四寶食堂 (華凱大廈)

營業中

休息中

今晚同朋友去咗炮台山一間茶餐廳食晚飯，呢間餐廳有小菜供應，全部加 $28 就有燉湯同白飯，幾抵食。茶餐廳廚師手藝唔錯，價錢合理，環境雖然普通，但食物質素令人滿意。🏅山楂汁脆皮拔絲咕嚕肉係必試之選，外皮香脆，酸甜適中，仲帶少少拔絲效果，好有驚喜！🏅清蒸海班仔火候剛好，魚肉嫩滑，豉油調味恰到好處，完全唔會過鹹。🏅黑胡椒大蝦粉絲煲，大蝦夠結實，黑胡椒味濃郁，粉絲吸晒精華，入口超惹味。🏅欖菜肉鬆四季豆炒得乾身，四季豆爽口，欖菜同肉鬆提升咗整體味道層次，送飯一流。 🏅燉湯夠足料，味道醇厚，絕對對得住個價錢。

好耐無去北角食飯啦，所以今日朋友搵我食飯，又甘岩搵翻同一間餐廳，不過今次係分店lol真的甘岩得甘qiu拔絲咕嚕肉咕嚕肉够嫩滑，够唸，而且配上特製的拔絲汁，每一啖都都充滿肉香，令人滿足❤️燉湯足料燉湯確實係幾唔錯，本身二人套餐跟餐，值得比個Like👍🏻蔥油雞半隻雖然得半隻，但是如果兩人食的話基本上係多左少少，不過食落口又幾香口雪山紅豆冰雪山系列來說，算是挺不錯了，甜品紅豆够綿密，剛剛過了立春，這種天氣中格外清爽，十分解渴~好味指數：8/10 性價比指數：10/10

久不久行過這茶餐廳都見到有人排隊。今次行完北角棧道，特登過嚟試試這茶餐廳。今次好幸運冇人排隊，服務員話可以即刻入座，叫我哋坐卡位添（入到去都有唔少卡位）。剛好是下午茶時段，叫咗瑞士汁雞脾飯配熱奶茶，另一份叫板燒美式牛扒配沙律炒旦+熱鴛鴦。冬天來講樣樣食物都夠熱，牛扒不太韌，瑞士汁不太甜，杯熱飲算大杯（比起連鎖店茶餐廳d黑白淡奶杯大杯d），茶記來說中規中矩不過不失。見有客人叫大排檔豉油皇炒麵，叉燒滑蛋飯及三文治都好吸引及大大份。地方乾淨，服務OK。有機會再來時再試吓其他，看看排隊的奧秘！

去咗呢間砲台山嘅四寶食堂平日都就會好多人排隊今日就畀我入到去食睇下環境都幾乾淨服務態度都ok嘢食都ok抵食我嗌咗兩個下午茶餐:🐑花生醬西多士$38個西多士都幾好食,大大舊,邪惡之選🐑瑞士汁雞脾+菠蘿油$42.0瑞士汁雞髀都整得嫩滑, 見到個菠蘿油真係好開心, 個皮好脆, 仲夾咗勁大塊牛油

早幾星期過海去左炮台山探朋友，走嘅時候經過見到呢間茶餐廳，比佢嘅裝修吸引住，最後入咗去試。茶餐廳嘅裝修好吸睛，摩登又時尚，以Tiffany Blue色調為主，好似一間打卡Cafe咁！我哋order咗XO醬滑蛋蝦球飯，蔥油豬扒炒蛋+菠蘿油。嘢飲就揀咗凍咖啡同熱檸水。❣️XO醬滑蛋蝦球飯份量十足，雞蛋超嫩滑，而且加左蔥花特別香。🦐蝦球大大隻，爽口彈牙！❣️蔥油豬扒炒蛋+菠蘿油同樣份量十足！豬扒係厚切嘅，上面鋪滿蔥油，炒蛋嫩滑。菠蘿油新鮮熱辣辣，外皮香脆。夾埋塊牛油喺裏面等佢溶化，每啖都好邪惡，但好好味😋！凍咖啡味道正常，熱檸水嘅檸檬就好新鮮，唔會有苦澀味👍🏼。呢間裝修摩登嘅茶餐廳果然唔係得個樣，食物同樣有質素！

