回到味來 (已結業)

朋友知我係食肉獸，旺角咁多食店，又想試下新野，朋友帶我黎，今次想食雞煲，下次先試卜卜蜆，招牌悪魔雞煲好惹味，可惜朋友唔食辣，試黃燜雞煲黃燜雞煲鹹鹹地都幾好食，雞份量夠多，好好肉，食肉獸表示咁先過癮，食完可以自助加湯打邊爐打邊爐當少得牛，我揀左本地手切牛頸脊，肉味鮮，鮮嫩有牛脂香，肉質彈牙仲有串燒即食架，孜然粉調味夠風味，燒到外脆內脆，送下酒仲正自助攞丸類，蔬菜打邊爐珍珠奶茶奶味較重，珍珠彈牙抹茶珍珠奶茶有茶香，冬瓜爆谷茶清涼解渴，同台式飲品一樣味，鍾意就飲多幾杯啦

秋涼特別容易覺得肚餓，要食得精明，任食好方便，雞煲任食好適合我。每位入座前要選擇雞煲卜卜蜆，雞煲有辣有唔辣，雖然招牌悪魔雞煲好惹味，但怕辣到喉嚨痛，所以試黃燜雞煲黃燜雞煲雞件份量足，多肉又肉嫩，味道鹹香，啖啖肉好滋味，食住個身暖笠笠好舒服本地手切牛頸脊牛肉味鮮，開雙飛更易熟，熟後鮮嫩有牛脂香，彈牙細嫩串燒有不少選擇串燒加上孜然粉調味，好惹味，雞翼外脆有軟，魷魚🦑彈牙、午餐肉鹹香、雞皮香脆日本甜薯粉糯香甜、台灣腸香自助加湯底打邊爐，食得更自主蔬菜選擇不少丸類，肉類打邊爐必食抹茶珍珠奶茶抹茶有淡淡清香，珍珠彈牙，估不到飲品跟街外無分別冬瓜爆谷茶清涼解渴，清熱氣不錯打卡減$10喎

最平$98任飲任食雞煲卜卜蜆打邊爐串燒海鮮.呢間成日黎 大食朋友真心易回本之前都極為好評 今日再黎 都冇加價仲係咁平（餐牌可以睇圖先）平有平食 想食豪d都有海鮮餐.呢日一開始梗係點又貴又唔飽肚嘅卜卜蜆越煮越嘢味 食左幾煲都唔會飽 回本一流（但是日3煲蜆 有1煲好多沙 扣分）.之後叫左雞煲 同埋麻辣火鍋佢係直接換左個煲 加分雞煲一樣係好野味 可以半煲半煲咁叫 如果唔係好易飽麻辣火鍋望落好紅 但其實唔夠香唔夠麻辣但鐘意小辣嘅朋友應該會覺得唔錯.串燒 同燒海鮮ok台式飲品 應該只係用粉沖 唔掂（百香果綠茶唔錯）飲番韓式罐裝飲品比較好.#回到味來 (旺角)地址：旺角彌敦道594-596號旺角新城3樓.⭐️評分：味道：3.8/5 有沙扣左分環境：4/5 好多人 人氣好爆服務：4/5 好忙 但都ok抵食：4.5/5

當初回到味來開張時來過，最近在網上得知，雞煲、串燒、卜卜硯放題，任食兩小時，七點前或九點半後結帳$98，便來到了。飲品除了汽水，還有韓式飲品和啤酒。雞煲是任吃的，雞肉全部都是雞腿肉，所以嫩滑又美味，辣度可以選擇，少辣都已經很辣。可惜今天因為交通問題，所以沒有卜卜硯供應。清湯及蔬菜可以在自助區內自取，拿完就可以開始火鍋。串燒的味道不錯，帶著一點點孜然的味道。每兩個人會送一碟牛肉，牛肉雖然不是很肥，不過很有牛肉味道，只需淥一會，便可以進食。

