國際咖哩館

營業中

休息中

早前約了朋友星期日食午飯，原本想食的那間，因星期日休息，朋友忽然想起這間食店，便立刻轉來這裡了。中午食飯時間，竟然一個人都無，雖然朋友說以前怎樣怎樣好味(現在很久沒有試過了)，但心中還是出現很多問題！看完餐牌，我們叫了一碟螺、咖喱雞連薄餅、燒羊肉。螺 - 大大隻，沒有什麼鮮味，但都幾有口感，朋友也說和以前相差很遠，可以說是不過不失吧。咖喱雞連薄餅 - 咖喱汁很稀，要了少辣都一d唔辣，雞肉又韌又唔入味，朋友還說有點開始變的味道，但可能咖喱汁的影響，我自已就唔多覺得。薄餅又凍又韌，可以說有幾差就有幾差，食了少許便放棄了。燒羊肉 - 燒得差不多有八成熟，可以想象到有幾韌，沒有羊肉味就一d都唔奇，但食到一陣怪味就實在沒有可能，本來想立刻叫侍應，但朋友唔想煩，就只好算數；事後回想，應該係食物開始變壞，所以燒得熟一點，希望可以[ 胡亂過關 ]，不用[ 白白浪費 ]，實在太過份。雖然我們叫了唔多食物，但這相是食餘下的食物(都有這麼多)，可以知道有幾差！食完唔夠一個鐘，我和朋友都先後要去洗手間，好在之後都沒有什麼事，真係一次就怕怕，以後都唔會再來。價錢一d都唔平，食物還要是變壞的，想通通腸胃，也是一個

其實我個個星期都會去呢間野食嘅,都係叫吓咖哩雞,咖哩牛腩咁(魚、羊,或乾炒類就少叫,魚真係好"海鮮"吓,次次唔同,羊就有時好似豬肉鬆咁碎,有時就牛腩咁大件...唔穩定,不過乾炒係唔錯,如果你捨得唔要個咖哩汁...).雖然好似好多唔同種類嘅咖哩,但係其實除左黑咖哩係唔同嘅之外,其他都係冇咩分別,都係巴基斯坦咖哩(同大埔"咖哩至尊"一樣,不過大埔呢間係冇咁香,差d).如果唔叫埋d古怪野,其實係幾好嘅(that's why我叫嚟叫去都係果幾樣).見有d人話活道果間"新國際咖哩館"同呢間所謂老鋪嘅是非,"新國際咖哩館"其實已結業,不過我想補充少少資料,人地當日(兩至三年前)點解分家,我唔知,應該都係"樓面"果班頂左老鋪,舊老闆就去左活道開左果間"新國際咖哩館"...個舊廚去左邊呢...依我從細個80年代食呢間野到今日,我信個舊廚最初應該係同舊老闆一齊過左去活道開左果間"新國際咖哩館".點解我咁講呢,因為兩年前咁上下,我去到老鋪(啱啱裝修好...actually係裝修好大半,而家呢個樣係已經細左),食落個味唔同左(少左份"中藥"feel),雞又"鞋",咁百思不得其解之下,有日我經個集成,望到"新

這一篇食評，獻給一位忠心的家庭成員，他就是在當夜離開的。已很久沒幫襯了，是日就來吃咖哩。可能是因為沒有套餐的原故，就算隔離左右幾多人都好，這裡也總可以找到位子。要了個北印羊，跟薄餅。這裡的北印咖哩是以蕃茄、洋蔥及蒜頭做底而煮成的，上面舖滿了炸香的洋蔥碎，聞起上來很香，吃起來也真不錯。可惜薄餅是又薄又硬的一類，如果可以是naan就一流了。見咖哩汁如此冶味，亦帶辣勁，立即變陣，要了一碟扣底的飯，吃個不亦樂乎！羊肉是羊腩的部份，炆得很軟腍，也不很羶。對於不羶的羊肉，我可也沒有所謂，因為不羶有不羶的吃法，何況羊肉之軟滑鬆化口感，是沒有什麼其他肉類可以媲美的。這個北印咖哩羊，除了味道不錯，也份量十足，雖然賣73蚊，不便宜，但二人分吃也絕對可以。可惜吃後覺得有點口渴，沒吃錯的話，應該是味精作怪。埋單連飲品一百零幾蚊，不便宜，但有水準的。

