囍慶藝廚酒家 (已結業)

由漢福時代食到囍慶, 因附近冇乜更好選擇, 所以飲茶,晚飯,生日飯好自然就係這裡攪掂.但飲早茶飲得多好鬼悶, 食來食去都冇乜新花款.話番轉頭, 最近去幫襯任食火鍋, 原來改咗限時2 個鐘, 講真食嘢最憎限時限刻, 雖然兩個鐘都夠時間, 但心理想唔多好. 食過兩個鐘重要每人比$20/ hr. 賣點是食火鍋送燒鵞.食物種類比之前少咗, 連蝦及生蠔都冇, 食物極之一般埋單每人$97, 唔抵

下午搭正兩點,頭未梳面未洗鬚未剃,踢住對拖,拿住份馬經,去街坊酒家霸位飲特價下午茶.你話似乜很野?雖然身在洋樓之下的酒家,下午茶時段,例牌也是長者,師奶,又或者好像我輩的麻甩佬.試問身光頸靚的白領,那有閒情於這個時段在茶樓出現?特價又未盡徹底,未做到大中小劃一價.特價點心最平三個幾,而小點就五個幾,中點十個幾.比黃金時段平少少.所有點心即叫即蒸.一個人兩條心不算多.於是要籠蝦餃拼粉果,每樣兩粒.平時單一計,蝦餃是頂點價.下午茶雙拼賣$10.8.算是賣大飽.不過蝦餃的澄皮太散,餡料的蝦肉不鮮,粉果就同街邊$5兩隻的沒有兩樣.炸雲吞剛炸起,一定香脆,內裏包著原隻蝦仁,可惜得個爽口感,沒有蝦應有的鮮味,.煎腐皮卷係香脆,但一口咬下就弄到一口油.懷舊點心之一豬肚燒賣,連豬肚也淋劈劈.味精下得極為重手,回到家中,輾轉反則難眠不安份.本來不大相信元神出竅,但看著店內大電視內,真情"入面的叉燒炳,轉個頭竟見到劉丹在等位.當堂嚇一跳,之後得淡笑.

食完貴記兩個鐘後,再嚟呢度食生日飯.因為輝媽生日提前食飯,一開始就切生日蛋糕,是輝姐準備的美心兩磅牛牛芒果蛋糕,每人食完兩件後先叫食物,因怕吃不下.叫了粟米魚肚羹,燒味拼盤,瑤柱腐皮豆苗,京都骨,脆肉瓜蝦球雞片,濃湯肥牛浸菠菜.粟米魚肚羹,極少粟米,冇味.燒味拼盤我只食舊义燒,凍既.瑤柱腐皮豆苗,瑤柱係爆幾條絲舖面咋,腐皮仲要乾爭爭的.京都骨乸到冇肉味之餘,亦冇酸甜味.脆肉瓜蝦球雞片,夾咗隻蝦食,淡而無味的雪蝦.濃湯肥牛浸菠菜我同輝食到苦苦地,但冇出聲.侍應生態度差,又整污漕我件衫.呢餐都要成$600,完全唔底之餘,今次仲冇糖水送.

同輝家八大兩小做冬,全名唔多記得,大約叫咗?烏雞湯,?鴕鳥肉,?肥牛,?扒豆腐,?豆苗,?牛仔骨,?蝦仁,燒味雙拼.Total七餸一湯.味道都一般,但原來食到最後碗糖水最正,有紅豆沙同南瓜西米露,兩款都好好食,埋單都係$700.

睇雜誌見12月新開張,諗住同輝媽三人嚟試,點知輝媽已經試過,但唔想再去富臨,我們照去攞位.點了棉花雞,义燒河,义燒包,蒸魚角,灼菜心,鳳爪,唔記得仲有乜,埋單成$100.原本唔止,因為佢話開茶凈菊花要加錢,我話冇人同我們講過,唔知道要加錢,跟住問部長,原來唔洗收,冇話要加錢.嘩!好彩問一問,否則比個cashier呃咗收多錢.