四喜冰室 (已結業)

四喜冰室是在其士地面層，不算是在當旺街道地舖，可能第一次去的話需要點時間找。那天我們點了天天good morning早餐。注意早餐時間只在11:30前提供。這個餐是根據日子而定。例如那天是16號，就是丁D，根據表格，即是五香肉丁配辛辣麵。如果你們有心水想食的配搭，最好是mark定日子，準時來了。五香肉丁加上辛辣麵，出奇的配合！兩個混合，又產生了分外甜甜的韓國辣味。早餐來說挺不錯，份量足夠，最後聽說奶茶蠻好。

每到lunch Time同同事討論得最多就係去邊度食飯 而十次有八次大家都會話去四喜食😆都變咗係我哋嘅飯堂 我哋叫得最多次既都係常餐 而我自己就鍾意每日都唔同款嘅午餐 因為常餐常常有得食 午餐就真係會有新花款❤️佢今次出咗款我最鍾意食嘅芝士焗煙三文魚長通粉🥰份量好足 芝士焗完窿窿地好香口！同事見到 都忍唔住抽下佢水😂長通粉軟硬適中 本身以為焗飯會係最遲先有 結果係最快到！仲要加埋個茄汁底酸酸地唔會令人食得有種好膩嘅感覺👍🏻

去開九龍灣做嘢，到到都好多人排隊，呢間都唔例外，等左一陣，終於入到去餐牌睇一睇餐牌，以九龍灣嘅茶餐廳來講，價錢唔算特便宜，但選擇算幾多，中式西式連漢堡包都有，今日心血來潮，試吓個漢堡包餐吉列魚柳漢堡包$55份量一啲都唔細，去原條嘅魚柳，炸得夠脆口，魚肉仍算鮮嫩，個餐都算夠均衡，漢堡包資源配上沙律，連芝麻醬一齊食，健康感提升最特別嘅係，呢個餐仲送埋一個甜品，係紅豆蓉做餡料嘅果子，但真係好難食，超甜，難入口粟米湯呢個幾好飲，味道有少少似日式甜粟米湯熱檸蜜呢間茶餐廳，熱檸蜜係不用加錢，食完脆炸魚柳可以滋潤一下喉嚨

🌻煙三文魚沙律配焗薯🌻返工揾啖食系列呢間冰室早餐就黎食得多Lunch就好少喇因為好多人排隊🤯今日早左啲去同事同我一樣叫左煙三文魚沙律配焗薯煙三文魚正正常常無乜特别沙律菜都夠新鮮同爽口最特別係個焗薯 好甜😍早餐就真係成日都喺度食每朝都有唔同嘅morning餐已經set好係乜野嘅麵食組合可以令人煩少好多要諗食咩野好相比起早餐黎講午餐就少選擇好多見佢個menu都會作出少少微調嘅不過有得揀salad黎講 都好滿意架喇

之前都聽同事講間野差，食物中有點異物，不過附近又無乜邊冰室，又趕時間，所以都係去左呢間...落完單，落到一半，去左收錢，唔緊要，可能真係唔夠人手，或者佢真係好唔想做...之後都等埋佢收錢先下單，順口問一句幾耐倒有... 打算預時間去一去隔離百佳...點知得到一句「整好咪比你lor....」態度會唔會太差？！已經不是第一次，多次都無改善... 不會再有下次....不會再比機會野食唔係好食，價錢又貴，仲要受人氣...

肉眼牛扒套餐@四喜冰室 Happiness Ice Room 偶爾在家HOME OFFICE一天半天就是好以前食開宏冠道四喜8月“畢業”了但我好喜歡他的產品點好呢？就食分店啦喜歡他的校簿型MENU叫了個肉眼牛扒套餐配野菌蒜茸汁跟白飯仲有番茄濃湯同凍檸檬茶突然接到電話轉外賣走，帶回家食肉眼牛扒不硬，肉汁JUICY野菌蒜茸汁香口伴飯一流番茄濃湯濃郁，番茄又甜又肉多凍檸檬茶仲可以少甜難怪媽媽常常中午不煮飯走來四喜冰室食午餐不想行來，其實仲可以叫外賣下午茶又抵食我覺得一家人如果平日放假真的可以走來食午餐食好就逛逛3個大型MALL當減肥

行開九龍灣做野, 見到時間尚早, 就去搵個靚早餐黎食下先。見到個名「四喜」都幾有趣, 就入去試試吧。一坐低, 打開個餐牌, 第一眼都幾花多眼亂。並非指佢選擇多, 而係見到一個表。原來本身有幾款味道的出前一丁, 再加不同的送菜, 而每日就有互相不同的配搭set好左。咁樣都幾好, 方便一D唔想諗食乜的人, 而又可以日日都唔同款式。而且價錢相當抵食, 仲可以揀食排包, 好特別。而我最後亦選擇左是日配搭, 撞正係五香肉丁配豬骨濃湯一丁, 正呀~另外可以再選擇火腿炒蛋, 只係$30, 真係好抵食囉。可惜呢間餐廳唔係公司附近, 否則日日食都可以唔厭啦~

