囍八方餃子麵館 (已結業)

今天我們光顧了這家位於街市附近的較子店，之前疫情期間試過他們的外賣煎餃，味道非常滿意，這次決定到店堂食，慢慢品嚐。進入店內，首先感受到的是整潔舒適的環境，與街市的喧囂形成鮮明對比。服務員的態度親切友善，讓人感到非常歡迎。我們選擇了靠邊坐的卡位，餐牌印刷精美，可以看出店主用心經營。這次我們點了兩款套餐：一款是貢丸、餃子、魚蛋、魚腐配准山麵；另一款是五福臨門，可以一次過品嚐多款口味。魚湯底濃郁鮮美。特別喜歡他們的西洋菜餃，菜肉比例很合適，口感豐富，味道很好。香芹餃夠香而不太濃、鮮蝦雲吞同樣美味可口。淮山面軟硬適中有咬口。餐桌上還放有一甖惹味的菜蒲，可以自行拌著一起享用，讓口味更加豐富。套餐還附帶涼拌小食及飲品（冷泡茶或豆漿），品質上乘，絕非應付之作。整體來說，這家較子店的價格合理，物有所值。總的來說，這家較子店絕對值得一試。無論是環境、服務還是美食，都讓人滿意。如果您正好身在附近，不妨來此享受一頓悠閒的午餐，感受這裡的美味與舒適。

大件兼抵食下午茶👍一碗水餃有八隻，加埋豆漿都唔使30蚊😊而且水餃大大隻另外雞翼撈淮山麵比較清淡，加埋辣菜脯就岩岩好😏樽仔奶茶的茶味非常濃郁，而且外型特別不過餐廳環境比較狹窄

$28 Openrice 外賣自取優惠！之前有promotion抵食啲，宜家變返正價唔太開心。坦白講，如果唔係因為有折扣，我哋未必會幫襯。整體來講，呢間嘅餃子都唔係話好特別、好好食。湯素餃$28- 素菜餡料比較重麻油味，食咗幾隻之後都有啲膩，而且感覺好多味精、調味，本身以為素餃會清新啲，但係結果相反。水餃皮比起韭菜同西洋菜餃子厚好多。骨膠鮮魚湯西洋菜鮮豬肉餃$28- 西洋菜味淡淡地，魚湯好重味精同偏鹹，餃子皮似雲吞皮嘅質地，薄身偏滑。骨膠鮮魚湯韮菜鮮豬肉餃$28- 韮菜味道突出，相比起西洋菜餃子我會鍾意韭菜味道多啲。呢度嘅餃子菜同肉嘅比例大概一半一半，豬肉好滑，應該都落咗唔少肥膏。

今日去開附近買野，順便買盒生餃子試下先，去到門口已經有好多人等緊位，今次我買了招牌西洋菜餃同鮮蝦菠菜餃，餃子皮好薄好滑， 餡料好爆滿，滿滿菜好新鮮，肉比例都適中，好香，值得一試，價錢平又好味， 非常低食。

去開深水埗買野所以周圍搵下食，搵左間食餃子既試一試。下就三點幾去到，都算坐無虛席，可能因為有下午茶關係吧。叫左個麻辣雞翼撈米線，呢個就一般。唔係好夠味，好流於表面。另外叫左一個五福臨門加米線（$10), 湯底係魚湯，不過真係清得滯。餃子就有五款，各兩隻。啲餃子都有驚喜既，皮夠滑又夠薄。鐘意西洋菜餃。常餐仲有送一碟小食，麻辣雲耳青瓜仲有粒滷水蛋。個菜甫要讚，好惹味！同餃子一齊食好match 👍不過如果無咁多油就會更加好。

食物還可以 性價比不高 近街市衛生和服務較差餃子中規中矩 麵食和餸菜則低於其他餐廳食過菠菜蝦餃子 韭菜餃子 同區內餃子店比就無得比 但小巷餐廳仔來講就可以接受價錢方面比較親民 可以四十蚊食碗麵店員疫情下都係行行企企 吾太殷勤應該不會再光顧

