嚐麥手作

營業中

休息中

新蒲崗呢個小地方可以話係「麵包天堂」附近咗傳統包店都有好多有心機整嘅高質麵包小店，好似享樂烘焙同理想餅店。今次就介紹另一間我都好鍾意食嘅「嚐麥手作」🍞﹗呢度嘅bagel同享樂嘅價錢差不多，兩個都有高質之選，不過「嚐麥」眼見就明顯大隻啲💪🏻軟熟啲，但餡料嚐麥偏輕手好多，野莓同花生貝果個用料都唔會話好甜，野莓主要得莓係冇芝士餡的。------------------------野莓貝果 $16（原本以為有芝士餡）原來冇，不過同花生貝果有同一個好嘅地方係麵包口感好軟熟，翻蒸軟食落真係感覺幾新鮮，莓乾都算大粒同香甜，即使冇芝士餡都唔會覺得好Dry。------------------------花生貝果 $16花生貝果有餡，讚嘅位係超軟熟﹗比其他食果嘅貝果再軟熟（唔會咬到牙較軟），同埋花生餡唔算甜，味道係冇咁香，偏清淡啲，爭啲嘅係餡嘅分量偏少，但欣賞佢唔太甜，幾健康咁

聽講好食嘅Bagel 係界乎餅乾同麵包之間，外皮脆口，內裏厚實鬆軟，但未咬果陣，係硬到拎黎掟你，都會痛嘅！嗯⋯ 咁我食緊嘅⋯ 應該就真係唔係Bagel，而係改良咗嘅Bagel？所以係叫貝果先啱？呢款貝果包嘅優點係：每一口都好實在嘅，要慢慢細嚼。一啖咖啡一啖包，大概就會令人有跑肚感了。另外，呢款貝果仲加咗紅莓乾入去，每咬一口都會有少少甜味混入麵粉內，比傳統嘅提子包好味，又唔似丹麥條咁，會令人渴喉，不失為空氣包以外嘅選擇黎嘅！進入店果一刻，你唔會一眼就認出佢係嚐麥麵包店⋯ 都係依家啲新開餅店好Hit 嘅配搭色調，類似日系和台系色調之間咁，白色燈光，白色的牆身，木色的貨架。而佢哋每個包都預先入袋，以確保衞生，拎果陣都好方便。

今日癲左 行左四間舖食左五個包⋯但最重要係全部都好好味！！！呢一區既麵包質素太高喇 食過好難返轉頭見到開飯網都好多負皮⋯同埋我自己大約兩年前第一次幫襯既時候都感覺麻麻。但今日咁岩路過，做緊夜晚折扣就俾多次機會依家麵包種類多左好多⋯我記得之前大多數係麥包 依家多左軟歐 日式麵包等等 同埋夜晚都好多選擇揀左肉桂包，係勁好味呀！！！超軟熟，亦都有煙韌既感覺。肉桂粉滿瀉出黎，同埋唔會甜到漏。香味，質地全部都好平衡。呢個已經係我食過最好食既肉桂麵包⋯呢種幸福感無法形容我估我可以食晒一打⋯麵包好食，佢既原價都幾貴。85折後都叫做勉強接受到。希望長做長有，定價可以更為合理

呢一區食過兩間蛋糕麵包店都唔錯，經過見到呢間嚐麥手作，門面睇落唔錯，麵包多元化，就入咗去睇睇。上網見到有人推介抹茶吐司$18，我就買咗一件抹茶吐司。但係非常失望，抹茶吐司個面有啲糖非常之甜，甜到你根本食唔到第二三啖。再咬入啲麵包係口吐司咁，綠茶味無咩，只係食到甜味，真係食咗兩啖就放棄。另外仲買咗花生bagel, 賣相唔錯，望落脹卜卜。但味道都真係麻麻，唔錯嘅係呢個bagel唔會好硬。入面有花生餡，但係好乾又好少。總括嚟講呢間麵包店係普通麵包店，唔會再買。

