嚐麥手作

營業中

休息中

這間麵包店有上過雜誌，一直想一試味道如何， 但是我自己很喜歡吃麵包， 也覺得味道一般般，可吃也可不吃。 加上他的款式不多 ，不需要專門到新蒲崗買，是隨便在街上買也買到的質素，也不算好伏。我自己的意見不代表大眾口味，有興趣的朋友也可一試。

由佢開舖幫襯到依家，啱啱開鋪真係幾好食， 樣樣嘢都落足料做，好高質素，但有個後生仔轉咗去享樂烘焙度做之就後就越做越差。就連以前好鍾意食嗰個法國長包都冇賣，問店員佢哋就話師傅唔夠，唔得閒做加上啲材料越嚟越慳，食得出佢，芝士方包 啲芝士越嚟越少，而家甚至係冇芝士味仲買20蚊一包，真係有啲貴。 如果佢一直賣到咁貴，又唔改善呢個問題嘅話，我諗好多舊客都會轉去其他舖頭買麵包。但我都會畀個機會佢，希望變返以前咁好食啦。

呢間麵包店經過幾次，每次都心郁郁想試🤣雖然已經飲茶食飽左，但今日心癢大過理性🙈🙈最後都買左兩個包🤣🤣🤣以舖頭細細黎講😌佢都算款式多，入到去一目瞭然，我好鍾意食包，咩都想試😍最後揀左兩款：呢個包$18都幾大舊😅表面有少少糖，食落有淡淡抹茶味之餘，帶點甜甜的，用黎中和抹茶原有既苦澀味係唔錯既構思😌外層係硬身既，中間位比外層鬆軟，但對我黎講都係硬左啲啲，略嫌外皮有啲燶同過硬，真係要用啲力先咬到🤣🤣定係我牙力唔夠haha呢個鹽包$9，呢個包有啲的骰😂😂九蚊黎講有啲唔抵😅口感鬆軟唔錯既，如果唔當佢係鹽包，我覺得係幾口味既牛油麵包🤣🤣🤣但如果係一個鹽味就好似一般啦，唔記得影低，包既中央係空心既😅我知道唔會有餡料，但比我見到中間吉左既，感覺空氣感好重🙈🙈好似好唔抵食😂老實講，呢間麵包店，中規中矩咁啦，未至於做到差到判佢死罪，我都仲有少少期望試下其他包😌希望下次再食的話，會令我覺得啲麵包好食之餘，仲會覺得物有所值喇😋

前幾日買左個包出麵布滿勁多黑白芝麻，諗住應該好重芝麻香同幾健康喎，點知難食到爆😣出面d芝麻得個硬字，又唔香，又冇味，入面個包乾到爆，比左一舊仔比小朋友食，都話好難食，因為冇包餡所以又係無味，自己查返d朱古力醬算好小小20蚊個都唔算平，真心搞唔掂，系我食過最難食嘅麵包。。食埋個朱古力甜可頌$10.5，朱古力味唔夠😭😭，諗住佢入面會包朱古力醬，點知係空心，味道一般，同埋真係好貴，得一個小拳頭咁細。

d麵包，出面平均賣16蚊，佢賣嘢廿幾三十蚊，梗係有自己優點啦，事實佢係真係有用真材實料嘅，但料唔夠多，味道唔係話勁好食嗰隻， 加上啲麵包冇遮冇掩感覺好唔衛生 應該唔會再買。

成日經過呢間舖頭， 店面細，有三個員工企喺度，客人都冇位企，完全唔想入去。見到網上有好多人讚呢間話係高質麵包，我身為吃貨一定要去試下啦！買咗個日式真菠蘿包，老實講真係好普通， 入面雖然係有菠蘿，但一啲都唔夾，啲菠蘿又酸又乾， 外層得個甜字，真係有樣睇但係唔好食，普通菠蘿包仲好食過佢，可以話唔值咁貴，人哋a1 bakery啲包 貴得黎係超好食，但呢度我唔話係特登踩佢，但真係冇驚喜可言。用料都唔系話好高質，唔會再買。

正常好吃，但不值一提。自己住得離新蒲崗較遠，今次跟朋友來黃大仙行山，順便買個麵包，看見網上的食評都讚不絕口，就想一試，但性價比較低， 招牌的抹茶吐司不夠抹茶味，作為抹茶控真的很失望，有層類似椰絲的物體在外面，自己不喜歡椰絲所以覺得不太討好傳統麵包店選擇更多，更新鮮。

見啲人讚到佢天上有地下無，特登走去新蒲崗買黎試下，食咗個甜可頌&鹽可頌&小山園抹茶粉做嘅吐司， 鹽可頌味道普通又凍又硬，吐司太甜， 抹茶味唔夠，買完食咗一啖，完全唔想繼續食佢。價錢比普通麵包店貴，但是味道真的很普通。最好食應該係佢個朱古力包， 細細個好似餐包咁大，7蚊個， 因為我個人好鍾意朱古力醬，麵包包住啲朱古力醬叮返熱嚟食係唔錯嘅，但未係好食到飛天嗰隻，其他真係唔使試，我寧願去返舊式麵包店，買菠蘿包豬仔包仲好食，又平，又有新鮮出爐熱辣辣嘅，仲有蛋撻。

