四喜冰室 (已結業)

要评一间餐馆品質，光試一次可能走眼。今次就特意連續光顧兩天。第一天忌廉汁雞肉拼蝦球天使麵：賣相可以，有忌廉㚫油香，如能加点香草碎就能做到色香兼備。味道稍為淡了点，後来加上芝士粉(要问才有），味道就出来了。雞肉OK, 蝦球大小適中，夠爽但就冇味！醬汁稍為稀了一点，吃不到意式風味。第二天自家吉列鱼柳配焗薯凱撤沙律盛沙律的碟是冰凍的，心想是不是特意的？一口咬落塊鱼柳，也不是很熱，才明白沙律是一碟碟做好再放回雪櫃，鱼柳也是炸好幾塊，order 一到就上碟。失望！鱼柳也炸得太硬，又沒有醬汁配。焗薯又细得可憐！

因是最後一天在九龍灣返天，於是試一試這超過四十多年的茶餐廳，早餐每天有一個早已陪好的選擇，今天是豬扒出前一丁麵，其實豬扒炸得夠入味，麵可接受，還有跟餐有午餐肉、抄蛋和排包，排包是特別的，不是普通茶餐廳有的，最後當然要試下D奶茶，但不夠香濃，剛剛合格。

這間茶餐廳在公司附近, 同事說牛肩扒好好味, 咁我就去試下, 12點唔多人, 好多位可以選擇, 牛肩扒都有兩款可以選擇, 一款是一塊牛肩扒跟一條香腸, 另一款係兩塊牛肩扒, 我們分別點了呢兩款. 我是跟意粉的, 份量都唔少的呀, 香腸係大條的, 好味呀, 個汁係蒜蓉汁, 好香, 有些配菜, 椰菜及甘笋, 牛肩扒都好有咬口, 唔會好硬, 又唔會過淋, 同埋都好香, 有牛味. 都幾大塊的, 食完呢個餐好飽.

同幾個同事食lunch，唔想食連鎖店，就行左黎四喜，5個人等位唔算耐。個日叫左雞扒酸辣湯米線酸辣湯好足料，入面豬紅條偏棗紅，感覺唔算煮得耐，冇老到^ω^荀條、豆腐條混合既口感唔錯，酸辣度好適合我呢個食開小辣既人。雞扒外煎得香脆較油，不過唔“鞋”，食落口都幾嫩滑，個人prefer酸辣湯同雞扒分開食，費時兩樣濃味既互相掩蓋。不過我揀既米線唔係咁match，配酸辣湯就太滑身，應該揀返D上海麵。檸檬茶正常發揮，較甜，唔鐘意咁甜既可以叫少甜。 

四喜冰室係九龍灣又開多一間分店, 我們12點到都好多人啦, 好彩還未等位, 我食常餐, 有牛油方包, 火腿炒蛋, 蕃茄濃湯牛肉麵, 同事食咖喱雞飯.火腿炒蛋仍然好味道呀, 炒蛋好香滑, 火腿好味, 加埋方包一齊食, 好正, 方包入面有些牛油的, 幾軟身呀.蕃茄濃湯好多蕃茄呀, 個湯真的係夠濃. 好好味, 好多蕃茄肉的, 牛肉都好多, 有些薑薑絲, 等D牛肉冇咁腥, 個麵都好爽口彈牙的, 好味.同事的咖喱係分開上的, 一碗咖喱, 好多汁呀, 個樣好OK喎, 佢都話好味的. 唔會太辣呀.四喜保持住水準呀.

九龍灣不乏有大型商場，另一邊廂卻是一個龐大的工業區，在工業區找吃，實在要花一點時間。雖然在下也不時在九龍灣工業區穿梭，但都會留意一下附近的大小食店，啱胃口的話就鑽進去。在銀行辦事完後，就到隔離的四喜冰室，之前到過也未曾發現，既然適逢用餐時間，就來一個方便，不必再花時間尋找其他食店。用餐時間實在多人排隊，幸好只有在下一人，便告知侍者，不一會就可入座。入座後，給人一種懷舊的感覺，天花的燈罩用上了鐵籠般的罩卓著，也有著白色的磚牆，另一邊卻有著一幅舊有的照片，內裡記錄了從前的街道。餐牌裡有懷舊茶餐，也有薯條沙律，都是遠古的食物；也有酒精類的飲品，但只限十八歲以上人士享用。，還有的是午市套餐呢！在下選了午餐，並加了三個大洋，可以有多一個餐湯呢！蕃茄湯是不折不扣的蕃茄湯，裡面毫無任何蔬菜，只有兩片蕃茄，喝起來當然是十足十的蕃茄酸味，不過亦有微微的甜度。牛肩扒司華力腸飯。用上了牛的不同位置，加上不是普通的腸仔，可謂花了心思。牛扒雖然是全熟，但卻又不見靭也不嚡口，味道已經不錯，也有嚼勁的感覺；腸仔嘛，只是微微的煎過，脆口不是太脆的，只是略脆，不過總好過無。凍奶茶。去得冰室或茶記，總會離不開一杯奶茶，無

四喜冰室舊店每日LUNCH 都已經好多人去等位, 8月底佢開左間新既分店係其士商業中心個邊~ 所以一定要去試下~  佢個到既裝潢唔錯~ 好懷舊的冰室FEEL~ 新鋪比舊鋪真係坐得舒服D呀!! 今之係第二次去試~ 上一次就試佢新店的蕃茄湯肥牛烏冬鍋~ 我覺得佢個湯底好好味~  有新鮮蕃茄! 如果佢只係用普通大湯碗感覺就差點~ 但係佢用鐵鍋上真係夠哂誠意~ 抵讚~今日同事就試佢既咖哩肥牛烏冬鍋~ 我試左個湯, 啲咖哩好香唔算辣~ 都可以一試~ 另一位同事就試左吉列豬扒蕃茄湯烏冬鍋,  我又試食左一舊~  佢個豬扒真係要讚~ 唔厚粉之餘仲好新鮮熱辣辣同脆!!  今日我自己就食左佢既茄汁粟米蛋包飯拼吉列蝦, 上一次食唔到所以今日叫嚟試下~ 佢個蛋包飯個蛋黎到時係有D滑蛋FEEL~ 有蛋汁送飯, 好味呀!!! 個吉列蝦都唔錯~ 不過我覺得佢唔夠蕃茄汁~  不過OVERALL 嚟講都唔錯呀!~!! 值得再去~