四面泰泰式火鍋

營業中

休息中

之前喺Airside分店食過午市，一直好想食埋晚市，星期四晚終於去咗沙田新城市幫襯啦🤩我哋叫咗節日歡樂二人聚餐 $688，可以揀單拼或雙拼鍋，當然揀雙拼好似抵啲😂 我哋揀咗椰奶雞湯鍋拼慢燉牛板腱清湯鍋，椰奶雞湯有濃郁嘅椰子香，配跟餐嘅泰式金邊粉，肉，蔬菜食都好正，掛晒湯咁🤤牛板腱清湯味道清甜有層次感，配唔同嘅肉類都好夾🥰依個餐最正係有個海鮮金盒，裡面有鯇魚片，鮑魚仔，帶子，墨魚膠，蝦， 蠔，珊瑚蚌，全部都好新鮮肥美。肉方面可以揀日本黑豚肉或美國嚴選牛板腱，我哋揀咗牛板腱，好有咬口，肉味濃郁😍套餐仲有小食泰式手打蝦餅，外脆內軟，好有蝦味。跟餐+$38有一杯飲品，我哋叫咗泰式芒芒碌碌，好colorful, 好清新又解渴，芒果味仲好濃，好似飲緊楊枝金露咁；爆珠馬蹄椰子水，好清新解膩。最正係依間火鍋係加湯唔係加水，唔會愈溝愈淡，茶水同埋手工醬料費15蚊一位，已經包咗任食嘅泰國蝦片，真係好抵，全部侍應服務都好nice，講解又詳盡，環境又舒服，餐廳仲好貼心有供應圍裙同埋usb位可以叉電，值得一讚😍評分：最高為5分治癒度：👩‍⚕️👩‍⚕️👩‍⚕️👩‍⚕️抵食度：💉💉💉💉翻兜指數：🩺🩺🩺🩺四面泰泰式火鍋沙田正

放工約了友人到沙田睇燈飾順便食飯，方便之下係返新城市廣場搵食，天氣凍凍地想食火鍋，但又想食泰菜飲冬陰功，上網見到有間泰式火鍋店，據簡介係上海過江龍，以自家熬制湯底出名的人氣火鍋店，見食物幾正又好奇之下即吸引左去一試究竟。餐廳面積頗大，以白色及木系為主調，暖色燈光感覺柔和，四周的綠色植物佈置，有著小清新之感，坐位闊落，感覺舒適。餐牌，食物都幾選擇，一場來到就試下招牌貨。醬料費，每位$15。有青檸汁、辣麻豉油及泰式甜辣醬，店員講解醬料配搭，都幾細心，建議海鮮蘸青檸、泰式甜辣醬蘸肉類或丸類效果更佳，而辣麻豉油就百搭。每台附上香脆的泰國蝦片。爆珠馬蹄椰子水，$42，賣相有著清新之感，爆珠內有馬蹄粒，口感幾特別，味道清甜。秘制冬陰功椰奶雙拼鍋，$178，雙拼一次過試晒，打邊爐之前先飲啖湯，味道各有千秋。秘制冬陰功鮮蝦，內有4隻蝦，味道香辣，酸酸辣辣有鮮味。椰奶雞湯鍋，內有雞肉、粟米及菇等，口感順滑，椰香味濃帶清甜味，飲多幾碗。美國雪花牛小排，$288，賣相像雪山一樣，滿足仙氣，牛小排油花豐富，肉質滑嫩，牛味濃香，美味，蘸辣麻豉油，味道香辣，不俗，而蘸泰式甜辣醬又有另一番泰式風味。手工竹笙蝦卷(5

