四季園

營業中

休息中

呢個位於觀塘嘅一人小店，完全係喜出望外！不過要有心理準備食物製作需要一點時間~不過相信我，等待係值得的❤️‍🔥肉燥雞腿肉飯 $60有滷肉同肉燥，個人唔太鍾意肥膏，所以就簡左肉燥，仲貪心拼埋雞腿肉🥰真係以爲係一碗平平無奇嘅肉燥飯，但一食就覺得驚爲天人~！！！！本身同朋友share一碗，即刻問點解我地唔一人一碗🤣雞腿肉一d都唔會柴，肉質係偏嫩滑👍🏼飯又粒粒分明，吸收曬醬汁精華，簡直係一道完美嘅搭配❤️‍🔥🥹唯一想要多d酸蘿蔔，同個飯好match🤩明太子蟹籽忌廉烏冬 $78烏冬口感 超！級！煙! 韌! 味道一切都剛剛好💯芝士肉鬆蛋餅 $38蛋餅皮係偏軟身但有口感的，而且超足料！一解對台灣嘅思念~無諗過嘢食好食之外，嘢飲都好好飲！而且有超多選擇🧋 同茶飲店menu一樣，咩都有！除咗主食，都有唔同小食😚叫咗迷你花枝條，夜市雞皮卷，香酥雞塊&酥炸海苔魷魚鬚🦑超級推薦鍾意/掛住台灣野嘅大家,一定要試下🥹記得只收現金~~✨💵

無意中搵到工廈入面嘅台灣小店由於小店係一人打理 ，所以進店時店家已說明食物需時，實際上大約15分鐘出齊食物，等候非常合理🙆🏻‍♀️-女店主亦很有禮貌，埋單時會詢問食物質素如何☺️**注意小店只收現金**總共叫咗2個主食，3個小食及1杯飲品埋單300元內，十分抵食！！！-超推薦食物1: 芝士肉鬆蛋餅 $38蛋餅份量正常，餅皮厚度適中，容易咬開肉鬆份量多，絕不吝嗇，令蛋餅外表飽滿醬汁味道足夠，不會太鹹，為蛋餅帶來點綴推薦食物2: 海苔雞肉飯原先想叫肉燥雞肉飯，但朋友落錯order🤣最後好有驚喜！無骨手撕雞肉肉質超滑份量超多，亦有醬汁配飯，口感不會太乾日本胡麻醬配蟹柳雞肉烏冬 (可轉冷食)配上日本蟹柳及手撕雞肉，烏冬口感有彈性🥰整個配搭都係絕配，不會失望我哋無轉冷食，烏冬暖暖地配搭胡麻醬都好味

四季園價錢💲: $58/ $60/ $36好味程度😋: 3.7/5服務🍴: 2.7/5環境🗾: 3.4/5性價比🥢: 4/5回頭率😚: 2/5-觀塘好多台灣菜的餐廳，今次呢間都係之前睇到人地介紹先去試試。一人經營的餐廳位於工廈樓上，見過有人話店主態度好，都有人話唔好。我今次的經驗就偏向後者。假日午市，都接近坐滿餐廳，一入去店主已經話要等15分鐘起碼先可以落單，因爲佢煮唔切。等左大約7-8分鐘後打算問店主落單因爲見全餐廳得返2個女仔的單未做起，睇下打算可唔可以。店主當時的回應係: 唔可以呀 我仲有單未做，就算幫你落單都無意思。(語氣都毫不客氣，感覺係貼錢買難受)。等到真係15分鐘就可以落單啦終於。之後食完要埋單都好怕叫店主lol，怕又被閙。明白一人經營真係好忙碌，之後埋單佢都有問食物質素點，話要我地等唔好意思的説話。如果大家想去食，特別平日lunch time，時間要預得好充裕。-✅起司肉燥飯。呢個好大碗。肉燥比得夠多，撈曬飯都夠😬肉燥偏甜口味，好台的感覺。甜鹹甜鹹的醬油煮成的肉燥好下飯。肉燥夠細，唔會變成肉塊。加溶化左的🧀️有啖啖奶香，估唔到幾夾，食食下幾乎可以食曬！-🆗海苔肉鬆雞腿肉飯

