四合院 (已結業)

先講下佢既乾鍋!佢係好多樣野自己俾你選炒埋一齊!份量絕對地多~好多人食一鍋已經勁飽!炒出黎好香, 辣味都濃! 不過可以俾人選大中小辣~我個人覺得如果選大辣都幾辣要注意!呢個係比較特色既食物, 我覺得一定要試!之後叫多個擔擔麵食, 擔擔麵,比較軟身相對其他中式餐廳黎講既話,辣汁比較紅但其實唔算太辣小小花生醬做湯底~份量正常炒牛肉,呢個表面睇落唔辣,其實食落都係幾辣所以要注意~ 牛肉份量我覺得算多!做送唔錯~牛肉軟身帶辣汁味.間野唔大, 但裝修幾特色 我影左d牆身既一定字同裝飾可以望下!

古語有云：「自古蘇杭出美女」，所以以前啲皇帝出巡都好鍾意去江南地區。但時移世易，近年嘅說法係：「四川美女多」，聽講係因為個度啲人鍾意食辣嘢，腸胃無咁容易吸收，所以四川人比較瘦……當A姐睇完呢段報導，佢第一件事就係話以後餐餐都要食辣嘢。我心諗，辣到孖潤腸都未變瘦啦！但係身為佢嘅bf，我一定會支持佢，今日就帶佢去呢間幾有特色嘅川菜小店 — 四合院Palace Restaurant & Bar，希望佢越食越瘦啦！店面面積唔大，大約只可以容納到30人左右，兩名店員笑容滿臉，雖然講普通話，但都略懂少許廣東話嘅。呢度菜式選擇唔多，主打就係十三香秘製乾鍋！十三香秘製乾鍋乾鍋分為原味、麻辣同埋孜然，聽店員講原味都有少少辣。但既然食得川菜，就一定要揀麻辣啦！可以選擇虎蝦、鮮蝦或6款唔同嘅配料起鑊。我哋最後揀咗十三香秘製麻辣虎蝦+西班牙黑毛豬腩片+枝竹+五香豆干乾鍋！好香嘅麻辣味呀！仲見到好多辣椒、花椒、椒籽、芝麻、麻椒、芫茜等香料，今次肯定辣到飛天喇！但食落口又無想像中咁辣喎，仲好香添！虎蝦總共有八隻，隻隻都手掌咁大，仲一早開咗肚除腸，細心之餘仲夠晒入味，而蝦身都夠晒爽口！正！另外加嘅西班牙黑毛豬腩片，

到了朋友介紹的傳統中菜店一試，食的是北京菜，店不大，但有室外坐位，若天氣好一點亦是個不錯的選擇。先看看餐牌，若點了十三乾鍋再點小菜是有折扣優惠的，反正一心想試這個十三乾鍋，感覺上更抵吃了。紅油土豆絲（$38）先叫了個開胃小食，雖然係紅油，但不辣的，倒是酸味十足，土豆絲爽口，夾了紅蘿蔔絲同芫荽，增加了口感又提升了香味，作為芫荽粉絲就梗係大愛啦土匪牛肉（$98）小菜之一的牛肉，食北京菜本想叫羊肉，但朋友唔食羊，咁轉叫牛肉，肉嫩滑入味，但略微太多汁，印象中的土匪口味都是較乾身同帶辣椒爆過的？但這味菜亦很好吃，很下飯。十三香鮮蝦乾鍋（$228），加鼠耳（$38），枝竹（$28），蓮藕（$28），土豆（$22）十分豐富的乾鍋！怕太辣而選了孜然口味，上枱時滿滿一盤好壯觀，香味遠遠已傳來了，內裏亦下了不少辣椒，但並不算太辣，間中食到辣椒核則另作別論。爆香過的食材全都很入味，個人覺得蓮藕片最正，爽脆帶麻辣，其餘的亦很不錯，太好味大家都爭住食呢。手撕包菜（$68）好像點了太多肉又叫番一道青菜，椰菜爽甜，但間中吃到少許未瀜的粗鹽略咸了點。辣子雞（$128）這一道上枱時不禁呆一呆，嘩，好多辣椒呀…但原來亦是