由於在附近工作已一段時間，在不知不覺間就想精測一下區內茶記質素，較早前試了長期有人龍的茶東東；又試了偶遇的忠義店，今日就試吓同樣是人龍級別嘅四寶。可能今日早，未見人龍，但客都是滿滿的，要搭枱。如果要搭枱，我認為茶東東安排較理想，因為有板隔開。由於測試性質，所以點了沙嗲牛肉麵，煎雙蛋，熱鴛鴦走奶。上菜需時，可能是客多，外賣多。先來雙蛋及墨西哥包。本人一般般墨西哥包，但對鋪頭能自己烘培麵包十分欣賞，雙蛋太油了。沙嗲牛肉麵，麵質剛好，沙嗲醬有花生碎，算合格，可惜湯底唔夠熱，所以扣分。齋鴛鴦帶苦澀味，不是我杯茶呢！

The cashier at 四寶食堂 Soul Restaurant (Hong Kong Style Restaurant) (Fortress Hill) is bad! Other waitress and food is fine, it meets the normal tea restaurant standard. But the main issue is the rude lady sitting at the cashier counter - she doesn't have any manners and can't even handle the basic duties of a cashier.Everyone knows the most important thing for a tea restaurant is speed. This useless team member is the downfall of this establishment!1. I arrived around 2:15pm, right after the lunch

新鮮出爐菠蘿包好好食(⁎⁍̴̛ᴗ⁍̴̛⁎)好幸運可以遇到剛出爐既時間同室溫相比，新鮮出爐熱辣辣好食100倍！（而且個菠蘿皮無咁易甩）脆皮內軟值得等到佢新鮮出爐先買！（＾ν＾）

午餐：原條龍脷柳配西炒飯，拎上檯係兩條細龍脷柳都係冷既，同著有領恤衫既哥仔講，佢話換食其他野，咁我想食炸龍脷就費事煩改其他野。西炒飯係暖既，味道OK，但龍脷柳就好唔得啦。之前見其他顧客係一條大龍脷，賣性好好多，熱唔熱就唔知啦。但以往呢間野既出品係新鮮整既，煎豬扒係好熱唔上，今次唔知點解失手，個伙記又唔太在意我的反映，咁就算啦。希望今次係個別事件，如果真係就咁差左，就非常可惜啦！咸牛肉炒蛋熱狗：味道OK，咸牛肉唔係好多，不過下面藏有腸仔，份量足夠，不過都唔係好熱。伴碟既粗身炸薯條就熱辣辣，非常好食。凍奶茶：少冰少甜，叫過好多次，少甜的凍飲同一般茶記的正常甜相若，大家要留意。就今次體驗，無可避免要差評唔好食都要清碟，唔浪費

每次提到港式餐廳不得不提「四寶食堂」，餐廳裝修以Tiffany blue作為裝修主調顏色，主色調用上湖水藍，色調柔和舒適，感覺清新舒服，座位都好寬闊，有唔少卡位，屬於新派茶餐廳。門口位還保留最大特色……麵包櫥窗，係半開放式做麵包外賣。因工作關係在這附近食早餐，看到評論不錯就來試試……招牌餐（香濃沙嗲牛肉麵+嫩滑炒蛋+每日精選餐包）四寶食堂嘅沙嗲牛麵真係一絕，出面好多嘅沙嗲牛麵通常都係落味精蓋過沙嗲味。但四寶唔同，佢嘅沙嗲牛麵未食已經聞到濃郁嘅沙嗲味。食物好快就上枱，牛肉有咬口唔會嗱到鬆晒，份量甚多，麵條煮得爽彈，沙嗲汁香濃有花生粒，將啲麵撈勻落去沙嗲汁度味道啱啱好，讓人忍不住大快朵頤，比起一般茶記質素高。煎雙蛋就正常，麵包係比較少見嘅墨西哥包，頂層嘅白霜奶味濃郁，甜甜地仲要係實心包，幾好食又特別，真係無得輸。我個人覺得呢個早餐真係好抵食，牛肉份量多，炒蛋仲可以轉做煎雙蛋。總結：環境十分乾淨整潔，侍應服務非常週到，性價比極高，咁嘅價錢有咁嘅份量仲要係高質素，難怪人氣鼎盛排長龍。

