囍慶藝廚酒家 (已結業)

街坊早茶食一盅兩件，這𥚃選擇不少，蝦餃做得算好，餡料的蝦肉幾爽口，只是皮厚和油了一點，雞扎都不錯，雞肉嫩滑，魚肚入味，叉燒腸內的叉燒稍嫌乾了點，點心質素算及格在這類街坊酒樓飲早茶，搭枱是常識，但只要在適當時間、識揾位，不一定要和別人共用一張枱的

陪姑媽到土瓜灣探訪舊街坊逛逛這一帶，除了一些舊樓還在之外環境也 變遷 了不少。 之後在馬頭圍道海悦廣場的"囍慶藝廚酒家"一起晚飯，還記得這地段以前是一間 戲院來的，舊街坊表示這間酒樓開設多年了，深受街坊捧場。 這個商場比較舊式，上到二樓酒家佔地全層， 截然不同感覺，夠光猛寬敞~環境很錯啊！很多抵食套餐，活海鲜，老火湯……等供應。北菇紅燒豆腐 $ 68豆腐非常嫩滑，北菇厚肉爽滑， 醬汁 調校夠入味！海鮮孖寶 $ 228青蒸沙巴龍仔蒜茸粉絲蒸元貝 新鲜熱辣辣，魚肉夠嫩滑 ！蒜茸粉絲夠香口，元貝一份有四隻夠爽甜。燒腩仔、 $ 58侍應推介的！果然皮脆肉香！雜菜粉絲煲 $ 88汁底 略為清淡， 帶淡口！用完餐有生果甜品送！完美！

幾兄弟约喺土瓜灣晚飯、去咗有口碑、又抵食嘅囍慶集團 多年前食過印象唔錯! 酒楼仍在只係個名改變左啲.今晚來懷舊一下! 侍應熱情招呼内進、坐底感覺舒服、見每枱客都係啲街坊熟客氣氛幾好咁 !菜單上好多經濟小菜有不同配搭、紅、白酒都唔貴!好多海鲜美食推介、款款吸引 !仲有火鍋任食 !先來個杏汁燉白肺湯 (4一6位 )份量 128元杏仁味濃.湯料足又清甜 !海鲜孖寶 /每份 228元清蒸沙巴龍躉仔一條蒜茸粉絲蒸元貝4隻元貝鲜甜爽口 ! 夠新鲜 ! 沙巴躉烹調時間拿捏得剛好、鱼肉夠嫩滑! 燒鵝 (例牌 ) / 48元皮脆肉香、肉質唔霉、仲係成隻鹅脾!認真抵食 !佐酒一流 !冰凍啤酒 / 20元支一口啤酒、一口燒鵝.吃得痛快 !爽 !瑤柱海味什菜煲 / 88元味请淡、菜爽口.飲飽食醉後仲有生果糖水送 ! 唔錯嘅一餐晚飯、服務好、經濟又抵食 !

妹妹搬屋要我幫手, 專登放半天假幫佢車濕碎物品, 今天天氣特別熱, 車完之後又攰又肚餓，見到這間囍慶酒樓都不作考慮，入去涼下冷氣先。環境唔差呀， 裝修雖然舊咗少少， 但仍然金碧輝煌， 水晶燈璀璨。先叫個涼菜小食， 陳醋高山貓耳朵雪得夠凍，入口冰涼，加上陳醋酸味夠，貓耳朵爽口，更覺肚餓杏汁燉白肺湯 妹妹知我有幾聲咳， 見到這個湯即叫， 其實份量係四至六人，但想飲都唔理啦， 杏汁味濃烈， 湯呈奶白色， 飲咗幾口，喉嚨已經覺得好滋潤，又解渴湯渣豬肺又林又好食， 點豉油食一流兩個人可以叫一條68蚊清蒸沙巴仔簡直超值，魚夠新鮮，自己煮這個價錢都唔得貴妃蚌， 肉質新鮮彈牙瑤柱海味雜菜煲， 份量好多， 有蝦乾、金菇 、瑤柱絲等一大煲， 飯都唔使叫燒汁野菌安格斯牛柳粒， 牛柳粒和雞髀菇厚切， 非常有口感，啖啖肉，好滿足最後還有免費渣咋、 生果盆送 2個飽到不得了5餸一湯2個人食，簡直是瘋狂

