四喜冰室 (已結業)

香港的地道茶餐廳實在十分吸引, 今天又掛住茶餐廳, 所以去九龍灣商業區這間好味的茶餐廳試一試！正值下午茶時間，見下午茶餐都有不少款式，輕食的有菠蘿包，、咖喱雞絲包、豬扒包、三文治等，傳統的茶餐廳小食例如大雞髀、雞翼、西多當然有，最特別的是竟然下午茶都有百搭扒餐，可以配搭雞扒、豬扒、豬柳漢堡扒、魚柳等等，十分豐富🥰我叫了迷你乾炒牛河，雖然有迷你這個字，但是原來絕不迷你，炒得非常有鑊氣，牛肉嫩滑大大片，完全有地道茶餐廳的感覺🎉星洲炒米也很好味，蝦大大隻而且加了芝麻、紅椒和芽菜，十分美味。兩個下午茶餐加在一起也不用$90， 正！

做完野行過九龍灣，見冇乜人食個下午茶(其實中午飯都未食）…………..常餐士多夠脆，叉燒半肥瘦剛剛好，唔會好似其他咁乾爭爭，環境又舒服不錯不錯下次早少少再試下其他

外賣青咖喱豬扒飯只有非常稀、如水一般的青咖喱汁，沒有咖哩味，只有死咸的味道～豬扒只有半塊，看著如此劣食，實在非常有意欲再下樓另買飯盒⋯原價$59，現特價$53，不算便宜的價錢，真的寧願去附近買3餸飯吃（還有$23可以買零食）😤😤😤下回真的水浸下大雨颱風也不會再光顧😤😤😤

見無咁熱就行過黎呢頭食lunch，有位可直入。叫左個常餐+$1 烘底，多士係唔差既但係個炒蛋就好一般，因為係凍既😅問我要咩湯式，揀左金寶忌廉湯，點知上到枱係普通到無得再普通既湯底😂，完全食唔到忌廉味，佢唔比我揀好過，拉高我expectation。食完都幾飽。

晏晝食飯 見冇人排隊 入去試吓 叫左個$56 卡邦尼火腿雞肉意粉 加$6 一個湯 一杯奶茶 講真唔好期望咁高 意粉好油 雞肉好孩 d芝士粉未溝暈 一patpat 碗紅湯得個酸字 杯奶茶沖到唔知乜咁 總結 價錢唔算平 食物質數低

一向間中黎食早餐，平時侍應態度，無論繁忙定唔繁忙時間都十分之差，只有一個新黎做既好少少既！10點黎食早餐，呢段時間無乜人，叫佢烘燶件多士少少同要熟蛋整份咁既野黎，整份燶到黑色既多士，咁叫燶少少？煎到燶既熟蛋，個老闆娘好好野當睇唔到咁照出俾客人食！同個四眼老闆娘講換仲黑口黑面，一向成間餐廳既員工都態度十分差，野食包括蛋、多士、腸仔同豬扒都係凍冰冰既，但佢豬扒真係好食先間中去，以後可以blacklist!!!

Lunch 唔想食飯。簡簡單單又一餐叫左個茶餐食。。叉燒公仔麵滑蛋出色。有蛋味叉燒普普通通味道唔錯。。環境乾淨👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻

係依區想搵間整得好食既中式、西式早餐🍴黎依間岩晒，除左早餐款式多，有麵餐🍜、扒餐西式早餐🍽、營養早餐等依間早餐杯凍檸茶沖得吾錯，茶底好早餐好食其次，杯茶好飲好飲都好緊要依間茶餐廳早餐足料夠份量、麵餐有包同蛋跟😋西式扒、魚柳早餐，仲有茄汁豆伴碟重點係即叫即整🍳食物吾會整定凍晒上碟而麵餐湯底勝過成條街隔離左右既餐廳，未黎過可以試下，試過就信無介紹錯餐廳服務員好有禮貌，而且落單好快由落單到食物上檯跟到足，而茶餐廳黎講吾錯由於吾想重複食物相片上傳到餐廳相簿，想睇我推薦既食物相，可以按相簿睇下

日式咖哩蛋包飯 ($53)有一杯餐飲(凍飲加兩蚊)賣相已經...話係日式蛋包飯 但係個蛋係全熟... 冇咩蛋香咖哩味道好普通,有少少肉碎同菜但勝在飯量多,啱哂啲大胃王可以填包肚總結呢碟日式咖哩蛋包飯 似係頹飯居多但係工廠區茶餐廳level確係唔應該要求咁多嘅recommendation rating (out of 5):

上星期食完個早餐覺得好抵食，都唔錯，今日再試，唉左一聲，叫左煎雞扒麵，煎蛋腸仔，個煎蛋凍嘅，條腸暖暖地，不過大家睇下條腸，唔知整左幾耐，重要鬼咁難咬（因為啲皮煮到已經有一層）。。。失望。師傅咁嘅態度真係唔掂！腸仔咁簡單都要煮定，唔知係唔係得一個師傅，所以餐牌啲野食都頗為簡單。