餐廳環境舒適，枱與枱之間有距離，餐枱大張，座位闊落，坐得舒服～ 設有水機，可以自由斟水。叫咗一個🍗🍚雞腿肉滷肉飯（少飯）$60，🌽🧀玉米起司肉鬆蛋餅$44，熱蜂蜜綠茶🍯🍵$23，朋友一樣點了雞腿滷肉飯，珍珠奶茶$25同凍蜂蜜綠茶$23。🍗🍚雞腿滷肉飯，雞腿十分嫩滑！滷肉飯醬汁甜甜地，有蒜香味，唔會太鹹和濃味，味道剛好，滷肉嘅皮好Q彈，滷肉有啲太肥，有啲肉同脂肪比例剛好，質地淋身，但不會稀爛。一碗飯，可以食到兩種配料，好滿足！🧀🌽🐖玉米起司肉鬆蛋餅好出色！外皮完全唔油膩，質地好彈，包住熱辣辣香濃嘅蛋，蛋味好濃郁，滲出咗嘅芝士🧀，咬落有香甜脹卜卜嘅粟米粒🌽，好有口感，層次豐富，加上脆口乾身嘅肉鬆🐖，超級好食！碟邊配有辣醬，喜歡食辣嘅朋友，可以點吓個醬汁，另有一番風味～蜂蜜綠茶，🍵綠茶味濃，🍯蜂蜜唔會過分甜，比例啱啱好，好飲！注意事項：餐廳設有最低消費，每人$49。另外，有落場時間，係3:00pm，要黎食嘅朋友注意，最遲2:15pm嚟到。由於餐廳係一人小店，製作需時，要耐心等候。同埋餐廳只收現金。

海苔雞腿肉飯 $56 （加蛋 +$6）好好味嘅台式菜，雞腿肉其實係等於雞翼嘅肉撕開，但係食完成碗都食唔出有筋位，硬位同骨，真正做到“淡淡肉”，呢樣好加分🥰體驗感非常好鳳梨冬瓜茶 $25 （跟餐 –$8）甜甜地，飲落清涼又唔係太過甜，好舒服，飲到最底有果肉，呢個算係驚喜吧😂😍呢間仲有好多唔同款嘅蛋餅同小食，歡迎大家去試💕

今日叫外賣發現左呢間位於觀塘嘅台式小店，見冇咩人評價，但意外地好食‼️🔸芝士肉鬆粟米蛋餅蛋餅系我最鍾意嘅台式小食，一份蛋餅有4小件，餅皮Q彈，香口，餡料滿滿，夾起來但唔會散掉，蛋吃起來很滑嫩帶有一點點芝士嘅鹹香，加埋滿滿嘅肉鬆，非常滿足🤤🔸明太子章魚燒呢個章魚燒外脆內軟，麵糊熱辣辣，口感濃厚，醬汁唔會太鹹，小可惜嘅系章魚份量有d少🔸開心果鮮奶特調呢個賣相勁靚，打卡一流，開心果醬加香甜鮮奶，開心果味濃郁，但牛奶略甜

好味的蛋餅，店舖新開張，下午茶可以坐得舒舒服服。😊😊食物種類也算多，有蛋餅和台式料理，價錢大眾化，飲品推介紅棗桂圓茶，唔會太甜。另外，環境乾淨衛生，老闆也很好人。

大家可有聽說過「老地方」這間食店？它最早是由一位台灣人在油麻地開始經營，店舖細細，賣的是傳統的台灣滷肉飯，味道可媲美早年結業的程班長，非常好吃。🇹🇼後來轉手給一位很想創業的年輕女子Sky👩‍🍳，她不但保留了出色的滷肉飯，還加入了台灣擔仔麵、迷你台灣腸、蛋餅、肉燥飯及非常吸晴的甜品「原個日本水蜜桃芭菲」，吸引了不少人客專程到來。🍧可惜因店舖太細，實在容納不下；有見及此，最近搬到觀塘工廠區，另覓新地方及改了個新名字「四季園」；環境不但大了很多，舒適度也增加了不少，就算一大班朋友攪聚會，也足夠有餘；但因店內只有老闆娘一人處理，如人多到來，等候的時間也會相應增加，大家可要留意啊！😅食物種類和舊店相差不遠，那當然要食返我最想吃的蛋汁滷肉飯及台灣腸啦！滷肉飯肥瘦均勻，同樣保持出色表現，蛋汁(濃邊太陽蛋)香脆又好味，滷水蛋也不錯。迷你台灣腸香脆帶油香，細細地一口一條剛剛好。可惜芭菲還未到時候出爐(大概7月)，如不是一定要再次嘗試；價錢優惠，水準出色，現在下筆時已想再去食了；下次到觀塘，必是首選之一！😋#古早味滷肉飯加蛋汁及滷蛋 $54+6#雞腿肉滷肉飯加蛋汁 $59+6#迷你台灣腸 (3條) $20