前排同朋友食飯，我想打邊爐、而佢就想食泰國菜。佢話打邊爐嚟嚟去去都不外乎港式火鍋、台式火鍋、日式火鍋。我就無謂同佢講咁多，直接帶佢去試吓新嘢。新城市廣場就響沙田火車站隔離，上到7樓就會搵到呢間「四面泰泰式火鍋」。呢間餐廳主打泰式火鍋，湯底係每日精心炮製。我哋就叫咗個雙拼湯底，慢燉牛板腱清湯鍋 + 秘製冬蔭功鮮蝦湯。冬蔭功鍋個湯都幾夠味，而清湯鍋就好清甜。手工現炸腐皮卷非常脆口，潮汕豬肉卷彈牙好味道，午餐肉都好唔錯，泰國船面河粉滑溜得嚟又唔易斷。四面拼盤最適合大朋友嚟食，因為小朋友才做選擇，大朋友就可以用一個價錢試哂四款唔同嘅肉丸。要靚賣相嘅話就要試吓白鱔魚片，餐廳會用鱔片捲住啲翡翠苗，打卡一流美國雪花牛小排造型澎湃，肉味夠哂濃。朋友嫌只係得半個冬蔭功煲，「泰」唔夠，呢間餐廳最大特色係可以一路打泰式邊爐，一邊食泰國小食同埋飲品。我哋就叫咗一杯泰式芒芒碌碌、同埋炭烤豬頸肉、芒果糯米飯仲有沙嗲雞肉串。兩個燒烤火喉十足，非常惹味。而飲品芒果味突出，好有春夏氣息。仲有個超級精緻嘅芒果糯米飯，賣相可愛，味道更加令人驚喜。天文台話冷鋒又嚟緊，係時候又要再去吓。。。

當你端起這碗冬陰功湯底時，首先迎接你的便是濃郁的香氣。這款湯底以酸辣聞名，酸味來自新鮮的檸檬草和青檸汁，辣味則源自紅辣椒，融合在一起，讓人未喝先感受到一股濃烈的味覺衝擊。湯頭辛辣刺激，卻又回味無窮，每一口都讓你感受到泰國美食的魅力。接下來是椰子奶湯底，這種湯底以椰奶的香甜和濃郁取勝。椰奶的香氣在湯中四溢，每一口都充滿了南國的風味。這種湯底口感濃郁而柔滑，不僅中和了嚴選牛板腱的濃重肉味，還使得鮮蝦丸更加鮮甜。說到嚴選牛板腱，這可是湯中的精華。牛板腱經過長時間的燉煮，變得嫩滑多汁，每一口都充滿了濃郁的肉香。而鮮蝦丸則是另一種味覺享受，蝦丸的彈牙口感，配上鮮美的蝦肉，讓人每吃一口都能感受到海洋的鮮甜。再來，沙嗲牛肉串燒是這碗美食的額外驚喜。串燒的牛肉外表微焦，內裏卻柔嫩多汁，沙嗲醬的濃厚香味使每一口都充滿異國風情，與湯底的香味完美融合。而鮮活海蝦更是畫龍點睛之筆。一份四隻的鮮活海蝦，蝦殼帶著鮮亮的色澤，肉質緊實彈牙，每一口都能品味到大海的鮮美。最後，搭配上新鮮的泰國船面河粉，每一根河粉都吸滿了湯汁，入口時充滿了湯底的各種滋味。這樣的組合，不僅讓你感受到多層次的味覺享受，還有滿滿的飽足感。無論

上海、南京超人氣火鍋店四面泰已經進駐左香港了，而家係沙田新城市都有得食，超方便！它是大眾點評的上榜餐廳，當晚都有多人輪候，非常熱鬧。綠色作主調，令人感到放鬆及聯想到泰國的風情。節日歡樂二人聚餐套餐超豐富，份量足夠，款式多元化而且賣相精緻。二人到訪建議點選這個套餐，不用思考想吃什麼。秘製冬蔭功鮮蝦鍋+甜蜜💕生蠔🦪雞湯（可選鴛鴦鍋）兩款鍋底不只湯汁，本身都有配料，好足料。這兩個鍋底超配，一個酸酸辣辣，另一個清甜潤喉。海鮮真的很新鮮而且彈牙爽口。（打卡之選）海鮮金盒重頭戲來了！金盒奉上時有輕煙效果形造仙氣感覺，必定相機📷食先，非常有儀式感。盒中有多款海鮮，一定包你喜歡。當中也有生蠔及海蝦。另外鮑魚、青口都非常彈牙。美國牛板鍵有海鮮又點少得一份靚肉！牛板鍵很薄切，只需滾幾秒變色便可享用，肉質很嫩口！🔥經典小食炸蝦餅即叫即炸好香脆，趁熱食蝦膠肉好彈牙。必試特飲打邊爐🍲很口渴，最好就係有杯凍飲🥤慢慢嘆。菠蘿沙冰打成蓉甜甜地好味😋。