今晚收工後約左同事去土瓜灣買野，買完野後同事話之前同屋企食過呢間酒樓，食物質素好得，所以我地今晚就決定食呢間餐牌有勁多種款野食，仲有一本大餐牌！而且價錢唔貴坐低無耐侍應就拎花生上來燒腩仔好正，層皮勁脆！而且一d都唔肥！食到停唔到口，推薦大家可以一試，好食我地叫左個老火湯，呢個係老黃瓜湯，每人都可以有3碗，飲得岀係無味精！好似屋企煲的一樣腐乳炒通菜，呢個就正常野，通菜食落去仲係好爽口我哋見海鮮孖寶好抵,所以都忍唔住叫咗來食。沙巴龍躉都唔算細條，而且食落去好滑好新鮮，食得出唔係冰鮮嘅龍躉粉絲蒸帶子每人有2隻，粉絲好好食因為索晒啲汁，而帶子雖然唔算好大，但係勝夠鮮，唔錯孜然葱爆牛肉，一上台時已晚有一陣陣孜然香味飄過來，好正！ 牛肉完全唔硬，仲係好軟身，大大塊到最後仲有紅豆沙同西瓜食紅豆沙好好食，煮到好濃味，好食過岀面糖水鋪煮嘅紅豆沙本來想叫1蚊雞食，可惜賣晒，下次再食

今日約左親戚晚餐，諗住就佢方便，所以揀左間係佢屋企附近既酒家！主要想舒舒服服坐低慢慢食聚下，對舊區既酒家都無咩寄望🙊，總之乾乾淨淨就可以，但估唔到質素又有驚喜喎以酒家黎講價錢好經濟了，之前去茶餐廳都差唔多咁既價錢燒味雙拼$118燒腩仔好掂，肥瘦適中，唔鞋口有肉汁，超脆皮叉燒就略瘦，蜜汁味可以加強。脆皮燒雞半隻+蒜蓉粉絲蒸元貝4隻$198脆皮雞不得了皮薄又脆、皮香肉滑啖啖肉，絕對要試！！平時唔食雞皮既我都忍唔住鳥龍蝦伊麵$108（優惠價）有幾款餸以優惠價推出，每枱可選一款，我地揀左龍蝦伊麵雖然係優惠價，但絕對無將貨就價，大大碟好足料！麵質唔錯夠爽彈，唔會好糊口既口感；龍蝦肉質新鮮結實！蒜蓉粉絲蒸元貝粉絲夠入味、充滿蒜香，非常惹味元貝大大粒鮮甜美味有紅豆沙同西瓜奉送雖然係送，但個紅豆沙一點都唔揸流癱，紅豆夠淋又夠多，好香陳皮味，唔會好甜

相信好多香港人都好鍾意飲茶 食個包飲啖茶 和朋友聊聊天 這樣便能消磨一大半天今日專程嚟到土瓜灣搵個好耐冇見嘅朋友 佢就盡地主之言 帶我去食好嘢呢間酒樓入面嘅裝修好新淨 又夠光猛 大部分嘅食客都係呢度嘅居民點心種類都非常多元化 點心嘅系列都改咗啲有意思 好意頭嘅名字 例如 腸腸久久 脆味人生有啲款式仲會圖文並茂 而且價錢仲好親民燒腩仔 一定要食外皮脆卜卜 好似食緊薯片咁 中間一層肉一層肥膏 梅花間竹 口感一流而且醃得入味 咸道適中鮮蝦菜苗餃 晶瑩通透 外皮煙韌 餡料非常豐富 鮮蝦肉配上菜苗 非常健康鮮味流沙奶皇包奶黃包要趁熱食 入面係流沙嘅效果 仲有粒鹹蛋黃 好耐未食過咁好食嘅奶黃包啦原隻鮮蝦餃 呢個又係冇得輸 原隻鮮蝦仁 餡料脹卜卜 真材實料北菇棉花雞 最鍾意食又厚又綿嘅棉花 咬落去啖啖都係雞汁 非常juicy雞肉完全冇骨 啖啖肉 非常滑炸魷魚鬚 用咗咖哩粉炸所以有啲黃色 咖哩同魷魚呢個組合非常夾 雖然有啲熱氣 但係味道一流食唔停口呢度係做街坊生意 大部分嘅食客都應該係住喺呢度附近 店員同食客關係打成一片 實在難得

