囍越 (V Walk)

營業中

休息中

朋友話想食越南嘢，抱住試試嘅態度，點知啲嘢又幾好食同有驚喜喎！湯頭夠濃，肉類比例算多咖喱軟殼蟹配蒜蓉包👇🏻咖喱夠香,辣度啱啱好！蒜蓉包好新鮮，上枱嘅時候仲暖笠笠，芒果沙冰好Juicy又解到辣，仲有淡淡香濃芒果味，飲得出係真材實料。小食拼盤👆🏻（香茅雞翼，春卷，厚切扎肉，燒牛肉蝦片）炸物夠香脆，唔油膩，加埋個醬汁一流！😋職員都有禮貌及主動，整體用餐體驗良好，會再去試其他菜式及推介俾朋友😀

堂食同外賣都光顧了好多次，堂食好似正常少少，但每次外賣既食物質素越來越差，都唔係講關於外賣會凍左少少淋左少少既問題，碗金邊粉碎到根本夾唔起好似飯咁，份春卷同相片不符，好細條又好硬，似係番炸

今日早上工作完畢後到就附近既V Walk搵食，呢個商場算幾企理同舒服，食店都唔少，選擇都好多，一行三人就揀左越式既 What the Pho，雖則話係越式，但有咖喱又有印度簿餅其實都係fusion野，對於我地食客黎講唔理佢正宗同Fusion，總知好味就得嫁喇。我地三人點左咖喱牛腩配印度簿餅$98、鮮蝦柚子沙律$98、小食拼盤(大)$174（包括牛油雞翼、雞軟骨、燒菠蘿、扎肉）、南乳豬手(忘記影相及價錢)，溏心蛋(忘記價錢)、三杯飲品（荔枝梳打、熱情果梳打、綠豆冰）。老實講，一般我對午餐無要求，旦求熱要熱、凍要凍，即係湯粉既湯要係熱既，唔係常溫呢種，唔好太難食，我都接受，始終食完之後係要「趕住」開工，我相信都係好多打工仔既心聲。又老實講，呢一餐係既開胃、又好味既一餐，咖喱牛腩好淋身，即整既印度簿餅軟得黎又脆脆地，鮮蝦大隻又脆柚子又多汁又甜，牛油雞翼、溏心蛋同扎肉味道正宗、雞軟骨同南乳豬手好有驚喜，燒菠蘿香甜！

今晚同舊同事聚舊，前幾日book定枱👍🏻果然去到準備咗張大枱比我哋☺️坐得好舒服👍🏻仲有職員服務態度超好，唔需要我地叫都自動幫我地我地添水。野食叫完都好快上菜😋味道都唔錯。差唔多食完，突然職員仲幫我地開濕紙巾之後比我地抺手。突然好似有初戀嘅感覺😂整體都好好😊成餐飯都食得好開心🥰環境仲好好添👍🏻值得大家去食下😋

超級好，有位員工見我冇叫飲品，自動遞上一杯水，見我紙巾掉咗落地，即遞上一張新，食完之後又遞上濕紙巾，仲要係幫我微微撕開了紙巾包裝口，當然佢隻手冇掂到張紙巾啦⋯⋯服務好到我同阿女都對望一眼！

新開張的店舖在V-Walk第一次去這店，坐位都舒適，我叫了個主菜冬陰公金邊粉， 越式凍檬粉， 一個小食“秋葵”。估不到 每樣都好美味 結帳還有一張coupon ，下次可以再來食其他款式再介紹給你們。

Vwalk入面好多美食，而且亦都係大路野，諗唔到食咩嘅情況下，揀左呢間越南餐廳食～嗌左個火車頭湯檬粉，鮮蝦米紙卷，豬頸肉沙律🥗～個湯底啦算好濃咪，但就好多調味料，有香菜，蔥，洋蔥，香茅等等，入面有牛腩，牛筋，牛丸，牛栢葉～食落去都算有牛味～肉質都偏冧，唔會好韌，啲檬粉亦都算滑～份量都尚算足夠～但大食嘅朋友就未必夠飽啦～米紙卷就普普通通啦，無話特別驚喜～至於個豬頸肉沙律就麻麻地，雖然啲菜係幾新鮮，但豬頸肉就嫌佢太韌啦！要用好大牙力先咬得落肚！最後甜品嗌左芒果糯米飯！個碟係凍嘅！芒果亦都係凍既！但啲飯就反而好熱！真係冰火二重奏！食落去同啲芒果🥭都好夾一凍一熱咁食落去好有層次感！So far, 啲野食就普通啦～無話好驚艷～只係個芒果糯米飯較為出色+特別

今次黎到v walk，其實餐廳都好五花八門，不過見到呢間越南餐廳，又想食番個河粉！呢度既lunch都唔算話好平，一個粉都7-80蚊，不過質量都還可以的～生熟牛肉河粉 $78見到啲牛肉真係有生有熟既，生既都唔會話血淋淋， 其實浸落啲湯度再熱一熱佢，都會變熟😂😂😂牛肉既份量都好多，係有好多層疊住既，都算抵食嫁！個河粉就不過不失啦， 唔會話太散，同埋份量都唔少，食晒一個都幾飽！讚一讚個湯底，係幾惹味既，牛牛既味道出晒黎！