前排有係網站見到有片介紹呢間餐廳，都有心思思，但奈何約唔到人呢。終於比我約到肯同我食三重放題嘅人。我地就揀咗卜卜蜆煲，幾惹味，偶爾幾個會有沙，可以接受，好快我地就清完一煲，不過都無續加到。我地轉個口味，開始打邊爐，打邊爐都算係咁，樣樣有齊，丸類，酸菜，肉類都有嘅，不過肉類選擇就無算多，丸類比較多。其實食到最後，我地已經太飽，所以串燒係無叫到嘅。最後飲咗一杯台式飲品就已經100%飽肚啦，真係食到捧住個肚走。我覺的咁多嘢食仲包台式飲品，價錢嚟講都算值嘅。適合一大班人聚會！

"回到未來"呢個名好特別，吸引咗我今日嚟試一試，見到門口餐牌$248任食，有海鮮... 串燒... 雞煲... 蜆煲... 而且仲3送一碟牛頸脊... 種類多到寫唔哂，見到價錢咁抵，當然要試試。揀咗白蜆煲，再食麻辣雞煲之後開始打邊爐，兩個煲既份量都好多，咁啱今日好肚餓，啱哂👍🏻如果本身食量少，應該食完兩個煲已經飽了，餐廳是半自助形式，有多款蔬菜... 山根... 響鈴...魷魚...烏冬出前一丁同辛辣麵...真係好多款式，呢個價錢真係好抵食，以後嚟旺角又可以多個選擇👍🏻

最近scroll 港生活IG睇到回到味來慶祝開業2周年，見到d相都幾正正子所以決定同朋友試下。其實我係比佢既卜卜蜆煲吸引左😆平時雞煲多選擇，蜆煲又真係少聼d，呢度算係放題形式，揀完想食既煲，之後可以再點打邊爐配料、串燒。同埋超多款台式飲品，樽裝/罐裝/水吧整既都有，放題黎講算係好多款，我二話不説揀左最愛既百香果綠茶，朋友就飲蘋果醋。卜卜蜆煲一邊滾起一邊卜卜聲好得意😆問左餐廳原來佢地係用左沙白蜆😍，粒粒飽滿多肉又無沙，我平時煮沙蜆蒸水蛋亦係買沙白蜆，貪佢夠平、夠鮮味又少沙、容易處理，除左買花甲又多個選擇。值得一讚呢個蜆煲d蜆又真係幾乾淨，加埋惹味秘製醬料唔洗10分鐘就清曬d蜆🤤唔夠喉可以再免費加蜆，不過我要留肚打邊爐haha首先黎左一碟牛頸脊，牛味香濃，肉質亦夠嫩滑軟熟，個人覺得中意食牛既朋友可以encore。另外有唔少火鍋配料like 芝心丸、豬肉丸、肥牛、蟹棒、魚蛋、水魷、魚皮餃等等。海鮮串燒包括海螺、生蠔、扇貝、帆立貝、青口，我地叫左一款燒香菇都好好味，撒滿孜然粉少辣又惹味。

回到味來好似Kinder奇趣蛋咁，一次過滿足你三個願望。有雞煲，有串燒，仲有得打邊爐，重點所以野都係任食❗❗❗係呀，你無睇錯，係任食，連雞煲都係任食。可能我食得野少，孤陋寡聞，我真係第一次見到有任食雞煲，通常都係食完一隻雞，加湯先再打邊爐，所以呢度都好驚喜店舖比較細，不過樓上舖其實都算係咁架啦。我地3個人去，叫咗個$188餐。加多$60可以叫海鮮串燒，不過我地個重點係想食雞煲，所以無加到。除左出面個雪櫃有啲罐裝飲品外，佢地都仲有好多款台式飲品。我試左杯冬瓜爆谷茶，嚟到個時我仲係度諗緊啲爆谷去晒邊，不過飲咗啖之後迷底就解開了。杯飲品除咗有冬瓜味之外，仲有焦糖爆谷嘅味道，其實都幾特別，不過甜咗少少姐。主食有3款揀：魔鬼雞煲，黃燜雞煲同卜卜蜆。因為有朋友唔食辣所以叫咗黃燜雞。佢地一開始上錯咗辣雞比我地，我地食咗一舊先發現，同職員講嗰時佢地都好好禮貌講唔好意思，仲好快速咁比返黃雞我地。不過試咗舊辣雞，好好食，下次會叫可以魔鬼雞食。個黃燜雞都好好食，啲雞好入味，肉又滑，啲汁又，好似有啲麵豉嘅味道(?)真係食唔出。串燒都有好多野選擇。開始個時唔個佢一串有幾多所以都寫1，然後發現1真係代表1舊(菜係