最近約咗個朋友去沙田食飯，佢話凍凍哋想食泰國菜，於是我就帶咗佢去主打泰式火鍋嘅四面泰試下🇹🇭我哋點咗秘製冬陰功+慢燉牛板腱雙拼鍋做湯底🍲佢哋嘅湯底超足料！開動之前都飲咗兩碗冬蔭功😂牛板腱湯入面仲有竹笙、菇同牛肉～係非常清甜嘅湯底！呢度嘅擺盤都好有心思～用乾冰件碟嘅美國雪花牛小排好夢幻，白鱔魚片就逐塊包住日本豆苗～一齊食彈牙又清爽！而呢啲湯底一定要點碟泰國船面河粉出面好少有得嗌😋吸收晒湯底嘅精華真係好好食另外推介嘅有四面手打丸拼盤～包括蝦丸、豬肉丸、墨丸、牛肉丸都真材實料好有口感👍🏻食泰菜唔少得食啲小食！我哋試咗炭烤豬頸肉🐷肉質超嫩配埋佢特製醬汁好好食，沙爹雞肉串燒得好香～佢嘅沙嗲汁好夠花生香味！正👍🏻甜品我哋點咗芒果糯米飯😋 擺盤靚味道都一流！仲有款芒芒碌碌🥭 芒果西米加埋柚子嘅特飲超fresh!朋友食完都大讚👍🏻👍🏻環境寬敞舒適仲有泰式風情嘅元素好chill，而且餐廳提供無限量泰式蝦片同多種醬料，服務又夠熱情🫶🏻隨時準備幫你解答問題或推薦菜式，每枱仲準備咗圍裙同充電線真係好貼心，令成個用餐體驗都好愉快❤️

首先講下個湯底，我叫咗個鴛鴦鍋，一邊係椰子雞湯另一邊係竹笙牛板腱湯，用嘅係真材實料，鮮甜香濃好好味，重點係可以無限加靚湯飲，啱曬平時冇時間煲湯嘅朋友。牛板腱好新鮮，口感非常好，我放落爐到烚咗好耐口感都非常嫩滑，真係好味。牛丸仲會爆汁，同埋好爽口。泰式蝦餅好好厚身炸到好鬆脆，又夠彈牙。基本佢哋嘅食材全部都好新鮮，最後飲埋個蝶豆花青檸梳打，好清新。呢間食物質素好新鮮，環境舒服乾淨，每樣醬汁湯底都會有人同你詳細講解，服務真係好好。

第一次食泰式火鍋，佢位於新城市廣場，但價錢合理，建議食飯時間都最好預約，今日午餐就咁叫一個100g 牛板腱椰奶雞湯火鍋， 佢會送上波菜、生菜、蛙蛙菜、菜心、冬菇、金菇、札肉同麵，個麵煮完好林，吸晒椰奶雞湯味，好好味。椰奶雞湯火鍋好重椰子味，食完唔會口渴，呢個餐仲會包野飲，除此之外仲有任食蝦餅，點都會食到好飽。我鐘意佢可以選擇一人邊爐，都可以大家一齊食 鴛鴦鍋，餐牌都有2人或4人餐可以揀，但午餐就會一人餐比較抵。

午市多人，去到要等數分鐘入座。各自點了午市一人火鍋套餐。選了美國特色肥牛／泰國金邊粉／海蝦／冬陰功鮮蝦湯底／可樂。要等好一會才上菜。等的過程，好的地方是蝦片吃完可免費添加。上菜後，火鍋下的火自動熄了幾次，最後需要員工換個新的。這個火鍋就普普通通通，可以接受的，只是沒有想像中的好吃。覺得這個火鍋配粉是比較好吃。整個過程感覺像是跟平日叫一碗粉，把料拆開放在鍋上保持溫度吃的樣子。$98加一服務，嘗試一次就夠了。