朋友報料大讚四合院辣得過癮，無辣不歡的我要慕名而來了！當晚約了幾位同樣愛辣的朋友，星期六晚上餐廳座無虛席！不要看它家庭式小店，店員又全是北方人，餐廳是接受預約的，當晚就目睹不少外國人（有些會說國語！）拿著手機顯示預約訊息，很先進的～（笑）以下是我推介的美食，全部是微辣程度（因為第一次來怕太辣…）結果微辣約是「十小」的程度，給大家參考一下。 小食紅油土豆絲，非常開胃的前菜！雖然說「紅油」，味道卻非紅油抄手，個人覺得反而有點像泰式酸辣鳳爪，酸酸辣辣的，份量亦多！ 辣子雞，上桌看到這片紅紅的辣椒海，腦內的我嚷著「很興奮」～看到這個陣容，會否怕太辣？結果亦是十小的程度，所以不用給它的賣相嚇怕。麻辣夠刺激，辣椒和芝麻加上花生，乾爆雞件！ 個人覺得雞件太碎，骨多過肉，每件的大小如圖。在辣椒海中尋找雞，有點少難；找到了，卻又全是碎骨。可能北方人喜歡這樣吃，和廣東人喜歡啖啖肉的雞有很大的差異。味道不錯的，不過下次再來四合院，我可能會加重注碼點下一道菜。 我說的就是這道招牌十三香乾鍋！必點！每枱食客都一定有這一鍋，而吃過一次就深深的愛上，為了它，我會再光顧四合院！ 可選麻辣／原味／孜然，辣度分

堅伏喎！今日晏晝咁啱係灣仔做嘢，想揾啲唔太貴嘅晏仔食下都好辛苦。見到 kfc 同譚仔排晒長龍，行下行下見到四合院，裝修幾得意喎，望下佢門口個 lunch set menu 價錢都幾合理咪入去囉。一嚟到個例湯勁鹹，主菜嗌咗個回鍋肉。個回鍋肉一啲都唔辣有啲失望，豬肉超梗，又韌又難咬，唔望仲以為自己食緊豬肉乾添。其餘啲椰菜呀，汁呀都夠撈飯嘅。啲白飯都俾得幾多下。以飽肚嘅角度嚟講都ok嘅，但以味道，食物質素嚟講真係好唔掂。

因為在灣仔上班，經常外岀午餐，不知不覺已變成小胖了。想了整個早上，決定吃京川菜吧。餐廳的裝修很有中國氣氛呢，但裡面有點擠迫。" 我願瘦成一道光，照亮所有的胖子。 " 嗯，説岀了我的心聲。午市套餐價錢合理，$58有飯或麵選擇，包例湯。例湯先到，但很鹹呢。。。味精味太重了，我吃了粟米，喝了幾口湯便停止了。我點了葱爆牛肉，份量相當大！本來以為京川菜會很辣，不知是否迎合香港人的口味，所以一點也不辣。有很多大葱，嘅爽口又入味。牛肉也煮得夠稔，沒有咬不開很韌的感覺，十分惹味。但我認為醬汁的味道太濃烈了，令到整碟葱爆牛肉也很鹹。還給了很多白飯，最後我也吃不完。賣相和味道也有點像茶餐廳的碟頭飯。