呢度分左兩款放題，$248多咗任食海鮮串燒，唔使諗我哋淨係叫咗貴啲嗰款，可以試多啲！普通串燒同海鮮串燒都有好多唔同類型，仲要有台式飲品任飲，邊食雞煲邊解辣！煲底可以叫卜卜硯或者雞煲，我哋揀咗雞煲，唔食得辣嘅朋友盡量唔好叫中辣，因為平時食開譚仔小辣嘅我哋都食到孖潤腸😂惡魔雞煲香辣惹味，雞件嫩滑新鮮，仲有得無限添食！🐣食完雞煲可以轉湯底，五款湯底提供選擇， 黃金南瓜海蜆湯、 蕃茄濃湯、四川麻辣湯、 芫茜皮蛋湯和自家清湯，我哋叫咗番茄湯。火鍋配料係出邊雪櫃任拎，出面嘅肉類老實講真係麻麻哋，所以我哋主打食菜同丸類不過呢個雪花分佈均勻既本地手切牛頸脊真係好抵讚，嫩滑有牛味。鍾意食海鮮嘅我哋叫咗好多海鮮串燒，生蠔扇貝等等，全部都用咗好多蒜蓉，勁正！總括而言，呢間真係好抵食，一個價錢就可以滿足晒多個願望。

中意打邊爐嘅我地又黎食雞煲！ 主要係因為知道呢度勁多選擇 想食咩就有咩 正正一開始先係食雞煲先 揀左少辣 但都好重手 勁惹味😱🤪 啲雞肉好林 亦都入味 吾洗10分鐘就比我地焚化晒 本身可以再加 但我地想留肚食其他 所以不了🤣 然後仲有個蜆鍋 新鮮好肉 不錯之後就轉個正常蕃茄湯底打邊爐 勁正係送左碟紅卜卜 好靚嘅手切牛頸脊 食落香牛味 仲幾彈口 另外行出去都有好多邊爐料可以拎 墨魚仔同鯇魚係我至愛最後一樣必須要提嘅係佢竟然有串燒可以點 燒好左熱辣辣拎黎食 好爽😋 有普通串燒或者海鮮串燒 最好味嘅係燒雞翼 好似落左少少五香粉咁 好惹味 食吾停呀大佬🤭 另外就係蒜蓉燒蠔 真係落左勁多蒜蓉😱成件事有幾個吾同step 所以keep住都好有新鮮感 表示欣賞

回到味來 (旺角).$188 半任食雞煲串燒火鍋.今次同自己屋企人同女朋友一起吃雞煲同卜卜蜆，五點到達已相當爆場，幸好早有訂座先吃一轉卜卜蜆，再吃惹味雞煲，雞件多肉又香，然後加水打邊爐，任食配料選擇非常之多！除咗有前菜小食炸魚皮，配料有大量種類嘅菜，娃娃菜生菜小白菜🥬 海量丸類，海膽丸芝心丸貢丸牛丸魚蛋，仲有好味嘅膽骨腩魚片！飲品有韓國hite啤酒，忌廉溝鮮奶，康師傅紅茶，烏龍茶，仲有即制沖製的台式飲料！串燒都係任食！ ——————————————-.📍 回到味來 (旺角)旺角彌敦道594-596號旺角新城3樓.—————————————————————-

