嚐囍煲仔小菜

營業中

休息中

親友返香港話想食煲仔飯，就去左堅尼地食。呢間煲仔飯話晒米芝蓮一定多人啦！我地叫左幾款點心同埋2個煲仔飯，煲仔飯真係好多飯焦，好食，唔怪得咁多人，但最多人食係佢嘅午餐，50幾蚊就有埋飲品，抵！

久違了嘅嚐囍🫡唔知幾時開始紅咗 平日夜晚都好多人等位未夠7點去到 都等咗20-30分鐘左右白鱔臘腸飯 $102加白鱔 +$29落單之後等咗成50分鐘 食晒另外2碟餸 先有煲仔飯食🫠豉油甜甜哋 撈飯一流飯焦無得輸原本得2舊白鱔 +$29有多2舊 好在有加到肉質好爽口彈牙 每人得1舊嘅話 會唔夠食😢臘腸口感唔錯 但有啲偏鹹🫣生炒骨 $88酸酸甜甜又幾開胃 都幾淋 唔錯嘅金銀蒜西蘭花 $68 金銀蒜嘅味道唔算好出 西蘭花好翠綠好爽脆係一碟正正常常 無乜特別嘅西蘭花🙂‍↕️埋單每人百幾蚊 都還可以

今日中午肚餓等了50分鐘，祈望中的煲仔飯香噴噴，令人食慾大增。可惜只有2 件白鱔，新鮮但冇乜味，3 件腥腥地的雞。飯及飯焦水準之作。但唔夠餸。如果廚師肯加多少少陳皮𢇁，多3 粒豆豉，4 粒蔥花，雞用新鮮走地雞。味道會好的！希望越大，失望越大！我仍然喜歡嚐嘻。下次搵到人齊食一枱點心分享都會開心。自一人就不吃了！一個煲仔飯前後等候兼用餐時間100 分鐘。冷氣頗凍，食滯咗，不宜久留。一煲飯破壞了今天的好天氣及情緒！名氣過大了

雖然坐得唔舒服，但係為咗食煲仔飯，冇辦法啦！另外，如果唔想排隊，佢哋早上都有煲仔飯食，都係即叫即制（但要俾啲耐性大約20至25分鐘先有得食）如果11:30am前,仲唔需要排隊😅唔使夜晚等咁耐！煲仔飯有飯焦的確係唔錯👍🏻

幫襯過呢間店好多次好多次，食物都OK好食，但係今次最差嘅係服務！！點咗煲仔飯，等咗一個鐘先送到嚟，中間催咗服務員三次。頭兩次係個冇頭髮嘅大叔，佢次次都話要等40分鐘，即使我講過已經超過45分鐘了。後面轉咗問一個阿姨，佢先喺幫忙睇吓。結果佢話我哋唔出聲，已經早就做好晒啦⋯⋯ 😓我等咗一個鐘，中間嗌咗三次服務員幫手check吓，全部冇反應，仲怪我唔出聲。個煲仔飯上到嚟已經爛晒，冇咗飯焦，飯都唔夠熱了🙄️🙄️🙄️

今日去咗西環最尾個站堅尼地城， 一間 24小時營業嘅茶居， 去到首先開咗壼香片茶， 跟住洗一洗啲茶杯同筷子碗仔先(小心d滾茶)， 因為去到都差唔多夜晚九點， 唔想食飯，所以全部叫點心， 叫咗山竹牛肉球， 鮮蝦腐皮卷， 蜜味叉燒腸， 潮州粉果 同埋黃金糕 首先重點推介山竹牛球，夠大粒， 裏面冇筋反而有汁，肉質唔會太黑， 裏面配料充足， 係本人食過最好的山竹牛球， 之後鮮蝦腐皮卷，每一嚿裏面都有蝦， 腐皮炸得夠脆， 叉燒腸蒸得夠熱， 個腸粉皮好滑， 叉燒配料又夠多， 三條都好大條，正呀， 潮州粉果 皮薄，裏面餡料超多， 有花生，馬蹄，蝦米， 蔥花……而且每粒個份量都好多， 唔會偷工減料最後甜點環節黃金糕， 好香，咬落好煙韌， 質感有少少似白糖糕， 食埋呢個甜品畫上一個完美嘅句號。 我比五

《本次為自費用餐食評》西環馳名煲仔飯！餐廳供應各式各樣煲仔小菜、超過二十款不同口味的煲仔飯、點心，和一般小菜，食物選擇十分多元豐富。今次試了馳名臘味排骨飯，排骨十分嫩滑，臘味的油香滲入米飯入面，淋上甜豉油，攪拌後有香脆的鍋吧，名副其實，十分出色！點心鮮蝦燒賣皇大大粒，蝦肉和豬肉鮮甜。稍微不足的是椒鹽鮮魷的炸粉有點厚，粉感有點重。整體來說，是一間出色的煲仔飯餐廳！-🔘 臘味排骨飯 | hkd$102🔘 鮮蝦燒賣皇 | hkd$33🔘 椒鹽鮮魷 | hkd$108-🍽️ 食物 | Food: 4.5/5🌅 環境 | Environment: 3.5/5💆🏻‍♂️ 服務 | Service: 4/5💰 價錢 | Price: 4/5📝 總結 | CP Value: 4/5-A foodie documentation of dining experience in restaurants based in Hong Kong 🇭🇰.