同事之中，有一半喜歡食辣一半怕辣, 所以食辣的只得小貓三隻，因不是大group去，我地約左兩個月先的起心肝去利東附近的食。 話就話四合院，名字有啲感覺中国風， 但門面一啲都唔係，都比想像中潮氣， 入到去冷氣十足之餘，仲有啲有時代感的裝飾。 揀得依間當然係想食麻辣干鍋， 朋友話一定要食蝦，唔加野，蝦干鍋都二百幾蚊了。 我地加左兩份寬粉，午餐肉， 金菇， 蓮藕， 腐竹等等。 碗干鍋用左好多香料，有不同大小既辣椒，八角，花椒，丁香，茴香，肉寇，桂皮，香葉等，真係夠曬味，每啖都充滿覆雜而香溢既味道。 食材都有好多，午餐肉都有近10片， 蓮藕片就食極都有，大大碗，其實3個人食依碗都夠飽。 飽還飽，都叫左酸菜魚，魚肉唔係平時啲勁平價冰櫃魚柳，厚而滑，又有啲薯粉，干煱的粉係寬的，這個係曲型幼身紅薯粉，加埋啲酸菜魚湯，完全無辣味，飲完好舒服。 這裏除了食到北方食品風味外，仲有食到他們的親切味道，員工們都幾friendly,雖然唔認識，但佢地都盡力用佢地識既廣東話同我地有傾有講有笑，讓我地開心輕鬆咁享受這一餐！

呢間四川菜係我係香港既頭五位好食，風味十足。酸菜燉白肉湯頭以酸菜燉成，微酸好開胃。加上白肉爽口，味道好驚喜。老北京炸醬麵炸醬味道真係好正宗，比較鹹香而唔似香港既炸醬係香甜。麵質有口感，唔會太軟身。四合院招牌蝦 呢個醬汁香甜中帶蒜爆香口，好惹味。蝦份量亦多，沾上醬汁無得頂。

一大班朋友食飯，食黎食去一係雞煲，一係就打邊爐，好無新意姐。今日就黎到灣仔，有啲新意思，試下食中國嘅北方菜。-我地叫左酸溜土豆絲、魚香茄子、糖醋裡脊、酸菜魚同埋一個無底乾鍋。-魚香茄子 - 醬油味好香，味道很濃厚，偏甜口，配白飯一齊食一流。-酸菜魚 - 酸菜味好香，辣度唔算好高，不過整體層次都幾豐富，味道濃郁。魚肉份量都幾多，魚肉肉質滑嫩，都幾鮮甜。-無底乾鍋 - 揀左十三香孜然，配料揀左有鵪鶉蛋、豬腩片、芝士腸、寬粉等等。-鍋底嘅香料味好重，孜然味道好香，整體都幾重口味同埋濃郁，配埋入面嘅寬粉黎食好夾，好惹味！值得推介。

今日因為小朋友學嘢去灣仔時間比較多，點知發覺原來灣仔真係有好多唔同嘅嘢食，因為近排食得多西餐，所以想搵啲特別好味嘅嘢食。 之前一路都想食辣野，經過一間叫做四合院嘅川菜，所以入咗去試試。呢間餐館座位雖然唔多，但係有各式各樣唔同嘅嘢食，連午餐都有好多選擇。因為我哋好想食啲比較特別嘅嘢於是問老闆娘，有咩好推薦，我哋揀咗虎蝦煱，味道有點麻辣嘅感覺，但係亦都唔會感覺到好油膩。啲蝦都非常大隻，新鮮。不過最好大多幾個人嚟食因為好大碟一個人一定食唔晒👍🏻👍🏻👍🏻😘😘

這個地方並不算顯眼，但每次經過都會見到有小小人龍，室內室外地方均有點北京風的(也許是看記錄片看得多吧)，從店外看進去，每一台總是有一隻大大的黑色碗，好像很神秘的。今次再一次行設，見到人龍並不算長，所以就試試排隊入去。 等了大概五分鐘吧，時間並不算長，店內擠滿了食客。事不宜遲，看看餐牌，沒有很精美的設計，食物款式也不算多。店員在旁一直跟我們推介著這邊的名物—乾鍋，我們就點個皇牌虎蝦鍋來試試，還可以在鍋中加入不同的配料，總會揀到合自己口味的食材。店員也跟我們推介無底鍋，就是可任意加入配料，配搭更有彈性。 酸菜魚 ($148) 酸菜魚看上去普通，第一口吃到的是酸酸的，辣味還沒有跑出來。喝一口湯，再吃一口魚，辣味開始慢慢滲出來。那種辣並不算麻，反而是透過蔥薑蒜而帶出來的刺激味道。酸菜湯入面的魚呢，份量夠多，魚肉多汁，且相當彈牙；酸菜魚當中的紅薯粉更是吸收了酸菜魚湯底的陣陣酸辣味道，食落很滑溜彈牙之餘，辣味更是在口腔之中充斥著，令人相當滿足的。 十三香麻辣虎蝦鍋 ($298)寬粉 ($28) 一碗很大碗的虎蝦鍋，賣相超棒，火紅的辣椒遍佈碗內，大大隻的虎蝦外殼都沾滿了辣椒，感覺虎蝦在泡