係深水埗食乜好？最後我哋去咗食囍八方，係某位愛餃foodie推介嘅🤗 囍八方嘅餃子款式唔算多，但都係真材實料，重點餃子皮薄滑！🎈五福臨門 $56The Pursuit of Happiness芹菜餃，西洋菜餃，韭菜餃，鮮蝦雲吞，鮮蝦菠菜餃送前菜：滷蛋、青瓜✨餃子內餡用材精選，蔬菜翠綠香甜，菜肉比例恰到好處；而且餃皮晶瑩薄透又滑🤩 鮮魚湯底鮮香，無味精。🎈兩餸麵 $34河粉、鮮蝦雲吞、鮮蝦菠菜餃、腩肉鮮魚湯✨湯河正常發揮，但加咗腩汁嘅魚湯底更香🉐

想食餃子既一個下午，深水埗同太子既餃子店真係好多！選擇左試呢間囍八方餃子麵館～西洋菜豬肉餃+豬軟骨淮山麵$34湯我揀左腩汁骨膠鮮魚湯！黎到既時候先試一啖湯！掂呀！個魚湯清清地又有點腩汁味！西洋菜餃，入面既餡料食落都幾新鮮，皮薄餡多！不錯不錯！豬軟骨，正正常常，滷得夠入味！淮山麵，口感正常，呢隻麵索左汁正！　要提一提既係佢既辣椒油，好惹味！整體評分：⭐️⭐️⭐️⭐️

又在深水埗覓食，係一條條大街小巷街邊檔中，有一間叫囍八方既麵店。基本上你係深水埗行街，或者上網搵資料都未必留意呢間，因為佢係基隆街舖位，俾街邊檔重重擋住。呢一間係食粉麵，有河粉米線，上海粗面，生面，上海幼面，淮山面同米粉，基本上大路既麵種都齊。當日我係下午茶時段，係有個套餐，主要都係廿幾三十蚊左右，算係深水埗平價之選。我叫左雲吞麵，２８元。有３粒雲吞，以為會有４粒。食落麵同雲吞都係正常水準，有蝦味，皮薄。麵既簡水味適中，唔會過硬。２８蚊，算係咁啦。

《餃子系列》米樂作為一個餃子控🥟緊係要試勻所有好食既餃子啦近日去左深水埗既嘉頓山睇日落 要行山先要衣飽個肚😁米樂就試左呢間係西九龍中心附近既餃子店佢都幾隱蔽 俾前排既小販攤檔位遮住左囍八方餃子麵館 除左 堂食 外賣 外 門口仲有生餃子賣😆食完唔夠喉 可以買返屋企自己煮 一打餃子一盒 同堂食差唔多價米樂今次揀左 骨膠鮮魚湯西洋菜豬肉餃 同 煎韭菜鮮肉餃骨膠鮮魚湯西洋菜豬肉餃 $36/10隻平時西洋菜用黎整湯就聽得多靚既西洋菜冬天先係當做 好少餃子店選用佢做餃子食材 食完一試愛上🤩皮薄多餡 而且菜同肉嘅比例岩岩好 西洋菜好爽口 鮮甜多汁加上個清清地既湯 骨膠鮮魚湯 唔會蓋過西洋菜本身鮮甜味😋飲得出個湯係真材實料 冇味精煎韭菜鮮肉餃 $32/6隻 煎得香口 餃子個餡韭菜幾好食餃子多餡 都係多菜少肉不過煎餃大細唔係隻隻一樣 無水餃包得咁靚仔囍八方冷泡茶$22米樂見到佢支冷泡茶幾特別用 電解還原水 整 睇介紹飲完有好多好處 就揀左試下支冷泡茶試完覺得冇咩特別 有啲失望🙈茶唔夠香 好細支 性價比低 總結餃子皮簿餡靚 性價比高 會再回頭#mailokeat #mailokeat深水埗

深水埗有好幾間餃子店都好出名，今次就試左呢間少啲人講既囍八方，價錢好抵食，三十幾蚊有成十粒餃子😯呢度餃子全部人手新鮮包製，配埋無味精既鮮魚湯，可以話係抵食又好食👍絕對係糧尾恩物🤩1️⃣骨膠鮮魚湯韭菜鮮豬肉餃（$34）湯底飲落清淡，冇腥味，清清甜甜咁，飲落好順口😋餃子唔算係好大隻，正常size，但係一碗足足有十隻咁多，夠曬飽。餃子皮好滑，入面既餡料都好新鮮，韭菜豬肉份量都算平均，幾好食。  2⃣️骨膠鮮魚湯西洋菜鮮豬肉餃（$36） 一樣有十隻，湯底都係一樣，真係幾清，飲曬成碗都唔會覺得鹹或者口渴😍西洋菜新鮮爽脆，同豬肉味道好夾！  