📍四面泰泰式火鍋🍲秘製冬陰功椰奶雙拼鍋椰奶雞湯非常有驚喜 椰香味濃帶點清甜 用黎淥菜/菇/豆腐類好夾 最尾烚埋個金邊粉亦好掛湯入味 呢個湯底可以話係令大部份配料都好味左一倍！冬蔭功湯微酸微辣惹味 入面仲有四隻彈牙既🦐好足料 但相對而言比較普通！🦐手工竹笙蝦卷爽口既竹笙包住彈牙既蝦滑 一見到呢個配搭就知好食啦~~~🐟白鱔魚片好新鮮好肥美好彈牙 但小心有骨🤡

最近去咗「四面泰」食泰式火鍋，真係一個好開心嘅經歷！我同朋友選咗佢哋嘅「節日歡樂二人聚餐」，價錢$688，套餐內容非常豐富，真係值返個價。首先，海鮮金盒裏面有好多新鮮嘅海鮮，包括四隻大海蝦、兩隻桶蠔、爽脆嘅鯇魚片同埋鮮美嘅珊瑚蚌，仲有兩隻鮑魚同手打墨魚丸，全部都係二人份量，足夠我哋食個痛快！海蝦鮮甜，咬落去肉質彈牙，桶蠔同樣新鮮，味道十足。至於湯底，我哋選咗秘製冬陰功鮮蝦鍋，湯底酸酸辣辣，配合海鮮真係無得輸，食落去非常開胃。仲有椰奶雞湯鍋，椰奶香味濃郁，味道好滑，搭配火鍋食材，令整個火鍋更加豐富。主食方面，金邊粉吸收咗湯底嘅精華，食落去特別入味。而泰式手打蝦餅外脆內軟，配上特製醬料，真係好好味，令人一口接一口，根本停唔落嚟。飲品方面，我哋選擇咗爆珠馬蹄椰子水，清新可口，正好平衡咗火鍋嘅辛辣感。如果再加埋一杯手作飲品，真係可以令整個用餐體驗更加完美。整體嚟講，「四面泰」嘅火鍋體驗好滿意，食材新鮮，湯底味道多變，服務人員態度友善。雖然需要收取服務費同醬料費，但絕對係值得嘅一餐！期待下次再嚟試更多美食！

最近去左位於沙田市中心的泰式火鍋餐廳「四面泰」，這是一間專注於提供地道泰國火鍋體驗的餐廳。這次我和朋友叫左「節日歡樂二人聚餐」，好抵呀～只係$688一個不錯的選擇，特別是對於喜歡海鮮的食客。套餐的內容十分豐富，海鮮金盒的分量剛好適合兩人分享。裡面有四隻新鮮的海蝦、兩隻桶蠔、四片爽脆的鯇魚片以及鮮美的珊瑚蚌，更有兩隻鮑魚和兩粒手打墨魚丸，最後還有兩粒帶子。每一樣海鮮的質素都非常高，尤其是海蝦，鮮甜的肉質讓人讚不絕口。湯底的選擇亦相當多樣化。我地揀左秘製冬陰功鮮蝦鍋，湯底酸辣開胃，帶有濃郁的香料味，讓整個火鍋的味道更加豐富。搭配著新鮮的海鮮，無疑是絕配。雙拼椰奶雞湯鍋，個湯底啲料都好多，有雞肉！香濃的椰奶味道令整個火鍋更加圓潤，特別適合喜歡濃郁口感的朋友。主食方面，金邊粉的份量剛好，吸收了湯底的精華後，味道更上一層樓。而泰式手打蝦餅，上菜嘅時候都熱辣辣，口感外脆內軟，搭配上特製醬料，唔錯～值得一提的是，餐廳提供的手作飲品選擇也很吸引。爆珠馬蹄椰子水，飲品清新可口，正好平衡了火鍋的辛辣感。另外一杯，泰式奶蓋手標波波奶茶，好友泰式風情味道，飲落好地道！而且可以少甜～「四面泰」食材新鮮，湯底選擇