🇭🇰 < < 嚐麥手作 Handmade bakery> > 經典吐司💛💰 [ <$51 ]👯 [ <5 mins ]📍 [ 新蒲崗爵祿街62-64號東安大廈地下D舖 ] ⏰ Mon-Sat( 07:30-20:00 ）Sun (10:00-19:00)☎️ 36187072______________________________ 1️⃣[ 小山園抹茶甜心吐司🍞] ʜᴋᴅ18✍🏻 經典厚吐司 ✨外型似屋頂咁非常特別吐司嘅邊邊烤得焦香脆 內部勁鬆軟！！開頭以為內部會乾爭爭點知濕潤得來又帶點包需要既韌度同彈性😍而且抹茶味濃烈 每一啖都充滿抹茶香同奶香味再配合埋外層嘅糖粒 令到呢個吐司充滿邪惡感🤤🤤🌟推薦指數：8/10______________________________🥑整體嚟講🥚鍾意食抹茶味嘅你一定唔可以錯過😍抹茶味濃烈而且食完口腔帶有點點茶香✨食完一件可以飽半日了🤣不過新蒲崗呢個地區就有啲唔方便了～😋好味指數：8/10🏃回頭指數：7.5/10🔎🏷️ #letus九龍 #我要吃掉全世界 #letus麵包系列 🔍

唔知點解最近咁多負皮，雖然唔係去幫襯過好多款包，但我想話佢既100度湯種吐司係做得最接近日本生吐司，雖然火喉控制需要再嚴緊少少（有時表面太焦），但以濕潤度、吐司邊厚度、回甘、香味去比較，暫時未搵到香港其他麵包鋪既吐司比佢更優。好既日系吐司係高保濕所以無麵包碎，吐司邊超薄，隔日食會更有回甘，呢個100度湯種吐司完全做到。如果要再改進，可考慮提高綿密度，因現時比較似英式方包既鬆軟，不過呢個已經去到個人喜好方面，應該有人比較喜歡低少少綿密度去換蛋糕口感。

唔search 都唔知原來新蒲崗開咗好多高質麵包店，我決定要試晒佢🍪🥐，上次試咗享樂烘焙今日試呢間😆。舖都幾細，人好多，因為5:30後麵包有85折啊～而我就無買麵包，揀咗曲奇餅，叫杏伯爵，透明嘅膠樽，銀色嘅蓋面，打開蓋重有一層sealed 👍, 一盒7塊,望上去都幾高貴，保質期大概3個星期，8月5買，食用期係8月30.餅入囗鬆化，好香嘅伯爵味，好脆嘅杏仁，當中仲帶點牛油味，🤤🤤，食完一塊就忍唔住會想食第二塊，下次要再試下其他囗味😆

因為之前成日見到review推介依間麵包店今日終於經過開 所以試下但同唔少食評一樣 都真係比較普通 唔會話要專登去✨芝士鬆餅 🧁$15✨無花果鬆餅 🧁$15買咗一個鹹一個甜 返屋企再焗一焗芝士味夠香 另一個有無花果喺裏面 但主要係嗰質地🧐蛋糕感較重 質感好似density較重嘅fruitcake或者應該係實心muffin咁✨花生Bagel 🥜$15如果話係花生圈圈包 我完全ok 佢裏面好多粒粒花生醬 但係對依嗰bagel都幾大期望 所以好大失望 因為佢食落真係唔係bagel 鬆軟唔煙韌

夏日炎炎除左食冰食雪糕之外今次就第一次試冰心包啦～.🐖🐖《小山圓抹茶紅豆冰心包》$18 🐖🐖個麵包體算軟身 較空氣感 不過無咩𡁻頭同韌性但個抹茶冰心做得唔錯 口感綿密 有回甘 😍 如果可以再爆餡d就更好啦～唔知係咪因為凍食嘅關係 零油膩感紅豆甜度適中 有顆粒感 雖然較乾身 但配埋個抹茶冰心食都👌.大鄉里嘅老豬本身以為冰心包個餡會近似雪糕 但實際上係似流心cream （❓）所以同想像中有d落差 但又未至於失望嘅.❣️🐭總評分🐷❣️味道：7/10服務：N/A環境：N/A性價比：✴️ 中 ✴️ENCORE：🧐（想試享樂果個冰心包多d🤪）

麵包失去咗起初嘅熱誠，質素和味道都走下坡，(有理由懷疑可能轉咗麵包師傅)，由開張到而家都有幫襯開，但而家好明顯差咗，已經唔再喺起初嘗麥手作嘅味道，實在令婉惜......