今日係星期五，周圍都好多人 。所以我哋去咗附近嘅冰室茶餐廳食飯 ，因為我哋一行人有五個人，所以就去咗啲比較易搵位嘅地方食飯，中午時間十二點半左右，等咗五分鐘就已經可以入座 ，不過因為已經好多人呀，所以我哋都坐得比較逼。諗咗一陣我哋已經落單，我叫咗一個蕃茄豆腐烏冬鍋，因為個名幾特別，而這個餐係包汽水，仲係免費嘅 ，所以我要咗支支裝嘅可樂，好快我個餐已經到咗啦，就咁嗅落真係好香，番茄嘅味道都好濃厚，烏冬食落好軟身爽口。另外朋友叫咗個吉烈豬扒連凱撒沙律嘅餐 ，睇上嚟都好似好吸引，今日嘅沙律餐 附有甜品，係紅豆糕。整體上今日嘅食物都好滿意，最重要係唔使等位，我哋食咗差唔多二十分鐘，出面已經，排曬大長龍，所以我哋好快就走了。

今日又要食早餐，又唔知食嘜好，最後選左四喜餐廳。本來已經趕時間，點左早餐-豬扒麵後，仲要等10分鐘先有，累我今日遲到，扣人工，下次趕時間都唔會去食。點解會咁遲先出到個餐麵呢？原因係佢剩係顧住出指定Morning 餐，其他餐就好少理，延後出餐。最唔順氣，就係遲過我嘅人都食完，我個餐先至嚟，扣分。但原歸正傳，我選四喜，係因為佢嘅食品水準有保証，就算個早餐，出前×丁都煮得爽口軟硬適中，好美味。豬扒就一般般啦！但係，餐飲可以叫汽水，呢個唔錯，可以多個選擇。但都係果句，返工趕時間人就要自己諗諗去唔去食啦！

澳牛係街知巷聞係快到你個頭落單，呢頭已經上餐，今次我試到一間冰室，速度唔會慢得過澳。根據呢頭上班族表示，佢地一般都會嚟呢間，快平正。又想食茶餐，又想食快餐，揀左一陣就揀到。係我地點完，執好餐牌後，剛剛先開始開話題，我個碟已經上左，我地仲以為係隔離枱，真係好快！先講友人個碟，黑椒汁，芝士煎蛋，厚厚嘅牛肉漢堡，友人表示好飽同好食。我都稍為試咗啖，汁都幾好味，意粉煮得幾淋。我個碟快如風嘅長通粉（我最後揀佢係因為好耐無食長通粉），熱嘅，焗得算可以，如果長通可以再淋小小更好，忌廉汁少咗啲。豬柳漢堡係同m記豬柳漢堡係一樣，質感，味道，厚簿，係一樣。忍唔到口叫咗杯凍奶茶，一次咁多啦！（觀塘可以多啲呢啲平小小嘅餐廳就好）

放假前後，搭巴士都好少人。意味著唔會塞車，兼會早到！早得制，唯有去食個早餐啦，咁早返公司都未有人！呢間冰室成日都經過，個入口位好格ZIP，門口睇唔出係餐廳架！剩係有道門，望到入面好多人。今次終於有時間坐低食個早餐！餐牌係學生時嘅手冊仔！好懷舊！叫左個"Morning 餐"麵包查左牛油，都幾香軟。煎蛋，蛋黃仍中流心狀態，幾Juicy！餐肉都煎得香脆，味道唔差。雞扒公仔麵雞扒好油，唔係好夠咸。湯底更加係清得制無麥味。可能個人比較重口味。奶茶幾香濃，慣常唔落糖，食佢嘅真味。茶味唔會澀，算是不錯。

吾知系厨師水平低还是冇心做。香檳汁龍利枊带子意大利天使幼麵，名稱何其漂亮。一上菜就知不妙，意粉面上不沾汁？一般是煮完汁，放食材，最后把意粉㧯上。唯一是鱼柳質感还不錯！最后只能抛弃它！

本來係舊店的常客，一個星期會去兩回，因為當時的價錢尚可接受，而且質素係ok 的。後來又有另一家係公司附近的冰室，所以轉投了另一家。到這家新店，食物不好，但定價不便宜，待應姐姐態度又差。一座下便呼喝你要點餐，到飯未食完，走過來搶碟。。。。十分十分討厭的行為。然後，這店得特色是：收你碟，看你未飲完杯嘢就明知故問，嘢食嚟齊喇，多謝。仲要有不同姐姐過來問幾次明白午市趕番枱，但這種趕客行為令我們一眾同事決定以後不會再去。這店下午茶外賣係 ok 的，落舖食真係好受氣

四喜冰室，公司附近有兩間分店，今日叫外賣，早餐好多選擇，我食火腿通粉配腸肉腸炒蛋牛油方包，好滑好香的蛋，好味又多，牛油方包幾軟身，豬肉腸唔咸也好香。火腿通粉，好味，火腿絲份量ok, 唔咸，通粉軟硬適中，個湯也是，不會太咸，正！！

今日我同同事去左呢一間茶餐廳食晏。因為要落site 所以有少少趕，我見到呢間茶餐廳就衝着去。我買咗個牛扒+腸意粉蒜蓉集菌汁。凍檸檬茶。味道唔錯。牛扒係牛腱扒，都幾大塊。想係一條熱狗長度嘅腸。其實食晏要求唔高。呢度有驚喜係因為佢多人但係唔好亂來。服務態度OK。最緊要係，發覺都好乾淨。以茶餐廳來講，真係非常好