🌗常餐（肆）麻辣雞翼鮮蝦雲吞米線 $56常餐有主食以外，仲配送麻辣雲耳青瓜、滷水蛋及冷泡茶一支。味道正常，麻辣只有少少麻同少少辣，鮮蝦雲吞爽口彈牙，湯底好似真係冇味精，飲咗幾啖都唔涸喉。黎到一定要試吓每枱醬料架上小瓦缸內嘅辣菜脯（第一幅相嘅右上方），爽脆刺激，試咗之後佢成為左我係呢間舖頭嘅最愛，絕對係妹仔大過主人婆🤣。🌗囍八方煎韭菜豬肉餃（6隻） $32餡料都算夠味多汁，但外皮煎得唔夠香脆，比較硬身「銀」牙。

咁啱撞正下午茶時間入黎 好耐都無見過咁實惠既價格 係令人感動既下午茶價錢😹叫左魚湯韭菜餃 粒粒足餡飽滿 湯底偏清淡 不過旁邊有菜甫同醋 可以吊吊味😺另外叫左個麻辣雞翼撈淮山麵 亦都有跟湯 不過味道都係較淡 雞翼醃得唔夠 配上菜甫吃會較好味😉😉 再要左隻蛋 味道都係爭啲爭啲咁加錢要左樽仔奶茶 肥嘟嘟好可愛💕 糖度固定 不過奶同茶味配合得唔錯 唔會好搶味 而豆漿偏甜店家主打無添加 所以淡啲都係正常既 加上咁平既價錢 所以都好受老人家歡迎👏🏻

好嬲呀！諗住試下新野，係網上外賣平台叫左外賣4碗餃子，但點知全部中哂伏！個餃子皮係薄既，但係薄到爛果隻囉，完全唔掂！可能係因為外賣冇分湯俾我地，浸到啲餃子淋哂，但又黐埋一舊，一pat嘢咁。第一次食到咁差嘅餃子！皮還皮，餡還餡。芹菜豬肉餃又勁難食，啲芹菜一陣怪味，食左一啖就即刻吐番哂出來。唯獨係粟米鮮菇餃算係好少少，但係個價錢唔值呢個價。完全唔會再試！無下次！好失望！

我有個好鍾意食餃子🥟既老公, 出街食飯時不時都會提議話食, 仲會買定兩包急凍包裝既擺係屋企, 方便可以隨時食到。今晚晚飯竟然比佢搵到呢間全是好評既餃子店。餃子店店黎講囍八方裝修算唔錯, 卡位又多, 只是略嫌唔多乾淨衛生, 希望店員可以多D掃🧹下個地下。我地點左骨膠鮮魚湯松茸餃, 手撕雞腸粉, 煎西洋菜豬肉餃同凍豆漿。骨膠鮮魚湯松茸餃 - 不其然令我同同樣有松茸湯餃賣既餃掂手工餃子雲吞專門店作⚔️比較, 我個人認為囍八方餃子麵館好味好多。湯底鮮甜順滑, 松茸餃菇味香濃突出, 尤其佢地既餃子皮更是值得一讚, 平時如果食到餃子店的餃子皮太大塊一定扣分, 會覺得店家偷工減料, 餡少皮多, 覺得餃子皮只是配角。但囍八方的餃子皮就唔同, 做得又薄又滑, 好少食到咁大塊既餃子皮竟然唔係覺得嫌棄反而仲覺得好味。煎西洋菜豬肉餃 - 同樣皮薄, 餡料新鮮實在, 煎得香脆, 有時會食到一D餃子店既煎餃子只係輕輕咁煎下, 層皮係硬唔係脆, 囍八方餃子麵館絕對無呢個問題。手撕雞腸粉 - 腸粉滑溜軟熟, 好味, 只是醬汁份量太少, 尤其豉油。腸粉呢類本身無咩味道既食物, 醬汁擔當住好重要既角色。凍豆漿 - 麻麻,