其實我食左幾次先打呢篇食評 一如既往咁穩定呢茶餐廳 我最鐘意食佢既 瑞士雞髀蔥油撈面 色水靚 面質剛剛好夠煙韌 唔會太腍 滑蛋都炒得好滑 佢沖既野飲都好穩定 唔會好水 雞髀肉質軟 唔會太硬 同個蔥油夾到飛起 西多士都勁正 夠厚 好食 紅豆冰都好穩陣 超多豆 椰汁同糖水比例啱啱好，唯一缺點就係好多時lunch時間都勁多人 要排隊等大概10至15分鐘先入到 不過入到去都好快上枱 超級推薦呢間餐廳 環境尚算OK乾淨企理 會推薦比朋友 自己都會多啲嚟食

嚟到咗這家食堂，率先點嘅係招牌奶茶，啖啖都係滑嘅口感，仲有一種熟悉嘅茶香，真係夾硬。不過講真，最掂嘅竟然係魚香茄子鹹魚雞粒煲，辣勁適中，鹹魚同雞肉夾杂嘅香味，呢谷就讓人回味無窮。同埋，佢嘅酥皮蛋撻，外酥內滑，吓吓脆口，一啖咬落去，滿嘴都係幸福感覺。豆腐就係出乎意料嘅好食，好多餐廳弄唔好嘅柔軟口感，佢居然做到外皮脆脆，入口即化，真心推介！至於呢個阿華田特飲，喺頂層加咗忌廉，令個飲品即刻提升到另一層次，濃郁香濃又唔膩口。有新穎嘅飲品選擇同埋小吃喎，雖然我遲咗點去，賣晒啲包，但下次一定要早啲去搶先試！正呀👍！總括嚟講，食味精彩，口感層次豐富，真係標準港式味過癮。 🍜🍰🍵

星期六早上到了炮台山四寶食堂（北角分店)吃早餐A，食物包括有火腿通粉，太陽蛋，芝麻包和熱奶茶，其食物質素良好，通粉軟硬度剛剛好，火腿亦多，圖中的火腿數量不多是因為我給了我老公，奶茶的奶味濃郁，芝麻包亦是新鮮製造，包的款式會變的，之前試過菠蘿包和蝴蝶酥，值得推介！

又到開心share茶餐廳系列😋四寶食堂炮台山分店幾受街坊歡迎，星期日午市要排隊，條龍好快清，等咗10分鐘左右就入得👍🏻 餐廳座位坐得舒服，唔會好逼🤫 最緊要嘢食好好味！！1️⃣ 喜哥蔥油豬扒太陽蛋飯🍳🍚（$65）Menu招牌菜之一完全被蔥油豬扒所驚艷🤣 豬扒大大份，大過隻手蔥油味好香，豬扒口感好嫩滑熟得嚟一啲都唔「柴」好啱送飯😋😋😋2️⃣ 黑蒜油叉燒滑蛋飯🍳🍳（$60）大份足料 超多叉燒飯量多 細食嘅話可以叫少飯滑蛋鬆軟好滑 叉燒肉質軟熟黑蒜味就好似唔太出🙊整體係好啱胃口嘅家常飯🍚———————————————————

一向唔敢喺茶記鋸扒，次次嗌5成都比8 9成我🫠食咗幾次四寶，覺得質素唔差，個個咕嚕肉食極唔厭，見到個新鮮菠蘿都覺得滿足🤣今次比次機會佢，食塊西冷，依然係5成，點知估佢唔到喎，今次真係5成，入面仲係粉紅色，厚得嚟肉身都好嫩🥩本身見到佢個餐又包又蛋，我已經知自己一個人唔會食得晒，咁岩見到個大家姐🤣（我估，因為得佢係粉紅色衫，而且次次都見到佢）忍唔住問可唔可以咩都唔要，淨係要扒同薯條，大家姐都超好人，估我一個女仔食唔晒，都轉比我。點知塊牛扒真係厚到爆炸，我最後都係食唔晒。因為我食薯條一條要食沙律醬，但一般茶餐廳都唔願比沙律醬我，又話要加錢，但呢度都好捨得，大家姐仲話唔夠出聲🫶🏻香港好小高質茶記，四寶係一個幾好嘅選擇，雖然定價比普通茶記高，不過質素同價錢成正比，由早價已經係大大份，仲有招呼有服務👍🏻