途經這囍越，是諗住去試一試，點知海南雞飯加雞湯浸蘿蔔配菜飯，食物質數素真是令人失望，價錢仲98蚊，啲雞好似人家煲完老火湯瘦肉柴皮一樣，我心想這樣的價錢，怎可以比人食得入口嘅呢？有史以來出街食飯最失望的一次。另外叫了豬耳扎肉牛丸湯檬一碗，$78蚊竟然係份量如此少？如果加一後，收這樣的價錢，成八十幾蚊，我覺得真是不合理。所以我不會再幫襯。希望這間囍越請檢討一下這品質和價錢，消費者覺得價錢同埋食物質素不成正比，令到人好失望。

係呢頭做嘢，咁啱到食飯時間，就入咗嚟試下，可能都已經差唔多兩點，唔係好多人。每人叫咗個下午茶自己叫咗個火車頭金邊粉，入面有兩粒牛肉丸，兩條牛根，一塊好厚嘅牛腩，幾塊生牛肉。牛肉丸幾好食，多汁又有彈牙，牛根都夠軟又入味，牛腩就有啲韌，可能係有啲厚嘅原因掛，生牛肉就正正常常啦，個湯底都幾鮮甜嘅。一個同事就叫咗個咖喱雞飯，同事話都幾香幾好食，咖哩唔係話好辣嘅。仲有個同事就叫咗個生牛肉湯河粉。叫咗個椰青，椰青都好清甜，啲椰肉都好嫩滑，正！

雖然是以越式食物為主，但仍然有冬蔭公和咖哩飯供選擇。餐廳環境舒適、頗有氛圍；店員服務亦有禮，用餐愉快。冬蔭公海鮮金邊粉 ($82)• 可選擇河粉、金邊粉或檬粉。• 冬蔭公湯底酸辣度適中，香料味道亦算突出，十分惹味同時容易入口，吸收了各式海鮮的鮮味在湯底之中。• 海鮮和配料的份量頗多亦算豐富：大蝦、魷魚、蜆肉、番茄、冬菇、香菜等等，令口感和味道變得非常有層次。• 金邊粉口感滑溜，極容易把湯汁掛在上面；份量適中。

Beef pho soup base was pretty tasteless, not authentic. Didn’t expect to have such quality with LUBUDS group. Ordered a beef curry as well, the quality of beef is something you would get in a Cha Chan Tang 茶餐廳。Pretty disappointed in food quality, but presentation and service were great!

呢間餐廳我覺得坐得幾舒服，而且平日冇咩人，今日試咗午餐個香茅雞翼金邊粉。估唔到三隻大香茅雞翼，個樣仲好吸引，炸得香口，調味剛剛好非常好食，而且有好多喇啱啱炸起嘅乾蒜和蔥蓉，下次就算我嗌其他午餐，都會加香茅雞翼做小食。金邊粉嘅湯底就有啲清，原本以為會好似越南河嘅湯底，原來只係普通清湯有點失望。$66的lunch, 我覺得幾唔錯。呢間餐廳嘅環境雖然舒服，不過燈光就偏暗。同埋發現咗佢杯咖啡好好飲，冇諗過越南餐廳嘅咖啡都咁香。

前文就講到是日因為嚟個大西北遊，一張西鐵全日通走勻幾個點，中午晌荃灣嘅「ASAP」食晏，然後西鐵轉輕鐵入到良景，再上「港版大峽谷」嘅良田坳，最後，返到南昌站嘅「V Walk」食晚飯，就結束今日西鐵線大西北之行。點解嚟「V Walk」，一來張全日通包到去南昌站，二來「V Walk」真喺未嚟過，咪當行吓囉。因為行咗成日，老婆想食啲濕濕哋嘅嘢，所以，就揀咗食越南湯粉麵嘅「囍越」。 從門面望入去，都估計到間餐廳想走高檔少少嘅路線，一室柔和嘅燈光，天花、牆身都睇到花過心思，尤其其中一幅牆畫，所畫嘅雖然唔多似一啲地標性建築，但多少都有種越南風情。 枱面上已放有出名嘅「是拉差」甜辣椒醬及魚露，兩者都喺經常晌啲越南餐廳見到嘅調味料。 張點菜紙攤關好大張，都唔知影唔影得晒，影唔影得清楚。如果以分類嚟計，就有沙律、米紙卷、湯品、小食、蔬菜、咖喱、越式湯粉或飯類、甜品及飲品，選擇都唔少。我哋都簡單啲，一人一個湯粉加杯熱飲。 生熟牛肉牛丸湯檬 $78大大碗越式湯檬，可謂份量十足，啲生牛肉放晌湯面，仲見到其粉嫩嘅肉色，唔會暗暗啞啞，感覺都幾對辦。先飲啖牛骨湯湯，算幾香濃不膩；再試試啲牛肉，質感嫩滑，又有肉香，牛

跟親戚一起去食個Lunch, 環境舒適，重點是服務態度十分好！不小心弄掉了筷子，服務員立刻留意到，不用我說就已經拿一對新的給我替換。我想偷偷的趁早埋單請親戚吃飯，店員也很配合。最後打包食物走也沒有附加收費，很有禮貌！👍