囍慶酒家喺土瓜灣天悅廣場2樓全層 地方非常好找 環境闊落又寬敞今日約咗朋友嚟飲午茶 食個點心 飲杯茶 多麼寫意午市時段人流非常旺 但又未至於要排隊等位 若果是假日應該會座無虛席一坐低 職員就好快幫我哋開咗壺茶 手腳快真抵讚蟹子燒賣皇大大粒嘅燒賣 豬肉非常彈牙 肉味香而滑 在咀嚼嘅時候有粒粒蟹子在口中卜卜聲翡翠鮮蝦腸腸粉外皮通透晶瑩 肉眼已經見到入面有大大隻鮮蝦同碧綠色嘅翠玉瓜腸粉有彈性 蝦肉彈牙鮮甜鮑汁鳳爪炆得非常入味 用口細嚼鳳爪嘅皮同骨已經輕易分開 食完之後嘴唇會有黏的效果 骨膠原非常豐富煎釀虎皮尖椒釀魚肉煎得金黃香脆 尖椒唔辣嘅 整體感覺非常香口 食落唔油膩沙律蝦春捲呢個係必食嘅 春捲外皮又薄又脆 一咬開中間全部都係蝦沙律 我對沙律嘅香味完全無法抗拒 非常鍾情最後叫埋甜品蘆薈桂花糕作為完滿結束底層椰漿+蘆薈 上面係粒粒桂花糕啫喱入口微凍 好桂花味呢度同一般酒樓一樣 點心分為大 中 小 及特點早茶 午市 下午茶 平日及假日 都有不同收費最抵食當然會係下午茶時段 但整體價錢都不算貴 而且餐廳做緊好多優惠 午市自選套餐$98 任選以下兩款 真心覺得抵食 落街買餐餸都唔止呢個價錢啦]食

一向甚喜歡到土瓜灣覓食，雖然無地鐵，但因為呢個原因，價錢到比較平一點，今晚舊街坊帶我到呢間中式酒樓，估唔到咁有驚喜看一看餐牌，餸菜海鮮燒味當然樣樣齊，而且價錢相當抵招牌叉燒拼燒腩仔叉燒是這裡的招牌菜，肉質夠晒腍身，表皮有微焦而且有很濃蜜糖味道，好惹味，燒腩仔皮燒得香脆又夠薄，這間酒樓燒味部相當有水準孖寶套餐(薑蔥肉蟹煲)一上桌已經聞到濃濃鑊氣，煲仔燒得夠熱夠香，加埋大量薑蔥起鑊，即時食指大動，肉蟹算幾大隻，蟹蓋和蟹身都有很多膏，夠甘香，墊底的粉絲索晒肉蟹同薑蔥嘅精華，又夠乾身，廚師夠功力孖寶套餐(蒜蓉粉絲蒸貴妃蚌六隻)貴妃蚌夠新鮮，很鮮甜，肉質夠彈又唔靭而且廚房已清除了肉臟，食起上黎啖啖肉，夠晒享受上湯龍蝦伊麵原隻龍蝦很足料，肉質鮮甜又爽又彈牙，上湯味道夠濃，龍蝦肉都算幾大舊，伊麵份量又夠晒多，但咁好味都要清晒佢拍薑生炒芥蘭鑊氣好夠，芥蘭鮮嫰無渣，薑汁味亦夠晒，咁好味嘅炒菜，屋企真係炒唔到埋單還送西瓜和紅豆沙紅豆沙好綿好足料埋單每人三百大元，食到幾樣海鮮，燒味仲有生菓甜品送，真係抵食又好味，返去介紹比其他人

今日放假，下午同老公去土瓜灣探舅公，佢住在老人院，買左D日用品和食物給他，見佢老人家都好精神，傾左一陣，舅公要用餐，我們便告辭。路過一間囍慶酒樓，見到廣告牌有多款特價菜式，老公說不如入去食晚餐。知佢超鍾意去酒樓食野，無論飲茶和食飯，今晚就陪他試下囍慶！酒樓地方都好大，座位不會太迫，去到時已差不多座無虛席，尼幅圖片係我食完要走先影。超大電視！真有成幅牆甘大，應該係比結婚擺酒的新人播片的。特價菜式真係好底，不過我地去到雞和燒鵝都賣曬，後來選了龍蝦。去酒樓食飯，老公一定要叫啤酒。上湯加拿大龍蝦(伊麵底)：特價108元，今天是假日，所以多10元，即118元，成隻龍蝦和伊麵，都超值啦！伊麵份量都不少，不過龍蝦肉吾係好彈牙。上湯獻汁就夠味！鳳梨咕嚕肉：豬肉冇骨啖啖肉，外脆肉嫩有口感，外層的酸甜汁味道剛剛好，甜甜酸酸的感覺好醒胃。花膠鵝掌海參煲：呢樣真係有驚喜，鵝掌好大隻，海參係原條，好爽口彈牙，有4條。花膠都有不少，全煲材料都好入味，本人覺得只賣百多元，確實超值！滑蛋鮮蝦仁：蝦仁大隻又爽口，蛋亦炒得好嫩滑，加左D蔥花更添香味！北菰紅燒豆腐：冬菇爽口，豆腐超滑，蠔油獻汁亦調較得好惹味！最後酒樓送上飯

