四季湯館

營業中

休息中

今日有啲野係荃灣做，知道大壩街有好多餐廳，所以諗住行下睇下有咩特別野食😜呢個餐廳係馬路邊轉入去先見到😆原來係出名飲湯食籠仔飯🥳我見到餐廳都有好多選擇，有藥膳養生湯水、客飯、泡飯同籠仔飯可以揀！感覺上好健康😛咁岩見到有籠仔飯好特別，所以就試下佢先🤩🍚1️⃣蟲草花雲耳蒸雞飯（$40）一上菜見到有原個籠仔裝住已經好有噱頭😍佢係菜飯底，下面有塊荷葉墊住啲飯😆而啲飯沾晒蟲草花、雲耳同雞汁既味道，令到成個飯好香濃！😍而雞件嫩滑，不過不失！至於面頭加埋啲芫茜就令到個飯更加昇華😍佢既份量都算多，不過啲飯實在太好味，都忍唔住食晒成個🤣如果朋友仔覺得唔夠味既話，仲可以問店員拎豉油加落去😍 最重要係個價錢好抵，性價比好高😆我見有好多食客都會加錢飲湯，等我下次又試下飲佢啲湯先😆

晚上收工舆友人在荃灣相約後，途經大壩街的四季湯館，見店舖門面雖小卻明亮，門外不時有人在等外賣和排隊入座，心想出品應該不錯，於是與朋友就等了一會兒入座。既然用湯做主打，當然要叫一個湯來試試。今日點了個淮圓燉日月魚湯，燒汁豬軟骨菜飯和蒜香龍躉蒸飯。杞子桂圓肉味道甜美、日月魚滋潤且夠濃郁，燉盅內的材料如瘦肉和雞脚一起來燉，使湯的味道層次更加豐富很多，果真做得不錯。龍躉蒸飯的飯粒用珍珠米，口感比較硬身有咬口，龍躉肉很新鮮和甜美，而且份量也不算少，加上用新鮮荷葉來蒸，讓飯和龍躉肉都沾上有淡淡的荷香味道，是俗的一個蒸飯。豬軟骨上檯時仍然很夠熱，且又炆得夠稔身和入味，肉質還算嫩沒有過老，燒汁味鮮夠濃，但個人口味覺得味道有點偏甜。今餐的食物品質不錯，價錢亦算合理，但始終舖位小食客多，有點速食的感覺，下次想起要喝一碗靚湯的話都會再來一試。

4-10-2022 (Tue)重陽節假期,同老公出去食完早餐同懲罰咗阿布泰後,熱到冇mood,我就返屋企先,老公就繼續喺街盪,盪到食晏時間添,之後佢喺呢喥睇到燉湯,於是想買,佢whatsapp我話有好多款,最後我揀咗三款夜晚飲:1. 五指毛桃燉鮑魚我記得2020年農曆新年,喺位元堂買過五指毛桃湯,覺得好甜好好飲,呢次見到,就揀呢隻,裡面有一隻鮑魚,重有雞腳同豬肉,飲落,嗯,係甜o架,但又唔係好甜,係清甜,唔錯.鮑魚仍有咬口,其他食材都好腍.味道:5分2. 蟲草花赤肉燉海參見到同樣有雞腳同豬肉,呢個俾爸爸飲,佢一個人食晒同飲晒,我冇試到.3. 杏汁金果燉白肺呢個老公飲,但我都飲啲,啖湯係正常有杏仁味,但唔似燉,似煲;白肺好滑,但我唔係咁鍾意咁嘅口感.味道:3.5分價錢:每款都係$68.00,外賣盒$1.00.2.7分

記得早排打風落咗波之後乜嘢舖頭都冇開但係又好肚餓見到四季湯館仲有開喎所以就即刻衝入去食啦蒜香開邊蝦蒸飯 $58蝦唔算太新鮮 不過勝在多蒜 又大份 好飽肚蟲草花茶樹菇素湯$68 （籠仔飯配燉湯減$10）雖然只係一個素湯但個湯好清甜 咸味夠好足料螺頭老雞燉花膠 $68（燉湯加$15 轉套餐 可選白飯菜飯配油菜）個湯好甜呀 大大舊既花膠都好足料加埋菜飯 油菜 頓時變得好健康食完餐飯個人暖粒粒都好舒服飲完啲湯又唔會口渴應該都冇落味精嘅小店環境正常 員工態度正常上菜都幾快

本身幫襯開呢間湯館大約一年多.今天繼續幫襯.叫了一個湯一個梅菜扣肉飯.但是梅菜扣肉裡面全是水.問佢換.佢話屬於正常.之前食都唔係咁.服務員逼住不給換.語氣超級差話.菜肯定有水……唉.好好

一心過黎回味黃金蕃薯，點知⋯哎呀冇得食😭我地點左兩個湯餐，有碟油菜，飯亦可以轉菜飯，兩個湯比較起黎，蟲草花赤肉燉海參較甜，雖然有椰子肉，但好硬食唔到，而羊肚菌健胃湯就較清，仲有隻雞腳可以食下，而湯裡面既肉都煲到有D 柴，食唔食都得，不過個湯壺好難𢳂D 湯渣出黎食，就連飲我都要倒落另一隻碗到先可以暢快飲，不過味道係唔錯既，自己喺屋企未必會煲依D 湯冇黃金蕃薯食唸住叫椒鹽茄子，味道失色左D，好采仲有7味粉頂住