好鍾意黎工廠區搵嘢食呀❤️❤️成日覺得工廠區好神秘但係又一定會搵到好嘢食🤩🤩🤩今日嚟到九龍灣工廠大廈入面搵到呢間四喜冰室，雖然佢係工廠大廈入面但係裝修都好靚仔👍👍餐牌仲要勁多選擇😋😋淨係早餐已經有好多野揀，最後我揀咗西式扒餐，脆香雞扒配炒蛋腸仔牛油多士🤩🤩一上枱已經好吸睛，由於我嗌左兩份炒蛋，所以上碟既份量真係好多❤️❤️滿心歡喜🤟🏻🤟🏻急不及待即刻食一啖蛋，結果真係冇令我失望呀，滿滿嘅蛋香，好creamy😍😍感覺有啲似澳洲牛奶公司嘅炒蛋🤪雞扒煎得好香脆但係又唔會好鞋口👍👍條腸仔係有heart嘅，唔似得其他茶餐廳淨係得條烚腸，煎得啱啱好嘅腸仔配埋牛油多士💓💓成份早餐質素好高，重點係性價比相當高👍👍我會嚟試埋下午茶架😻😻

四喜冰室的早餐頗美味及價錢合理，這餐廳經開非常多人，中午時段更要等位！但是很奇怪他旁邊的另一間茶記，卻經常不太多人，不知道是什麼原因！這次我選擇了炸魚枊早餐，他的魚柳是即叫即炸的，上餐時還是熱辣辣的，比一般快餐店的好多了！而他的奶茶也很不錯，茶味挺香的，而我要求他少奶，奶的份量也恰到好處！而且店內的員工大部份也非常友善！除了一位蓄長髮帶黑色方形粗邊眼鏡的女士，我們問她要餐具時，她非常晦氣地掉到枱上！我明白不能要求茶記員工提供太好的服務，但也不是將餐具掉到客人的枱上吧！

公司附近都有好幾間茶餐廳，但其實我都唔係間間都試過。依一間四喜冰室，我都係黎過一兩次。可能係因為佢哋環境，Ｄ檯係非常之密，坐得唔係好舒服，簡直(再) 肥少少都好似出出入入都難。佢地嘅價錢都唔係好平，一個常餐要$47，見今日午餐選擇好似一般，都係照叫左個常餐。首先黎嘅係火腿炒滑蛋，仲有一篇好薄嘅排包。滑蛋唔錯，真係好滑，不過食落好似有少少溝左粉定係奶，火腿呢就比較HEA，好似只係烚左。麵就要左薑絲鮮牛肉麵，因為無論蕃茄湯定係忌廉湯配薑絲牛肉都好似怪怪的，所以加咗錢換左辛辣麵。唔知係咪可能太耐冇食過辛辣麵，覺得呢度嘅辛辣麵好似係特別辣好刺激。至於牛肉嘅份量就比較少，大概都係三四片，被梳打粉招呼得略為嚴重冇咩味。呢個價錢來講，就有啲貴，下次可能都係再一段時間先會諗再嚟喇。

最近我成日喺九龍灣出沒 lunch hour出街食飯嘅打工仔真係好多🤕 好彩呢頭都有好多餐廳選擇 今日嚟咗呢間位於其士商業中心地下嘅茶餐廳 lunch time都幾多人幫襯 一個人就比較易搵位 中西式嘅飯餐都有得揀 我叫咗煙肉奶油焗雞扒飯 本身都有啲擔心叫焗飯會製作需時😂 因為要趕住上翻office做野😿 不過原來我諗多咗 個飯大概五分鐘之後就嚟啦 焗飯熱辣辣咁上檯 見到面頭邪惡至極嘅芝士就真係流晒口水 雞扒唔會焗得太乾身 咬落口仲有肉汁既 飯亦都有炒底👍🏻 個芝士汁真係好濃郁 啱晒我呢個芝士怪 洋蔥同煙肉真係好夾 不過啲煙肉就有少少韌整體嚟講 呢個午餐嘅質素都可以講係高於一般 五十幾蚊包飲品都okay 九龍灣普遍食飯都較貴 搵到呢間平平地食個午餐嘅餐廳都幾驚喜 都係一個好選擇🐷

「四喜冰室」是九龍灣區比較有名的冰室，主要以性價比高及水準穩定見稱，味道當然不在話下，效率更是相當的高！由於地理位置方便,基本上由德福廣場下天橋後就會看到，往往都是人流旺盛。日前本人再來光顧早餐數次，每次大多是選擇Morning早餐，什麼叫Morning早餐？其實是此冰室每日指定的早餐，一個月有多少天就有多少個配搭 (詳細請見附圖餐牌)。此餐真的是很豐富，除了每日不同的麵款，還配搭方包或排包、 以及兩種配菜，如腸仔、 紅腸、 火腿、 餐肉、 煙肉、 炒蛋、 煎蛋等，配以熱飲 (可加$2配凍飲或支裝維他奶或鮮奶)，而且價格不高，相當實惠，相信是很多附近上班族的喜愛之選，保證能令你有一個滿足的Good Morning！