今天中午剛好同幾個同事做完JOB後經過灣仔大王東街, 眼看他們門口有著10多人輪候, 但心想在灣仔LUNCH時間要食好少少,等位是一定架啦,但行在去同事便告訴我, 這間咖喱館在前幾集"食到篤,問到篤"介紹過的, 看了價錢牌後還想試試 同事說要食出名既"... 黑羊... ",因為鄧健宏介紹過^_^, 而我就經著黑衫的那位員工介紹後,就點了一個"...干炒雞...", 另外一位同事點了"...東印牛腩", 再加一個"...炒雙花...". 試過後"黑羊"真是回味無窮, 點的是中辣, 我覺得辣度一點都不辣, 不會太辣而嘗不到羊肉既香味, 但當我食一會後, 那辣味便開始漫漫的透出來, 天啊......這咖喱竟然是像紅酒一樣有層次的,好野!!!! 而干炒雞也十分...應該用惹味黎形容,心想做咖喱既多數人應該用雪雞,但我還是嘗到一點雞的鮮味, 黑衫人聽到我跟同事說好味之際,佢剛剛在旁, 便用好滿意既語氣同我講,佢地係用新鮮雞黎烹咖喱的,有誠意!! 不過對我而言, 最驚喜的就是剛我們埋單想離開既時候, 我才發現原來我的左手面的客人竟然是.........大導演----杜其峰....

今晚一行四人試左國際咖哩館見到門外咁多雜誌介紹諗住無死點知...黑羊-- 好似好出名, 但咖哩味道真係好怪..又燶燶地咁, 結果成大碟野我地只係食左少少..東印雞-- 都几好味..但係放生洋蔥落去..好啃咖哩海鮮煲--成舊水一個海鮮煲, 入面放既係墨魚丸,几隻蝦,青口, 真係想開口問佢點解可以收咁貴..咖哩蝦--算係ok, 無乜特別總括黎講, e間係我食過咁多咖哩中,最貴而又最差既一間. 食完出門口我都反覆諗緊點解佢個黑咖哩有咁多雜誌介紹...

黑羊$73 - 即係黑咖哩, 無小辣, 最小都只有中辣, 食落都可以wo, 辣辣地, 幾適中, 唔會入唔到口. 而且一碟咖哩, 好大碟, 羊肉又大件, 肉質好淋, 好味. 其實黑咖哩係咩我都唔知, 味幾特別, 偏向有少少苦味, 食落幾好味ga!印度薄餅- 跟咖哩送, 兩件薄薄細細的, 顏色帶啡, 似係麥餅. 味道普通, 唔係即叫即做, 唔熱無薄飯香味. 太薄, 無食開一絲絲種口感. 唯一好處, 唔油!黃薑飯$20 - 超大碟! 好抵食. 黃薑飯帶少少甜味, 唔錯, 仲會加埋d提子, 少少酸咁, 而且d提子細細粒炒過, 好味呀. 沙嗲串燒雞$48/半打- 係串燒雞柳, 先用咖哩燒好, 沙嗲醬分開上. 幾新鮮好味, 再配有青瓜, 清清地, 加埋d沙嗲, 味道好match ga.叫得國際咖哩館, d 咖哩真係幾國際(即係好多款), 青紅黃黑白咖哩都有, 可惜餐牌無解釋每款咖哩, 所以都唔係好識叫. 服務就普通啦, 快手但無咩禮貌咁lor.

中午和朋友相聚，在灣仔地區午飯時間實在水洩不通，突然看到這裡有間頗空的餐\館，想也不想便衝進店內。看看餐\牌，才明白這裡為何中午時候還有吉位，價錢對於我這些學生哥來說實在已吃得下數餐\，但算了，反正已來到，便硬著頭皮點菜。所謂國際咖哩，但不論裝修抑或是餐\具，也是十分普通的，點了客隊長雞來吃，也不知道是甚麼來的，除了隊長雞，還有甚麼荷蘭雞，黑雞....等等。咖哩的確是比其他餐\廳煮得特別，椰味較重。但薯仔和雞的份量也較少，而且雞也是普通之貨。實在不明隊長雞之來意。

尋日一行五人去左呢間咖哩屋,叫左咖哩魚同牛,都幾好味,中辣已經頂唔順,連俱得辣0既朋友仔都話佢辣,好在無叫大辣,唔係唔使食.不過牛肉咖哩角同雜菜咖哩角,我地就研究左好耐都分辨唔到.d服務可以啦,因為我地都係水怪,佢地都有不停地幫我地fill水,幾好!!

