嚐味喇沙 (已結業)

途經沙田，食大集團餐廳（其實沙田都冇乜小店），見到呢間門口都有人等下外賣，又好似特別少少，所以入去試下。嗌咗個火車頭河粉，一嚟到睇點解成pat嘢，有舊嘢又唔熟又有兩撻紫色，問個侍應姐姐，佢話係牛筋嚟，問佢可唔可以攞返入廚房煮熟d，呢頭拎入去轉頭攞返出嚟。見到好似個樣冇乜嘢就照食，除咗牛丸正常d，奶茶正常唔，其他都，唔會有下次。點嘢食果個app都有問題，不過唔再去唔會用就冇問題。

今日遠征沙田去IKEA行街呢度更IKEA都幾大食咗個軟雪糕之後就夜晚去搵嘢食啦行吓行吓行到去呢一間食喇沙嘅嘢嘢見佢唔使等位所以我哋就去咗呢間食啦因為之前有去過第二啲見好多人排隊等到九點都食唔到啊但係最後要10點走囉所以直接入咗呢間食喇沙拉麵要QR code自助點餐我哋點左一人一個拉麵在加個餐飲喇沙雞扒拉麵$56味道OK唔錯嘅雞扒煎過嚟都好食配料都多嘅喇沙雜錦拉麵$60呢個喇沙拉麵睇落冇雞扒喇沙拉麵好味佢呢個有啲扎肉有啲雞肉豆卜雞蛋同蝦同雞扒拉麵比較我覺得雞扒拉麵比呢個好味呢個仲要比雞扒拉麵貴啲兩碗面嘅喇沙基本上一樣味嘅總括來講都OK嘅價錢唔算貴佢好似仲有折如果用QR code落單嘅話

佢哋啲職員既態度差到冇人有！沖錯野飲個職員行前來惡左個顧客先！仲好似要開拖咁！呢間嘢無論好唔好食，唔會再有第二次！唔怪得佢地依家都冇生意！呢啲咁既職員服務態度可以咁，都好難會有生意！

放假晏就兩點起身係常態。同男友落樓下揾食，今日想食馬來西亞嘢！ 見laska下午茶餐好似幾大碗，決定試試佢！我哋分別點咗一碗喇沙雜錦龍蝦湯米線同扎肉雞絲米線，飲品有凍咖啡同冰蜜桃紅茶（特飲）喇沙雜錦龍蝦湯米線：材料很多，湯底幾好飲，唔太似味精湯😋扎肉雞絲米線：扎肉有三塊，雞絲有五六舊，湯底普通。冰蜜桃紅茶：蜜桃味較甜

👧🏻Wodafoodie in Sha Tin放假想去沙田食個tea 但發現周圍都排長龍行行下就去左沙田中心呢間泰/越南餐廳茶餐廳感覺 但又有d東南亞野食✨無骨海南雞飯 $60有油飯或白飯揀 揀左油飯飯好大碗但雞不多 味道普通 醬汁有d少✨沙嗲牛肉米粉 火腿煎蛋 多士 $36普通茶記常餐～ 但沙嗲牛係好濃既沙嗲 又幾好食 overall 味道不過不失呢到落單係scan QR code自助落單 幾方便新城市無乜茶記 呢間勝在夠快同平所以係商場食到咁平既下午茶都算唔錯了🤣📍 嚐味喇沙 (沙田)沙田橫壆街2-16號沙田中心商場3樓49及60號舖

職員態度十分惡劣！今日使用商場的餐飲劵消費，進店前問經理是否可以使用，經理說：「如果用到咪用囉」，開始已感受到態度惡劣，但照常入座，自助點餐後，同伴朋友已進食中，到我食食物來了，但送食物來的侍應沒有說一句話，眼神不禮貌地望住我朋友讓位置給他放下食物，又再次感受到職員之態度惡劣，最後吃完出去埋單，給商場消費劣給收銀員，這位職員不知道每次消費可使用兩張餐飲劵，理論後經理說給可以用，因這次消費剛好不用補回現金，最後我問這位職員是否不用補錢，她就回覆我：「走啦！走啦！」態度及語氣十級惡劣！

放假好得閒，去左沙田食個早餐，點知中咗伏，見到係商場個裝修都好似唔錯，諗住都可以一食，點知差到震撼，叫左個五香肉丁公仔麵，好日都唔食公仔麵，於是加左5蚊轉埋出前一丁，碗麵黎到，五香肉丁少到得7粒左右，肉質粗糙，都唔知用咩牌子，簡直係劣食！熱奶茶叫左少奶，點知黎到杯野係深色到檸茶咁樣，無茶香味又唔滑，頂唔順叫佢比杯花奶自己調味，不過都係無得救，勁難飲！牛油方包都係基本野，滑蛋份量少，埋單要40蚊，唔抵食又難食，真係無下次！