之前朋友有買過呢間bakery既小山園抹茶甜心吐司比我食 已經對佢念念不忘 今次終於到我經過新蒲崗 可以去朝聖喇😍 未入到bakery已經聞到好香包味！買完個吐司就即刻食 係名正言順既外脆內軟呀😍 出面掃左陣糖 有d甜甜地 咬入去係軟綿綿既包😋 仲有好濃既抹茶味 有回甘!! 唔會比出面陣糖味掩蓋左陣甘味！但建議要即刻食呢 因為我買多左個 放左幾個鐘 d牛油就開始慢慢sum出來 令到個皮無咁脆><試左佢幾個包 feel到呢間bakery真係好有心 同好認真整包 唔係食空氣！支持本土手作！大家經過可以記住試下呀😋

來到新蒲崗就要順便來買出名的手作麵包，店面外觀不太明顯，很容易就走過忽略它了😹店裡小小的擠滿很多客人，架上擺放多款麵包，很多外面少見的款式，有台式及歐式創意麵包小山園抹茶甜心吐司 18一看到這款就認出它是招牌啦整個抹綠色很吸引人吐司原來是厚厚的一塊，差不多像三片普通吐司一樣，塗上小山園抹茶粉製成的抹茶醬，麵包本身也是綠色的，口感扎實而鬆軟，不會乾身😻由內而外都是貨真價實的抹茶味🍵甜度不高，有點茶的苦味後面的邊邊咬起來有嚼勁，偏硬！最外層撒上糖粒有驚喜為麵包點綴一點甜蜜！

同好多女仔一橡，我姪女好喜歡 unicorn，適逢佢生日，我就去一間我好鍾意嘅麵包舖 "嚐麥手作"，去要求師傅訂製一個好特別嘅 unicorn蛋糕。師傅做呢個 unicorn蛋糕，做到好靚， 除左色彩繽紛之外，嗰隻unicorn畫得好靚好可愛，個蛋糕其實就係鮮果忌廉蛋糕，因為自己感覺鮮果始於會係健康啲，水果主要係菠蘿、提子、香橙，啲水果好鮮甜一啲都唔酸，忌廉好柔軟好滑好香，蛋糕都濕潤唔會乾巴巴，食落口好舒服，味道好好， 全家都食得好開心。

個日行過，見到尼間，之前上網睇過介紹，又見有85折（我行個陣已經係8點幾），就入左去睇，買左兩個包， 一個蒜蓉包，一個松露野菌包，兩個合共$20.5個黑松露野菌包非常好味！好足料，又勁香，食落口感都好好！值得推介！

新蒲崗小店嚐麥手作已經收藏左係我嘅food list好耐，聽過好多人話佢嘅麵包好足料兼性價比高，連周柏豪都曾經係intagram推介過，所以一直都好想去會一會佢。咁啱呢個星期去開將軍澳嗰邊行山，就專程同女朋友坐小巴去新蒲崗，諗住買幾個麵包上山慢慢嘆！我地買左兩款長嘅包，當中裸麥無花果紅莓包已經係比較好，裡面嘅果乾都足料。可能因為期望太高，比我之前喺出面食嘅好味麵包真係相差一大截，只能說比連鎖東海堂同美心好食。但如果要山長水遠去買，同埋呢個價錢的話，我相信有其他更好嘅選擇！後尾再睇多次周柏豪社交網站，先發現原來創辦人係原帖留言，話因為理念不同，已經退股仲喺附近開咗另外一間麵包舖添！我呢個包控搵日真係要再去試一試先🤟🏻

想試哩度嘅出品好耐，但地點真係好唔方便😂特濃抹茶曲奇2.0採用丸久小山園抹茶粉，抹茶味果然特濃💚入口先有淡淡牛油味，之後抹茶味就湧出嚟，真係好好味😋而且好抵食，30幾蚊有7塊🙂唯一缺點就係唔算太鬆化，口感唔係咁好。

呢間既麵包真係好好食用料靚，不過都預左有一定貴既價錢但都無阻我買既心每次路經我一定買夠4-5個大包擺落雪櫃（其實佢教擺落冰箱最保鮮）之後焗返同即食同樣好食。佢無多加防腐劑所以必定要買左一、兩日後食。提提大家，佢通常6點後就會有折扣優惠，咁買都抵買呀！我最鍾意抹茶甜心吐司🍞佢既抹茶做得好香口，個人覺得又不太甜。再試左個香芋包，啖啖香芋香味，好味之選👍🏼仲試多左個伯爵茶蘋果乳酪包，個人覺得感覺麻麻，係有香既伯爵茶味，但個內涵我就不太喜歡。香芋包伯爵茶蘋果乳酪包