但係完全唔係咁嘅服務態度囉

食完一餐普通質素嘅下午茶後離開到門口櫃枱準備俾錢，在我前面的客人正在使用Alipay 結帳，正當前面的客人完成結帳後付款單都未出個收錢男職員就問我用咩俾錢，我答他用Alipay，他即時面露不悅隔住個口罩都見到佢口噏噏不滿意唔係用現金結帳，喂！唔滿意客人用電子收費俾錢咪係門口寫住”只收現金”囉! 離開後我搜尋呢間垃圾食店的評論原來大多數客人都係寫佢服務態度惡劣🤬🤬🤬⋯⋯商場真係都要檢討一下租戶嘅質素。

第一次食評俾左呢份垃圾照燒汁雞扒冷麵如果10分係滿分我會俾負100分未試過冷面係粗麵 又油膩 有浸面臭味 好嘔心全程冇食過，真係好垃圾幾十蚊食塊垃圾雞扒 紅豆冰飲水咁 唔甜又稀海南雞飯得嗰幾舊垃圾雞 又肥膩又唔新鮮雞冇雞味 飯冇飯味食評一面倒垃圾唔係冇原因 大家千其千其唔好去食 中晒大伏

質素越來越差，門口收錢態度惡劣，可能係老闆娘，門口貼了長者優惠，但出示長者卡後又面黑。又要自助点餐，完全沒有服務，竟然門口貼著全日免收加一，真好笑。加一再沒人去吃。

行經過沙田想食個快飯，見到有喇沙食，望到價錢ok就入去了。今晚平日，裏面都係一個人食飯多，我同老公坐2人枱，ok la, 唔算太逼。最初想試喇沙，不過見老公選海南雞喇沙我就選了青叻喱豬扒飯。海南雞喇沙不過不失，，冬蔭功湯底但完全唔辣，老公都食得唒，份量正常。而我嘅青咖喱豬扒飯比我想像中辣，好在有叫特飲。我哋兩杯特飲普通la，可以飲下。我覺得青咖喱如果多d揶汁奶味就好了，感覺只有辣，少了一點香的味道。整體吾算係差，價錢都唔係貴，加上佢上菜速度都快，如果忙，又想靜靜地食餐飯可以考慮一下。

而家夜晚要係沙田市中心搵平價嘅選擇實在唔多，就算平時 $40-50 嘅車仔麵係新城市都要$80.... 有限嘅 budget 除左食譚仔之外，就揀咗嚐味 海南雞。既然最出名係海南雞，當然試下。首先就係海南雞湯河，海南雞係無骨嘅，尚算嫩滑，但唔算好食。而湯河就比較清淡，唯一唔係太好嘅係雞同湯河係同一個碗上，令到雞又會熟左。跟住就係雜錦叻沙拉麵。有鴨胸，扎肉，同埋雞。麵雖然夠熟，但係麵餅仲未撩鬆。叻沙龍蝦湯底不過不失，係唔係太夠辣。雞方面還不錯。加左$4叫左椰子雞湯，應該就無味精，飲得出有椰子甜味，又有雞腳，幾足料。最後就係魚餅，都幾有香茅味同香口，點埋辣醬都幾開胃。以人均 $75黎講，呢間餐廳算係唔錯架啦。