算是坚尼地城蛮火的一家店选择很多有煲仔饭，有茶点，也有各种菜/白鳝田鸡煲仔饭有锅巴，口味比较清淡很新鲜肥美，就是可惜白鳝和田鸡都不多/椒盐鲜鱿蛮好吃的，椒盐咸香，鱿鱼弹嫩，火候刚刚好/虾饺皇皮子不粘牙，虾肉紧实饱满/炸鲜奶整体其实都还可以，如果不排队吃吃还是不错的

Given the lack of quality in both food and service, I’m unlikely to return to Sheung Hei anytime soon. While the cray pot rice was enjoyable, it’s not enough to warrant a special trip. Overall, it was a letdown, and I expected much more from such a well-known establishment. Service Issues The staff were a bit rude and not very attentive. It felt as though they were overwhelmed by their popularity and didn’t care much about the customer experience. This left me feeling neglected during my visit.D

夜晚9點先黎食晚飯，揀呢間一黎係因為食過午市覺得好食，二黎係佢開到好夜。估唔到原來佢晚市都可以叫點心！鯪魚球 $26有三大粒，好新鮮，冇咩鯹味，口感有點像魚腐，偏軟熟，但仍保持到彈性。小編幾鐘意😍😍😍鮮蝦燒賣皇 $33有4大粒，每粒都好巨型😍😍😍，啖啖肉，可惜蝦唔算多，亦比較粉。雖然味道上未算驚艷，但咁嘅size食落真係好滿足🥰沙嗲粉絲肥牛煲 $108好快上菜，上菜時非常滾燙🔥，有大量肥牛，齋粉絲（冇痴煲底👍🏻👍🏻👍🏻）都可以分到4️⃣大碗，份量唔吝嗇。沙嗲未致於極濃，但食到花生香，晚上食真係幾好，好食但又冇咩罪惡感😂茶位每位 $7冇加一服務費結論小店最出名係煲仔飯，小編之前都食過窩蛋牛肉煲仔飯覺得幾好食，牛肉好嫩滑，飯焦可以整塊一次過起出黎，唔會太硬。但由於小編本身不愛好飯焦，今次就冇刻意order。至於煲仔飯以外的點心小菜，全部大大粒，份量好足，食落好滿足！cp價圍翻都抵食❤️

打電話去叫外賣，話要等20分鐘，去到竟然同我講話賣晒，我一個人帶住個bb係門口呆等多20分鐘，又熱，bb又重，好辛苦。可唔可以改善下check清楚外賣單先賣啊？

十9幾年前就聽人講要食就要排隊，仲要長龍！因為係米芝蓮！揾左閒日熱辣辣黎食，人真係少好多。至少唔使排長龍，等左2張就入到。窩蛋牛煲仔飯，白鱔排骨煲仔飯。材料係幾足，算多料，對得住個價錢！但係有期望就有失望，主角啲飯好濕、好多水氣！已經跟足指示焗幾耐🤷🏻‍♀️佢係有飯焦，都脆嘅但幾塊飯焦彌補唔到個飯好濕嘅過錯，米芝蓮已經唔可信！當我以為係自己要求高嘅時候，聽到隔籬枱夫婦都話唔好食！咁我就好放心了。呢間煲仔飯無下次，普通茶餐廳做嘅都好過佢～黎呢度可能食點心會好啲。

平時常滿，都要排隊等枱慶幸星期五晚8點左右俾我哋好彩唔駛等就有枱， 促成今次 #試菜！ 我地叫咗三個煲仔飯、三個小菜、兩個點心黃鱔煲仔飯 跟 白鱔田雞煲仔飯都比較濕潤，唔夠香！ 反而臘味煲仔飯最出色， 夠香夠油， 靚潤腸，連飯蕉都好好食， 真係可以成塊鏟起。小菜方面， 咸魚粒炒白菜仔有點過咸， 份量比較少， 一字骨比較普通，炸過度，沙鍋魚頭煲魚頭粉太多， 好彩豆腐夠嫩夠滑，挽回不少分數。老實講有點名過於實！ 眼見好多內地遊客幫襯， 可能又係小紅書效應⋯⋯ 總括來說， 如果要排長龍先食到， 我諗我唔會再去，行過路過見有位又不妨再叫返個臘味煲仔飯嘆下。#100%自費，非試食活動或款待。

呢間嘢做生意唔老實，早兩日買煲仔飯外賣，當時比煲仔按金一個$20，個煲上面有寫住佢哋間餐廳嘅名今日攞返個煲過去打算退回按金，佢問我攞返張單，否則只能退$10一個煲買飯嗰日完全冇提過我問佢邊度寫住，佢話張枱寫住，但係嗰張紙俾成張枱遮住咗，唔該晒

聽聞這家煲仔飯名店的點心也做得不錯，慕名而來，味道冇想像中咁好食，但仍然是高水準的。蝦餃都算大粒，不過未去到一啲酒樓嗰啲巨型蝦餃咁大粒，入面隻蝦都新鮮彈牙，不過蝦餃皮就比較容易裂開，四隻有三隻都唔可以成功完隻蛤落個碗度。芋絲炸春卷做得幾好，芋頭好好味，炸出嚟又唔會好油。蒸蔥花蝦米腸都OK，腸粉都夠滑。最失望就係呢個炸鮮奶，佢陳皮太厚，又唔鬆化，好在入面個鮮奶都夠香，雖然上枱嘅時候有微溫，但係估計佢唔係新鮮炸起嘅，所以個味道同口感都差咗少少。