去沙田市中心做啲嘢，順便食埋飯先返屋企。午飯時間，唔想去茶餐坐得咁迫，行行下見倒呢間啲座位幾鬆動就決定喺呢度食。入座後侍應畀咗個QR code我哋落單，話有九七折。但係佢個code可能有啲問題，我哋大大話話用咗兩部電話試咗七八個唔同嘅App，搞咗成廿幾分鐘先落倒單。當中有侍應咗我哋張枱好多次(可能係諗緊點解咁耐仲唔落單啩！)，但係都無走嚟了解下😜。叫咗無骨海南雞飯配椰子雞湯。雞肉煮得幾嫩，有少少肉汁。油飯香但唔油，不過稍凍。椰子雞湯有好濃嘅椰子味，好甜又夠熱，唔錯。火車頭湯河，餸就有幾個牛唔同嘅部位如肥牛、牛腩、牛筋等等。湯底味濃、河粉幼身，索晒啲湯汁，好味。牛腩牛筋煮得太耐，冧晒，無口。最犀利係開始食嗰時有侍應攞返兩粒牛丸畀我哋，話畀漏咗喎！咖啡就係港式茶餐廳口味，無咩特別。埋單時竟然無畀九七折，都係怪自己無計好數就行出去畀錢，返到屋企先發現蝕咗。

魚腐扎肉鴨胸米線，湯底好濃郁，有點似拉麵的豬骨湯，魚腐煮到恰到好處，不會太淋，米線軟硬適中，幾爽滑，鴨胸好好味，配菜有芽菜，九菜，蔥，全部都非常新鮮，另外還配上半個鹵水熟蛋，吃完十分滿足和飽肚。

我從未試過一間餐廳員工態度極度惡劣，其實我是入去食嘢不是入去受氣，儘管店裏的嘢食係好味或者難食，我以後都唔會再去。俾錢買難受，嘢食很快上枱不過質素就好一般，今日真係一試難忘

記得以前喺到食過吉列魚係好大塊，雖然宜家個size 都唔細，但相比起以前還要大多4分1，不過仍然係即叫即炸，正!附有個咖喱醬可以點（有小小辣）個人覺得唔點個醬都得，附邊仲有小小salad,睇落有D 雜草樣雖然個賣相一般，擺位又放到亂糟糟，但勝在新鮮炸，唔做門面嘢，一樣有人識欣賞！喇沙個湯真係好有魔力，食下食下就飲埋個湯（跟住夜晚口喝到爆） 依間嘅喇沙湯底唔稀既，係就係味精左D,但唔差既，而且餸夠多，不錯

雜錦喇沙龍蝦湯「拉麵」$56雜錦配料用上雞絲、扎肉、還有煙鴨胸...意想不到會用煙鴨胸，個人感覺與喇沙實在不太夾。另外，湯底方面 完全喝不出有龍蝦的味道，最過份是明明叫的是拉麵，一望再吃一口 確定這是粗麵！是粗麵！怎可以將粗麵當拉麵，難道認為食客不會分別出來嗎？這實在是有欺騙成分！😡😡😡生牛肉湯河$49說不上難吃，只能說一般，沒有特色。小食春卷$28春卷一夾就feel到皮很軟，不脆的春卷應該想像也能知道會是怎樣的口感😣味道也沒什麼好說了。椰子雞湯 +$4椰子的味道還好，不過沒有雞味。總的說，這家店肯定不會再有下次。

優點係：位置方便又唔使等位👍🏼本身諗住食另外一間不過另外一間大排長龍見佢冇人排隊可以直入👍🏼自助落單有九七折餐飲加$6係抵嘅不過枱面有兩條好污糟嘅毛巾包住未用嘅筷子同刀叉😓嗌左一碗招牌嘅生牛肉河粉第一次食生牛肉河粉係冇配菜跟嘅（生芽菜同埋九層塔）註：湯底入邊係有幾條九層塔係全熟嘅浸喺裏面）湯底係冇味嘅雞湯啲肥牛每一片都係有筋嘅係咬唔爛嘅😤結論係呢一款極其量只係叫肥牛湯河食咗一半就冇再要啦😿

亞洲野食一向都係買最愛，日日食都唔會厭，反而西餐就唔得啦，食多兩日都會媽媽聲。星期日做左好耐野，晌沙田中心行左個圈就選定了這間，都唔錯woo。呢間主打係東南亞野食，泰國、馬拉、新加坡野都有。今次叫左串燒、蝦餅、酸辣米線、清湯雞米線。四樣野都幾好食，又唔食好貴woo。星期日都有套餐食。串燒其實都好難整得唔好食既，主要既分別係晌個醬度，今次呢個都幾適中，唔會太濃味。蝦餅都好食，食得出係來貨，唔係廚房自己整，但都okay既。呢個米線，都幾酸辣下，唔食得甜，唔好叫啦。呢個清湯米線，唔錯

第一次光顧呢間餐廳，見佢下午茶唔貴，有喇沙食就試下，點知係疫情下一坐底發現係3個不相識嘅人搭枱，咁都得，坐低咗就算，唯有小心啲食。食物味道可以，喇沙唔辣啱我唔食得辣嘅人，湯底味道濃，下午茶餐連飲品，叫咗熱檸茶，同一般茶餐廳一樣， 杯檸檬茶面有浸油。服務態度都一般茶餐廳咁。純粹醫肚，無咩理由令我再幫襯，完。