我同男朋友一向都鍾意食辣，自從番過大陸食過乾鍋之後，我地就愛上咗呢樣嘢！可惜香港唔係到到都有，而且未必正宗，朋友試過，話呢間味道都幾正宗，連侍應都係講普通話，好有feel!餐廳有分室外同室內，裝修玩中國風，以紅色為主色，好有祖國嘅味道！菜式多數以辣為主，款式都唔少，最特色嘅當然係佢地嘅乾鍋，超多人食！我地先叫咗一個手撕包菜，味道爽口清甜，食落微微帶辣，好開胃！之後係口水雞，同香港嘅口水雞好唔同。配料比較多，有蔥、蒜、芫茜、辣椒等，食落口感比平時豐富，除咗辣之外，仲帶咗一份青草味。另外餐廳用咗雞脾肉，所以肉質都幾嫩滑，作為前菜嚟講，唔錯。最後終於到重頭戲-十三香秘製乾鍋！我地㨂咗個無底鍋，再自己㨂6個菜，隨自己喜好，想㨂乜就㨂乜經過再三思量，我地揀咗肥牛、鵪鶉蛋、牛百葉、雞肝、土豆同寬粉。寛粉係咁多個配菜裏面最有驚喜口感似紅薯粉，不過比較粗身；而由於寛粉煮嘅時候，會吸收晒各個配料嘅精華，所以食落特別惹味！攞嚟送飯，真係一流。餐廳裏面，見到好多嚟食嘢嘅人，都係中國流學生，或者長居香港嘅中國人！佢地暫時唔能夠番老家，但又好掛住，最好嘅方法就係食一餐老家風味嘅菜，以解鄉愁

十三香秘製乾鍋($58+六餸)-乾鍋底司令揀左孜然味，最少要揀夠六餸，餸既價錢由十幾蚊到四十幾蚊不等，司令揀咗鵪鶉蛋、大腸、豬腩片、芝士腸、金菇、寬粉😋。-雖然只係得六樣餸，但係個乾鍋炒出黎大到都嚇親人，每樣餸既份量都好多，四個人都好夠食！由於揀左孜然味既關係，辣度就唔高，不過調料落得好足食落去超重口味😍，送飯一流啊真係，難怪係招牌菜！-至於其他菜式就麻麻地，土豆絲、茄子、酸菜魚食落都一般，口味偏淡，唔夠惹味！

今日同媽咪兩個人食飯，走左去食家鄉菜，鐘意川菜果種辣味，辣得香口不麻，灣仔有間專食川菜既餐廳，就岩哂我去試試啦四合院。簡簡單單既餐牌，叫左幾款菜式試下。酸菜燉白肉。酸菜酸香突出，酸香爽甜唔會太酸，白肉爽口彈牙，帶點油香不會太膩。出名的秘製乾鍋。大虎蝦入口爽嫩，蝦殻吸哂啲辣香又不失鮮甜味，辣味對我黎講岩岩好，味道好惹味。孜然羊肉。羊肉羶香味唔會太重，入口嫩滑唔乾身，洋蔥吸哂啲香料味，非常香口。最後叫多碗白飯。

English menu available. Palace Restaurant serves Sichuan style food. The setting is very cosy with only 4-5 tables indoor (and a few outdoor). I ordered takeaway and the food was ready in no time. The food was nice but the one comment I had was that the Ma Po Tofu tasted quite odd. It felt like the recipe is a bit unusual. All in all, a decent place to go to when you are craving Chinese spice while in the area.