呢度嘅麵包真係好吸引，本身唸住買個bagel試吓，點知唔小心買咗幾樣唔同款嘅包試吓！今次買嘅時候唔記得睇下啲包個名，所以用我嘅記憶老作咗啲名俾佢哋🤗🤗🤗🤗🤗🤗整體來講，味道係唔嘅，但口感就同我期望嘅有少少出入🤧.This place is a bread lover dream! so many different breads to choose from 😆originally wanted to just try the bagels but ended up buying like 4 different kinds of breads to try 😆 forgot to jot down the names of the bread this time so just refer to the photos 😂 overall, the taste of the bagel was pretty decent but the texture is still a bit different from the ones im use to 😆 but there other

嚐麥手作 #新蒲崗新年難得去到新蒲崗，嚟到呢間新蒲崗好出名嘅麵包店🍞🍞🍞記得大半年前啱啱開呢一個account嘅時候就係介紹嚐麥手作，今次再嚟佢哋已經裝修咗，更加光猛亦感覺更加多選擇。本身超級鍾意食鬆餅🥧，見到有咁多特別嘅選擇即刻全部都買曬💸。用焗爐150度焗左10分鐘之後，口感非常鬆化，係偏向少少鬆散嘅嗰一種鬆餅。紅茶合桃鬆餅☕️$15入面有好多合桃粒，增添脆口，合桃味亦非常香！紅茶味相對冇咁突出，但係細嚼之後都會散發淡淡嘅紅茶香氣。味道:3.9/5性價比:4/5無花果南瓜子鬆餅🧡$15原味牛油嘅鬆餅🧈略嫌佢嘅牛油唔夠香，不過好在有啲酸酸地嘅無花果同埋香脆嘅南瓜子喺入面，豐富返少少個味道同口感，但整體來講唔算太突出。 味道:3.7/5性價比:4/5香蔥芝士鬆餅🧀$15三個當中唯一係鹹嘅鬆餅，比喺甜嘅鬆餅味道更為強烈，蔥味香濃，芝士烤到微微焦窿，啱曬配埋cream cheese一齊食！味道:4/5性價比:4/5三個鬆餅10幾蚊都唔錯，不過作為一個鬆餅同都仲係覺得k11 Musea Gontran Cherrier係最正🤪🤪！紫薯栗蓉布歐修🌰🍠~$18造型幾吸引，pat栗蓉都幾香紫薯味，又

本來味道不錯、可惜店員，態度惡劣，特別身材婑小嗰位，我身為消費者，是為消費、不為受氣，只是切麵包一小事、為何要受無理對待，本人絕無岐視之意、但為何此位店員有特殊之喜好，大麵包只可切四塊，其他店員可順應顧客要求處理，莫非人細手短、只能切四片，而且特別喜歡眼厲厲，我真摸不着頭腦、現時如此環境，如此低劣員工、還可生存？？？我亦會廣告身邊、親朋好友，如不想受無理氣、無理對待、只食四片包，就不要去消費，以免"谷氣"收場。

一直聽聞呢間麵包店啲包好食，用靚料製作。這次經過終於有機會試下，選了這個斑蘭bagel，買回家用焗爐翻熱了，試食後都幾失望😔無bagel特有的嚼勁口感，而且雖然這個bagel看上去個子不小，但內裏空心得太嚴重，加上麵包偏鬆軟空氣感，飽肚感不重。$16一個偏貴。

本來佢開嗰陣覺得係新蒲崗開間唔平嘅麵包店有無得做㗎，但有次買過佢嘅桂圓包大大個，面又脆好鬼好食，佢嘅果仁都落得好足料而桂圓嘅分佈恰到好處，包嘅重量睇得出好足料，我一食之後愛上，間中都會走過去買埋比其他同事試食，仲有佢個紫菜句，伯爵茶包個個讚好。到有一日我以為佢執咗都好失望（因為我已經食唔番屋企樓下，美心餅等等嘅包做早餐）但我以為執之前佢嘅包無做到硬身包了（但我偏偏喜愛）亦唔少人鐘意，我也有同個女仔講（佢一開鋪無耐已經見過佢）到佢開番之後我再買佢嘅飽3次，貴番幾蚊唔緊要要成本嘛，而且係明顯細嚿咗，都算數。但我買番佢嘅伯爵茶+紅莓包，真係唔太想食落去，好甜、無茶味，同排包+紅莓係上面差唔多。有個似桂圓包嘅都一樣，我覺得d麵粉唔知係咪差咗，係無以前麵包嘅香，我好想好想你們的師傅用番之前嘅食材或方法去做，講真！我暫時都唔想光顧，但我唔想咁樣，希望你們繼續努力