🌶️🔥 港式火鍋同泰式火鍋有咩分別？港式火鍋，通常以清湯，食材點豉油為主，配上各式新鮮食材，重點在於食材本身的鮮味。而泰式火鍋則以濃郁的香料醬料和酸辣的湯底為特色，讓人一試成主顧！今次就要介紹一間新派泰式火鍋店——四面泰！🇹🇭🍤 四面泰提供任食的泰國蝦片，仲會refill所有茶水同醬料，真係好貼心！午市二人套餐只需二百幾蚊，性價比超高！我今次試咗午市一人火鍋，價錢只係98蚊起，真係好抵！我叫咗牛板腱套餐，仲有新鮮的蔬菜籃同泰式河粉，搭配冬蔭功湯底，味道酸辣開胃！🍲🥤 餐飲方面，我選擇咗碟豆花青檸梳打，清新又消暑！小食炸蝦餅同炸雞翼都好好味，卜卜脆，絕對係完美的開胃小食！😋快啲約埋朋友一齊嚟試下呢間新派泰式火鍋啦！✨

今次嚟到呢間以自家熬制湯底出名嘅人氣泰式火鍋，原來佢哋喺上海已經有七間分店，好出名！餐廳面積頗大，坐位闊落，坐得好舒服～四周圍仲有唔少綠色植物佈置，可以慢慢食住嘆～一坐低每枱都會附上香脆泰國蝦片同埋醬料。醬料分別有青檸汁、辣麻豉油及泰式甜辣醬。建議海鮮蘸青檸、泰式甜辣醬蘸肉類或丸類，而辣麻豉油就百搭～ᴡʜᴀᴛ ᴡᴇ ᴏʀᴅᴇʀᴇᴅ -推介大家叫✨午市優惠雙人套餐，非常豐富仲好抵食！✨鍋底－可以簡單拼同埋雙拼，今次我哋簡咗椰奶雞湯鍋同埋慢燉牛板腱清湯鍋自心大推椰奶雞湯！勁香濃椰子味～湯底有雞肉、粟米及菇等等。滾起之後建議飲湯先，香濃到飲咗幾碗！而清湯鍋就好夠清甜，湯底有唔少肉！✨清邁什錦田園－有娃娃菜、金菇、蕃茄、冬菇等等，好新鮮健康～✨肉類－泰廚嚴選肉品牛板腱，好大份，而且牛板腱好有肉味～肉質柔嫩，鮮美多汁✨海鮮－  鮮活鮑魚仔兩隻，肉質柔嫩細滑，好夠鮮甜～✨手打丸子－ 手打墨魚丸，彈牙口感，調味恰到好處，保留鮮味。✨主食－ 出前一丁，索滿湯汁勁滿足！仲見到有唔少人嚟呢到食一人鍋，真係無論一個人食，定係一大班人食都好合適～𓆝𓆟𓆜𓆞𓆝𓆟𓆜
🍴 四面泰沙田店📍 沙田沙田正街18-19號新城

港式火鍋 vs 泰式火鍋 🍲大家知道港式火鍋同泰式火鍋有咩分別嗎？港式火鍋多數係清湯或麻辣湯底，配搭各式海鮮肉類。而泰式火鍋就有濃郁嘅冬蔭功湯底，同埋配搭唔少充滿香料風味嘅食材。今日介紹俾大家呢間香港新派泰式火鍋店：四面泰！呢度泰國蝦片任食，茶水醬料一樣會refill，午市二人套餐只係二百幾蚊，真係好抵食。呢日我試咗佢哋嘅午市一人火鍋，只係98蚊起。我叫咗個豬肉一人套餐，有梅頭片。另外仲有蔬菜藍，裏面有冬菇、粟米、雜菜，配埋泰式河粉齊齊烚。🌶️ 湯底：我揀咗冬蔭功湯底，味道濃郁，充滿香茅同辣椒嘅香氣，真正泰式風味！🥤 餐飲：波波泰式奶茶，裏面嘅波波（珍珠）口感彈牙，而奶茶味道香濃。🍤 小食：- 炸蝦餅：彈牙爽口，蝦味濃郁。- 炸雞翼：外皮香脆，雞肉嫩滑。四面泰嘅環境舒適，服務周到，員工友善有禮，係一個放鬆同享受泰式火鍋嘅好地方。