去到灣仔,點知天下太平closed{係唔係執左??}入到去,.好懷舊啊.....點菜,得到一個劉華要同佢傾傾計的女侍應招待，問佢有咩唔同,「一樣架....無咩分別,」下.........................點哎.........是旦點左個雞同魚,不要提,無咩味加好鞋的雞.叫多個咖哩牛肉角,點知仲衰好懷念旺角咖哩大王......大埔咖哩大王都好過佢...................

唔知係唔係我地唔應該係「咖喱館」到叫沙爹，咁大個女都未食過咁有創意的「國際化」雞肉沙爹︰1. 無味的雞肉2. 外包咖喱粉3. 成條炸起4. 另配無味青瓜及又甜又稀不過唔香的「沙爹」醬咖喱魚皇飯也非常一般。不明白門口的外篇美食報導從何而來? 又，聽說外國人比較喜歡這間的「國際咖喱」，眼見也有數位外國人，是否其咖喱為外國人口味就不得而知。

聞名已久的國際咖喱館,星期六2:00之後去到,當我進入的時候,以為自己去錯地方,去了花園餐廳!因為職員的制服很似!點了三款菜:印烤雞(英文叫天多利雞),聞不出香料味,當然也吃不出.師傅還在雞上面炒了很多洋蔥,辣椒,還有些不知是什麼.味道可以,但始終是印度色好吃些.自創黑咖喱羊,樣子殊不討好,不夠香,吃不出原有的咖喱味!不知是甚麼味,但肯定有的是辣味.羊肉微酥,好吃!(只是羊肉)印度烤餅,不提也罷.我終於知道點解叫國際咖喱館.食物不是不好吃,但是沒有衝動叫我有下次.最後埋單竟然找少給我一百大元,好彩最後追得番.唉!不知是有心還是無意呢!

咖哩唔夠辣我提議大家叫的時候可以叫辣以上不過夠香夠滑配飯比配麵包抵食.....春卷真的不錯....環境幾靜其實位置就係維頓球場對面~好易搵!!

係呀! 呢度D 咖哩真係好好食呀! 上個禮拜有一日, 唔記得邊一日, 我同兩個同事, 原先想去"金鳳茶餐廳"飲佢嘅 Iceless凍奶茶, 但三個無方向感嘅 靚女, 行吓行吓都唔知行左去邊, 傻吓傻吓見有位就鐘左入去"國際咖喱館". We ordered:1/ "咖喱古X 牛": 牛展嚟 嫁, 又香又淋又入味. 正x102/ "咖喱椰汁雞": 唔夠牛展咁出色, 都好okay--> 兩種咖喱都香濃好味, 咖喱椰汁當然係無咁spicy 啦. Both are very yummy yummy. 之但係, 唔好揀附送嘅 普通薄餅, 真係太普通lu, 細細塊, 薄chic chic, 淡茂茂- no good, no good. 揀白飯啦! 唔計附送嘅 普通薄餅, 呢一餐有三個Thumbs Up !!!

一行三人到國際咖哩吃, 因為不太餓, 只叫了咖哩班腩,油蘇餅和印度烤餅, 咖哩好濃好香, 應該無味精的, 班腩應是急凍的, 但沒有雪味, 炸過才落咖哩汁煮, 雖然多骨, 但都好脆好美味~ 油蘇餅比印度烤餅好吃, 和咖哩好夾!灣仔區老牌咖哩館, 果然對板啊~~~

換了裝潢, 總覺得不及往日般古典, 少了傳統的專嚴, 變得像間茶餐廳...3行人點了干炒雞和椰汁魚. 干炒雞又滑又有雞味, 只是香料味不足. 個人較喜好淺水灣spicy house 的烤雞多一點. 椰汁魚則較一般, 要吃魚, 下次要叫干炒魚. 整體感覺, 現在是比裝修前差了點. 可能真如下文大大所說, 跟大廚另起爐灶走了有關.