同男人一齊放假，拍下拖放下狗，輕輕鬆鬆又一日，到夜晚食飯，自然想搵間近近地既餐廳食，男人話之前同朋友食過一間酒樓唔錯，既然係咁，就起駕啦餐廳位於海悅廣場樓上，地點十分方便，反正土瓜灣友都一定會識。餐牌齊全，而且價格仲出乎意料咁抵食龍蝦伊麵108蚊咋，抵到爛，即叫諗住咁平都係食伊面就算，點知龍蝦黎到啖啖肉，伊面索哂d龍蝦汁，超級好味蒜蓉蒸貴花蛑肉厚新鮮多汁，仲超抵食安格斯牛柳粒牛肉味濃，一咬落去爆肉汁，超滿足燒腩仔皮鬆化脆口，肥瘦適中，怪唔得阿姐係咁推薦，好食食完飯仲送糖水同西瓜，抵食夾大件，超開心

屋村酒樓曾經是兒時的回憶，以前每個屋村都一定有間在附近，等於是屋企人的飯堂，自從屋村商場被領展後，真是買少見少，全部都變了連鎖集團，所以今晚同朋友去了土瓜灣附近的屋村酒樓食晚飯。酒樓有些海鮮孖寶，價錢化算，人少少就啱哂。富貴芥味明蝦球：蝦球略為走油，粉漿不多，蝦肉大隻，爽口彈牙，不過沙律醬就比較多，西蘭花翠綠爽脆。魚香茄子豆腐煲：石鍋保溫度高，所以上枱後放了一段時間都很熱，豆腐略炸，非常嫩滑，而且不會太咸。清蒸沙巴龍躉仔：套餐中的蒸魚，火喉控制剛好，剛好熟透，魚肉雪白嫩滑，而且完全唔腥。蒜蓉粉絲蒸元貝：元貝有蒜香味道，肉質不鞋，粉絲亦吸收了蒜蓉味道，鮮甜爽口。翡翠炒雙蚌：貴妃蚌及象拔蚌肉厚，而且炒爽口，翠玉瓜厚切，所以不似外面會熟得太腍。最後送左個西瓜，另外還有紅豆沙，不過太飽食唔落。

今晚去了土瓜灣的酒樓食晚飯，朋友行過見到有特價龍蝦，而且小菜便宜，所以去試一試。合掌瓜豬𦟌湯例湯細細煲，但有約4-5碗，一人可以分到兩碗多，合掌瓜清甜無味精，而且表面油份不多。上湯龍蝦伊麵抵食之選可以4揀1，我們選了龍蝦伊麵，真是原隻龍蝦，份量十足，而且肉質爽彈，伊麵爽口不會過腍。乳豬併脆皮燒腩仔乳豬皮脆帶有薄薄的一層油脂，乳豬皮鬆化，燒腩仔皮脆肉嫩，腩肉肥瘦適中。蝦干石鍋唐生菜見隔離枱香噴噴我都都返一個，原個石鍋熱辣辣送上枱，蝦干味濃郁，生菜吸收了蝦干香味，非常惹味香口。整體食物質素不錯，價錢跟大排擋差不多，但坐得舒服，而且招呼周到，值得一讚。

同朋友講起想食中菜，今晚就搵咗呢晚囍慶酒樓，餐廳位於土瓜灣的海悅廣場二樓，搭電梯上黎就見到了。餐牌有4款餸選1款的特價優惠，價錢相當吸引。杏汁燉肺湯，四至五人份量來的，一大煲奶白色的，清甜，進補之選，熱辣辣，好好飲。上湯波士龍蝦伊麵，龍蝦好大隻，切開一件件，蝦肉多，肉質鮮甜彈牙，蝦味濃郁，伊麵爽口，煮得入味。金銀蛋菜心，菜心比較大棵，新鮮爽口。清蒸龍躉斑仔，肉多，肉質嫩滑鮮甜。粉絲蒸貴妃蚌，粉絲份量多，蚌肉質鮮甜，咬落啖啖肉。仲有甜品 紅豆沙糖水同新鮮西瓜片送。

舊同學難得黎土瓜灣搵我飲茶, 咁我就搵間平時同同事飲開O既茶樓開定位, 等佢黎餐牌都好多野揀, 諗唔到揀乜之際...就決定嗌哂佢!!先黎一碟口水雞,四十幾蚊,唔算太貴我就覺得OK, 不過同學話唔夠辣, 另加左碟辣椒油煎饟茄子朋友想食雞扎MIX 鴨腳扎小籠包好飽滿好多汁炸兩一碟"熟成"牛肉腸一碟入面竟然係一粒粒O既牛肉...幾特別芝士蝦球伊麵哩盤伊麵一上台, 同學就不停話正..正...正一路食, 一路係到嗌正另外一碟菜同伊麵一個套餐, 九十八蚊, 大大碟其實伊麵+菜已經夠兩個人食淨係D 點心都夠兩個人食但係我地得兩個人都嗌咁多野仲要食得哂!!!!真係好癲隔離台見到我地咁嗌野法都呆左...