明白而家疫情之下，生意難做但係真係想俾小小意見 希望有所改善今晚㴝到叫左個龍躉荷葉蒸飯$58呢個價錢 我明白不能要求太多但係食物夠熱真係最基本由其是佢係一個荷葉蒸飯 我正常期望佢係蒸到熱透 熱辣辣但係呢個荷蒸飯望落去有煙冒出（感覺以為熱辣）但係入口完全唔夠熱 仲要成個飯有D位熱D 有D位唔熱 我食住呢個半熱蒸飯既時候有擔心會唔會肚餓 好彩最後冇 希望改善一下，蒸飯夠熱真係好基本

生日竟然要自己一個過😥😥皆因正直爆緊第五波最嚴重嘅時候，身邊朋友大多中哂新冠😑😑所以咪自己同自己慶祝😑😑幸好揾到間正嘢!平民價食到超高質嘅食品，呢間店絕對有良心!❤️

龍蝦湯飯湯係好濃龍蝦湯味但又唔會鹹👏🏻👏🏻👏🏻真係好好食，入面有瓜同幾飯蝦，份量都多，而且蝦都多👍🏻👍🏻飯係菜飯，成餐好有營養 但依個龍蝦湯飯係限定推出的，但相信其他湯飯都應該唔錯附近餐廳都多人食，但依間比較唔起眼，但大家真係唔好忽略

成日放lunch都專登搭車去荃灣搵食因為太鍾意飲湯搵搵下係近荃灣廣場條食街就見到佢有次我地6人去食叫左6個小菜加5個燉湯！勁癲因為以為平時d燉湯細細盅點知佢係夠2個人飲隔離檯見到我地個陣容真係不得了😂😂佢個籠仔飯好食既不過如果你叫龍躉呀鱔個d就會少料d少菜類係細份少少但精緻同有質素既要大推佢個美人湯！勁好飲入面有舊大大件都厚身的花膠每次去都必叫！其他燉湯都好飲去親都清檯不過太多人食記得早d去！

連續幾日都食得比較heavy，今晚清清哋飲啖湯。A2 川貝百合海底椰燉鱷魚（$62）轉套餐（+$15）清甜、足料、好飲。湯水夠清冇乜油，湯料份量都多。套餐可選白飯/菜飯，及油菜。B3 杏汁金果燉白肺（$68）轉套餐（+$15）杏汁味濃，豬肺洗得乾淨，同樣不錯。手撕雞半隻（$68），要咗麻辣。味道不錯，麻味辣味適中，雞肉整得嫩滑（胸肉都唔太嚡），仲細心加咗青瓜絲同蟲草花。

✨✨養生四季湯館✨✨🐥藥膳花雕醉雞好香酒味，雞肉腍滑，雞皮爽口，一流👍🏻🐟豉油王小黃魚炸到金黃脆卜卜，入口即脆😆原條魚上，份量不少！🍲xo醬鮑魚素雞煲呢個真係有驚喜，就咁睇，係睇唔出素食！鮑魚像真度超高！😍口感都差唔多㗎！抵食！🐷豬頸肉籠仔飯份量真係好大好大！用籠仔蒸飯，飯味好香又唔會太腍！豬頸肉爽口入味，值得推介！呢間菜館，主打賣養生湯，好大碗，份量足，下次去會試下d湯😊😊🥰

2021年10月23日中午，上網見食評好好，同家人前往一試，叫左咸菜胡椒豬肚湯米線，等左十分鐘左右，終於有得食，點知……………咸菜無出味，又硬，豬肚有啲奇怪色，成個湯底淡而無味，好似滾水湯咁，好失望囉！隔離枱走左，店員收拾見有粒飯粒，用 指彈走就算數…

💫每日經過都成日比門外嘅menu 吸引住🤤終於都有一日可以試到啦😆😆😆12點幾到舖頭已經坐左大半間舖啦，舖頭唔大，大約有十張枱左右。望下隔離左右食d咩先🧐大家主要都係飲燉湯、籠仔蒸飯、客飯💰價錢由$48-$168不等。黎得四季湯館當然要試一試燉湯先啦🥣我叫左個螺頭老雞燉花膠🥣加$15有多碟菜心同一碗菜飯🍚燉湯好足料🥣有一大舊花膠、少量雞件雞腳、螺頭🤤味道一d都唔水🤩🤩🤩即叫即燉👍🏻等足差唔多20分鐘先上枱🌟開頭仲以為會唔夠飽🤣原來個湯起碼有一碗半嘅分量💪🏻食埋碟菜真係會飽到上心口🤪大大舊花膠🍽簡直應該要用刀叉切黎食🤤🤤🤤

美味推介 好食 彩虹珍珠米 飯香味濃 價錢合理 座位舒適 空間寬闊 分量較大 叉燒配蛋好滑 地方乾淨企理 服務員態度好有善 1+3口吃 人均70 蚊左右 誠意推介 位置比較格攝 內街行仔………………………………………………………………………………..