回到味來 (旺角).⚜️$188 半任食雞煲串燒火鍋⚜️.好耐之前食過一次，記得個雞煲同火鍋配料都好精緻！ 今次黎發現原來佢做左任食，人流好暢旺！ 喜歡早食野嘅我完全唔介意食五點呢個Timeslot 仲好多啲時間消化😝 先食左個卜卜蜆煲先，好濃味！ 然後再食個雞煲，雞件濃味肉香，之後加水火鍋🍲最吸引嘅配料係脆骨魚片，好新鮮滾一陣已經好快食得(˶‾᷄ ⁻̫ ‾᷅˵) 個魚好薄好好食😋而且其他娃娃菜啊，丸類都係任食！ 選擇好多！ $188呢個同平日食$249價格一樣，所以連串燒都任食，我地仲可以海鮮串燒任食！飲品有啤酒🍻忌廉溝鮮奶，烏龍茶等任飲，仲有台式飲品任飲！.——————————————-環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️.📌 回到味來 (旺角)旺角彌敦道594-596號旺角新城3樓.—————————————————————-

星期三七點約咗朋友喺旺角食飯我已經一早book左枱去到門口見到有10個8個人在等～我地決定食$248的任食包括招牌惡魔雞煲卜卜硯煲火鍋本地手切牛頸脊一碟串燒任食，海鮮串燒任食任飲飲料雞煲叫左小辣，辣味都幾香而且雞肉入口好嫰，唔會鞋口牛肉入口好嫰，連平時對牛好有要求嘅朋友都覺得好吃串燒方面餐點餐紙上面嘅我地點都有出到， 唔會話賣哂👍我同朋友都好推介燒多春魚又有燒雞皮、墨魚咀、日本甜🍠 串燒是熱的！還有燒生蠔可以點！火鍋配料選擇很多

見到有間又有串燒又有邊爐又有雞煲，一次過食到咁多不同的野，就諗都唔諗入左去。雞煲，招牌雞煲，幾入味！小小辣。因為我的七點前入座，價錢再平啲。我地揀左$188的套餐先來雞煲，叫左bb辣，啲少少麻辣，雞件好香好入味，份量都好多。食完雞煲轉火鍋，揀左皮蛋芫茜湯，清清地，$188個套係送牛頸脊一碟！入口熔化，牛味香濃，另外自助吧有好多蔬菜盤同火鍋配料可無限添加，例如麵，烏冬，腸，各款丸，菜等等，一定岩你仲有任點串燒，雞牛豬丸多春魚，燒的火喉剛剛好，好入味，仲熱辣辣！飲品除左普通的，仲有任點台式飲品，超過二十幾種的台式飲品，大大杯！整體來講性高比好高，無論食物、飲品款式都好多，質素都好好。

秋風起又到左食雞煲嘅時間😋見呢間野好近公司，今日特登約左成班同事過黎食～由於有部份同事唔食得辣，所以我地一共叫左2個雞煲 ：招牌惡魔雞煲(辣)同黃燜雞煲(唔辣)。惡魔雞煲叫左小辣，嗜辣嘅我覺得未去到我心目中嘅標準，係有少少麻但唔夠香辣惹味，反而黃燜雞煲食落入味D，雞味更加突出。整體黎講雞件份量適中，但唔算好多肉。食完個雞煲就轉打邊爐，一共有八款主打湯底可供選擇，由於大家啱啱食完濃味野，都一致決定要最清嘅芫茜皮蛋湯。等緊個湯嘅時候叫D串燒食下，佢呢到D串燒係任食的，因為想留肚打邊爐所以淨係叫左幾款海鮮試下。全部貝殼類都鋪滿大量蒜泥，如果鍾意食蒜嘅應該會好滿足。之後就自助形式去攞火鍋配料，一邊係蔬菜類，另一邊主要係丸/餃子/腸仔類；肉嘅選擇比較少，只有一兜牛同一兜羊，同埋數量唔多，每次一出就被人搶曬，所以我地坐得比較遠嘅就唯有食菜同丸🙈好彩D菜都多選擇同新鮮，有南瓜蓮藕芋頭蘿蔔冬瓜雲耳等等，健康得黎都可以食到好飽。最後想講呢到嘅台式飲品比野食驚喜，本身抱住試伏嘅心態叫左個草莓奶昔，估唔到佢無論色澤、濃稠同味道都達標，可以翻兜👍🏻